Chapter 192

[English text for this chapter is available]

adhyāya || 192 ||
[Analyze grammar]

mārkaṇḍeya uvāca |
tasyaivānantaraṃ tāta devatīrthamanuttamam |
dṛṣṭvā tu śrīpatiṃ pāpairmucyate mānavo bhuvi || 1 ||
[Analyze grammar]

maharṣestasya jāmātā bhṛgordevo janārdanaḥ || 2 ||
[Analyze grammar]

yudhiṣṭhira uvāca |
ko'yaṃ śriyaḥ patirdevo devānāmadhipo vibhuḥ |
kathaṃ janmābhavattasya deveṣu triṣu vā mune || 3 ||
[Analyze grammar]

sambandhī ca kathaṃ jāto bhṛguṇā saha keśavaḥ |
etadvistarato brahman vaktumarhasi bhārgava || 4 ||
[Analyze grammar]

mārkaṇḍeya uvāca |
saṃkṣepātkathayiṣyāmi sādhyasya caritaṃ mahat |
na hi vistarato vaktuṃ śaktāḥ sarve maharṣayaḥ || 5 ||
[Analyze grammar]

nārāyaṇasya nābhyabjājjāto devaścaturmukhaḥ |
tasya dakṣo'ṅgajo rājan dakṣiṇāṅguṣṭhasambhavaḥ || 6 ||
[Analyze grammar]

dharmaḥ stanāntātsaṃjātastasya putro'bhavatkila |
nārāyaṇasahāyo'sāvajo'pi bharatarṣabha || 7 ||
[Analyze grammar]

marutvatī vasurjñānā lambā bhānumatī satī |
saṃkalpā ca muhūrtā ca sādhyā viśvāvatī kakup || 8 ||
[Analyze grammar]

dharmapatnyo daśaivaitā dākṣāyaṇyo mahāprabhāḥ |
tāsāṃ sādhyā mahābhāgā putrānajanayannṛpa || 9 ||
[Analyze grammar]

naro nārāyaṇaścaiva hariḥ kṛṣṇastathaiva ca |
viṣṇoraṃśāṃśakā hyete catvāro dharmasūnavaḥ || 10 ||
[Analyze grammar]

tathā nārāyaṇanarau gandhamādanaparvate |
ātmanyātmānamādhāya tepatuḥ paramaṃ tapaḥ || 11 ||
[Analyze grammar]

dhyāyamānāvanaupamyaṃ svaṃ kāraṇamakāraṇam |
vāsudevamanirdeśyamapratarkyamanantaram || 12 ||
[Analyze grammar]

yogayuktau mahātmānāvāsthitāvurutāpasau |
tayostapaḥprabhāveṇa na tatāpa divākaraḥ || 13 ||
[Analyze grammar]

vavāha śaṅkito vāyuḥ sukhasparśo hyaśaṅkitaḥ |
śiśiro'bhavadatyarthaṃ jvalannapi vibhāvasuḥ || 14 ||
[Analyze grammar]

siṃhavyāghrādayaḥ saumyāśceruḥ saha mṛgairgirau |
tayorgauriva bhārārtā pṛthivī pṛthivīpate || 15 ||
[Analyze grammar]

ceruśca bhūdharāścaiva cukṣubhe ca mahodadhiḥ |
devāśca sveṣu dhiṣṇyeṣu niṣprabheṣu hataprabhāḥ |
babhūvuravanīpāla paramaṃ kṣobhamāgatāḥ || 16 ||
[Analyze grammar]

devarājastathā śakraḥ saṃtaptastapasā tayoḥ |
yuyojāpsarasastatra tayorvighnacikīrṣayā || 17 ||
[Analyze grammar]

indra uvāca |
rambhe tilottame kubje ghṛtāci lalite śubhe |
pramloce subhru sumloce saurabheyi mahoddhate || 18 ||
[Analyze grammar]

