Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

| mārkaṇḍeya uvāca |
asmāhakaṃ tato gacchetpitṛtīrthamanuttamam |
pretatvādyatra mucyante piṇḍenaikena pūrvajāḥ || 1 ||
[Analyze grammar]

yudhiṣṭhira uvāca |
asmāhakasya māhātmyaṃ kathayasva mamānagha |
snānadānena yatpuṇyaṃ tathā piṇḍodakena ca || 2 ||
[Analyze grammar]

śrīmārkaṇḍeya uvāca |
purā kalpe nṛpaśreṣṭha ṛṣidevasamāgame |
praśnaḥ pṛṣṭo mayā tāta yathā tvamanupṛcchasi || 3 ||
[Analyze grammar]

ekatra sāgarāḥ sapta saprayāgāḥ sapuṣkarāḥ |
nāsya sāmyaṃ labhante te nātra kāryā vicāraṇā || 4 ||
[Analyze grammar]

somanāthaṃ tu vikhyātaṃ yatsomena pratiṣṭhitam |
tatra somagrahe puṇyaṃ tatpuṇyaṃ labhate naraḥ || 5 ||
[Analyze grammar]

māsānte pitaro nṛṇāṃ vīkṣante santatiṃ svakām |
kaścidasmatkule'smākaṃ piṇḍamatra pradāsyati || 6 ||
[Analyze grammar]

prapitāmahāstathādityāḥ śrutireṣā sanātanī |
evaṃ bruvanti devāśca ṛṣayaḥ satapodhanāḥ || 7 ||
[Analyze grammar]

sakṛtpiṇḍodakenaiva śṛṇu pārthiva yatphalam |
dvādaśābdāni rājendra yogaṃ bhuktvā suśobhanam || 8 ||
[Analyze grammar]

yuge yuge mahārāja asmāhake pitāmahāḥ |
sarvadā hyavalokanta āgacchantaṃ svagotrajam || 9 ||
[Analyze grammar]

bhaviṣyati kimasmākamamāvāsyāpyamāhake |
snānaṃ dānaṃ ca ye kuryuḥ pitṝṇāṃ tilatarpaṇam || 10 ||
[Analyze grammar]

te sarvapāpanirmuktāḥ sarvānkāmāṃllabhati vai |
jalamadhye'tra bhūpāla agnitīrthaṃ ca tiṣṭhati || 11 ||
[Analyze grammar]

darśanāttasya tīrthasya pāparāśirvilīyate |
snānamātreṇa rājendra brahmahatyāṃ vyapohati || 12 ||
[Analyze grammar]

śuklāmbaradharo nityaṃ niyataḥ sa jitendriyaḥ |
ekakālaṃ tu bhuñjāno māsaṃ tīrthasya sannidhau || 13 ||
[Analyze grammar]

suvarṇālaṃkṛtānāṃ tu kanyānāṃ śatadānajam |
phalamāpnoti sampūrṇaṃ pitṛloke mahīyate || 14 ||
[Analyze grammar]

pṛthivyāmāsamudrāyāṃ mahābhogapatirbhavet |
dhanadhānyasamāyukto dātā bhavati dhārmikaḥ || 15 ||
[Analyze grammar]

upavāsī śucirbhūtvā brahmalokamavāpnuyāt |
asmāhakaṃ samāsādya yastu prāṇān parityajet || 16 ||
[Analyze grammar]

koṭivarṣasahasrāṇi rudraloke mahīyate |
tataḥ svargātparibhraṣṭaḥ kṣīṇakarmā divaścyutaḥ || 17 ||
[Analyze grammar]

suvarṇamaṇimuktāḍhye kule jāyeta rūpavān |
kṛtvābhiṣekavidhinā hayamedhaphalaṃ labhet || 18 ||
[Analyze grammar]

dhanāḍhyo rūpavāndakṣo dātā bhavati dhārmikaḥ |
caturvedeṣu yatpuṇyaṃ satyavādiṣu yatphalam || 19 ||
[Analyze grammar]

