Chapter 53

[English text for this chapter is available]

|  adhyāya || 53 ||
[Analyze grammar]

uttānapāda uvāca |
āśrame vasatastasya sa dīrghatapaso muneḥ |
kanīyāṃstanayo deva kathaṃ mṛtyumupāgataḥ || 1 ||
[Analyze grammar]

īśvara uvāca |
śṛṇuṣvaikamanā bhūtvā kathāṃ divyāṃ mahīpate |
śravaṇādeva yasyāstu mucyate sarvakilbiṣaiḥ || 2 ||
[Analyze grammar]

kāśīrājo mahāvīryo mahābalaparākramaḥ |
citrasena iti khyātāṃ dharaṇyāṃ sa narādhipa || 3 ||
[Analyze grammar]

tasya rājye sadā dharmo nādharmo vidyate kvacit |
vedadharmarato nityaṃ prajā dharmeṇa pālayan || 4 ||
[Analyze grammar]

svadharmanirataścaiva yuddhātithyapriyaḥ sadā |
kṣatradharmaṃ samāśritya bhogānbhuṅkte sa kāmataḥ || 5 ||
[Analyze grammar]

kośasyānto na vidyeta hastyaśvarathapattimān |
itihāsapurāṇajñaiḥ paṇḍitaiḥ saha saṃkathām || 6 ||
[Analyze grammar]

kathayanrājate rājā kailāsa iva śaṅkaraḥ |
evaṃ sa pālayanrājyaṃ rājā mantriṇamabravīt || 7 ||
[Analyze grammar]

mṛgayāyāṃ gamiṣyāmi tiṣṭhadhvaṃ rājyapālane |
gamyatāṃ sacivaiḥ prokte gato'sau vasudhādhipaḥ || 8 ||
[Analyze grammar]

aśvārūḍhāśca dhāvanto rājāno maṇḍalādhipāḥ |
chatraiśchatrāṇi ghṛṣyanto'nujagmuḥ kānanaṃ prati || 9 ||
[Analyze grammar]

rajastatrotthitaṃ bhaumaṃ gajavājipadāhatam |
tenaitacchāditaṃ sarvaṃ sadiṅmārtaṇḍamaṃlam || 10 ||
[Analyze grammar]

na tatra dṛśyate sūryo na kāṣṭhā na ca candramāḥ |
pādapāśca na dṛśyante giriśṛṅgāṇi sarvataḥ || 11 ||
[Analyze grammar]

parasparaṃ na paśyanti niśārddhe vārṣike yathā |
tatrāsau sumahadyūthaṃ mṛgāṇāṃ samalakṣyata || 12 ||
[Analyze grammar]

adhāvatsahitaḥ sarvaiḥ sa rājā rājaputrakaiḥ |
vṛndāsphoṭo'bhavatteṣāṃ śīghraṃ jagmurdiśo daśa || 13 ||
[Analyze grammar]

ekamārgagato rājā citraseno mahīpatiḥ |
ekākī sa gatastatra yatra yatra ca te mṛgāḥ || 14 ||
[Analyze grammar]

praviṣṭo'sau tato durgaṃ kānanaṃ girigahvaram |
vallīgulmasamākīrṇaṃ sthito yatra na lakṣyate || 15 ||
[Analyze grammar]

adṛśyāṃstu mṛgānmatvā diśo rājā vyalokayat |
kāṃ diśaṃ nu gamiṣyāmi kva me sainyasamāgamaḥ || 16 ||
[Analyze grammar]

evaṃ kaṣṭaṃ gato rājā citraseno narādhipaḥ |
vṛkṣacchāyāṃ samāśritya viśrāmamakaronnṛpaḥ || 17 ||
[Analyze grammar]

kṣuttṛṣārto bhramandurge kānane girigahvare |
tato'paśyatsaro divyaṃ padminīkhaṇḍamaṇḍitam || 18 ||
[Analyze grammar]

haṃsakāraṇḍavākīrṇaṃ cakravākopaśobhitam |
tato dṛṣṭvā sa rājendraḥ samprahṛṣṭatanūruhaḥ || 19 ||
[Analyze grammar]

kamalāni gṛhītvā tu tataḥ snānaṃ samācarat |
tarpayitvā pitṛdevānmanuṣyāṃśca yathāvidhi || 20 ||
[Analyze grammar]

ācchādya śatapatraiśca pūjayāmāsa śaṅkaram |
yayau pānīyamamalaṃ yathāvatsa samāhitaḥ || 21 ||
[Analyze grammar]

uttīrya salilāttīre dṛṣṭvā vṛkṣaṃ samīpagam |
uttarīyamadhaḥ kṛtvopaviṣṭo dharaṇītale || 22 ||
[Analyze grammar]

cintayannupaviṣṭo'sau kimadya prakaromyaham |
tatrāsīno dadarśātha vanoddeśe mṛgānbahūn || 23 ||
[Analyze grammar]

kecitpūrvamukhāstatra cāpare dakṣiṇāmukhāḥ |
vāruṇyamimukhāḥ kecitkecitkauberadiṅmukhāḥ || 24 ||
[Analyze grammar]

kecinnidrāparāḥ kecidūrdhvakarṇāḥ sthitāḥ pare |
mṛgamadhye sthito yogī ṛkṣaśṛṅgo mahātapāḥ || 25 ||
[Analyze grammar]