alambuṣe miśrakeśi puṇḍarīke varūthini |
vilokanīyaṃ bibhrāṇā vapurmanmathabodhanam || 19 ||
[Analyze grammar]

gandhamādanamāsādya kurudhvaṃ vacanaṃ mama |
naranārāyaṇau tatra tapodīkṣānvitau dvijau || 20 ||
[Analyze grammar]

tepāte dharmatanayau tapaḥ paramaduścaram |
tāvasmākaṃ varārohāḥ kurvāṇau paramaṃ tapaḥ || 21 ||
[Analyze grammar]

karmātiśayaduḥkhārtipradāvāyatināśanau |
tadgacchata na bhīḥ kāryā bhavatībhiridaṃ vacaḥ || 22 ||
[Analyze grammar]

smaraḥ sahāyo bhavitā vasantaśca varāṅganāḥ |
rūpaṃ vayaḥ samālokya madanoddīpanaṃ param |
kandarpavaśamabhyeti vivaśaḥ ko na mānavaḥ || 23 ||
[Analyze grammar]

mārkaṇḍeya uvāca |
ityuktvā devarājena madanena samaṃ tadā |
jagmurapsarasaḥ sarvā vasantaśca mahīpate || 24 ||
[Analyze grammar]

gandhamādanamāsādya puṃskokilakulākulam |
cacāra mādhavo ramyaṃ protphullavanapādapam || 25 ||
[Analyze grammar]

pravavau dakṣiṇāśāyāṃ malayānugato'nilaḥ |
bhṛṅgamālārutaravai ramaṇīyamabhūdvanam || 26 ||
[Analyze grammar]

gandhaśca surabhiḥ sadyo vanarājisamudbhavaḥ |
kinnaroragayakṣāṇāṃ babhūva ghrāṇatarpaṇaḥ || 27 ||
[Analyze grammar]

varāṅganāśca tāḥ sarvā naranārāyaṇāvṛṣī |
vilobhayitumārabdhā vāgaṅgalalitasmitaiḥ || 28 ||
[Analyze grammar]

jagau manoharaṃ kācinnanarta tatra cāpsarāḥ |
avādayattathaivānyā manoharataraṃ nṛpa || 29 ||
[Analyze grammar]

hāvairbhāvaiḥ sṛtairhāsyaistathānyā valgubhāṣitaiḥ |
tayoḥ kṣobhāya tanvaṅgyaścakrurudyamamaṅganāḥ || 30 ||
[Analyze grammar]

tathāpi na tayoḥ kaścinmanasaḥ pṛthivīpate |
vikāro'bhavadadhyātmapārasamprāptacetasoḥ || 31 ||
[Analyze grammar]

nivātasthau yathā dīpāvakampau nṛpa tiṣṭhataḥ |
vāsudevārpaṇasvasthe tathaiva manasī tayoḥ || 32 ||
[Analyze grammar]

pūryamāṇo'pi cāmbhobhirbhuvamanyāṃ mahodadhiḥ |
yathā na yāti saṃkṣobhaṃ tathā tanmānasaṃ kvacit || 33 ||
[Analyze grammar]

sarvabhūtahitaṃ brahma vāsudevamayaṃ param |
manyamānau na rāgasya dveṣasya ca vaśaṃgatau || 34 ||
[Analyze grammar]

smaro'pi na śaśākātha praveṣṭuṃ hṛdayaṃ tayoḥ |
vidyāmayaṃ dīpayutamandhakāra ivālayam || 35 ||
[Analyze grammar]

puṣpojjvalāṃstaruvarān vasantaṃ dakṣiṇānilam |
tāścaivāpsarasaḥ sarvāḥ kandarpaṃ ca mahāmunī || 36 ||
[Analyze grammar]

yaccārabdhaṃ tapastābhyāmātmānaṃ gandhamādanam |
dadarśāte'khilaṃ rūpaṃ brahmaṇaḥ puruṣarṣabha || 37 ||
[Analyze grammar]