tatphalaṃ labhate nūnaṃ tatra tīrthe'bhiṣecanāt |
tīrthānāṃ paramaṃ tīrthaṃ nirmitaṃ śambhunā purā || 20 ||
[Analyze grammar]

hṛdayeśaḥ svayaṃ viṣṇurjapeddevaṃ maheśvaram |
gandharvāpsarasaścaiva maruto mārutāstathā || 21 ||
[Analyze grammar]

viśvedevāśca pitaraḥ sacandrāḥ sadivākarāḥ |
marīciratryaṅgirasau pulastyaḥ pulahaḥ kratuḥ || 22 ||
[Analyze grammar]

pracetāśca vasiṣṭhaśca bhṛgurnārada eva ca |
cyavano gālavaścaiva vāmadevo mahāmuniḥ || 23 ||
[Analyze grammar]

vālakhilyāśca gandhārāstṛṇabinduśca jājaliḥ |
uddālakaścarṣyaśṛṅgo vasiṣṭhaśca sanandanaḥ || 24 ||
[Analyze grammar]

śukraścaiva bharadvājo vātsyo vātsyāyanastathā |
agastirmitrāvaruṇau viśvāmitro munīśvaraḥ || 25 ||
[Analyze grammar]

gautamaśca pulastyaśca paulastyaḥ pulahaḥ kratuḥ |
sanātanastu kapilo vāhniḥ pañcaśikhastathā || 26 ||
[Analyze grammar]

anye'pi bahavastatra munayaḥ śaṃsitavratāḥ |
krīḍanti devatāḥ sarva ṛṣayaḥ satapodhanāḥ || 27 ||
[Analyze grammar]

manuṣyāścaiva yogīndrāḥ pitaraḥ sapitāmahāḥ |
asmāhake'tra tiṣṭhanti sarva eva na saṃśayaḥ || 28 ||
[Analyze grammar]

pitaraḥ pitāmahāścaiva tathaiva prapitāmahāḥ |
yeṣāṃ dattamupasthāyi sukṛtaṃ vāpi duṣkṛtam || 29 ||
[Analyze grammar]

akṣayaṃ tatra tatsarvaṃ yatkṛtaṃ yodhanīpure |
mātaraṃ pitaraṃ tyaktvā sarvabandhusuhṛjjanān || 30 ||
[Analyze grammar]

dhanaṃ dhānyaṃ priyānputrāṃstathā dehaṃ nṛpottama |
gacchate vāyubhūtastu śubhāśubhasamanvitaḥ || 31 ||
[Analyze grammar]

adṛśyaḥ sarvabhūtānāṃ paramātmā mahattaraḥ |
śubhāśubhagatiṃ prāptaḥ karmaṇā svena pārthiva || 32 ||
[Analyze grammar]

yudhiṣṭhira uvāca |
śubhāśubhaṃ na bandhūnāṃ jāyate kena hetunā |
ekaḥ prasūyate jantureka eva pralīyate || 33 ||
[Analyze grammar]

eko hi bhuṅkte sukṛtameka eva hi duṣkṛtam || 34 ||
[Analyze grammar]

mārkaṇḍeya uvāca |
eṣa tvayokto nṛpate mahāpraśnaḥ smṛto mayā || 35 ||
[Analyze grammar]

pitāmahamukhodgītaṃ śrutaṃ te kathayāmyaham |
yanme pitāmahātpūrvaṃ vijñātamṛṣisaṃsadi || 36 ||
[Analyze grammar]

na mātā na pitā bandhuḥ kasyacinna suhṛtkvacit |
kasya na jñāyate rūpaṃ vāyubhūtasya dehinaḥ || 37 ||
[Analyze grammar]

yadyevaṃ na bhavettāta lokasya tu nareśvara |
amaryādaṃ bhavennūnaṃ vinaśyati carācaram || 38 ||
[Analyze grammar]

evaṃ jñātvā pūrā rājansamastairlokakartṛbhiḥ |
maryādā sthāpitā loke yathā dharmo na naśyati || 39 ||
[Analyze grammar]