mṛgāndṛṣṭvā tato rājā āhārārthamacintayat |
hatvaiteṣu mṛgaṃ kaṃcidbhakṣayāmi yadṛcchayā || 26 ||
[Analyze grammar]

svasthāvastho bhaviṣyāmi mṛgamāṃsasya bhakṣaṇāt |
kāśīṃ prati gamiṣyāmi mārgamanviṣya yatnataḥ || 27 ||
[Analyze grammar]

vicintyaivaṃ tato rājā vṛkṣamūlamupāśritaḥ |
cāpaṃ gṛhya karāgreṇa sa śaraṃ saṃdadhe tataḥ || 28 ||
[Analyze grammar]

vicikṣepa śaraṃ tatra yatra te bahavo mṛgāḥ |
teṣāṃ madhye sa vai viddha ṛkṣaśṛṅgo mahātapāḥ || 29 ||
[Analyze grammar]

jagmustrastāstu te sarve śabdaṃ kṛtvā vanaukasaḥ |
sa ṛṣiḥ patitastatra kṛṣṇa kṛṣṇeti cābravīt || 30 ||
[Analyze grammar]

hāhā kaṣṭaṃ kṛtaṃ tena yenāhaṃ ghātito'dhunā |
kasyaiṣā durmatirjātā pāpabuddhermamopari || 31 ||
[Analyze grammar]

mṛgamadhye sthitaścāhaṃ na kaṃciduparodhaye |
tāṃ vācaṃ mānuṣīṃ śrutvā sa rājā vismayānvitaḥ || 32 ||
[Analyze grammar]

śīghraṃ gatvā tato'paśyadbrāhmaṇaṃ brahmatejasā |
hāhā kaṣṭaṃ kṛtaṃ me'dya yenāsau ghātito dvijaḥ || 33 ||
[Analyze grammar]

citrasena uvāca |
akāmādghātitastvaṃ tu mṛgabhrāntyā mayānagha |
gṛhītvā bahudārūṇi svatanuṃ dāhayāmyaham || 34 ||
[Analyze grammar]

dṛṣṭādṛṣṭaṃ tu yatkiṃcinna samaṃ brahmahatyayā |
anyathā brahmahatyāyāḥ śuddhirme na bhaviṣyati || 35 ||
[Analyze grammar]

ṛkṣaśṛṅga uvāca |
na te siddhirbhavetkācinmayi pañcatvamāgate |
bahvyo hatyā bhaviṣyanti vināśe mama sāmpratam || 36 ||
[Analyze grammar]

jananī me pitā vṛddho bhrātaraśca tapasvinaḥ |
bhrātṛjāyā mariṣyanti mayi pañcatvamāgate || 37 ||
[Analyze grammar]

etā hatyā bhaviṣyanti kathaṃ śuddhirbhavettava |
upāyaṃ kathayiṣyāmi taṃ kartuṃ yadi manyase || 38 ||
[Analyze grammar]

citrasena uvāca |
upāyaḥ kathyatāṃ me'dya yaste manasi vartate |
kariṣye tamahaṃ sarvaṃ yatnenāpi mahāmune || 39 ||
[Analyze grammar]

ṛkṣaśṛṅga uvāca |
pṛcchāmi tvāṃ kathaṃ ko vā kutastvamiha cāgataḥ |
brahmakṣatraviśāṃ madhye ko bhavānuta śūdrajaḥ || 40 ||
[Analyze grammar]

citrasena uvāca |
nāhaṃ śūdro'smi bhostāta na vaiśyo brāhmaṇo na vā |
na cāntyajo'smi viprendra kṣatriyo'smi mahāmune || 41 ||
[Analyze grammar]

dharmajñaśca kṛtajñaśca sarvasattvahite rataḥ |
akāmātpātakaṃ jātaṃ kathaṃ śuddhirbhaviṣyati || 42 ||
[Analyze grammar]

ṛkṣaśṛṅga uvāca |
māṃ gṛhītvā āśramaṃ gaccha yatra tau pitarau mama |
āvedayasva cātmānaṃ putraghātinamāturam || 43 ||
[Analyze grammar]

te dṛṣṭvā māṃ kariṣyanti kāruṇyaṃ ca tavopari |
upāyaṃ kathayiṣyanti yena śāntirbhaviṣyati || 44 ||
[Analyze grammar]

tasya tadvacanaṃ śrutvā citraseno nṛpottama |
skandhe kṛtvā tu taṃ vipraṃ jagāmāśramasannidhau || 45 ||
[Analyze grammar]

na śaknoti yadā voḍhuṃ viśrāmyati punaḥpunaḥ |
tāvatpaśyati taṃ vipraṃ mūrchitaṃ vikalendriyam || 46 ||
[Analyze grammar]

mumoca citrasenastaṃ chāyāyāṃ vaṭabhūruhaḥ |
vastraṃ caturguṇaṃ kṛtvā cakre vātaṃ muhurmuhuḥ || 47 ||
[Analyze grammar]

paśyatastasya rājendra ṛkṣaśṛṅgo mahātapāḥ |
pañcatvamagamacchīghraṃ dhyānayogena yogavit || 48 ||
[Analyze grammar]

dāhayāmāsa taṃ vipraṃ vidhidṛṣṭena karmaṇā |
snānaṃ kṛtvā sa śokārto vilalāpa muhurmuhuḥ || 49 ||
[Analyze grammar]