Chapter 118

[English text for this chapter is available]

| śrīmārkaṇḍeya uvāca |
tato gacchettu rājendra tīrthaṃ paramaśobhanam |
indratīrthetivikhyātaṃ narmadādakṣiṇe taṭe || 1 ||
[Analyze grammar]

yudhiṣṭhira uvāca |
narmadādakṣiṇe kūle indratīrthaṃ kathaṃ bhavet |
śrotumicchāmi viprendra hyādimadhyāntavistaraiḥ || 2 ||
[Analyze grammar]

etacchrutvā tu vacanaṃ dharmaputrasya dhīmataḥ |
kathayāmāsa tadvattamitihāsaṃ purātanam || 3 ||
[Analyze grammar]

śrīmārkaṇḍeya uvāca |
viśvāsayitvā suciraṃ dharmaśatruṃ mahābalam |
vṛtraṃ jitvātha hatvā tu gacchamānaṃ śacīpatim || 4 ||
[Analyze grammar]

niṣkrāmamāṇaṃ mārgeṇa brahmahatyā durāsadā |
ahorātramaviśrāntā jagāma bhuvanatrayam || 5 ||
[Analyze grammar]

yatoyato brahmahaṇaṃ yāti yānena śobhanam |
diśo bhāgaṃ suraiḥ sārddhaṃ tato hatyā na muñcati || 6 ||
[Analyze grammar]

brahmahatyā surāpānaṃ steyaṃ gurvaganāgamaḥ |
pātakānāṃ gatirdṛṣṭā na tu viśvāsaghātinām || 7 ||
[Analyze grammar]

pāpakarmamukhaṃ dṛṣṭvā snānadānairviśudhyati |
nārī vā puruṣo vāpi naiva viśvāsaghātinaḥ || 8 ||
[Analyze grammar]

evamādīni cānyāni śrutvā vākyāni devarāṭ |
vacanaṃ tadvidhairuktaṃ viṣādamagamatparam || 9 ||
[Analyze grammar]

tyaktvā rājyaṃ suraiḥ sārdhaṃ jagāma tapa uttamam |
putradāragṛhaṃ rājyaṃ vasūni vividhāni ca || 10 ||
[Analyze grammar]

phalānyetāni dharmasya śobhayanti janeśvaram |
phalaṃ dharmasya bhuñjeti suhṛtsvajanabāndhavāḥ || 11 ||
[Analyze grammar]

paśyatāṃ sarvameteṣāṃ pāpamekena bhujyate |
paraṃ hi sukhamutsṛjya karśayanvai kalevaram || 12 ||
[Analyze grammar]

devarājo jagāmāsau tīrthānyāyatanāni ca |
gaṅgātīrtheṣu sarveṣu yāmuneṣu tathaiva ca || 13 ||
[Analyze grammar]

sārasvateṣu sarveṣu sāmudreṣu pṛthakpṛthak |
nadīṣu devakhāteṣu taḍāgeṣu saraḥsu ca || 14 ||
[Analyze grammar]

pāpaṃ na muñcate sarve paścāddevasamāgame |
revāprabhavatīrtheṣu kūlayorubhayorapi || 15 ||
[Analyze grammar]

pūjayanvai mahādevaṃ skandatīrthaṃ samāsadat |
tava sthitvopavāsaiśca kṛcchracāndrāyaṇādibhiḥ || 16 ||
[Analyze grammar]

karśayanvai svakaṃ dehaṃ na lebhe śarma vai kvacit |
grīṣme pañcāgnimadhyastho varṣāsu sthaṇḍileśayaḥ || 17 ||
[Analyze grammar]