dharme naṣṭe manuṣyāṇāmadharmo'bhibhavetpunaḥ |
tataḥ svadharmacalanānnarake gamanaṃ dhruvam || 40 ||
[Analyze grammar]

loko niraṅkuśaḥ sarvo maryādālaṅghane rataḥ |
maryādā sthāpitā tena śāstraṃ vīkṣya maharṣibhiḥ || 41 ||
[Analyze grammar]

snānaṃ dānaṃ japo homaḥ svādhyāyo devatārcanam |
piṇḍodakapradānaṃ ca tathaivātithipūjanam || 42 ||
[Analyze grammar]

pitaraḥ pitāmahāścaiva tathaiva prapitāmahāḥ |
trayo devāḥ smṛtāstāta brahmaviṣṇumaheśvarāḥ || 43 ||
[Analyze grammar]

pūjitaiḥ pūjitāḥ sarve tathā mātāmahāstrayaḥ |
tasmātsarvaprayatnena śrutismṛtyarthanoditān || 44 ||
[Analyze grammar]

dharmaṃ samācarannityaṃ pāpāṃśena na lipyate |
śrutismṛtyuditaṃ dharmaṃ manasāpi na laṅghayet || 45 ||
[Analyze grammar]

iha loke pare caiva yadīcchecchreya ātmanaḥ |
pitāputrau sadāpyekau bimbādbimbamivoddhṛtau || 46 ||
[Analyze grammar]

vibhaktau vāvibhaktau vā śrutismṛtyarthatastathā |
uddharedātmanātmānamātmānamavasādayet || 47 ||
[Analyze grammar]

piṇḍodakapradānābhyāmṛte pārtha na saṃśayaḥ |
evaṃ jñātvā prayatnena piṇḍodakaprado bhavet || 48 ||
[Analyze grammar]

āyurdharmo yaśastejaḥ santatiścaiva vardhate |
pṛthivyāṃ sāgarāntāyāṃ pitṛkṣetrāṇi yāni ca || 49 ||
[Analyze grammar]

tāni te sampravakṣyāmi yeṣu dattaṃ mahāphalam |
gayāyāṃ puṣkare jyeṣṭhe prayāge naimiṣe tathā || 50 ||
[Analyze grammar]

saṃnihatyāṃ kurukṣetre prabhāse kurunandana |
piṇḍodakapradānena yatphalaṃ kathitaṃ budhaiḥ || 51 ||
[Analyze grammar]

asmāhake tadāpnoti narmadāyāṃ na saṃśayaḥ |
tatra brahmā murāriśca rudraśca umayā saha || 52 ||
[Analyze grammar]

indrādyā devatāḥ sarve pitaro munayastathā |
sāgarāḥ saritaścaiva parvatāśca balāhakāḥ || 53 ||
[Analyze grammar]

tiṣṭhanti pitaraḥ sarve sarvatīrthādhikaṃ tataḥ |
sthitā brahmaśilā tatra gajakumbhanibhā nṛpa || 54 ||
[Analyze grammar]

kalau na dṛśyā bhavati pradhānaṃ yadgayāśiraḥ |
vaiśākhe māsi samprāpte'māvāsyāṃ nṛpottama || 55 ||
[Analyze grammar]

vyāpya sā tiṣṭhate tīrthaṃ gajakumbhanibhā śilā |
tacca gavyūtimātraṃ hi tīrthaṃ tataḥ pravakṣate || 56 ||
[Analyze grammar]

tasmindine tatra gatvā yastu śrāddhaprado bhavet |
pitṝṇāmakṣayā tṛptirjāyate śatavārṣikī || 57 ||
[Analyze grammar]

anyasyāmapyamāvāsyāṃ yaḥ snātvā vijitendriyaḥ |
karoti manujaḥ śrāddhaṃ vidhivanmantrasaṃyutam || 58 ||
[Analyze grammar]

tasya puṇyaphalaṃ yatsyāttacchṛṇuṣva narādhipa |
agniṣṭomāśvamedhābhyāṃ vājapeyasya yatphalam || 59 ||
[Analyze grammar]

