Chapter 198

[English text for this chapter is available]

adhyāya || 198 ||
[Analyze grammar]

mārkaṇḍeya uvāca |
tato gacchenmahīpāla bhadrakālītisaṅgamam |
śūlatīrthamiti khyātaṃ svayaṃ devena nirmitam || 1 ||
[Analyze grammar]

pañcāyatanamadhye tu tiṣṭhate parameśvaraḥ |
śūlapāṇirmahādevaḥ sarvadevatapūjitaḥ || 2 ||
[Analyze grammar]

sa saṅgamo nṛpaśreṣṭha nityaṃ devairniṣevitaḥ |
darśanāttasya tīrthasya snānadānādviśeṣataḥ || 3 ||
[Analyze grammar]

daurbhāgyaṃ durnimittaṃ ca hyabhiśāpo nṛpagrahaḥ |
yadanyadduṣkṛtaṃ karma naśyate śaṅkaro'bravīt || 4 ||
[Analyze grammar]

yudhiṣṭhira uvāca |
kathaṃ śūleśvarī devī kathaṃ śūleśvaro haraḥ |
prathito narmadātīre etadvistarato vada || 5 ||
[Analyze grammar]

mārkaṇḍeya uvāca |
babhūva brāhmaṇaḥ kaścinmāṇḍavya iti viśrutaḥ |
vṛttimānsarvadharmajñaḥ satye tapasi ca sthitaḥ || 6 ||
[Analyze grammar]

aśokāśramamadhyastho vṛkṣamūle mahātapāḥ |
ūrdhvabāhurmahātejāstasthau maunavratānvitaḥ || 7 ||
[Analyze grammar]

tasya kālena mahatā tīvre tapasi vartataḥ |
tamāśramamanuprāptā dasyavo loptrahāriṇaḥ || 8 ||
[Analyze grammar]

anusarpyamāṇā bahubhiḥ puruṣairbharatarṣabha |
te tasyāvasathe loptraṃ nyadadhuḥ kurunandana || 9 ||
[Analyze grammar]

nidhāya ca tadā līnāstatraivāśramamaṇḍale |
teṣu līneṣvatho śīghraṃ tatastadrakṣiṇāṃ balam || 10 ||
[Analyze grammar]

ājagāma tato'paśyaṃstamṛṣiṃ taskarānugāḥ |
tamapṛcchaṃstadā vṛttaṃ rakṣiṇastaṃ tapodhanam || 11 ||
[Analyze grammar]

vada kena pathā yātā dasyavo dvijasattama |
tena gacchāmahe brahman yathā śīghrataraṃ vayam || 12 ||
[Analyze grammar]

tathā tu vacanaṃ teṣāṃ bruvatāṃ sa tapodhanaḥ |
na kiṃcidvacanaṃ rājannavadatsādhvasādhu vā || 13 ||
[Analyze grammar]

tataste rājapuruṣā vicinvantastamāśramam |
saṃyamyainaṃ tato rājñe sarvān dasyūnnyavedayan || 14 ||
[Analyze grammar]

taṃ rājā sahitaiścorairanvaśādvadhyatāmiti |
sambadhya taṃ ca tairrājañchūle proto mahātapāḥ || 15 ||
[Analyze grammar]

tataste śūlamāropya taṃ muniṃ rakṣiṇastadā |
pratijagmurmahīpāla dhanānyādāya tānyatha || 16 ||
[Analyze grammar]

śūlasthaḥ sa tu dharmātmā kālena mahatā tadā |
dhyāyandevaṃ trilokeśaṃ śaṅkaraṃ tamumāpatim || 17 ||
[Analyze grammar]

bahukālaṃ maheśānaṃ manasādhyāya saṃsthitaḥ |
nirāhāro'pi viprarṣirmaraṇaṃ nābhyapadyata || 18 ||
[Analyze grammar]

dhārayāmāsa viprāṇāmṛṣabhaḥ sa hṛdā harim |
śūlāgre tapyamānena tapastena kṛtaṃ tadā || 19 ||
[Analyze grammar]

santāpaṃ paramaṃ jagmuḥ śrutvaitanmunayo'khilāḥ |
te rātrau śakunā bhūtvā saṃnyavartanta bhārata || 20 ||
[Analyze grammar]

darśayanto muneḥ śaktiṃ tamapṛcchan dvijottamam |
śrotumicchāma te brahman kiṃ pāpaṃ kṛtavānasi || 21 ||
[Analyze grammar]

