Chapter 92

[English text for this chapter is available]

| śrīmārkaṇḍeya uvāca |
tato gacchettu rājendra yamahāsyamanuttamam |
sarvapāpaharaṃ tīrthaṃ narmadātaṭamāśritam || 1 ||
[Analyze grammar]

yudhiṣṭhira uvāca |
yamahāsyaṃ kathaṃ jātaṃ pṛthivyāṃ dvijapuṃgava |
etatsarvaṃ mamākhyāhi paraṃ kautūhalaṃ hi me || 2 ||
[Analyze grammar]

śrīmārkaṇḍeya uvāca |
sādhu sādhu mahāprājña pṛṣṭo'haṃ nṛpanandana |
snānārthaṃ narmadāṃ puṇyāmāgataste pitā purā || 3 ||
[Analyze grammar]

rajakena yathā dhautaṃ vastraṃ bhavati nirmalam |
tathāsau nirmalo jāto dharmarājo yudhiṣṭhira || 4 ||
[Analyze grammar]

sa paśyannirmalaṃ dehaṃ hasanprovāca vismitaḥ || 5 ||
[Analyze grammar]

yama uvāca |
matpuraṃ kathamāyānti manujāḥ pāpabṛṃhitāḥ |
snānenaikena revāyāḥ prāpyate vaiṣṇavaṃ padam || 6 ||
[Analyze grammar]

samarthā ye na paśyanti revāṃ puṇyajalāṃ śubhām |
jātyandhaiste samā jñeyā mṛtaiḥ paṅgubhireva vā || 7 ||
[Analyze grammar]

samarthā ye na paśyanti revāṃ puṇyajalāṃ nadīm |
etasmātkāraṇādrājanhasito lokaśāsanaḥ || 8 ||
[Analyze grammar]

sthāpayitvā yamastatra devaṃ svargaṃ jagāma ha |
yamahāseśvare rājañjitakrodho jitendriyaḥ || 9 ||
[Analyze grammar]

viśeṣāccāśvine māsi kṛṣṇapakṣe caturdaśīm |
upoṣya parayā bhaktyā sarvapāpaiḥ pramucyate || 10 ||
[Analyze grammar]

rātrau jāgaraṇaṃ kuryāddīpaṃ devasya bodhayet |
ghṛtena caiva rājendra śṛṇu tatrāsti yatphalam || 11 ||
[Analyze grammar]

mucyate pātakaiḥ sarvairagamyāgamanodbhavaiḥ |
abhakṣyabhakṣaṇodbhūtairapeyāpeyajairapi || 12 ||
[Analyze grammar]

avāhyavāhite yatsyādadohyādohane yathā |
snānamātreṇa tasyaivaṃ yānti pāpānyanekadhā || 13 ||
[Analyze grammar]

yamalokaṃ na vīkṣeta manujaḥ sa kadācana |
pitḥṇāṃ paramaṃ guhyamidaṃ bhūmau nareśvara || 14 ||
[Analyze grammar]

dadatāmakṣayaṃ sarvaṃ yamahāsye na saṃśayaḥ |
amāvāsyāṃ jitakrodho yastu pūjayate dvijān || 15 ||
[Analyze grammar]

hiraṇyabhūmidānena tiladānena bhūyasā |
kṛṣṇājinapradānena tiladhenupradānataḥ || 16 ||
[Analyze grammar]

vidhānoktadvijāgryāya ye pradāsyanti bhaktitaḥ |
hayaṃ vā kuṃjaraṃ vātha dhūrvahau sīrasaṃyutau || 17 ||
[Analyze grammar]

kanyāṃ vasumatīṃ gāṃ ca mahiṣīṃ vā payasvinīm |
dadate ye nṛpaśreṣṭha nopasarpanti te yamam || 18 ||
[Analyze grammar]

yamo'pi bhavati prītaḥ pratijanma yudhiṣṭhira |
yamasya vāho mahiṣo mahiṣyastasya mātaraḥ || 19 ||
[Analyze grammar]

tāsāṃ dānaprabhāveṇa yamaḥ prīto bhaveddhruvam |
nāsau yamamavāpnoti yadi pāpaiḥ samāvṛtaḥ || 20 ||
[Analyze grammar]

etasmātkāraṇādatra mahiṣīdānamuttamam |
tasyāḥ śṛṅge jalaṃ kāryaṃ dhūmravastrānuveṣṭitā || 21 ||
[Analyze grammar]

āyasasya khurāḥ kāryāstāmrapṛṣṭhāḥ subhūṣitāḥ |
lavaṇācalaṃ pūrvasyāmāgneyyāṃ guḍaparvatam || 22 ||
[Analyze grammar]

kārpāsaṃ yāmyabhāgaṃ tu navanītaṃ tu nairṛte |
paścime saptadhānyāni vāyavye taṃdulāḥ smṛtāḥ || 23 ||
[Analyze grammar]

saumye tu kāñcanaṃ dadyādīśāne ghṛtameva ca |
pradadyādyamarājo me prīyatāmityudīrayan || 24 ||
[Analyze grammar]

ityuccārya dvijasyāgre yamalokaṃ mahābhayam |
asipattravanaṃ ghoraṃ yamacullī sudāruṇā || 25 ||
[Analyze grammar]

raudrā vaitaraṇī caiva kumbhīpāko bhayāvahaḥ |
kālasūtro mahābhīmastathā yamalaparvatau || 26 ||
[Analyze grammar]

krakacaṃ tailayantraṃ ca śvāno gṛdhrāḥ sudāruṇāḥ |
nirucchvāsā mahānādā bhairavo rauravastathā || 27 ||
[Analyze grammar]

ete ghorā yāmyaloke śrūyante dvijasattama |
tvatprasādena te somyāstīrthasyāsya prabhāvataḥ || 28 ||
[Analyze grammar]

dānasyāsya prabhāveṇa yamarājaprasādataḥ |
narake'haṃ na yāsyāmi dvija janmani janmani || 29 ||
[Analyze grammar]

yamahāsyasya cākhyānamidaṃ śṛṇvanti ye narāḥ |
te'pi pāpavinirmuktā na paśyanti yamālayam || 30 ||
[Analyze grammar]