tatphalaṃ samavāpnoti yathā me śaṅkaro'bravīt |
rauravādiṣu sarveṣu narakeṣu vyavasthitāḥ || 60 ||
[Analyze grammar]

pitā pitāmahādyāśca pitṛke mātṛke tathā |
piṇḍodakena caikena tarpaṇena viśeṣataḥ || 61 ||
[Analyze grammar]

krīḍanti pitṛlokasthā yāvadābhūtasamplavam |
ye karmasthā vikarmasthā ye jātāḥ pretakalmaṣāḥ || 62 ||
[Analyze grammar]

piṇḍenaikena mucyante te'pi tatra na saṃśayaḥ |
asmāhake śilā divyā tiṣṭhate gajasannibhā || 63 ||
[Analyze grammar]

brahmaṇā nirmitā pūrvaṃ sarvapāpakṣayaṃkarī |
uparyasyā yathānyāyaṃ pitṝnuddiśya bhārata || 64 ||
[Analyze grammar]

dakṣiṇāgreṣu darbheṣu dadyātpiṇḍānvicakṣaṇaḥ |
bhūmau cānnena siddhena śrāddhaṃ kṛtvā yathāvidhi || 65 ||
[Analyze grammar]

śrāddhibhyo vastrayugmāni chatropānatkamaṇḍalu |
dakṣiṇā vividhā deyā pitṝnuddiśya bhārata || 66 ||
[Analyze grammar]

yo dadāti dvijaśreṣṭha tasya puṇyaphalaṃ śṛṇu |
tasya te dvādaśābdāni tṛptiṃ yānti na saṃśayaḥ || 67 ||
[Analyze grammar]

asmāhake mahārāja pitaraśca pitāmahāḥ |
vāyubhūtā nirīkṣante āgacchantaṃ svagotrajam || 68 ||
[Analyze grammar]

atra tīrthe suto'bhyetya snātvā toyaṃ pradāsyati |
śrāddhaṃ vā piṇḍadānaṃ vā tena yāsyāma sadgatim || 69 ||
[Analyze grammar]

snāne kṛte tu ye kecijjāyante vastravipluṣaḥ |
prīṇayennarakasthāṃstu taiḥ pitṝnnātra saṃśayaḥ || 70 ||
[Analyze grammar]

keśodabindavastasya ye cānye lepabhājinaḥ |
tṛpyantyanagninasaṃskārā yaṃ mṛtāḥ syuḥ svagotrajāḥ || 71 ||
[Analyze grammar]

tatra tīrthe tu ye kecicchrāddhaṃ kṛtvā vidhānataḥ |
narakāduddharantyāśu japantaḥ pitṛsaṃhitām || 72 ||
[Analyze grammar]

vanaspatigate some yadā somadinaṃ bhavet |
akṣayāllabhate lokānpiṇḍenaikena mānavaḥ || 73 ||
[Analyze grammar]

akṣayaṃ tatra vai sarvaṃ jāyate nātra saṃśayaḥ |
narakāduddharantyāśu japante pitṛsaṃhitām || 74 ||
[Analyze grammar]

tasmiṃstīrthe tvamāvāsyāṃ pitṝnuddiśya bhārata |
nīlaṃ sarvāṅgasampūrṇaṃ yo'bhiṣicya samutsṛjet || 75 ||
[Analyze grammar]

tasya puṇyaphalaṃ vaktuṃ na tu vācaspatiḥ kṣamaḥ |
asmāhake vṛṣotsargādyatpuṇyaṃ samavāpyate || 76 ||
[Analyze grammar]

tava śuśrūṣaṇātsarvaṃ tatpravakṣyāmi bhārata |
rauravādiṣu ye kiṃcitpacyante tasya pūrvajāḥ || 77 ||
[Analyze grammar]

vṛṣotsargeṇa tānsarvāṃstārayedekaviṃśatim |
lohito yastu varṇena mukhe pucche ca pāṇḍuraḥ || 78 ||
[Analyze grammar]