śrīmārkaṇḍeya uvāca |
tataḥ sa muniśārdūlastānuvāca tapodhanān |
doṣataḥ kiṃ gamiṣyāmi na hi me'nyo parādhyati || 22 ||
[Analyze grammar]

evamuktvā tataḥ sarvānācacakṣe tato muniḥ |
munayaśca tato rājñe dvitīye'hni nyavedayan || 23 ||
[Analyze grammar]

rājā tu tamṛṣiṃ śrutvā niṣkrāntaḥ saha bandhubhiḥ |
prasādayāmāsa tadā śūlasthamṛṣisattamam || 24 ||
[Analyze grammar]

rājovāca |
yanmayā'pakṛtaṃ tāta tavājñānavaśādbahu |
prasādaye tvāṃ tatrāhaṃ na me tvaṃ kroddhumarhasi || 25 ||
[Analyze grammar]

evamuktastato rājñā prasādamakaronmuniḥ |
kṛtaprasādaṃ rājā taṃ tataḥ samavatārayat || 26 ||
[Analyze grammar]

avatīryamāṇastu muniḥ śūle māṃsatvamāgate |
atisaṃpīḍito vipraḥ śaṅkaraṃ manasāgamat || 27 ||
[Analyze grammar]

saṃdhyātaḥ śaṅkarastena bahukālopavāsataḥ |
prādurbhūto mahādevaḥ śūlaṃ tasya tathāchinat || 28 ||
[Analyze grammar]

śūlamūlasthitaḥ śambhustuṣṭaḥ prāha punaḥpunaḥ |
brūhi kiṃ kriyatāṃ vipra sattvasthānaparāyaṇa || 29 ||
[Analyze grammar]

adeyamapi dāsyāmi tuṣṭo'smyadyomayā saha |
kiṃ tu satyavatāṃ loke siddhirna syācca bhūyasī || 30 ||
[Analyze grammar]

svakarmaṇo'nurūpaṃ hi phalaṃ bhuñjanti jantavaḥ |
śubhena karmaṇā bhūtirduḥkhaṃ syātpātakena tu || 31 ||
[Analyze grammar]

bahubhedaprabhinnaṃ tu manuṣyeṣu vipacyate |
keṣāṃ daridrabhāvena keṣāṃ dhanavipattijam || 32 ||
[Analyze grammar]

santatyabhāvajaṃ keṣāṃ keṣāṃcittadviparyayaḥ |
tathā durvṛttitasteṣāṃ phalamāvirbhavennṛṇām || 33 ||
[Analyze grammar]

keṣāṃcitputramaraṇe viyogātpriyamitrayoḥ |
rājacaurāgnitaḥ keṣāṃ duḥkhaṃ syāddaivanirmitam || 34 ||
[Analyze grammar]

taccharīre tu keṣāṃcitkarmaṇā sampradṛśyate |
jarāśca vividhāḥ keṣāṃ dṛśyante vyādhayastathā || 35 ||
[Analyze grammar]

dṛśyante cābhiśāpāśca pūrvakarmānusaṃcitāḥ |
kaṣṭāḥ kaṣṭatarāvasthā gatāḥ kecidanāgasaḥ || 36 ||
[Analyze grammar]

pūrvakarmavipākena dharmeṇa tapasi sthitāḥ |
dāntāḥ svadāraniratā bhūridāḥ paripūjakāḥ || 37 ||
[Analyze grammar]

hrīmanto nayasaṃyuktā anye bahuguṇairyutāḥ |
durgamāmāpadaṃ prāpya nijakarmasamudbhavām || 38 ||
[Analyze grammar]

