Chapter 149

[English text for this chapter is available]

adhyāya || 149 ||
[Analyze grammar]

śrīmārkaṇḍeya uvāca |
tasyaivānantaraṃ tīrthaṃ liṅgeśvaramiti śrutam |
darśanāddevadevasya yatra pāpaṃ praṇaśyati || 1 ||
[Analyze grammar]

kṛtvā tu kadanaṃ ghoraṃ dānavānāṃ yudhiṣṭhira |
vārāhaṃ rūpamāsthāya narmadāyāṃ vyavasthitaḥ || 2 ||
[Analyze grammar]

tatra tīrthe tu yaḥ snānaṃ kṛtvā devaṃ namasyati |
sa mucyate nṛpaśreṣṭha mahāpāpaiḥ purākṛtaiḥ || 3 ||
[Analyze grammar]

dvādaśyāṃ kṛṣṇapakṣasya śukle ca samupoṣitaḥ |
gandhamālyairjagannāthaṃ pūjayetpāṇḍunandana || 4 ||
[Analyze grammar]

brāhmaṇāṃśca mahābhāga dānasaṃmānabhojanaiḥ |
pūjayetparayā bhaktyā tasya puṇyaphalaṃ śṛṇu || 5 ||
[Analyze grammar]

satrayājiphalaṃ janturlabhate dvādaśābdakaiḥ |
brāhmaṇānbhojayaṃstatra tadeva labhate phalam || 6 ||
[Analyze grammar]

tarpayitvā pitṝn devān snātvā tadgatamānasaḥ |
japeddvādaśanāmāni devasya purataḥ sthitaḥ || 7 ||
[Analyze grammar]

māsi māsi nirāhāro dvādaśyāṃ kurunandana |
keśavaṃ pūjayennityaṃ māsi mārgaśire budhaḥ || 8 ||
[Analyze grammar]

pauṣe nārāyaṇaṃ devaṃ māghamāse tu mādhavam |
govindaṃ phālgune māsi viṣṇuṃ caitre samarcayet || 9 ||
[Analyze grammar]

vaiśākhe madhuhantāraṃ jyeṣṭhe devaṃ trivikramam |
vāmanaṃ tu tathāṣāḍhe śrāvaṇe śrīdharaṃ smaret || 10 ||
[Analyze grammar]

hṛṣīkeśaṃ bhādrapade padmanābhaṃ tathāśvine |
dāmodaraṃ kārttike tu kīrtayannāvasīdati || 11 ||
[Analyze grammar]

vācikaṃ mānasaṃ pāpaṃ karmajaṃ yatpurā kṛtam |
tannaśyati na sandeho māsanāmānukīrtanāt || 12 ||
[Analyze grammar]

svayaṃ vinuddhaḥ satatamunmiṣannimiṣaṃstathā |
śīghraṃ prapaśya bhuñjāno mantrahīnaṃ samudgiret || 13 ||
[Analyze grammar]

paramāpadgatasyāpi jantoreṣā pratikriyā |
yanmāsādhipaterviṣṇormāsanāmānukīrtanam || 14 ||
[Analyze grammar]

tā niśāste ca divasāste māsāste ca vatsarāḥ |
narāṇāṃ saphalā yeṣu cintito bhagavānhariḥ || 15 ||
[Analyze grammar]

paramāpadgatasyāpi yasya devo janārdanaḥ |
nāvasarpati hṛtpadmātsa yogī nātra saṃśayaḥ || 16 ||
[Analyze grammar]

te bhāgyahīnā manujāḥ suśocyāste bhūmibhārāya kṛtāvatārāḥ |
acetanāste paśubhiḥ samānā ye bhaktihīnā bhagavatyanante || 17 ||
[Analyze grammar]

te pūrṇakāryāḥ puruṣāḥ pṛthivyāṃ te svāṅgapātādbhuvanaṃ punanti |
vicakṣaṇā viśvavibhūṣaṇāste ye bhaktiyuktā bhagavatyanante || 18 ||
[Analyze grammar]

sa eva sukṛtī tena labdhaṃ janmataroḥ phalam |
citte vacasi kāye ca yasya devo janārdanaḥ || 19 ||
[Analyze grammar]

etattīrthavaraṃ puṇyaṃ liṅgo yatra janārdanaḥ |
vañcayitvā ripūnsaṃkhye krodho bhūtvā sanātanaḥ || 20 ||
[Analyze grammar]

upaplave candramaso raveśca yo hyaṣṭakānāmayanadvaye ca |
pānīyamapyatra tilairvimiśraṃ dadyātpitṛbhyaḥ prayato manuṣyaḥ || 21 ||
[Analyze grammar]

ghoṇonmīlitamerurandhranivaho duḥkhābdhimajjatplavaḥ prādurbhūtarasātalodarabṛhatpaṅkārdhamagnakṣuraḥ |
phūtkārotkaranunnavātavidaladdigdantinādaśrutinyastastabdhavapuḥ śrutirbhavatu vaḥ kroḍo hariḥ śāntaye || 22 ||
[Analyze grammar]