dāhāya nāmalo vahnernāpaḥ kledāya cāmbhasaḥ |
taddravyameva taddravyavikārāya na vai yataḥ || 38 ||
[Analyze grammar]

tato vijñāya vijñāya paraṃ brahma svarūpataḥ |
madhukandarpayoṣitsu vikāro nābhavattayoḥ || 39 ||
[Analyze grammar]

tato gurutaraṃ yatnaṃ vasantamadanau nṛpa |
cakrāte tāśca tanvaṅgyastatkṣobhāya punaḥpunaḥ || 40 ||
[Analyze grammar]

atha nārāyaṇo dhairyaṃ saṃdhāyodīrṇamānasaḥ |
ūrorutpādayāmāsa varāṅgīmabalāṃ tadā || 41 ||
[Analyze grammar]

trailokyasundarīratnamaśeṣamavanīpate |
guṇairlāghavamabhyeti yasyāḥ saṃdarśanādanu || 42 ||
[Analyze grammar]

tāṃ vilokya mahīpāla cakampe manasānilaḥ |
vasanto vismayaṃ yātaḥ smaraḥ sasmāra kiṃcana || 43 ||
[Analyze grammar]

rambhātilottamādyāśca vailakṣyaṃ devayoṣitaḥ |
na rejuravanīpāla tallakṣyahṛdayekṣaṇāḥ || 44 ||
[Analyze grammar]

tataḥ kāmo vasantaśca pārthivāpsarasaśca tāḥ |
praṇamya bhagavantau tau tuṣṭuvurmunisattamau || 45 ||
[Analyze grammar]

vasantakāmāpsarasa ūcuḥ |
prasīdatu jagaddhātā yasya devasya māyayā |
mohitāḥ sma vijānīmo nāntaraṃ vidyate dvayoḥ || 46 ||
[Analyze grammar]

prasīdatu sa vāṃ devo yasya rūpamidaṃ dvidhā |
dhāmabhūtasya lokānāmanāderapratiṣṭhataḥ || 47 ||
[Analyze grammar]

naranārāyaṇau devau śaṅkhacakrāyudhāvubhau |
āstāṃ prasādasumukhāvasmākamaparādhinām || 48 ||
[Analyze grammar]

nidhānaṃ sarvavidyānāṃ sarvapāpavanānalaḥ |
nārāyaṇo'to bhagavān sarvapāpaṃ vyapohatu || 49 ||
[Analyze grammar]

śārṅgacihnāyudhaḥ śrīmānātmajñānamayo'naghaḥ |
naraḥ samastapāpāni hatātmā sarvadehinām || 50 ||
[Analyze grammar]

jaṭākalāpabaddho'yamanayornaḥ kṣamāvatoḥ |
saumyāsyadṛṣṭiḥ pāpāni hantuṃ janmārjitāni vai || 51 ||
[Analyze grammar]

tathātmavidyādoṣeṇa yo'parādhaḥ kṛto mahān |
trailokyavandyau yau nāthau vilobhayitumāgatāḥ || 52 ||
[Analyze grammar]

prasīda deva vijñānadhana mūḍhadṛśāmiva |
bhavanti santaḥ satataṃ svadharmaparipālakāḥ || 53 ||
[Analyze grammar]

dṛṣṭvaitannaḥ samutpannaṃ yathā strīratnamuttamam |
tvayi nārāyaṇotpannā śreṣṭhā pāravatī matiḥ || 54 ||
[Analyze grammar]

tena satyena satyātmanparamātmansanātana |
nārāyaṇa prasīdeśa sarvalokaparāyaṇa || 55 ||
[Analyze grammar]

prasannabuddhe śāntātmanprasannavadanekṣaṇa |
prasīda yogināmīśa nara sarvagatācyuta || 56 ||
[Analyze grammar]

namasyāmo naraṃ devaṃ tathā nārāyaṇaṃ harim |
namo narāya namyāya namo nārāyaṇāya ca || 57 ||
[Analyze grammar]