na saṃjvaranti ye martyā dharmanindāṃ na kurvate |
idameva tapo matvā kṣipanti suvicetasaḥ || 39 ||
[Analyze grammar]

hā bhrātarmātaḥ putreti kaṣṭeṣu na vadanti ye |
smaranti māṃ maheśānamathavā puṣkarekṣaṇam || 40 ||
[Analyze grammar]

duṣkṛtaṃ pūrvajaṃ bhoktuṃ dhruvaṃ tadupaśāmyati || 41 ||
[Analyze grammar]

dināni yāvanti vasetsa kaṣṭe yathākṛtaṃ cintayaddevamīśam |
tāvanti saumyāni kṛtāni tena bhavanti vipra śrutinodanaiṣā || 42 ||
[Analyze grammar]

yasmāttvayā kaṣṭagatena nityaṃ smṛtaścāhaṃ manasā pūjitaśca |
gaurīsahāyastena ihāgato'smi brūhyadya kṛtyaṃ kriyatāṃ kiṃ nu vipra || 43 ||
[Analyze grammar]

māṇḍavya uvāca |
tuṣṭo yadyumayā sārdhaṃ varado yadi śaṅkara |
tadā me śūlasaṃsthasya saṃśayaṃ paramaṃ vada || 44 ||
[Analyze grammar]

na rujā mama kāpi syācchūlasaṃprotite'gake |
amṛtasrāvi tacchūlaṃ prabhāvātkasya śaṃsa me || 45 ||
[Analyze grammar]

śrīśūlapāṇiruvāca |
śūlasthena tvayā vipra manasā cintito'smi yat |
anayānāṃ nihantāhaṃ duḥkhānāṃ vinibarhaṇaḥ || 46 ||
[Analyze grammar]

dhyātamātro hyahaṃ vipra pātāle vāpi saṃsthitaḥ |
śūlamūle tvahaṃ śambhuragre devī svayaṃ sthitā |
jaganmātāmbikā devī tvāmṛtenānvapūrayat || 47 ||
[Analyze grammar]

māṇḍavya uvāca |
pūrvameva sthito yasmācchūlaṃ vyāpyomayā saha |
prasādapravaṇo mahyamidānīṃ cānayā saha || 48 ||
[Analyze grammar]

yasyāḥ saṃsmaraṇādeva daurbhāgyaṃ pralayaṃ vrajet |
na daurbhāgyātparaṃ loke duḥkhādduḥkhataraṃ kila || 49 ||
[Analyze grammar]

kilaivaṃ śrūyate gāthā purāṇeṣu surottama |
trailokyaṃ dahatastubhyaṃ saubhāgyamekatāṃ gatam || 50 ||
[Analyze grammar]

viṣṇorvakṣaḥsthalaṃ prāpya tatsthitaṃ ceti naḥ śrutam |
pītaṃ tadvakṣasastrastadakṣeṇa parameṣṭhinā || 51 ||
[Analyze grammar]

tasmātsatīti saṃjajña iyamindīvarekṣaṇā |
yajatastasya deveśa tava mānāvakhaṇḍanāt || 52 ||
[Analyze grammar]

juhāvāgnau tu sā devī hyātmānaṃ prāṇasaṃjñikam |
ātmānaṃ bhasmasātkṛtvā prāleyādrestataḥ sutā || 53 ||
[Analyze grammar]

menakāyāṃ prabho jātā sāmprataṃ yā hyumābhidhā |
anādinidhanā devī hyapratarkyā sureśvara || 54 ||
[Analyze grammar]

yadi tuṣṭo'si deveśa hyumā me varadā yadi |
ubhāvapyatra vai sthāne sthitau śūlāgramūlayoḥ || 55 ||
[Analyze grammar]

avatāro yatra tatra saṃsthitiṃ vai tataḥ kuru || 56 ||
[Analyze grammar]

