Chapter 156

[English text for this chapter is available]

| adhyāya || 156 ||
[Analyze grammar]

śrīmārkaṇḍeya uvāca |
nāsti lokeṣu tattīrthaṃ pṛthivyāṃ yannareśvara |
śuklatīrthena sadṛśamupamānena gīyate || 1 ||
[Analyze grammar]

śuklatīrthaṃ mahātīrthaṃ narmadāyāṃ vyavasthitam |
prāgudakpravaṇe deśe munisaṅghaniṣevitam || 2 ||
[Analyze grammar]

vaiśākhe ca tathā māsi kṛṣṇapakṣe caturdaśī |
kailāsādumayā sārddhaṃ svayamāyāti śaṅkaraḥ || 3 ||
[Analyze grammar]

madhyāhnasamaye snātvā paśyatyātmānamātmanā |
brahmaviṣṇvindrasahitaḥ śuklatīrthe samāhitaḥ || 4 ||
[Analyze grammar]

kārttikyāṃ tu viśeṣeṇa vaiśākhyāṃ ca narottama |
brahmaviṣṇumahādevān snātvā paśyati taddine || 5 ||
[Analyze grammar]

devarājaḥ suraiḥ sārddhaṃ vāyumārgavyavasthitaḥ |
kṛṣṇapakṣe caturdaśyāṃ snātvā paśyati śaṅkaram || 6 ||
[Analyze grammar]

gandharvāpsaraso yakṣāḥ siddhavidyādharoragāḥ |
taddine te'pi deveśaṃ dṛṣṭvā muñcanti kilbiṣam || 7 ||
[Analyze grammar]

ardhayojanavistāraṃ tadarddhenaiva cāyatam |
śuklatīrthaṃ mahāpuṇyaṃ mahāpātakanāśanam || 8 ||
[Analyze grammar]

yatra sthitaiḥ pradṛśyante vṛkṣāgrāṇi narottamaiḥ |
tatra sthitā mahāpāpairmucyante pūrvasaṃcitaiḥ || 9 ||
[Analyze grammar]

pāpopapātakairyukto naraḥ snātvā pramucyate |
upārjitā vinaśyeta bhrūṇahatyāpi dustyajā || 10 ||
[Analyze grammar]

yasmāttatraiva deveśa umayā saha tiṣṭhati |
vaiśākhyāṃ ca viśeṣeṇa kailāsādeti śaṅkaraḥ || 11 ||
[Analyze grammar]

tena tīrthaṃ mahāpuṇyaṃ sarvapātakanāśanam |
kathitaṃ brahmaṇā pūrvaṃ mayā tava tathā nṛpa || 12 ||
[Analyze grammar]

rajakena yathā dhautaṃ vastraṃ bhavati nirmalam |
tathā tatra vapuḥsnānaṃ puruṣasya bhavecchuci || 13 ||
[Analyze grammar]

pūrve vayasi pāpāni kṛtvā puṣṭāni mānavaḥ |
ahorātroṣito bhūtvā śuklatīrthe vyapohati || 14 ||
[Analyze grammar]

śuklatīrthe mahārāja rākāṃ revājalāñjalim |
kalpakoṭisahasrāṇi dattvā syuḥ pitaraḥ śivāḥ || 15 ||
[Analyze grammar]

na mātā na pitā bandhuḥ patanaṃ narakārṇave |
uddharanti yathā puṇyaṃ śuklatīrthe nareśvara || 16 ||
[Analyze grammar]

tapasā brahmacaryeṇa na tāṃ gacchanti sadgatim |
śuklatīrthe mṛto janturdehatyāgena yāṃ labhet || 17 ||
[Analyze grammar]

kārttikasya tu māsasya kṛṣṇapakṣe caturdaśīm |
ghṛtena snāpayeddevamupoṣya prayato naraḥ || 18 ||
[Analyze grammar]

snātvā prabhāte revāyāṃ dadyātsaghṛtakambalam |
sahiraṇyaṃ yathāśakti devamuddiśya śaṅkaraṃ || 19 ||
[Analyze grammar]

devasya pūraṇaṃ kuryādghṛtena ghṛtakambalam |
sa gacchati mahātejāḥ śivalokaṃ mṛto naraḥ || 20 ||
[Analyze grammar]

ekaviṃśakulopeto yāvadābhūtasamplavam |
śuklatīrthe naraḥ snātvā hyumāṃ rudraṃ ca yo'rcayet || 21 ||
[Analyze grammar]

gandhapuṣpādidhūpaiśca so'śvamedhaphalaṃ labhet |
māsopavāsaṃ yaḥ kuryāttatra tīrthe nareśvara || 22 ||
[Analyze grammar]