piṅgaḥ khuraviṣāṇābhyāṃ sa nīlo vṛṣa ucyate |
yastu sarvāṅgapiṅgaśca śvetaḥ pucchakhureṣu ca || 79 ||
[Analyze grammar]

sa piṅgo vṛṣa ityāhuḥ pitṝṇāṃ prītivardhanaḥ |
pārāvatasavarṇaśca lalāṭe tilako bhavet || 80 ||
[Analyze grammar]

taṃ vṛṣaṃ babhrumityāhuḥ pūrṇaṃ sarvāṅgaśobhanam |
sarvāṅgeṣvekavarṇo yaḥ piṅgaḥ pucchakhureṣu ca || 81 ||
[Analyze grammar]

khurapiṅgaṃ tamityāhuḥ pitṝṇāṃ sadgatipradam |
nīlaṃ sarvaśarīreṇa svāraktanayanaṃ dṛḍham || 82 ||
[Analyze grammar]

tameva nīlamityāhurnīlaḥ pañcavidhaḥ smṛtaḥ |
yastu vaiśyagṛhe jātaḥ sa vai nīlo viśiṣyate || 83 ||
[Analyze grammar]

na vāhayedgṛhe jātaṃ vatsakaṃ tu kadācana |
tenaiva ca vṛṣotsarge pitṝṇāmanṛṇo bhavet || 84 ||
[Analyze grammar]

jātaṃ tu svagṛhe vatsaṃ dvijanmā yastu vāhayet |
patanti pitarastasya brahmakokagatā api || 85 ||
[Analyze grammar]

yathāyathā hi pibati pītvā dhūnāti mastakam |
pibanpitṝn prīṇayati narakāduddhareddhunan || 86 ||
[Analyze grammar]

yathā pucchābhighātena skandhaṃ gacchanti bindavaḥ |
narakāduddharantyāśu patitān gotriṇastathā || 87 ||
[Analyze grammar]

garjanprāvṛṣi kāle tu viṣāṇābhyāṃ bhuvaṃ likhan |
khurebhyo yā mṛdudbhūtā tayā saṃprīṇayedṛṣīn || 88 ||
[Analyze grammar]

pibanpitṝn prīṇayate khādanollekhane surān |
garjannṛṣimanuṣyāṃśca dharmarūpo hi dharmaja || 89 ||
[Analyze grammar]

bhūtairvāpi piśācairvā cāturthikajvareṇa vā |
gṛhīto'smāhakaṃ gacchetsarveṣāmādhināśanam || 90 ||
[Analyze grammar]

snātvā tu vimale toye darbhagranthiṃ nibandhayet |
mastake bāhumūle vā nābhyāṃ vā galake'pi vā || 91 ||
[Analyze grammar]

gatvā devasamīpaṃ ca prādakṣiṇyena keśavam |
tataḥ samuccaranmantraṃ gāyatryā vātha vaiṣṇavam || 92 ||
[Analyze grammar]

nārāyaṇaṃ śaraṇyeśaṃ sarvadevanamaskṛtam |
namo yajñāṅgasambhūta sarvavyāpinnamo'stu te || 93 ||
[Analyze grammar]

namo namaste deveśa padmagarbha sanātana |
dāmodara jayānanta rakṣa māṃ śaraṇāgatam || 94 ||
[Analyze grammar]

tvaṃ kartā tvaṃ ca hartā ca jagatyasmiṃścarācare |
tvaṃ pālayasi bhūtāni bhuvanaṃ tvaṃ bibharṣi ca || 95 ||
[Analyze grammar]

prasīda devadeveśa suptamaṅgaṃ prabodhaya |
tvaddhyānanirato nityaṃ tvadbhaktiparamo hare || 96 ||
[Analyze grammar]

iti stuto mayā deva prasādaṃ kuru me'cyuta |
māṃ rakṣa rakṣa pāpebhyastrāyasva śaraṇāgatam || 97 ||
[Analyze grammar]

evaṃ stutvā ca deveśaṃ dānavāntakaraṃ harim |
punaruktena vai snātvā tato viprāṃstu bhojayet || 98 ||
[Analyze grammar]