śrīmārkaṇḍeya uvāca |
tenaivamukte sahasā kṛtvā bhūmaṇḍalaṃ dvidhā |
niḥsṛtau śūlamūlāgrālliṅgārcāpratirūpiṇau || 57 ||
[Analyze grammar]

pradyotayaddiśaḥ sarvā liṅgaṃ mūle pradṛśyate |
vāmataḥ pratimā devī tadā śūleśvarī sthitā || 58 ||
[Analyze grammar]

vilobhayantī ca jagadbhāti pūrayatī diśaḥ |
dṛṣṭvā kṛtāñjalipuṭaḥ stutiṃ cakre dvijottamaḥ || 59 ||
[Analyze grammar]

māṇḍavya uvāca |
tvamasya jagato mātā jagatsaubhāgyadevatā |
na tvayā rahitaṃ kiṃcidbrahmāṇḍe'sti varānane || 60 ||
[Analyze grammar]

prasādaṃ kuru dharmajñe mama tvājñaptumarhasi |
īdṛśenaiva rūpeṇa keṣu sthāneṣu tiṣṭhasi |
prasādapravaṇā bhūtvā vada tāni maheśvari || 61 ||
[Analyze grammar]

śrīdevyuvāca |
sarvagā sarvabhūteṣu draṣṭavyā sarvato bhuvi |
sarvalokeṣu yatkiṃcidvihitaṃ na mayā vinā || 62 ||
[Analyze grammar]

tathāpi yeṣu sthāneṣu draṣṭavyā siddhimīpsubhiḥ |
smartavyā bhūtikāmena tāni vakṣyāmi tattvataḥ || 63 ||
[Analyze grammar]

vārāṇasyāṃ viśālākṣī naimiṣe liṅgadhāriṇī |
prayāge lalitā devī kāmukā gandhamādane || 64 ||
[Analyze grammar]

mānase kumudā nāma viśvakāyā tathā'pare |
gomante gomatī nāma mandare kāmacāriṇī || 65 ||
[Analyze grammar]

madotkaṭā caitrarathe hayantī hāstine pure |
kānyakubje sthitā gaurī rambhā hyamalaparvate || 66 ||
[Analyze grammar]

ekāmrake kīrtimatī viśvāṃ viśveśvare viduḥ |
puṣkare puruhūtā ca kedāre mārgadāyinī || 67 ||
[Analyze grammar]

nandā himavataḥ prasthe gokarṇe bhadrakarṇikā |
sthāneśvare bhavānī tu bilvake bilvapattrikā || 68 ||
[Analyze grammar]

śrīśaile mādhavī nāma bhadre bhadreśvarīti ca |
jayā varāhaśaile tu kamalā kamalālaye || 69 ||
[Analyze grammar]

rudrakoṭyāṃ tu kalyāṇī kālī kālañjare tathā |
mahāliṅge tu kapilā mākoṭe mukuṭeśvarī || 70 ||
[Analyze grammar]

śāligrāme mahādevī śivaliṅge jalapriyā |
māyāpuryāṃ kumārī tu saṃtāne lalitā tathā || 71 ||
[Analyze grammar]

utpalākṣī sahasrākṣe hiraṇyākṣe mahotpalā |
gayāyāṃ vimalā nāma maṅgalā puruṣottame || 72 ||
[Analyze grammar]

vipāśāyāmamoghākṣī pāṭalā puṇḍravardhane |
nārāyaṇī supārśve tu trikūṭe bhadrasundarī || 73 ||
[Analyze grammar]

vipule vipulā nāma kalyāṇī malayācale |
koṭavī koṭitīrtheṣu sugandhā gandhamādane || 74 ||
[Analyze grammar]

godāśrame trisandhyā tu gaṅgādvāre ratipriyā |
śivacaṇḍe sabhānandā nandinī devikātaṭe || 75 ||
[Analyze grammar]

rukmiṇī dvāravatyāṃ tu rādhā vṛndāvane vane |
devakī mathurāyāṃ tu pātāle parameśvarī || 76 ||
[Analyze grammar]

citrakūṭe tathā sītā vindhye vindhyanivāsinī |
sahyādrāvekavīrā tu hariścandre tu caṇḍikā || 77 ||
[Analyze grammar]

ramaṇā rāmatīrthe tu yamunāyāṃ mṛgāvatī |
karavīre mahālakṣmī rūpādevī vināyake || 78 ||
[Analyze grammar]