prasannānāmanāthānāṃ tathā nāthavatāṃ prabho |
śaṃ karotu naro'smākaṃ śaṃ nārāyaṇa dehi naḥ || 58 ||
[Analyze grammar]

mārkaṇḍeya uvāca |
evamabhyarcitaḥ stutyā rāgadveṣādivarjitaḥ |
prāheśaḥ sarvabhūtānāṃ madhye nārāyaṇo nṛpa || 59 ||
[Analyze grammar]

nārāyaṇa uvāca |
svāgataṃ mādhave kāme bhavatvapsarasāmapi |
yatkāryamāgatānāṃ ca ihāsmābhistaducyatām || 60 ||
[Analyze grammar]

yūyaṃ saṃsiddhaye nūnamasmākaṃ balaśatruṇā |
saṃpreṣitāstato'smākaṃ nṛtyayogādidarśanam || 61 ||
[Analyze grammar]

na vayaṃ gītanṛtyena nāṅgaceṣṭādibhāṣitaiḥ |
lubdhā vai viṣayairmanye viṣayā dāruṇātmakāḥ || 62 ||
[Analyze grammar]

śabdādisaṅgaduṣṭāni yadā nākṣāṇi naḥ śubhāḥ |
tadā nṛtyādayo bhāvāḥ kathaṃ lobhapradāyinaḥ || 63 ||
[Analyze grammar]

te siddhāḥ sma na vai sādhyā bhavatīnāṃ smarasya ca |
mādhavasya ca śākro'pi svāsthyaṃ yātvaviśaṅkitāḥ || 64 ||
[Analyze grammar]

yo'sau paraśca paramaḥ puruṣaḥ parameśvaraḥ |
paramātmā samastasya sthāvarasya carasya ca || 65 ||
[Analyze grammar]

utpattiheturete ca yasminsarvaṃ pralīyate |
sarvāvāsīti devatvādvāsudevetyudāhṛtaḥ || 66 ||
[Analyze grammar]

vayamaṃśāṃśakāstasya caturvyūhasya māninaḥ |
tadādeśitavārtmānau jagadbodhāya dehinām || 67 ||
[Analyze grammar]

tatsarvabhūtaṃ sarveśaṃ sarvatra samadarśinam |
kutaḥ paśyantau rāgādīnkariṣyāmo vibhedinaḥ || 68 ||
[Analyze grammar]

vasante mayi cendre ca bhavatīṣu tathā smare |
yadā sa eva bhūtātmā tadā dveṣādayaḥ katham || 69 ||
[Analyze grammar]

tanmayānyavibhaktāni yadā sarveṣu jantuṣu |
sarveśvareśvaro viṣṇuḥ kuto rāgādayastataḥ || 70 ||
[Analyze grammar]

brahmāṇamindramīśānamādityamaruto'khilān |
viśvedevānṛṣīn sādhyānvasūnpitṛgaṇāṃstathā || 71 ||
[Analyze grammar]

yakṣarākṣasabhūtādīnnāgānsarpānsarīsṛpān |
manuṣyapakṣigorūpagajasiṃhajalecarān || 72 ||
[Analyze grammar]

makṣikāmaśakāndaṃśāñchalabhāñjalajān kṛmīn |
gulmavṛkṣalatāvallītvaksāratṛṇajātiṣu || 73 ||
[Analyze grammar]

yacca kiṃcidadṛśyaṃ vā dṛśyaṃ vā tridaśāṅganāḥ |
manyadhvaṃ jātamekasya tatsarvaṃ paramātmanaḥ || 74 ||
[Analyze grammar]

jāyamānaḥ kathaṃ viṣṇumātmānaṃ paramaṃ ca yat |
rāgadveṣau tathā lobhaṃ kaḥ kuryādamarāṅganāḥ || 75 ||
[Analyze grammar]

sarvabhūtamaye viṣṇau sarvage sarvadhātari |
nipātya taṃ pṛthagbhūte kuto rāgādiko guṇaḥ || 76 ||
[Analyze grammar]

evamasmāsu yuṣmāsu sarvabhūteṣu cābalāḥ |
tanmathaikatvabhūteṣu rāgādyavasaraḥ kutaḥ || 77 ||
[Analyze grammar]

samyagdṛṣṭiriyaṃ proktā samastaikyāvalokinī |
pṛthagvijñānamātraiva lokasaṃvyavahāravat || 78 ||
[Analyze grammar]

bhūtendriyāntaḥ karaṇapradhānapuruṣātmakam |
jagadvai hyetadakhilaṃ tadā bhedaḥ kimātmakaḥ || 79 ||
[Analyze grammar]

bhavanti layamāyānti samudrasalilormayaḥ |
na vāribhedato bhinnāstathaivaikyādidaṃ jagat || 80 ||
[Analyze grammar]

yathāgnerarciṣaḥ pītāḥ piṅgalāruṇadhūsarāḥ |
tathāpi nāgnito bhinnāstathaitadbrahmaṇo jagat || 81 ||
[Analyze grammar]

bhavatībhiśca yatkṣobhamasmākaṃ sa puraṃdaraḥ |
kārayatyasadetacca vivekācāracetasām || 82 ||
[Analyze grammar]

bhavantyaḥ sa ca devendro lokāśca sasurāsurāḥ |
samudrādrivanopetā maddehāntaragocarāḥ || 83 ||
[Analyze grammar]

yatheyaṃ cārusarvāṅgī bhavatīnāṃ mayāgrataḥ |
darśitā darśayiṣyāmi tathā caivākhilaṃ jagat || 84 ||
[Analyze grammar]

prayātu śakro mā garvamindratvaṃ kasya susthiram |
yūyaṃ ca mā smayaṃ yāta santi rūpānvitāḥ striyaḥ || 85 ||
[Analyze grammar]

kiṃ surūpaṃ kurūpaṃ vā yadā bhedo na dṛśyate |
tāratamyaṃ surūpatve satataṃ bhinnadarśanāt || 86 ||
[Analyze grammar]

bhavatīnāṃ smayaṃ matvā rūpaudāryaguṇodbhavam |
mayeyaṃ darśitā tanvī tatastu śamameṣyatha || 87 ||
[Analyze grammar]

yasmānmadūrorniṣpannā tviyamindīvarekṣaṇā |
urvaśī nāma kalyāṇī bhaviṣyati varāpsarāḥ || 88 ||
[Analyze grammar]

tadiyaṃ devarājasya nīyatāṃ varavarṇinī |
bhavatyastena cāsmākaṃ preṣitāḥ prītimicchatā || 89 ||
[Analyze grammar]

vaktavyaśca sahasrākṣo nāsmākaṃ bhogakāraṇāt |
tapaścaryā na vāprāpyaphalaṃ prāptumabhīpsatā || 90 ||
[Analyze grammar]

sanmārgamasya jagato darśayiṣye karomyaham |
tathā nareṇa sahito jagataḥ pālanodyataḥ || 91 ||
[Analyze grammar]

yadi kaścittavābādhāṃ karoti tridaśeśvara |
tamahaṃ vārayiṣyāmi nivṛtto bhava vāsava || 92 ||
[Analyze grammar]

kartāsi cettvamābādhāṃ na duṣṭasyeha kasyacit |
taṃ cāpi śāstā tadahaṃ pravartiṣyāmyasaṃśayam || 93 ||
[Analyze grammar]

etajjñātvā na santāpastvayā kāryo hi māṃ prati |
upakārāya jagatāmavatīrṇo'smi vāsava || 94 ||
[Analyze grammar]

yā ceyamurvaśī mattaḥ samudbhūtā puraṃdara tretāgnihetubhūteyaṃ evaṃ prāpya bhaviṣyati || 95 ||
[Analyze grammar]