Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

Chapter 65

< Previous

Next >

[English text for this chapter is available]

| adhyāya || 65 ||
[Analyze grammar]

śrīmārkaṇḍeya uvāca |
tato gacchettu rājendra ānandeśvaramuttamam |
tattīrthaṃ kathayiṣyāmi sarvapāpakṣayaṃkaram || 1 ||
[Analyze grammar]

yudhiṣṭhira uvāca |
ānandaścaiva saṃjāto rudrasya dvijasattama |
kathyatāṃ me ca tatsarvaṃ saṃkṣepātsaha bāndhavaiḥ || 2 ||
[Analyze grammar]

śrīmārkaṇḍeya uvāca |
kathayāmi nṛpaśreṣṭha ānandeśvaramuttamam |
dānavānāṃ vadhaṃ kṛtvā devadevo maheśvaraḥ || 3 ||
[Analyze grammar]

pūjito daivataiḥ sarvaiḥ kinnarairyakṣapannagaiḥ |
ānandasaṃyuto devo nanarta vṛṣavāhanaḥ || 4 ||
[Analyze grammar]

bhairavaṃ rūpamāsthāya gauryā cārddhāṅgasaṃsthitaḥ |
bhūtavetālakaṅkālairbhairavairbhairavo vṛtaḥ || 5 ||
[Analyze grammar]

nanarta narmadātīre dakṣiṇe pāṇḍunandana |
tuṣṭairmarudgaṇaiḥ sarvaiḥ sthāpitaḥ kamalāsanaḥ || 6 ||
[Analyze grammar]

tadāprabhṛti tattīrthamānandeśvaramucyate |
aṣṭamyāṃ ca caturdaśyāṃ paurṇamāsyāṃ narādhipa || 7 ||
[Analyze grammar]

vidhivaccārcayeddevaṃ sugandhena vilepayet |
brāhmaṇānpūjayettatra yathāśaktyā yudhiṣṭhira || 8 ||
[Analyze grammar]

godānaṃ tatra kartavyaṃ vastradānaṃ śubhāvaham |
vasantasya trayodaśyāṃ śrāddhaṃ tatraiva kārayet || 9 ||
[Analyze grammar]

iṅgudairbadarairbilvairakṣataiśca jalena vā |
pretānāṃ kārayecchrāddhamānandeśvara uttame || 10 ||
[Analyze grammar]

ānanditā bhaveyuste yāvadābhūtasamplavam |
santatervai na vicchedaḥ saptajanmasu jāyate |
ānando hi bhavatteṣāṃ pratijanmani bhārata || 11 ||
[Analyze grammar]