Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 91

< Previous

Next >

[English text for this chapter is available]

| adhyāya || 91 ||
[Analyze grammar]

śrīmārkaṇḍeya uvāca |
tato gacchenmahīpāla tīrthaparamapāvanam |
caṇḍādityaṃ nṛpaśreṣṭha sthāpitaṃ caṇḍamuṇḍayoḥ || 1 ||
[Analyze grammar]

āstāṃ purā mahādaityau caṇḍamuṇḍau sudāruṇau |
narmadātīramāśritya ceraturvipulaṃ tapaḥ || 2 ||
[Analyze grammar]

dhyāyantau bhāskaraṃ devaṃ tamonāśaṃ jagattraye |
tuṣṭastattapasā devaḥ sahasrāṃśuruvāca ha || 3 ||
[Analyze grammar]

sādhu sādhviti tau pārtha narmadāyāḥ śubhe taṭe |
varaṃ prārthayataṃ vīrau yatheṣṭaṃ cetasecchitam || 4 ||
[Analyze grammar]

caṇḍamuṇḍāvūcatuḥ |
ajeyau sarvadevānāṃ bhūyāsvāvāṃ samāhitau |
sarvarogaiḥ parityaktau sarvakālaṃ divākara || 5 ||
[Analyze grammar]

evamastviti tau prāha bhāskaro vāritaskaraḥ |
ityuktvāntardadhe bhānurdaityābhyāṃ tatra bhāskaraḥ || 6 ||
[Analyze grammar]

sthāpitaḥ parayā bhaktyā taṃ gacchedātmasiddhaye |
gīrvāṇāṃśca manuṣyāṃśca pitḥṃstatrāpi tarpayet || 7 ||
[Analyze grammar]

sa vasedbhāskare loke viriñcidivasaṃ nṛpa |
ghṛtena bodhayeddīpaṃ ṣaṣṭhyāṃ sa ca nareśvara |
mucyate sarvapāpaistu pratiyāti puraṃ raveḥ || 8 ||
[Analyze grammar]

utpattiṃ caṇḍabhānoryaḥ śṛṇoti bharatarṣabha |
vijayī sa sadā nūnamādhivyādhivivarjitaḥ || 9 ||
[Analyze grammar]