Chapter 60

[English text for this chapter is available]

śrīmārkaṇḍeya uvāca |
bhūyo'pyahaṃ pravakṣyāmi ādityeśvaramuttamam |
sarvaduḥkhaharaṃ pārtha sarvavighnavināśanam || 1 ||
[Analyze grammar]

āyuḥśrīvarddhanaṃ nityaṃ putradaṃ svargadaṃ śivam |
yasya tīrthasya cānyāni tīrthāni kurunandana || 2 ||
[Analyze grammar]

nālabhanta śriyaṃ nāke martye pātālagocare |
kurukṣetraṃ gayā gaṅgā naimiṣaṃ puṣkaraṃ tathā || 3 ||
[Analyze grammar]

vārāṇasī ca kedāraṃ prayāgaṃ rudranandanam |
mahākālaṃ sahasrākṣaṃ śuklatīrthaṃ nṛpottama || 4 ||
[Analyze grammar]

ravitīrthasya sarvāṇi kalāṃ nārhanti ṣoḍaśīm |
ravitīrthe hi yadvṛttaṃ tacchṛṇuṣva nṛpottama || 5 ||
[Analyze grammar]

snehātte kathayiṣyāmi vārddhakenātipīḍitaḥ |
śṛṇvantu ṛṣayaḥ sarve taponiṣṭhā mahaujasaḥ || 6 ||
[Analyze grammar]

śrutaṃ me rudrasāṃnidhye nandiskandagaṇaiḥ saha |
pārvatyā pṛṣṭaḥ śambhuśca ravitīrthasya yatphalam || 7 ||
[Analyze grammar]

śambhunā ca yadākhyātaṃ girijāyāḥ sasambhramam |
tatsarvamekacittena rudrodgītaṃ śrutaṃ mayā || 8 ||
[Analyze grammar]

tatte'haṃ sampravakṣyāmi śṛṇu yatnena pāṇḍava |
durbhikṣopahatā viprā narmadāṃ tu samāśritāḥ || 9 ||
[Analyze grammar]

uddālako vaśiṣṭhaśca māṇḍavyo gautamastathā |
yājñavalkyo'tha gargaśca śāṇḍilyo gālavastathā || 10 ||
[Analyze grammar]

nāciketo vibhāṇḍaśca vālakhilyādayastathā |
śātātapaśca śaṅkhaśca jaiminirgobhilastathā || 11 ||
[Analyze grammar]

jaigīṣavyaḥ śatānīkaḥ sarva eva samāgatāḥ |
tīrthayātrā kṛtā taistu narmadāyāḥ samantataḥ || 12 ||
[Analyze grammar]

ādityeśvaramāyātāḥ prasaṅgādṛṣipuṃgavāḥ |
vṛkṣaiḥ saṃchāditaṃ śubhraṃ dhavatindukapāṭalaiḥ || 13 ||
[Analyze grammar]

jambīrairarjunaiḥ kubjaiḥ śamīkesarakiṃśukaiḥ |
tasmiṃstīrthe mahāpuṇye sugandhikusumākule || 14 ||
[Analyze grammar]

punnāganālikeraiśca khadiraiḥ kalpapādapaiḥ |
anekaśvāpadākīrṇaṃ mṛgamārjārasaṃkulam || 15 ||
[Analyze grammar]

ṛkṣahastisamākīrṇaṃ citrakaiścopaśobhitam |
praviṣṭā ṛṣayaḥ sarve vane puṣpasamākule || 16 ||
[Analyze grammar]

vanānte ca striyo dṛṣṭvā raktā raktāmbarānvitāḥ |
raktamālyānuśobhāḍhyā raktacandanacarcitāḥ || 17 ||
[Analyze grammar]

raktābharaṇasaṃyuktāḥ pāśahastā bhayāvahāḥ |
tāsāṃ samīpagā dṛṣṭāḥ kṛṣṇajīmūtasannibhāḥ || 18 ||
[Analyze grammar]

mahākāyā bhīmavaktrāḥ pāśahastā bhayāvahāḥ |
anāvṛṣṭyupamā dṛṣṭā āturāḥ piṅgalocanāḥ || 19 ||
[Analyze grammar]

dīrghajihvā karālāsyā tīkṣṇadaṃṣṭrā durāsadā |
vṛddhā nārī kuruśreṣṭha dṛṣṭānyā ṛṣipuṃgavaiḥ || 20 ||
[Analyze grammar]

tataḥ samīpagā vṛddhā tasya vṛndasya bhārata |
svādhyāyaniratā viprā dṛṣṭāstaiḥ pāpakarmabhiḥ || 21 ||
[Analyze grammar]