vedoktena vidhānena snānaṃ kṛtvā yathāvidhi |
piṇḍanirvapaṇaṃ kṛtvā vācayetsvastikaṃ tataḥ || 99 ||
[Analyze grammar]

evaṃ stutvā ca deveśaṃ dānavāntakaraṃ harim |
punaruktena vai snātvā tato viprāṃstu bhojayet || 100 ||
[Analyze grammar]

vedoktena vidhānena snānaṃ kṛtvā yathāvidhi |
evaṃ tānvācayitvā tu tato viprānvisarjayet || 101 ||
[Analyze grammar]

yattatroccaritaṃ kiṃcittadviprebhyo nivedayet |
tatra tīrthe naraḥ snātvā nārī vā bhaktitatparā |
śaktito dakṣiṇāṃ dadyātkṛtvā śrāddhaṃ yathāvidhi || 102 ||
[Analyze grammar]

tatra tīrthe naro yāvatsnāpayedvidhipūrvakam |
kṣīreṇa madhunā vāpi dadhnā vā śītavāriṇā || 103 ||
[Analyze grammar]

tāvatpuṣkarapātreṣu pibanti pitaro jalam |
ayane viṣuve caiva yugādau sūryasaṃkrame || 104 ||
[Analyze grammar]

puṣpaiḥ sampūjya deveśaṃ naivedyaṃ yaḥ pradāpayet |
so'śvamedhasya yajñasya phalaṃ prāpnoti puṣkalam || 105 ||
[Analyze grammar]

tatra tīrthe tu yo rājan sūryagrahaṇamācaret |
sūryatejonibhairyānairviṣṇuloke mahīyate || 106 ||
[Analyze grammar]

tatra tīrthe tu yaḥ śrāddhaṃ pitṛbhyaḥ samprayacchati |
satputreṇa ca tenaiva samprāptaṃ janmanaḥ phalam || 107 ||
[Analyze grammar]

iti śrutvā tato devāḥ sarve śakrapurogamāḥ |
brahmaviṣṇumaheśāśca sthāpayāṃcakrurīśvaram || 108 ||
[Analyze grammar]

sarvarogopaśamanaṃ sarvapātakanāśanam |
yastu saṃvatsaraṃ pūrṇamamāvāsyāṃ tu bhāvitaḥ || 109 ||
[Analyze grammar]

pitṛbhyaḥ piṇḍadānaṃ ca kuryādasmāhake nṛpa |
tripuṣkare gayāyāṃ ca prabhāse naimiṣe tathā || 110 ||
[Analyze grammar]

yatpuṇyaṃ śrāddhakartṝṇāṃ tadihaiva bhaveddhruvam |
tilodakaṃ kuśairmiśraṃ yo dadyāddakṣiṇāmukhaḥ || 111 ||
[Analyze grammar]

manvādau ca yugādau ca vyatīpāte dinakṣaye |
yo dadyātpitṛmātṛbhyaḥ so'śvamedhaphalaṃ labhet || 112 ||
[Analyze grammar]

asmāhake naro yastu snātvā sampūjayeddharim |
brahmāṇaṃ śaṅkaraṃ bhaktyā kuryājjāgaraṇakriyām || 113 ||
[Analyze grammar]

sarvapāpavinirmuktaḥ śakrātithyamavāpnuyāt |
tatra tīrthe naraḥ snātvā yaḥ paśyati janārdanam || 114 ||
[Analyze grammar]

viśeṣavidhinābhyarcya praṇamya ca punaḥpunaḥ |
saputreṇa ca tenaiva pitṝṇāṃ vihitā gatiḥ || 115 ||
[Analyze grammar]

ekamūrtistrayo devā brahmaviṣṇumaheśvarāḥ |
satkāryakāraṇopetāḥ susūkṣmāḥ sumahāphalāḥ || 116 ||
[Analyze grammar]

etatte kathitaṃ rājanmahāpātakanāśanam |
asmāhakasya māhātmyaṃ kimanyatparipṛcchasi || 117 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 146

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: