Chapter 167

[English text for this chapter is available]

| adhyāya || 167 ||
[Analyze grammar]

yudhiṣṭhira uvāca |
narmadādakṣiṇe kūle tvaccihnenopalakṣitam |
tīrthametanmamākhyāhi sambhavaṃ ca mahāmune || 1 ||
[Analyze grammar]

mārkaṇḍeya uvāca |
purā kṛtayugasyādau dakṣiṇe girimuttamam |
vindhyaṃ sarvaguṇopetaṃ niyato niyatāśanaḥ || 2 ||
[Analyze grammar]

ṛṣisaṅghaiḥ kṛtātithyo daṇḍake nyavasaṃ ciram |
uṣitvā suciraṃ kālaṃ varṣāṇāmayutaṃ sukhī || 3 ||
[Analyze grammar]

tānṛṣīn samanujñāpya śiṣyairanugatastataḥ |
nivṛttaḥ sumahābhāga narmadākūlamāgataḥ || 4 ||
[Analyze grammar]

puṇyaṃ ca ramaṇīyaṃ ca sarvapāpavināśanam |
kṛtvāhamāspadaṃ tatra dvijasaṃghasamāyutaḥ || 5 ||
[Analyze grammar]

brahmacāribhirākīrṇaṃ gārhasthye supratiṣṭhitaiḥ |
vānaprasthaiśca yatibhiryatāhārairyatātmabhiḥ || 6 ||
[Analyze grammar]

tapasvibhirmahābhāgaiḥ kāmakrodhavivarjitaiḥ |
tatrāhaṃ varṣamayutaṃ tapaḥ kṛtvā sudāruṇam || 7 ||
[Analyze grammar]

ārādhayaṃ vāsudevaṃ prabhuṃ kartāramīśvaram |
japaṃstapobhirniyamairnarmadākūlamāśritaḥ || 8 ||
[Analyze grammar]

tatastau varadau devau samāyātau yudhiṣṭhira |
pratyakṣau bhāskarau rājannumāśrībhyāṃ vibhūṣitau || 9 ||
[Analyze grammar]

praṇamyāhaṃ tato devau bhaktiyukto vaco'bruvam |
bhavantau prārthayāmi sma varārhau varadau śivau || 10 ||
[Analyze grammar]

dharmasthitiṃ mahābhāgau bhaktiṃ vānuttamāṃ yuvām |
ajaro vyādhirahitaḥ pañcaviṃśativarṣavat |
asminsthāne sadā stheyaṃ saha devairasaṃśayam || 11 ||
[Analyze grammar]

evamuktau mayā pārtha tau devau kṛṣṇaśaṅkarau |
māmūcatuḥ prahṛṣṭau tau nivāsārthaṃ yudhiṣṭhira || 12 ||
[Analyze grammar]

devāvūcatuḥ |
asminsthāne sthitau viddhi saha devaiḥ savāsavaiḥ |
evamuktvā tato devau tatraivāntaradhīyatām || 13 ||
[Analyze grammar]

ahaṃ ca sthāpayitvā tau śaṅkaraṃ kṛṣṇamavyayam |
kṛtakṛtyastato jātaḥ sampūjya susamāhitaḥ || 14 ||
[Analyze grammar]

tasmiṃstīrthe naraḥ snātvā pūjayetparameśvaram |
mārkaṇḍeśvaranāmnā vai viṣṇuṃ tribhuvaneśvaram || 15 ||
[Analyze grammar]

sa gacchetparamaṃ sthānaṃ vaiṣṇavaṃ śaivameva ca |
ghṛtena payasā vātha dadhnā ca madhunā tathā || 16 ||
[Analyze grammar]

nārmadenodakenātha gandhadhūpaiḥ suśobhanaiḥ |
puṣpopahāraiśca tathā naivedyairniyatātmavān || 17 ||
[Analyze grammar]

evaṃ viṣṇoḥ prakurvīta jāgaraṃ bhaktitatparaḥ |
snānādīni tathā rājanprayataḥ śucimānasaḥ || 18 ||
[Analyze grammar]

jyeṣṭhe māsi site pakṣe caturdaśyāmupoṣitaḥ |
dvādaśyāṃ kārayeddevapūjanaṃ vaiṣṇavo naraḥ || 19 ||
[Analyze grammar]

evaṃ kṛtvā caturdaśyāmekādaśyāṃ narottama |
vaiṣṇavaṃ lokamāpnoti viṣṇutulyo bhavennaraḥ || 20 ||
[Analyze grammar]

māheśvare ca rājendra gaṇavanmodate pure |
śrāddhaṃ ca kurute tatra pitṝnuddiśya susthiraḥ || 21 ||
[Analyze grammar]

tasya te hyakṣayāṃ tṛptiṃ prāpnuvanti na saṃśayaḥ |
narmadāyāṃ dvijaḥ snātvā maunī niyatamānasaḥ || 22 ||
[Analyze grammar]

upāsya sandhyāṃ tatrastho japaṃ kṛtvā suśobhanam |
tarpayitvā pitṝndevānmanuṣyāṃśca yathāvidhi || 23 ||
[Analyze grammar]

kṛṣṇasya purataḥ sthitvā mārkaṇḍeśasya vā punaḥ |
ṛgyajuḥsāmamantrāṃśca japedatra prayatnataḥ || 24 ||
[Analyze grammar]

ṛcamekāṃ japedyastu ṛgvedasya phalaṃ labhet |
yajurvedasya yajuṣā sāmnā sāmaphalaṃ labhet || 25 ||
[Analyze grammar]

ekasminbhojite vipre koṭirbhavati bhojitā |
mṛtaprajā tu yā nārī vandhyā strījananī tathā || 26 ||
[Analyze grammar]

rudrāṃstu vidhivajjaptvā brāhmaṇo vedatattvavit |
liṅgasya dakṣiṇe pārśve sthāpayetkalaśaṃ śivam || 27 ||
[Analyze grammar]

rudraikādaśabhirmantraiḥ snāpayetkalaśāmbhasā |
putramāpnoti rājendra dīrghāyuṣamakalmaṣam || 28 ||
[Analyze grammar]

mārkaṇḍeśvaravṛkṣānyo dūrasthānapi paśyati |
brahmahatyādipāpebhyo mucyate śaṅkaro'bravīt || 29 ||
[Analyze grammar]

ya idaṃ śṛṇuyādbhaktyā paṭhedvā nṛpasattama |
sarvapāpaviśuddhātmā jāyate nātra saṃśayaḥ || 30 ||
[Analyze grammar]

idaṃ yaśasyamāyuṣyaṃ dhanyaṃ duḥkhapraṇāśanam |
paṭhatāṃ śṛṇvatāṃ vāpi sarvapāpapramocanam || 31 ||
[Analyze grammar]