Chapter 155

[English text for this chapter is available]

| śrīmārkaṇḍeya uvāca |
ataḥ paraṃ pravakṣyāmi sarvatīrthādanuttamam |
uttare narmadākūle śuklatīrthaṃ yudhiṣṭhira || 1 ||
[Analyze grammar]

tasya tīrthasya cānyāni puṇyatvācchubhadarśanāt |
pṛthivyāṃ sarvatīrthāni kalāṃ nārhanti ṣoḍaśīm || 2 ||
[Analyze grammar]

yudhiṣṭhira uvāca |
tasya tīrthasya māhātmyaṃ śrotumicchāmi tattvataḥ |
bhrātṛbhiḥ sahitaḥ sarvaistathānyairdvijasattamaiḥ || 3 ||
[Analyze grammar]

śrīmārkaṇḍeya uvāca |
śuklatīrthasya cotpattimākarṇaya nareśvara |
yasya saṃdarśanādeva brahmahatyā pralīyate || 4 ||
[Analyze grammar]

narmadā saritāṃ śreṣṭhā sarvapāpapraṇāśinī |
yacca bālyaṃ kṛtaṃ pāpaṃ darśanādeva naśyati || 5 ||
[Analyze grammar]

mokṣadāni na sarvatra śuklatīrthamṛte nṛpa |
śuklatīrthasya māhātmyaṃ purāṇe yacchrutaṃ mayā || 6 ||
[Analyze grammar]

samāgame munīnāṃ tu devānāṃ hi tathaiva ca |
kathitaṃ devadevena śitikaṇṭhena bhārata |
kailāse parvataśreṣṭhe tatte saṃkathayāmyaham || 7 ||
[Analyze grammar]

purā kṛtayugasyādau toṣituṃ girijāpatim |
tapaścacāra vipulaṃ viṣṇurvarṣasahasrakam |
vāyubhakṣo nirāhāraḥ śuklatīrthe vyavasthitaḥ || 8 ||
[Analyze grammar]

tataḥ pratyakṣatāmāgāddevadevo maheśvaraḥ |
prādurbhūtastu sahasā tatra tīrthe narādhipa || 9 ||
[Analyze grammar]

krośadvayamidaṃ cakre bhuktimuktipradāyakam |
tasmiṃstīrthe naraḥ snātvā mucyate sarvakilbiṣaiḥ || 10 ||
[Analyze grammar]

gaṅgā kanakhale puṇyā kurukṣetre sarasvatī |
grāme vā yadi vāraṇye puṇyā sarvatra narmadā || 11 ||
[Analyze grammar]

sarvauṣadhīnāmaśanaṃ pradhānaṃ sarveṣu peyeṣu jalaṃ pradhānam |
nidrā sukhānāṃ pramadā ratīnāṃ sarveṣu gātreṣu śiraḥ pradhānam || 12 ||
[Analyze grammar]

snātasyāpi yathā puṇyaṃ lalāṭaṃ nṛpasattama |
śuklatīrthaṃ tathā puṇyaṃ narmadāyāṃ yudhiṣṭhira || 13 ||
[Analyze grammar]

saritāṃ ca yathā gaṅgā devatānāṃ janārdanaḥ |
śuklatīrthaṃ tathā puṇyaṃ narmadāyāṃ vyavasthitam || 14 ||
[Analyze grammar]

catuṣpadānāṃ surabhirvarṇānāṃ brāhmaṇo yathā |
pradhānaṃ sarvatīrthānāṃ śuklatīrthaṃ tathā nṛpa || 15 ||
[Analyze grammar]

grahāṇāṃ tu yathādityo nakṣatrāṇāṃ yathā śaśī |
śiro vā sarvagātrāṇāṃ dharmāṇāṃ satyamiṣyate || 16 ||
[Analyze grammar]

tathaiva pārtha tīrthānāṃ śuklatīrthamanuttamam |
durvijñeyo yathā loke paramātmā sanātanaḥ || 17 ||
[Analyze grammar]

susūkṣmatvādanirdeśyaḥ śuklatīrthaṃ tathā nṛpa |
mandaprajñatvamāpanne mahāmohasamanvitaḥ || 18 ||
[Analyze grammar]

