Chapter 69

[English text for this chapter is available]

| adhyāya || 69 ||
[Analyze grammar]

śrīmārkaṇḍeya uvāca |
tato gacchettu rājendra maṅgaleśvaramuttamam |
sthāpitaṃ bhūmiputreṇa lokānāṃ hitakāmyayā || 1 ||
[Analyze grammar]

toṣitaḥ parayā bhaktyā śaṅkaraḥ śaśiśekharaḥ |
caturdaśyāṃ gururdevaḥ pratyakṣo maṅgaleśvaraḥ || 2 ||
[Analyze grammar]

brūhi putra varaṃ śubhraṃ taṃ te dāsyāmi maṅgala || 3 ||
[Analyze grammar]

maṅgala uvāca |
prasādaṃ kuru me śambho pratijanmani śaṅkara |
tvadaṅgasvedasambhūto grahamadhye vasāmyaham || 4 ||
[Analyze grammar]

tvatprasādena īśāna pūjyo'haṃ sarvadaivataiḥ |
kṛtārtho hyadya saṃjātastava darśanabhāṣaṇāt || 5 ||
[Analyze grammar]

sthāne'smin devadeveśa mama nāmnā maheśvaraḥ |
evaṃ bhavatu te putretyuktvā cāntaradhīyata || 6 ||
[Analyze grammar]

maṅgalo'pi mahātmā vai sthāpayitvā maheśvaram |
ātmayogabalenaiva śūlināpūjayattataḥ || 7 ||
[Analyze grammar]

sarvaduḥkhaharaṃ liṅgaṃ nāmnā vai maṅgaleśvaram |
tatra tīrthe tu vai rājanbrāhmaṇānprīṇayetsudhīḥ || 8 ||
[Analyze grammar]

sapatnīkānnṛpaśreṣṭha caturthyaṅgārake vrate |
patnībhartārasaṃyuktaṃ vidvāṃsaṃ śrotriyaṃ dvijam || 9 ||
[Analyze grammar]

vratānte caiva gaurdhuryaiḥ śivamuddiśya dīyate |
prīyatāṃ me mahādevaḥ sapatnīko vṛṣadhvajaḥ || 10 ||
[Analyze grammar]

vastrayugmaṃ pradātavyaṃ lohitaṃ pāṇḍunandana |
dhūrvahau raktavarṇau ca śubhraṃ kṛṣṇaṃ tathaiva ca || 11 ||
[Analyze grammar]

chatraṃ śayyāṃ śubhāṃ caiva raktamālyānulepanam |
dātavyaṃ pāṇḍavaśreṣṭha viśuddhenāntarātmanā || 12 ||
[Analyze grammar]

caturthyāṃ tu tathāṣṭamyāṃ pakṣayoḥ śuklakṛṣṇayoḥ |
śrāddhaṃ tatraiva kartavyaṃ vittaśāṭhyena varjitaḥ || 13 ||
[Analyze grammar]

pretā bhavanti suprītā yugamekaṃ mahīpate |
saputro jāyate martyaḥ pratijanma nṛpottama || 14 ||
[Analyze grammar]

tasya tīrthasya bhāvena sarvāṅgaruciro nṛpa |
maṅgalaṃ bhavate vaṃśo nāśubhaṃ vidyate kvacit || 15 ||
[Analyze grammar]

bhaktyā yaḥ kīrtayennityaṃ tasya pāpaṃ vyapohati || 16 ||
[Analyze grammar]