ūcuste tu samūhena brāhmaṇāṃstapasi sthitān |
asmākaṃ svāminaḥ sarve tiṣṭhante tīrthamadhyataḥ |
te prasthāpyā mahābhāgāḥ sarvathaiva tvarānvitāḥ || 22 ||
[Analyze grammar]

tacchrutvā vacanaṃ teṣāṃ sarve caiva tvarānvitāḥ |
jagmuste narmadākakṣaṃ dṛṣṭvā revāṃ dvijottamāḥ || 23 ||
[Analyze grammar]

tataḥ kecitstuvantyanye jaya devi namo'stu te || 24 ||
[Analyze grammar]

namo'stu te siddhagaṇairniṣevite namo'stu te sarvapavitramaṅgale |
namo'stu te viprasahasrasevite namo'stu rudrāṅgasamudbhave vare || 25 ||
[Analyze grammar]

namo'stu te sarvapavitrapāvane namo'stu te devi varaprade śive |
namāmi te śītajale sukhaprade saridvare pāpahare vicitrite || 26 ||
[Analyze grammar]

anekabhūtaughasusevitāṅge gandharvayakṣoragapāvitāṅge |
mahāgajaughairmahiṣairvarāhairāpīyase toyamahormimāle || 27 ||
[Analyze grammar]

namāmi te sarvavare sukhaprade vimocayāsmānaghapāśabaddhān || 28 ||
[Analyze grammar]

bhramanti tāvannarakeṣu martyā yāvattavāmbho nahi saṃśrayanti |
spṛṣṭaṃ karaiścandramaso raveścettaddevi dadyātparamaṃ padaṃ tu || 29 ||
[Analyze grammar]

anekasaṃsārabhayārditānāṃ pāpairanekairabhiveṣṭitānām |
gatistvamambhojasamānavaktre dvandvairanekairabhisaṃvṛtānām || 30 ||
[Analyze grammar]

nadyaśca pūtā vimalā bhavanti tvāṃ devi samprāpya na saṃśayo'tra |
duḥkhāturāṇāmabhayaṃ dadāsi śiṣṭairanekairabhipūjitāsi || 31 ||
[Analyze grammar]

viṇmūtradehāśca nimagnadehā bhramanti tāvannarakeṣu martyāḥ |
mahābaladhvastataraṅgabhaṅgaṃ jalaṃ na yāvattava saṃspṛśanti || 32 ||
[Analyze grammar]

mlecchāḥ pulindāstvatha yātudhānāḥ pibanti ye'ṃbhastava devi puṇyam |
te'pi pramucyanti bhayācca ghorātkimatra viprā bhavapāśabhītāḥ || 33 ||
[Analyze grammar]

sarāṃsi nadyaḥ kṣayamabhyupetā ghore yuge'sminkalināvasṛṣṭe |
tvaṃ bhrājase devi jalaughapūrṇā divīva nakṣatrapathe ca gaṅgā || 34 ||
[Analyze grammar]

tava prāsādādvarade viśiṣṭe kālaṃ yathemaṃ paripālayitvā |
yāsyāma mokṣaṃ tava suprasādādvayaṃ yathā tvaṃ kuru naḥ prasādam || 35 ||
[Analyze grammar]

tvāmāśritā ye śaraṇaṃ gatāśca gatistvamambeva piteva putrān |
tvatpālitā yāvadimaṃ sughoraṃ kālaṃ tvanāvṛṣṭihataṃ kṣipāmaḥ || 36 ||
[Analyze grammar]

evaṃ stutā tadā devī narmadā saritāṃ varā |
pratyakṣā sā parā mūrtirbrāhmaṇānāṃ yudhiṣṭhira || 37 ||
[Analyze grammar]

śrīmārkaṇḍeya uvāca |
paṭhanti ye stotramidaṃ narendra śṛṇvanti bhaktyā parayā praśāntāḥ |
te yānti rudraṃ vṛṣasaṃyutena yānena divyāmbarabhūṣitāṅgāḥ || 38 ||
[Analyze grammar]

ye stotrametatsatataṃ japanti snātvā ca toyena tu narmadāyāḥ |
tebhyo'ntakāle sariduttameyaṃ gatiṃ viśuddhāmacirāddadāti || 39 ||
[Analyze grammar]

prātaḥ samutthāya tathā śayāno yaḥ kīrtayetānudinaṃ stavendram |
dehakṣayaṃ sve salile dadāti samāśrayaṃ tasya mahānubhāva || 40 ||
[Analyze grammar]

pāpairvimuktā divi modamānāḥ sambhoginaścaiva tu nānyathā ca || 41 ||
[Analyze grammar]

prasannā narmadā devī stotreṇānena bhārata |
jalenāpyāyitān viprān dakṣiṇāpathavāhinī || 42 ||
[Analyze grammar]

amṛtatvaṃ tu vo dadmi yogibhiryanna gamyate |
durlabhaṃ yatsuraiḥ sarvairmatprasādāllabhiṣyatha || 43 ||
[Analyze grammar]

iti te brāhmaṇā rājaṃllabdhā varamanuttamam |
gamiṣyantaḥ prītacittā dadṛśuścitramadbhutam || 44 ||
[Analyze grammar]

śrīmārkaṇḍeya uvāca |
dṛṣṭāstaiḥ puruṣāḥ pārtha narmadātaṭasaṃsthitāḥ |
snānadevārcanāsaktāḥ pañca eva mahābalāḥ || 45 ||
[Analyze grammar]

te dṛṣṭā brāhmaṇaiḥ sarvairvedavedāṅgapāragaiḥ |
saṃpṛṣṭāstairmahārāja yathā tadavadhāraya || 46 ||
[Analyze grammar]

viprā ūcuḥ |
vanānte strīyugaṃ dṛṣṭvā mahāraudraṃ bhayāvaham |
vṛddhāśca puruṣāstatra pāśahastā bhayāvahāḥ || 47 ||
[Analyze grammar]

durdharṣā durnirīkṣyāśca itaścetaśca cañcalāḥ |
vyāharantaḥ śubhāṃ vācaṃ na tatra gatirasti vai || 48 ||
[Analyze grammar]

aparasparayoḥ sarve nirīkṣantaḥ punaḥpunaḥ |
taistu yadvacanaṃ proktaṃ tatsarvaṃ kathyatāmiti || 49 ||
[Analyze grammar]

asmākaṃ puruṣāḥ pañca tiṣṭhanti tatra sattamāḥ |
te prasthāpyā mahābhāgāḥ sarvathaiva tvarānvitāḥ || 50 ||
[Analyze grammar]

atha te puruṣāḥ pañca śrutvā vākyamidaṃ śubham |
parasparaṃ nirīkṣanto vadanti ca punaḥpunaḥ || 51 ||
[Analyze grammar]

kva te kasya kuto yātāḥ kimuktaṃ tairbhayāvahaiḥ || 52 ||
[Analyze grammar]

puruṣā ūcuḥ |
tīrthāvagāhanaṃ sarvaiḥ pūrvadakṣiṇapaścimaiḥ |
uttaraiśca kṛtaṃ bhaktyā na pāpaṃ tairvyapohitam || 53 ||
[Analyze grammar]

niṣpāpāścātha saṃjātāstīrthasyāsya prabhāvataḥ |
śṛṇvantu ṛṣayaḥ sarve vahnikālopamā dvijāḥ || 54 ||
[Analyze grammar]

pātakāni ca ghorāṇi yānyacintyāni dehinām |
pāpiṣṭhena tu caikena gurudārā niṣevitā || 55 ||
[Analyze grammar]

hṛtaṃ cānyena mitrasvaṃ suvarṇaṃ ca dhanaṃ tathā |
brahmahatyā mahāraudrā kṛtā cānyena pātakam || 56 ||
[Analyze grammar]

surāpānaṃ tu cānyasya saṃjātaṃ cāpyakāmataḥ |
govadhyā cāpyakāmena kṛtā caikena pāpinā || 57 ||
[Analyze grammar]

akāmato'pi sarveṣāṃ pātakāni narādhipa |
brāhmaṇānāṃ tu te śrutvā vākyaṃ tadvismayānvitāḥ || 58 ||
[Analyze grammar]

sadya eva tadā jātāḥ pāpiṣṭhā gatakalmaṣāḥ |
tīrthasyāsya prabhāvena narmadāyāḥ prabhāvataḥ || 59 ||
[Analyze grammar]

na kvacitpātakānāṃ tu praveśaścātra jāyate |
evaṃ saṃcitya te sarve pāpiṣṭhāśca parasparam || 60 ||
[Analyze grammar]

citrabhānuḥ smṛtastaistu vicintya hṛdaye harim |
snātvā revājale puṇye tarpitāḥ pitṛdevatāḥ || 61 ||
[Analyze grammar]

natvā tu bhāskaraṃ devaṃ hṛdi dhyātvā janārdanam |
pradakṣiṇaṃ tu taṃ bhaktyā jvalantaṃ jātavedasam || 62 ||
[Analyze grammar]

patitāḥ pāṇḍavaśreṣṭha pāpodvignā mahīpate |
sāttvikīṃ vāsanāṃ kṛtvā tyaktvā rajastamastathā || 63 ||
[Analyze grammar]

hataṃ taiḥ pāvake sarvaṃ revāyā uttare taṭe |
vimānasthāstadā dṛṣṭā brāhmaṇaiste yudhiṣṭhira || 64 ||
[Analyze grammar]