śuklatīrthaṃ nā jānāti narmadātaṭasaṃsthitam |
bahunātra kimuktena dharmaputra punaḥ punaḥ || 19 ||
[Analyze grammar]

śuklatīrthaṃ mahāpuṇyaṃ samprāptaṃ kalmaṣakṣayāt |
yo'tra datte śucirbhūtvā ekaṃ revājalāñjalim || 20 ||
[Analyze grammar]

kalpakoṭisahasrāṇi pitarastena tarpitāḥ || 21 ||
[Analyze grammar]

ekaḥ putro dharāpṛṣṭhe pitḥṇāmārtināśanaḥ |
cāṇakyo nāma rājābhūcchuklatīrthaṃ ca veda saḥ || 22 ||
[Analyze grammar]

yudhiṣṭhira uvāca |
ko'sau dvijavaraśreṣṭha cāṇakyo nāma nāmataḥ |
śuklatīrthasya yo vettā nānyo vettā hi kaścana || 23 ||
[Analyze grammar]

kenopāyena tattīrthaṃ tena jñātaṃ dharātale |
tadahaṃ śrotumicchāmi paraṃ kautūhalaṃ hi me || 24 ||
[Analyze grammar]

śrīmārkaṇḍeya uvāca |
ikṣvākuprabhavo rājā naptā śuddhodanasya ca |
cāṇakyo nāma rājarṣirbubhuje pṛthivīmimām || 25 ||
[Analyze grammar]

vikrānto matimāñchūraḥ sarvalokairavañcitaḥ |
vañcitaḥ sahasā dhūrtavāyasābhyāṃ nṛpottamaḥ || 26 ||
[Analyze grammar]

yudhiṣṭhira uvāca |
kathaṃ sa vañcito rājā vāyasābhyāṃ kuto'thavā |
purā yena pratijñātaṃ dhīgarbheṇa mahātmanā || 27 ||
[Analyze grammar]

na jīve vañcito'nyena prāṇāṃstyakṣye na saṃśayaḥ |
etanme vada viprendra paraṃ kautūhalaṃ mama || 28 ||
[Analyze grammar]

śrīmārkaṇḍeya uvāca |
ātmānaṃ vañcitaṃ jñātvā tadā saṃgṛhya vāyasau |
preṣayāmāsa tīvreṇa daṇḍena yamasādanam || 29 ||
[Analyze grammar]

vāyasāvūcatuḥ |
sundopasundayoḥ putrāvāvāṃ kākatvamāgatau |
mā vadhīstvaṃ mahābhāga kasmiṃścitkāraṇāntare || 30 ||
[Analyze grammar]

tāvāvāṃ kṛtasaṃkalpau tvayā kopena mānada |
nirastāvanirastau vā yāsyāvaḥ paramāṃ gatim || 31 ||
[Analyze grammar]

tadādeśaya rājendra kṛtvā tava mahatpriyam |
muktaśāpau bhaviṣyāvo brahmaṇo vacanaṃ tathā || 32 ||
[Analyze grammar]

tacchrutvā kākavacanaṃ cāṇakyo nṛpasattamaḥ |
nāhaṃ jīve viditvaivaṃ vañcitaḥ kena karhicit || 33 ||
[Analyze grammar]

tasmāttīrthaṃ vijānītaṃ yamasya sadane dvijau |
preṣayāmi yathānyāyaṃ śrutvā tatkathayiṣyathaḥ || 34 ||
[Analyze grammar]

tenaiva muktau tau kākau srakcandanavibhūṣitau |
śīghragau preṣayāmāsa yamasya sadanaṃ prati || 35 ||
[Analyze grammar]

rājovāca |
tatra dharmapuraṃ gatvā vicarantāvitastataḥ |
yadi pṛcchati dharmātmā yamaḥ saṃyamano mahān || 36 ||
[Analyze grammar]

kuto vāmāgataṃ brūtaṃ kena vā bhūṣitāvubhau |
madīyā bhāratī tasya kathanīyā hyaśaṅkitam || 37 ||
[Analyze grammar]

ikṣvākusaṃbhavo rājā cāṇakyo nāma dhārmikaḥ |
dvādaśāhe mṛtasyāsya tarpitāvaśanādinā || 38 ||
[Analyze grammar]