ārdravāsāstu hemante cacāra vipulaṃ tapaḥ |
evaṃ tu tapatastasya indrasya viditātmanaḥ || 18 ||
[Analyze grammar]

vatsarāṇāṃ sahasrāṇi gatāni daśa bhārata |
tatastvekādaśe prāpte varṣe tu nṛpasattama || 19 ||
[Analyze grammar]

sahasā bhagavāndevastu tutoṣa parameśvaraḥ |
tathā brahmarṣayaḥ siddhā brahmaviṣṇupurogamāḥ || 20 ||
[Analyze grammar]

tatrājagmuḥ surāḥ sarve yatra devaḥ śatakratuḥ |
dṛṣṭvā samāgatān devānṛṣīṃścaiva mahāmatiḥ || 21 ||
[Analyze grammar]

uvāca praṇato bhūtvā sarvadevapurohitaḥ |
viditaṃ sarvameteṣāṃ yathā vṛtravadhaḥ kṛtaḥ || 22 ||
[Analyze grammar]

yuṣmākaṃ cājñayā pūrvaṃ brahmaviṣṇumaheśvarāḥ |
tathāpyevaṃ brahmahaṇaṃ matvā pāpasya kāriṇam || 23 ||
[Analyze grammar]

bhramantaṃ sarvatīrtheṣu brahmahatyā na muñcati |
na nandati jagatsarvaṃ trailokyaṃ sacarācaram || 24 ||
[Analyze grammar]

yathā vihīnacandrārkaṃ tathā rājyamanāyakam |
tasmātsarve suraśreṣṭhā vijñāpyaṃ mama samprati || 25 ||
[Analyze grammar]

kurvantu śakraṃ nirdoṣaṃ tathā sarve maharṣayaḥ |
bṛhaspatimukhodgīrṇaṃ śrutvā tadvacanaṃ śubham || 26 ||
[Analyze grammar]

tataḥ provāca bhagavānbrahmā lokapitāmahaḥ |
etatpāpaṃ mahāghoraṃ brahmahatyāsamudbhavam || 27 ||
[Analyze grammar]

daivatebhyo'tha bhūtebhyaścaturbhāgaṃ kṣipāmyaham |
evaṃ muktvā kṣipaccaino jalopari mahāmatiḥ || 28 ||
[Analyze grammar]

avagāhya tataḥ peyā āpo vai nānyathā budhaiḥ |
dharāyāmakṣipadbhāgaṃ dvitīyaṃ padmasaṃbhavaḥ || 29 ||
[Analyze grammar]

abhakṣyā tena saṃjātā sadākālaṃ vasuṃdharā |
tadārdhamarddhaṃ nārīṇāṃ dvitīye'hni yudhiṣṭhira || 30 ||
[Analyze grammar]

nikṣipya bhagavāndevaḥ punaranyajjagāda ha |
asaṃgrāhyā tvasaṃgrāhyā tena jātā rajasvalā || 31 ||
[Analyze grammar]

caturdināni sā prājñaiḥ pāpasya mahato mahāt |
caturthaṃ tu tato bhāgaṃ vibhajya parameśvaraḥ || 32 ||
[Analyze grammar]

kṛṣigorakṣyavāṇijyaiḥ śūdrasevākare dvije |
tato'bhinandayāmāsuḥ sarve devā maharṣayaḥ || 33 ||
[Analyze grammar]

devendraṃ vāgbhiriṣṭābhirnarmadājalasaṃsthitam |
vareṇa chandayāmāsa tatastuṣṭo maheśvaraḥ || 34 ||
[Analyze grammar]

varaṃ dāsyāmi deveśa varaṃ vṛṇu yathepsitam || 35 ||
[Analyze grammar]

indra uvāca |
yadi tuṣṭo'si deveśa yadi deyo varo mama |
atra saṃsthāpayiṣyāmi sadā saṃnihito bhava || 36 ||
[Analyze grammar]

evamastviti coktvā taṃ brahmaviṣṇumaheśvarāḥ |
jagmurākāśamāviśya stūyamānā maharṣibhiḥ || 37 ||
[Analyze grammar]

gateṣu devadeveṣu devarājaḥ śatakratuḥ |
sthāpayitvā mahādevaṃ jagāma tridaśālayam || 38 ||
[Analyze grammar]

indratīrthe tu yaḥ snātvā tarpayetpitṛdevatāḥ |
mahāpātakayukto'pi mucyate sarvapātakaiḥ || 39 ||
[Analyze grammar]

indratīrthe tu yaḥ snātvā pūjayetparameśvaram |
so'śvamedhasya yajñasya puṣkalaṃ phalamaśnute || 40 ||
[Analyze grammar]

etatte kathitaṃ sarvaṃ tīrthamāhātmyamuttamam |
śrutamātreṇa yenaiva mucyante pātakairnarāḥ || 41 ||
[Analyze grammar]