ārogyā vaidyanāthe tu mahākāle maheśvarī |
abhayetyuṣṇatīrthe tu mṛgī vā vindhyakandare || 79 ||
[Analyze grammar]

māṇḍavye māṇḍukī nāma svāhā māheśvare pure |
chāgaliṅge pracaṇḍā tu caṇḍikāmarakaṇṭake || 80 ||
[Analyze grammar]

someśvare varārohā prabhāse puṣkarāvatī |
vedamātā sarasvatyāṃ pārā pārātaṭe mune || 81 ||
[Analyze grammar]

mahālaye mahābhāgā payoṣṇyāṃ piṅgaleśvarī |
siṃhikā kṛtaśauce tu kartike caiva śāṃkarī || 82 ||
[Analyze grammar]

utpalāvartake lolā subhadrā śoṇasaṅgame |
matā siddhavaṭe lakṣmīstaraṃgā bhāratāśrame || 83 ||
[Analyze grammar]

jālandhare viśvamukhī tārā kiṣkindhaparvate |
devadāruvane puṣṭirmedhā kāśmīramaṇḍale || 84 ||
[Analyze grammar]

bhīmādevī himādrau tu puṣṭirvastreśvare tathā |
kapālamocane śuddhirmātā kāyāvarohaṇe || 85 ||
[Analyze grammar]

śaṅkhoddhāre dhvanirnāma dhṛtiḥ piṇḍārake tathā |
kālā tu candrabhāgāyāmacchode śaktidhāriṇī || 86 ||
[Analyze grammar]

veṇāyāmamṛtā nāma badaryāmurvaśī tathā |
oṣadhī cottarakurau kuśadvīpe kuśodakā || 87 ||
[Analyze grammar]

manmathā hemakūṭe tu kumude satyavādinī |
aśvatthe vandinīkā tu nidhirvaiśravaṇālaye || 88 ||
[Analyze grammar]

gāyatrī vedavadane pārvatī śivasannidhau |
devaloke tathendrāṇī brahmāsye tu sarasvatī || 89 ||
[Analyze grammar]

sūryabimbe prabhā nāma mātṝṇāṃ vaiṣṇavī matā |
arundhatī satīnāṃ tu rāmāsu ca tilottamā || 90 ||
[Analyze grammar]

citre brahmakalā nāma śaktiḥ sarvaśarīriṇām |
śūleśvarī bhṛgukṣetre bhṛgau saubhāgyasundarī || 91 ||
[Analyze grammar]

etaduddeśataḥ proktaṃ nāmāṣṭaśatamuttamam |
aṣṭottaraṃ ca tīrthānāṃ śatametadudāhṛtam || 92 ||
[Analyze grammar]

idameva paraṃ vipra sarveṣāṃ tu bhaviṣyati |
paṭhatyaṣṭottaraśataṃ nāmnāṃ yaḥ śivasannidhau || 93 ||
[Analyze grammar]

sa mucyate naraḥ pāpaiḥ prāpnoti striyamīpsitām |
snātvā nārī tṛtīyāyāṃ māṃ samabhyarcya bhaktitaḥ || 94 ||
[Analyze grammar]

na sā syādduḥkhinī jātu matprabhāvānnarottama |
nityaṃ maddarśane nārī niyatāyā bhaviṣyati || 95 ||
[Analyze grammar]

patiputrakṛtaṃ duḥkhaṃ na sā prāpsyati karhicit |
madālaye tu yā nārī tulāpuruṣasaṃjñitam || 96 ||
[Analyze grammar]

sampūjya maṇḍayeddevāṃllokapālāṃśca sāgnikān |
sapatnīkāndvijānpūjya vāsobhirbhūṣaṇaistathā || 97 ||
[Analyze grammar]

bhūtebhyastu baliṃ dadyādṛtvigbhiḥ saha deśikaḥ |
tataḥ pradakṣiṇīkṛtya tulāmityabhimantrayet || 98 ||
[Analyze grammar]