tacchrutvā vacanaṃ rājño gatau tau yamasādanam |
krīḍitau prāṅgaṇe tasya srakcandanavibhūṣitau |
dharmarājena tau dṛṣṭau pṛṣṭau dhṛṣṭau ca vāyasau || 39 ||
[Analyze grammar]

yama uvāca |
kutaḥ sthānātsamāyātau kena vā bhūṣitāvubhau |
vṛttaṃ vai kathyatāmetadvāyasāvaviśaṅkayā || 40 ||
[Analyze grammar]

kākāvūcatuḥ |
ikṣvākusambhavo rājā cāṇakyo nāma dhārmikaḥ |
dvādaśāhe mṛtasyāsya tarpitāvaśanādibhiḥ || 41 ||
[Analyze grammar]

tayostadvacanaṃ śrutvā sadā vaivasvato yamaḥ |
citraguptaṃ kaliṃ kālaṃ vīkṣyatāmidamabravīt || 42 ||
[Analyze grammar]

aṇḍajasvedajātīnāṃ bhūtānāṃ sacarācare |
vihitaṃ lokakartḥṇāṃ sānnidhyaṃ brahmaṇā mama || 43 ||
[Analyze grammar]

gataḥ kutra durācāraścāṇakyo nāmatastviha |
anviṣyatāṃ purāṇeṣu tvitihāseṣu yā gatiḥ || 44 ||
[Analyze grammar]

tatastairdharmapālaistu dharmarājapracoditaiḥ |
nirīkṣitā purāṇoktā karmajā gatirāgatiḥ || 45 ||
[Analyze grammar]

tataḥ provāca vacanaṃ dharmo dharmabhṛtāṃ varaḥ |
śṛṇvatāṃ dharmapālānāṃ meghagambhīrayā girā || 46 ||
[Analyze grammar]

śuklatīrthe mṛtānāṃ tu narmadāvimale jale |
aṇḍajasvedajātīnāṃ na gatirmama sannidhau || 47 ||
[Analyze grammar]

tattīrthaṃ dhārmikaṃ loke brahmaviṣṇumaheśvaraiḥ |
nirmitaṃ parayā bhaktyā lokānāṃ hitakāmyayā || 48 ||
[Analyze grammar]

pāpopapātakairyuktā ye narā narmadājale |
śuklatīrthe mṛtāḥ śuddhā na te madviṣayāḥ kvacit || 49 ||
[Analyze grammar]

etacchrutvā tu vacanaṃ tau kākau yamabhāṣitam |
āgatau śīghragau pārtha dṛṣṭvā yamapuraṃ mahat || 50 ||
[Analyze grammar]

pṛṣṭau tau praṇatau rājñā yathāvṛttaṃ yathāśrutam |
kathayāmāsatuḥ pārtha dānavau kākatāṃ gatau || 51 ||
[Analyze grammar]

asmātsthānādgatāvāvāṃ yamasya puramuttamam |
pṛthivyā dakṣiṇe bhāge hyatītya bahuyonijam || 52 ||
[Analyze grammar]

tatpuraṃ kāmagaṃ divyaṃ svarṇaprākāratoraṇam |
anekagṛhasambādhaṃ maṇikāñcanabhūṣitam || 53 ||
[Analyze grammar]

catuṣpathaiścatvaraiśca ghaṇṭāmārgopaśobhitam |
udyānavanasaṃchannaṃ padminīkhaṇḍamanditam || 54 ||
[Analyze grammar]

haṃsasārasasaṃghuṣṭaṃ kokilākulasaṃkulam |
siṃhavyāghragajākīrṇamṛkṣavānarasevitam || 55 ||
[Analyze grammar]

naranārīsamākīrṇaṃ nityotsavavibhūṣitam |
śaṃkhadundubhirnirghoṣairvīṇāveṇunināditam || 56 ||
[Analyze grammar]

yamamārge'pi vihitaṃ svargalokamivāparam |
gatau tatra punaścānyairyamadūtairyamājñayā || 57 ||
[Analyze grammar]

viditau preṣitau tatra yatra devo jagatprabhuḥ |
prāṇasya bhītyā dṛṣṭo'sau siṃhāsanagataḥ prabhuḥ || 58 ||
[Analyze grammar]

