Chapter 41

[English text for this chapter is available]

| adhyāya || 41 ||
[Analyze grammar]

śrīmārkaṇḍeya uvāca |
tato gacchecca rājendra kuṇḍaleśvaramuttamam |
yatra siddho mahāyakṣaḥ kuṇḍadhāro nṛpottama || 1 ||
[Analyze grammar]

tapaḥ kṛtvā suvipulaṃ surāsurabhayaṃkaram |
paulastyamandire caiva cikrīḍa nṛpasattama || 2 ||
[Analyze grammar]

yudhiṣṭhira uvāca |
kasminyuge samutpannaḥ kasya putro mahāmatiḥ |
tapastaptvā suvipulaṃ toṣito yena śaṅkaraḥ || 3 ||
[Analyze grammar]

etadvistaratastāta kathayasva mamānagha |
śṛṇvataśca na tṛptirme kathāmṛtamanuttamam || 4 ||
[Analyze grammar]

śrīmārkaṇḍeya uvāca |
tretāyuge brahmasamaḥ paulastyonāma viśravāḥ |
tapaḥ kṛtvā suvipulaṃ bharadvājasutodbhavaḥ || 5 ||
[Analyze grammar]

putraṃ pautragaṇairyuktaṃ patnyā bhaktyā sutoṣitaḥ |
dhanadaṃ janayāmāsa sarvalakṣaṇalakṣitam || 6 ||
[Analyze grammar]

jātamātraṃ tu taṃ jñātvā brahmā lokapitāmahaḥ |
cakāra nāma suprīta ṛṣidevasamanvitaḥ || 7 ||
[Analyze grammar]

yasmādviśravaso jāto mama pautratvamāgataḥ |
tasmādvaiśravaṇo nāma tava dattaṃ mayānagha || 8 ||
[Analyze grammar]

tathā tvaṃ sarvadevānāṃ dhanagoptā bhaviṣyasi |
caturtho lokapālānāmakṣayaścāvyayo bhuvi || 9 ||
[Analyze grammar]

tasya bhāryā mahārāja īśvarīti ca viśrutā |
yakṣo yakṣādhipaḥ śreṣṭhastasya kuṇḍo'bhavatsutaḥ || 10 ||
[Analyze grammar]

sa ca rūpaṃ paraṃ prāpya mātāpitroranujñayā |
tapaścacāra vipulaṃ narmadātaṭamāśritaḥ || 11 ||
[Analyze grammar]

grīṣme pañcāgnisaṃtapto varṣāsu sthaṇḍileśayaḥ |
hemante jalamadhyastho vāyubhakṣaḥ śataṃ samāḥ || 12 ||
[Analyze grammar]

evaṃ varṣaśate pūrṇe ekāṅguṣṭhe'bhavannṛpa |
asthibhūtaḥ paraṃ tāta ūrdhvabāhustataḥ param || 13 ||
[Analyze grammar]

atapacca ghṛtaśvāsaḥ kuṇḍalo bharatarṣabha |
caturthe varṣaśatake tutoṣa vṛṣavāhanaḥ || 14 ||
[Analyze grammar]

varaṃ vṛṇīṣva bho vatsa yatte manasi rocate |
dadāmi te na sandehastapasā toṣito hyaham || 15 ||
[Analyze grammar]

kuṇḍala uvāca |
yakṣādhipaprasādena tasyaivānucaraḥ pure |
vicarāmi yathākāmamavadhyaḥ sarvaśatruṣu || 16 ||
[Analyze grammar]

tathetyuktvā mahādevaḥ sarvalokanamaskṛtaḥ |
jagāmākāśamāviśya kailāsaṃ dharaṇīdharam || 17 ||
[Analyze grammar]

gate cādarśanaṃ deve so'pi yakṣo mudānvitaḥ |
sthāpayāmāsa deveśaṃ kuṇḍaleśvaramuttamam || 18 ||
[Analyze grammar]

alaṃkṛtvā jagannāthaṃ puṣpadhūpānulepanaiḥ |
vimānaiścāmaraiśchatraistathā vai liṅgapūraṇaiḥ || 19 ||
[Analyze grammar]

tarpayitvā dvijānsamyagannapānādibhūṣaṇaiḥ |
prīṇayitvā mahādevaṃ tataḥ svabhavanaṃ yayau || 20 ||
[Analyze grammar]

tadāprabhṛti tattīrthaṃ triṣu lokeṣu viśrutam |
uttamaṃ paramaṃ puṇyaṃ kuṇḍaleśvaranāmataḥ || 21 ||
[Analyze grammar]

tatra tīrthe tu yaḥ kaścidupavāsaparāyaṇaḥ |
arcayeddevamīśānaṃ sarvapāpaiḥ pramucyate || 22 ||
[Analyze grammar]

suvarṇaṃ rajataṃ vāpi maṇiṃ mauktikameva ca |
dadyādbhojyaṃ brāhmaṇebhyaḥ sa sukhī modate divi || 23 ||
[Analyze grammar]

tatra tīrthe tu yaḥ snātvā ṛgyajuḥsāmago'pi vā |
ṛcamekāṃ japitvā tu sakalaṃ phalamaśnute || 24 ||
[Analyze grammar]

gāṃ prayacchati viprebhyastatphalaṃ śṛṇu pāṇḍava |
yāvanti tasyā romāṇi tatprasūtikuleṣu ca || 25 ||
[Analyze grammar]

tāvadvarṣasahasrāṇi svargaloke mahīyate |
svarge vāso bhavettasya putrapautraiḥ samanvitaḥ || 26 ||
[Analyze grammar]

tāvanti varṣāṇi mahānubhāvaḥ svarge vasetputrapautraiśca sārddham |
tatrānnado yāti maheśalokamasaṃkhyavarṣāṇi na saṃśayo'tra || 27 ||
[Analyze grammar]

sa vai sukhī modate svargaloke gandharvasiddhāpsaraḥsampragīte |
evaṃ tu te dharmasuta prabhāvastīrthasya sarvaḥ kathitaśca pārtha || 28 ||
[Analyze grammar]

śrutvā stuvanmucyate sarvapāpaiḥ punastrilokīmiha tatprabhāvāt || 29 ||
[Analyze grammar]