Chapter 76

[English text for this chapter is available]

| adhyāya || 76 ||
[Analyze grammar]

śrīmārkaṇḍeya uvāca |
tato gacchettu rājendra pāreśvaramanuttamam |
parāśaro mahātmā vai narmadāyāstaṭe śubhe || 1 ||
[Analyze grammar]

tapaścacāra vipulaṃ putrārthaṃ pāṇḍunandana |
himavadduhitā tena gaurī nārāyaṇī nṛpa || 2 ||
[Analyze grammar]

toṣitā parayā bhaktyā narmadottarake taṭe |
tasya tuṣṭā mahādevī śaṅkarārdhāṅgadhāriṇī || 3 ||
[Analyze grammar]

bhobho ṛṣivara śreṣṭha tuṣṭāhaṃ tava bhaktitaḥ |
varaṃ yācaya me vipra parāśara mahāmate || 4 ||
[Analyze grammar]

parāśara uvāca |
parituṣṭāsi me devi yadi deyo varo mama |
dehi putraṃ bhagavati satyaśaucaguṇānvitam || 5 ||
[Analyze grammar]

vedābhyasanaśīlaṃ hi sarvaśāstraviśāradam |
tīrthe cātra bhaveddevi sannidhānavareṇa tu || 6 ||
[Analyze grammar]

lokopakārahetośca sthīyatāṃ girinandini |
parāśarābhidhānena narmadādakṣiṇe taṭe || 7 ||
[Analyze grammar]

śrīdevyuvāca |
evaṃ bhavatu te vipra tatraivāntaradhīyata |
parāśaro mahātmā vai sthāpayāmāsa pārvatīm || 8 ||
[Analyze grammar]

śaṅkaraṃ sthāpayāmāsa surāsuranamaskṛtam |
acchedyamapratarkyaṃ ca devānāṃ tu durāsadam || 9 ||
[Analyze grammar]

parāśaro mahātmā vai kṛtārtho hyabhavannṛpa || 10 ||
[Analyze grammar]

tatra tīrthe tu yo bhaktyā śuciḥ prayatamānasaḥ |
stryathavā puruṣo vāpi kāmakrodhavivarjitaḥ || 11 ||
[Analyze grammar]

māghe caitre'tha vaiśākhe śrāvaṇe nṛpanandana |
māsi mārgaśire caiva śuklapakṣe tu sarvadā || 12 ||
[Analyze grammar]

tatra gatvā śubhe sthāne narmadādakṣiṇe taṭe || 13 ||
[Analyze grammar]

upoṣya parayā bhaktyā vratametatsamācaret |
rātrau jāgaraṇaṃ kṛtvā dīpadānaṃ svaśaktitaḥ || 14 ||
[Analyze grammar]

gītaṃ nṛtyaṃ tathā vādyaṃ kāmakrodhavivarjitaḥ |
prabhāte vimale prāpte dvijāḥ pūjyāḥ svaśaktitaḥ || 15 ||
[Analyze grammar]

sampūjya brāhmaṇān pārtha dhanadānahiraṇyataḥ |
vastreṇa chatradānena śayyātāmbūlabhojanaiḥ || 16 ||
[Analyze grammar]

prīṇayennarmadātīre brāhmaṇāñchaṃsitavratān |
śrāddhaṃ kāryaṃ nṛpaśreṣṭha āmaiḥ pakvairjalena ca || 17 ||
[Analyze grammar]

strīṇāṃ caiva tu śūdrāṇāmāmaśrāddhaṃ praśasyate |
āmaṃ caturguṇaṃ deyaṃ brāhmaṇānāṃ yudhiṣṭhira || 18 ||
[Analyze grammar]

vedoktena vidhānena dvijāḥ pūjyāḥ prayatnataḥ |
hastamātraiḥ kuśaiścaiva tilaiścaivākṣatairnṛpa || 19 ||
[Analyze grammar]

viprā udaṅmukhāḥ kāryāḥ svayaṃ vai dakṣiṇāmukhaḥ |
darbheṣu nikṣipedannamityuccārya dvijāgrataḥ || 20 ||
[Analyze grammar]

pretā yāntu pare loke tīrthasyāsya prabhāvataḥ |
pāpaṃ me praśamaṃ yātu etu vṛddhiṃ śubhaṃ sadā || 21 ||
[Analyze grammar]

vṛddhiṃ yātu sadā vaṃśo jñātivargo dvijottama |
evamuccārya viprāya dānaṃ deyaṃ svaśaktitaḥ || 22 ||
[Analyze grammar]

gobhūtisahiraṇyādi cānnaṃ vastraṃ svaśaktitaḥ |
dātavyaṃ pāṇḍavaśreṣṭha pāreśvaravarāśrame || 23 ||
[Analyze grammar]

ye śṛṇvanti paraṃ bhaktyā mucyante sarvapātakaiḥ || 24 ||
[Analyze grammar]