Chapter 102

[English text for this chapter is available]

|  adhyāya || 102 ||
[Analyze grammar]

mārkaṇḍeya uvāca |
manmatheśaṃ tato gacchetsarvadevanamaskṛtam |
snānamātrānnaro rājanyamalokaṃ na paśyati || 1 ||
[Analyze grammar]

anapatyā yā ca nārī snāyādvai pāṇḍunandana |
putraṃ sā labhate pārtha satyasaṅghaṃ dṛḍhavratam || 2 ||
[Analyze grammar]

tatra snātvā naro rājañchuciḥ prayatamānasaḥ |
upoṣya rajanīmekāṃ gosahasraphalaṃ labhet || 3 ||
[Analyze grammar]

kāmikaṃ tīrtharājaṃ tu tādṛśaṃ na bhaviṣyati |
trirātraṃ kurute rājansa golakṣaphalaṃ labhet || 4 ||
[Analyze grammar]

tatra nṛtyaṃ prakartavyaṃ tuṣyate parameśvaraḥ |
gītavāditranirghoṣai rātrau jāgaraṇena ca || 5 ||
[Analyze grammar]

eraṇḍyāṃ ca mahādevo dṛṣṭo me manmatheśvaraḥ |
kiṃ samartho yamo ruṣṭo bhadro bhadrāṇi paśyati || 6 ||
[Analyze grammar]

kāmena sthāpitaḥ śambhuretasmātkāmado nṛpa |
sopānaḥ svargamārgasya pṛthivyāṃ manmatheśvaraḥ || 7 ||
[Analyze grammar]

viśeṣaścātra sandhyāyāṃ śrāddhadāne ca bhārata |
annadānena rājendra kīrtitaṃ phalamuttamam || 8 ||
[Analyze grammar]

etatte sarvamākhyātaṃ tava bhaktyā tu bhārata |
pṛthivyāṃ sāgarāntāyāṃ prakhyāto manmatheśvaraḥ || 9 ||
[Analyze grammar]

godānaṃ pāṇḍavaśreṣṭha trayodaśyāṃ prakārayet |
caitre māsi site pakṣe tatra gatvā jitendriyaḥ || 10 ||
[Analyze grammar]

rātrau jāgaraṇaṃ kṛtvā devasyāgre nṛpottama |
dīpaṃ bhaktyā ghṛtenaiva devasyāgre nivedayet || 11 ||
[Analyze grammar]

stryatha vā puruṣo vāpi samametatphalaṃ smṛtam || 12 ||
[Analyze grammar]