mahākāyo mahājaṅgho mahāskandho mahodaraḥ |
mahāvakṣā mahābāhurmahāvaktrekṣaṇo mahān || 59 ||
[Analyze grammar]

mahāmahiṣamārūḍho mahāmukuṭabhūṣitaḥ |
tatrānyaśca kaliḥ kālaścitragupto mahāmatiḥ || 60 ||
[Analyze grammar]

samāgatau tadā dṛṣṭau madhye jvalitapāvakau |
puṇyapāpāni jantūnāṃ śrutismṛtyarthapāragau || 61 ||
[Analyze grammar]

vicārayantau satataṃ tiṣṭhāte tau divāniśam |
tato hyāvāṃ praṇāmānte yamena yamamūrtinā || 62 ||
[Analyze grammar]

pṛṣṭāvāgamane hetuṃ tamabrūva śṛṇuṣva tat |
ujjayinyāṃ mahīpālaścāṇakyo'bhūtpratāpavān || 63 ||
[Analyze grammar]

dvādaśāhe mṛtasyāsya bhuktvā prāptau yamālayam |
tato'smākaṃ vacaḥ śrutvā kampayitvā śiro yamaḥ || 64 ||
[Analyze grammar]

uvāca vacanaṃ satyaṃ sabhāmadhye hasanniva |
asti tatkāraṇaṃ yena cāṇakyaḥ pāpapūruṣaḥ || 65 ||
[Analyze grammar]

nāyāto mama loke tu sarvapāpabhayaṃkare |
śuklatīrthe mṛtānāṃ tu narmadāyāṃ paraṃ padam || 66 ||
[Analyze grammar]

jāyate sarvajantūnāṃ nātra kācidvicāraṇā |
avaśaḥ svavaśo vāpi jantustatkṣetramaṇḍale || 67 ||
[Analyze grammar]

mṛtaḥ sa vai na sandeho rudrasyānucaro bhavet |
taddharmavacanaṃ śrutvā nirgatya nagarādbahiḥ || 68 ||
[Analyze grammar]

paśyantau vividhāṃ ghorāṃ narake lokayātanām |
triṃśatkoṭyo hi ghorāṇāṃ narakāṇāṃ nṛpottama || 69 ||
[Analyze grammar]

dṛṣṭā bhītau parāmārtigatau tatra mahāpathi |
narako rauravastatra mahāraurava eva ca || 70 ||
[Analyze grammar]

peṣaṇaḥ śoṣaṇaścaiva kālasūtro'sthibhañjanaḥ |
tāmisraścāndhatāmisraḥ kṛmipūtivahastathā || 71 ||
[Analyze grammar]

dṛṣṭaścānyo mahājvālastatraiva viṣabhojanaḥ |
narakau daṃśamaśakau tathā yamalaparvatau || 72 ||
[Analyze grammar]

nadī vaitaraṇī dṛṣṭā sarvapāpapraṇāśinī |
śītalaṃ salilaṃ yatra pibanti hyamṛtopamam || 73 ||
[Analyze grammar]

tadeva nīraṃ pāpānāṃ śoṇitaṃ parivartate |
asipatravanaṃ cānyaddṛṣṭānyā mahatī śilā || 74 ||
[Analyze grammar]

agnipuṃjanibhākārā viśālā śālmalī parā |
ityādayastathaivānye śatasāhasrasaṃjñitāḥ || 75 ||
[Analyze grammar]

ghoraghoratarā dṛṣṭāḥ kliśyante yatra mānavāḥ |
vācikairmānasaiḥ pāpaiḥ karmajaiśca pṛthagvidhaiḥ || 76 ||
[Analyze grammar]

ahaṃkārakṛtairdoṣairmāyāvacanapūrvakaiḥ |
pitā mātā gururbhrātā anāthā vikalendriyāḥ || 77 ||
[Analyze grammar]

bhramanti noddhṛtā yeṣāṃ gatisteṣāṃ hi raurave |
tatra te dvādaśābdāni kṣapitvā raurave'dhamāḥ || 78 ||
[Analyze grammar]

iha mānuṣyake loke dīnāndhāśca bhavanti te |
devabrahmasvahartḥṇāṃ narāṇāṃ pāpakarmaṇām || 79 ||
[Analyze grammar]