āścaryamatulaṃ dṛṣṭamṛṣibhirnarmadātaṭe |
tadāprabhṛti te sarve rāgadveṣavivarjitāḥ || 65 ||
[Analyze grammar]

ravitīrthaṃ dvijā hṛṣṭāḥ sevante mokṣakāṅkṣayā |
tīrthasyāsya ca yatpuṇyaṃ tacchṛṇuṣva narādhipa || 66 ||
[Analyze grammar]

pīḍito vṛddhabhāvena bhaktyā prīto nareśvara |
uddeśaṃ kathayiṣyāmi dvikrośābhyantare sthitaḥ || 67 ||
[Analyze grammar]

kurukṣetraṃ yathā puṇyaṃ ravitīrthaṃ śrutaṃ mayā |
īśvareṇa purā khyātaṃ ṣaṇmukhasya narādhipa || 68 ||
[Analyze grammar]

śrutaṃ rudrācca taiḥ sarvairahaṃ tatra samīpagaḥ ||
īśvara uvāca |
mārtaṇḍagrahaṇe prāpte ye vrajanti ṣaḍānana |
ravitīrthe kurukṣetre tulyametatphalaṃ labhet || 69 ||
[Analyze grammar]

snāne dāne tathā japye home caiva viśeṣataḥ |
kurukṣetre samaṃ puṇyaṃ nātra kāryā vicāraṇā || 70 ||
[Analyze grammar]

grāme vā yadi vāraṇye puṇyā sarvatra narmadā |
ravitīrthe viśeṣeṇa revā puṇyaphalapradā || 71 ||
[Analyze grammar]

ṣaṣṭhyāṃ sūryadine bhaktyā vyatīpāte ca vai dhṛtau |
saṃkrāntau grahaṇe'māyāṃ ye vrajanti jitendriyāḥ || 72 ||
[Analyze grammar]

kāmakrodhairvimuktāśca rāgadveṣaistathaiva ca |
upoṣya parayā bhaktyā devasyāgre narādhipa || 73 ||
[Analyze grammar]

rātrau jāgaraṇaṃ kṛtvā dīpaṃ devasya bodhayet |
kathāṃ vai vaiṣṇavīṃ pārtha vedābhyasanameva ca || 74 ||
[Analyze grammar]

ṛgvedaṃ vā yajurvedaṃ sāmavedamatharvaṇam |
ṛcamekāṃ japedyastu sa vedaphalamāpnuyāt || 75 ||
[Analyze grammar]

gāyatryā ca caturvedaphalamāpnoti mānavaḥ |
prabhāte pūjayedviprānannadānahiraṇyataḥ || 76 ||
[Analyze grammar]

bhūmidānena vastreṇa annadānena śaktitaḥ |
chatropānahaśayyādigṛhadānena pāṇḍava || 77 ||
[Analyze grammar]

grāmadhūrvahadānena gajakanyāhayena ca |
vidyāśakaṭadānena sarveṣāmabhayaṃ bhavet || 78 ||
[Analyze grammar]

śatruśca mitratāṃ yāti viṣaṃ caivāmṛtaṃ bhavet |
grahā bhavanti suprītāḥ prītastasya divākaraḥ || 79 ||
[Analyze grammar]

etatte sarvamākhyātaṃ ravitīrthaphalaṃ nṛpa |
ye śṛṇvanti narā bhaktyā ravitīrthaphalaṃ śubham || 80 ||
[Analyze grammar]

te'pi pāpavinirmuktā raviloke vasanti hi |
godānena ca yatpuṇyaṃ yatpuṇyaṃ bhṛgudarśane || 81 ||
[Analyze grammar]

kedāra udakaṃ pītvā tatpuṇyaṃ jāyate nṛṇām |
abdamaśvatthasevāyāṃ tilapātraprado bhavet || 82 ||
[Analyze grammar]

tatphalaṃ samavāpnoti ādityeśvarakīrtanāt |
śrute yasya prabhāve na jāyate yannṛpātmaja || 83 ||
[Analyze grammar]

tatsarvaṃ kathayiṣyāmi bhaktyā tava mahīpate |
pāpāni ca pralīyante bhinnapātre yathā jalam || 84 ||
[Analyze grammar]

tīrthasyābhimukho nityaṃ jāyate nātra saṃśayaḥ |
guhyādguhyataraṃ tīrthaṃ kathitaṃ tava pāṇḍava || 85 ||
[Analyze grammar]

pāpiṣṭhānāṃ kṛtaghnānāṃ svāmimitrāvaghātinām |
tīrthākhyānaṃ śubhaṃ teṣāṃ gopitavyaṃ sadā budhaiḥ || 86 ||
[Analyze grammar]