mucyate sa mahatpāpaiḥ saptajanmasusaṃcitaiḥ |
uṣṭrīkṣīramavikṣīraṃ navaśrāddhe ca bhojanam || 23 ||
[Analyze grammar]

vṛṣalīgamanaṃ caiva tathābhakṣyasya bhakṣaṇam |
avikraye'nṛte pāpaṃ māhiṣe'yājyayājake || 24 ||
[Analyze grammar]

vārddhuṣye paṅktigarade devabrāhmaṇadūṣake |
evamādīni pāpāni tathānyānyapi bhārata || 25 ||
[Analyze grammar]

cāndrāyaṇena naśyanti śuklatīrthe na saṃśayaḥ |
śuklatīrthe tu yaḥ snātvā tarpayetpitṛdevatāḥ || 26 ||
[Analyze grammar]

tasya te dvādaśābdāni tṛptiṃ yānti sutarpitāḥ |
pādukopānahau chatraṃ śayyāmāsanameva ca || 27 ||
[Analyze grammar]

suvarṇaṃ dhanadhānyaṃ ca śrāddhaṃ yuktahalaṃ tathā |
annaṃ pānīyasaṃhitaṃ tasmiṃstīrthe dadanti ye || 28 ||
[Analyze grammar]

hṛṣṭāḥ puṣṭā mṛtā yānti śivalokaṃ na saṃśayaḥ |
tatra tīrthe tu yo bhaktyā śivamuddiśya bhārata || 29 ||
[Analyze grammar]

bhikṣāmātraṃ tathānnaṃ ye te'pi svaryānti vai narāḥ |
yajvināṃ vratināṃ caiva tatra tīrthanivāsinām || 30 ||
[Analyze grammar]

api vālāgramātraṃ hi dattaṃ bhavati cākṣayam |
agnipraveśaṃ yaḥ kuryācchuklatīrthe samāhitaḥ || 31 ||
[Analyze grammar]

rāgadveṣavinirmukto hṛdi dhyātvā janārdanam |
sarvakāmasusampūrṇaḥ sa gacchedvāruṇaṃ puram || 32 ||
[Analyze grammar]

na rogo na jarā tatra yatra devo'ṃbhasāṃ patiḥ |
anāśakaṃ tu yaḥ kuryāttasmiṃstīrthe yudhiṣṭhira || 33 ||
[Analyze grammar]

anivartikā gatistasya rudralokādasaṃśayam |
avaśaḥ svavaśo vāpi jantustatkṣetramaṇḍale || 34 ||
[Analyze grammar]

mṛtaḥ sa tu na sandeho rudrasyānucaro bhavet |
śuklatīrthe tu yaḥ kanyāṃ śaktyā dadyādalaṃkṛtām || 35 ||
[Analyze grammar]

vidhinā yo nṛpaśreṣṭha kurute vṛṣamokṣaṇam |
tasya yatphalamuddiṣṭaṃ purāṇe rudrabhāṣitam || 36 ||
[Analyze grammar]

tadahaṃ sampravakṣyāmi śṛṇuṣvaikamanā nṛpa |
yāvanto romakūpāḥ syuḥ sarvāṅgeṣu pṛthakpṛthak || 37 ||
[Analyze grammar]

tāvadvarṣasahasrāṇi rudraloke mahīyate |
śuklatīrthe tu yaddattaṃ grahaṇe candrasūryayoḥ || 38 ||
[Analyze grammar]

vardhate tadguṇaṃ tāvaddināni daśa pañca ca |
śuklatīrthe śucirbhūtvā yaḥ karoti pradakṣiṇam || 39 ||
[Analyze grammar]

pṛthvī pradakṣiṇā tena kṛtā yattasya tatphalam |
śobhanaṃ mithunaṃ yastu rudramuddiśya pūjayet || 40 ||
[Analyze grammar]

sapta janmāni tasyaiva viyogo na ca vai kvacit |
etatte kathitaṃ rājan saṃkṣepeṇa phalaṃ mahat || 41 ||
[Analyze grammar]

śuklatīrthasya yatpuṇyaṃ yathā devācchrutaṃ mayā |
ya idaṃ śṛṇuyādbhaktyā purāṇe vihitaṃ phalam || 42 ||
[Analyze grammar]

sa labhennātra sandehaḥ satyaṃ satyaṃ punaḥ punaḥ |
putrārthī labhate putraṃ dhanārthī labhate dhanam || 43 ||
[Analyze grammar]

mokṣārthī labhate mokṣaṃ snānadānaphalaṃ mahat || 44 ||
[Analyze grammar]