mahārauravamāśritya dhruvaṃ vāso yamālaye |
tataḥ kālena mahatā pāpāḥ pāpena veṣṭitāḥ || 80 ||
[Analyze grammar]

jāyante kaṇṭakairbhinnāḥ kośe vā kośakārakāḥ |
mṛgapakṣivihaṅgānāṃ ghātakā māṃsabhakṣakāḥ || 81 ||
[Analyze grammar]

peṣaṇaṃ narakaṃ yānti śoṣaṇaṃ jīvabandhanāt |
tatratyāṃ yātanāṃ ghorāṃ sahitvā śāstracoditām || 82 ||
[Analyze grammar]

iha mānuṣyatāṃ prāpya paṅgvandhabadhirā narāḥ |
gavārthe brāhmaṇārthe ca hyanṛtaṃ vadatāmiha || 83 ||
[Analyze grammar]

patanaṃ jāyate puṃsāṃ narake kālasūtrake |
tatratyā yātanā ghorā vihitā śāstrakartṛbhiḥ || 84 ||
[Analyze grammar]

bhuktvā samāgatā hyatra te yāsyantyantyajāṃ gatim |
bandhayanti ca ye jīvāṃstyaktvātmakulasantatim || 85 ||
[Analyze grammar]

patanti nātra sandeho narake te'sthibhañjane |
tatra varṣaśatasyānta iha mānuṣyatāṃ gatāḥ || 86 ||
[Analyze grammar]

kubjā vāmanakāḥ pāpā jāyante duḥkhabhāginaḥ |
ye tyajanti svakāṃ bhāryāṃ mūḍhāḥ paṇḍitamāninaḥ || 87 ||
[Analyze grammar]

te yānti narakaṃ ghoraṃ tāmisraṃ nātra saṃśayaḥ |
tatra varṣaśatasyānte iha mānuṣyatāṃ gatāḥ || 88 ||
[Analyze grammar]

duścarmāṇo durbhagāśca jāyante mānavā hi te |
mānakūṭaṃ tulākūṭaṃ kūṭakaṃ tu vadanti ye || 89 ||
[Analyze grammar]

narake te'ndhatāmisre prapacyante narādhamāḥ |
śatasāhasrikaṃ kālamuṣitvā tatra te narāḥ || 90 ||
[Analyze grammar]

iha śatrugṛhe tvandhā bhramante dīnamūrtayaḥ |
pitṛdevadvijebhyo'nnamadattvā ye'tra bhuñjate || 91 ||
[Analyze grammar]

narake kṛmibhakṣye te patanti svātmapoṣakāḥ |
tataḥ prasūtikāle hi kṛmibhuktaśca savraṇaḥ || 92 ||
[Analyze grammar]

jāyate'śucigandho'tra parabhāgyopajīvakaḥ |
svakarmavicyutāḥ pāpā varṇāśramavivarjitāḥ || 93 ||
[Analyze grammar]

narake pūyasampūrṇe kliśyante hyayutaṃ samāḥ |
pūrṇe tatra tataḥ kāle prāpya mānuṣyakaṃ bhavam || 94 ||
[Analyze grammar]

udvejanīyā bhūtānāṃ jāyante vyādhibhirvṛtāḥ |
agnido garadaścaiva lobhamohānvito naraḥ || 95 ||
[Analyze grammar]

narake viṣasampūrṇe nimajjati durātmavān |
tatra varṣaśatātkālādunmajjanamavasthitaḥ || 96 ||
[Analyze grammar]

bhuvi mānuṣatāṃ prāpya kṛpaṇo jāyate punaḥ |
pādukopānahau chatraṃ śayyāṃ prāvaraṇāni ca || 97 ||
[Analyze grammar]

adattvā daṃśamaśakairbhakṣyante janyasaptatim |
piturdravyāpahartārastāḍanakrośane ratāḥ || 98 ||
[Analyze grammar]

pīḍanaṃ kriyate teṣāṃ yatra tau yugmaparvatau |
yā sā vaitaraṇī ghorā nadī raktapravāhinī || 99 ||
[Analyze grammar]

pibanti rudhiraṃ tatra ye'bhiyānti rajasvalām |
asipatravane ghore pīḍyante pāpakāriṇaḥ || 100 ||
[Analyze grammar]

parapīḍākarā nityaṃ ye naro'ntyajagāminaḥ |
gurudāraratānāṃ tu mahāpātakināmapi || 101 ||
[Analyze grammar]