śuciraktāmbaro vā syādgṛhītvā kusumāñjalim |
namaste sarvadevānāṃ śaktistvaṃ paramā sthitā || 99 ||
[Analyze grammar]

sākṣibhūtā jagaddhātrī nirmitā viśvayoninā |
tvaṃ tule sarvabhūtānāṃ pramāṇamiha kīrtitā || 100 ||
[Analyze grammar]

karābhyāṃ baddhamuṣṭibhyāmāste paśyannumāmukham |
tato'pare tulābhāgenyaseyurdvijapuṃgavāḥ || 101 ||
[Analyze grammar]

dravyamaṣṭavidhaṃ tatra hyātmavittānusārataḥ |
mandaśabhūte viprendra pṛthivyāṃ yadadhiṣṭhitam || 102 ||
[Analyze grammar]

suvarṇaṃ caiva niṣpāvāṃstathā rājikusumbhakam |
tṛṇarājendulavaṇaṃ kuṅkumaṃ tu tathāṣṭamam || 103 ||
[Analyze grammar]

eṣāmekatamaṃ kuryādyathā vittānusārataḥ |
sāmyādabhyadhikaṃ yāvatkāñcanādi bhaveddvija || 104 ||
[Analyze grammar]

tāvattiṣṭhennaro nārī paścādidamudīrayet |
namo namaste lalite tulāpuruṣasaṃjñite || 105 ||
[Analyze grammar]

tvamume tārayasvāsmānasmātsaṃsārakardamāt |
tato'vatīrya murave pūrvamarddhaṃ nivedayet || 106 ||
[Analyze grammar]

ṛtvigbhyo'paramarddhaṃ ca dadyādudakapūrvakam |
tebhyo labdhā tato'nujñāṃ dadyādanyeṣu cārthiṣu || 107 ||
[Analyze grammar]

sapatnīkaṃ guruṃ raktavāsasī paridhāpayet |
anyāṃśca ṛtvijaḥ śaktyā guruṃ keyūrakaṅkaṇaiḥ || 108 ||
[Analyze grammar]

śuklāṃ gāṃ kṣīriṇīṃ dadyāllalitā prīyatāmiti |
anena vidhinā yā tu kuryānnārī mamālaye || 109 ||
[Analyze grammar]

mattulyā sā bhavedrājñāṃ tejasā śrīrivāmalā |
sāvitrīva ca saundarye janmāni daśa pañca ca || 110 ||
[Analyze grammar]

śrīmārkaṇḍeya uvāca |
evaṃ niśamya vacanaṃ gauryā dvijavarottamaḥ |
namaskṛtya jagāmāśu dharmarāja niveśanam || 111 ||
[Analyze grammar]

tadā prabhṛti tattīrthaṃ khyātaṃ śūleśvarīti ca |
tasmiṃstīrthe tu yaḥ snātvā tarpayetpitṛdevatāḥ || 112 ||
[Analyze grammar]

brāhmaṇānannavāsobhiḥ piṇḍaiḥ pitṛpitāmahān |
bhaktopahārairdeveśamumayā saha śaṅkaraṃ || 113 ||
[Analyze grammar]

dhūpagugguladānaiśca dīpadānaiḥ subodhitaiḥ |
sarvapāpavinirmuktaḥ sa gacchecchivasannidhim || 114 ||
[Analyze grammar]

tasmiṃstīrthe tu yaḥ kaścidabhiyukto nareśvara |
ambhiśāpi tathā snātastridinaṃ mucyate naraḥ || 115 ||
[Analyze grammar]

kṛṣṇapakṣe caturdaśyāṃ rātrau jāgarti yo naraḥ |
upavāsaparaḥ śuddhaḥ śivaṃ sampūjayennaraḥ |
pramucya pāpasaṃmohaṃ rudralokaṃ sa gacchati || 116 ||
[Analyze grammar]

trinetraśca caturbāhuḥ sākṣādrudro'paraḥ |
krīḍate devakanyābhiryāvaccandrārkatārakam || 117 ||
[Analyze grammar]