Chapter 158

[English text for this chapter is available]

| adhyāya || 158 ||
[Analyze grammar]

śrīmārkaṇḍeya uvāca |
tato gacchetparaṃ tīrthaṃ saṅgameśvaramuttamam |
narmadādakṣiṇe kūle sarvapāpabhayāpaham || 1 ||
[Analyze grammar]

dhanadastatra viśrānto muhūrtaṃ nṛpasattama |
pitṛlokātsamāyātaḥ kailāsaṃ dharaṇīdharam || 2 ||
[Analyze grammar]

pratyayārthaṃ nṛpaśreṣṭha hyadyāpi dharaṇītale |
kṛṣṇavarṇā hi pāṣāṇā dṛśyante sphaṭikojjvalāḥ || 3 ||
[Analyze grammar]

vindhyanirjharaniṣkrāntā puṇyatoyā saridvarā |
praviṣṭā narmadātoye sarvapāpapraṇāśane || 4 ||
[Analyze grammar]

saṅgame tatra yaḥ snātvā pūjayetsaṅgameśvaram |
aśvamedhasya yajñasya phalaṃ prāpnotyasaṃśayam || 5 ||
[Analyze grammar]

ghaṇṭāpatākāvitanaṃ yo dadetsaṅgameśvare |
haṃsayuktavimānastho divyastrīśatasaṃvṛtaḥ || 6 ||
[Analyze grammar]

sa rudrapadamāpnoti rudrasyānucaro bhavet |
dadhi bhakte na devasya yaḥ kuryālliṅgapūraṇam || 7 ||
[Analyze grammar]

sikthasaṃkhyaṃ śive loke sa vasetkālamīpsitam |
śrīphalaiḥ pūrayelliṅgaṃ niḥsvo bhūtvā bhavasya tu || 8 ||
[Analyze grammar]

so'pi tatphalamāpnoti gataḥ svarge nareśvara |
akṣayā santatistasya jāyate saptajanmasu || 9 ||
[Analyze grammar]

snapanaṃ devadevasya dadhnā madhughṛtena vā |
yaḥ karoti vidhānena tasya puṇyaphalaṃ śṛṇu || 10 ||
[Analyze grammar]

dhṛtakṣīravahā nadyo yatra vṛkṣā madhusravāḥ |
tatra te mānavā yānti suprasanne maheśvare || 11 ||
[Analyze grammar]

patraṃ puṣpaṃ phalaṃ toyaṃ yastu dadyānmaheśvare |
tatsarvaṃ saptajanmāni hyakṣayaṃ phalamaśnute || 12 ||
[Analyze grammar]

sarveṣāmeva pātrāṇāṃ mahāpātraṃ maheśvaraḥ |
tasmātsarvaprayatnena pūjanīyo maheśvaraḥ || 13 ||
[Analyze grammar]

brahmacaryasthito nityaṃ yastu pūjayate śivam |
iha jīvansa deveśo mṛto gacchedanāmayam || 14 ||
[Analyze grammar]

śive tu pūjite pārtha yatphalaṃ prāpyate budhaiḥ |
yogīndre caiva tatpārtha pūjite labhate phalam || 15 ||
[Analyze grammar]

te dhanyāste mahātmānasteṣāṃ janma sujīvitam |
yeṣāṃ gṛheṣu bhuñjanti śivabhaktiratā narāḥ || 16 ||
[Analyze grammar]

saṃnirudhyendriyagrāmaṃ yatrayatra vasenmuniḥ |
tatra tatra kurukṣetraṃ naimiṣaṃ puṣkarāṇi ca || 17 ||
[Analyze grammar]

yatphalaṃ vedaviduṣi bhojite śatasaṃkhyayā |
tatphalaṃ jāyate pārtha hyekena śivayoginā || 18 ||
[Analyze grammar]

yatra bhuñjati bhasmāṅgī mūrkho vā yadi paṇḍitaḥ |
tatra bhuñjati deveśaḥ sapatnīko vṛṣadhvajaḥ || 19 ||
[Analyze grammar]

viprāṇāṃ vedaviduṣāṃ koṭiṃ saṃbhojya yatphalam |
bhikṣāmātrapradānena tatphalaṃ śivayoginām || 20 ||
[Analyze grammar]

saṅgameśvaramāsādya prāṇatyāgaṃ karoti yaḥ |
na tasya punarāvṛttiḥ śivalokātkadācana || 21 ||
[Analyze grammar]