śilāvagūhanaṃ teṣāṃ jāyate janmasaptatim |
jvalantīmāyasīṃ ghorāṃ bahukaṇṭakasaṃvṛtām || 102 ||
[Analyze grammar]

śālmalīṃ te'vagūhanti paradāraratā hi ye |
parasya yoṣitaṃ hṛtvā brahmasvamapahṛtya ca || 103 ||
[Analyze grammar]

araṇye nirjale deśe sa bhavetkrūrarākṣasaḥ |
devasvaṃ brāhmaṇasvaṃ ca lobhenaivāharecca yaḥ || 104 ||
[Analyze grammar]

sa pāpātmā pare loke gṛdhrocchiṣṭena jīvati |
evamādīni pāpāni bhuñjante yamaśāsanāt || 105 ||
[Analyze grammar]

yeṣāṃ tu darśanādeva śravaṇājjāyate bhayam |
tathā dānaphalaṃ cānye bhuñjānā yamamandire || 106 ||
[Analyze grammar]

dṛṣṭāḥ śrutaṃ kathayatāṃ dūtānāṃ ca yamājñayā |
rathairanye gajairanye kecidvājibhirāvṛtāḥ || 107 ||
[Analyze grammar]

dṛṣṭāstatra mahābhāga tapaḥsaṃcayasaṃsthitāḥ |
godātā svarṇadātā ca bhūmiratnapradā narāḥ || 108 ||
[Analyze grammar]

śayyāśanagṛhādīnāṃ sa lokaḥ kāmado nṛṇām |
annaṃ pānīyasahitaṃ dadate ye'tra mānavāḥ || 109 ||
[Analyze grammar]

tatra tṛptāḥ susaṃtuṣṭāḥ krīḍante yamasādane |
atra yaddīyate dānamapi vālāgramātrakam || 110 ||
[Analyze grammar]

tadakṣayaphalaṃ sarvaṃ śuklatīrthe nṛpottama |
etatte kathitaṃ sarvaṃ yaddṛṣṭaṃ yacca vai śrutam || 111 ||
[Analyze grammar]

kuruṣva yadabhipretaṃ yadi śaknoṣi mucyatām |
tayostadvacanaṃ śrutvā cāṇakyo hṛṣṭamānasaḥ || 112 ||
[Analyze grammar]

visarjayāmāsa khagāvabhinandya punaḥpunaḥ |
tābhyāṃ gatābhyāṃ sarvasvaṃ dattvā vipreṣu bhārata || 113 ||
[Analyze grammar]

kāmakrodhau parityajya jagāmāmaraparvatam |
tatra baddhvoḍupaṃ gāḍhaṃ kṛṣṇarajjvāvalambitam || 114 ||
[Analyze grammar]

plavamāno jagāmā'śu dhyāyandevaṃ janārdanam |
ārogyaṃ bhāskarādiccheddhanaṃ vai jātavedasaḥ || 115 ||
[Analyze grammar]

prāpnoti jñānamīśānānmokṣaṃ prāpnoti keśavāt |
nīlaṃ raktaṃ tadabhavanmecakaṃ yaddhi sūtrakam || 116 ||
[Analyze grammar]

śuddhasphaṭikasaṅkāśaṃ dṛṣṭvā rajjuṃ mahāmatiḥ |
āplutya vimale toye gato'sau vaiṣṇavaṃ padam || 117 ||
[Analyze grammar]

gāyanti yadvedavidaḥ purāṇaṃ nārāyaṇaṃ śāśvatamacyutāhvayam |
prāptaḥ sa taṃ rājasuto mahātmā nikṣipya dehaṃ śubhaśuklatīrthe || 118 ||
[Analyze grammar]

eṣā te kathitā rājansiddhiścāṇakyabhūbhṛtaḥ |
tathānyattava vakṣyāmi śṛṇuṣvaikāgramānasaḥ || 119 ||
[Analyze grammar]