Chapter 39

[English text for this chapter is available]

adhyāya || 39 ||
[Analyze grammar]

śrīmārkaṇḍeya uvāca |
tato gacchecca rājendra kapilātīrthamuttamam |
snānamātrānnaro bhaktyā mucyate sarvakilbiṣaiḥ || 1 ||
[Analyze grammar]

yudhiṣṭhira uvāca |
āścaryabhūtaṃ lokeṣu kathitaṃ dvijasattama |
narmadeśvaramāhātmyaṃ kāpilaṃ kathayasva me || 2 ||
[Analyze grammar]

yasmin kāle'tha sambandhe utpannaṃ tīrthamuttamam |
sarvapāpaharaṃ puṇyaṃ tīrthaṃ jātaṃ kathaṃ prabho || 3 ||
[Analyze grammar]

mārkaṇḍeya uvāca |
śṛṇu vakṣye'dya te rājankapilātīrthamuttamam |
yena te vismayaḥ sarvaḥ śrutvā gacchati bhārata || 4 ||
[Analyze grammar]

purā kṛtayugasyādau brahmā lokapitāmahaḥ |
utpādayitvā sakalaṃ bhūtagrāmaṃ caturvidham || 5 ||
[Analyze grammar]

japahomaparo bhaktyā kṣaṇaṃ dhyātvā ca tiṣṭhati |
jvalamānāttu kapilā tāvatkuṇḍātsamutthitā || 6 ||
[Analyze grammar]

agnijvālojjvalaiḥ śṛṅgaistrinetrā supayasvinī |
agnipūrṇā hyagnimukhā agnighrāṇāgnilocanā || 7 ||
[Analyze grammar]

agnikhurā hyagnipṛṣṭhā agnisarvāṅgasaṃsthitiḥ |
sarvalakṣaṇasampūrṇā ghaṇṭālalitaniḥsvanā || 8 ||
[Analyze grammar]

dṛṣṭvā tu tāṃ mahābhāgāṃ kapilāṃ kuṇḍamadhyagām |
brahmā lokagurustāta praṇamyedamuvāca ha || 9 ||
[Analyze grammar]

namaste kapile puṇye sarvalokanamaskṛte |
maṅgalye maṅgale devi triṣu lokeṣvanupame || 10 ||
[Analyze grammar]

tvaṃ lakṣmīstvaṃ smṛtirmedhā tvaṃ dhṛtistvaṃ varānane |
umādevīti vikhyātā tvaṃ satī nātra saṃśayaḥ || 11 ||
[Analyze grammar]

vaiṣṇavī tvaṃ mahādevī brahmāṇī tvaṃ varānane |
kumārī tvaṃ mahābhāge bhaktiḥ śraddhā tathaiva ca || 12 ||
[Analyze grammar]

kālarātristu bhūtānāṃ kumārī parameśvarī |
tvaṃ lavastvaṃ truṭiścaiva muhūrtaṃ lakṣameva ca || 13 ||
[Analyze grammar]

saṃvatsarastvaṃ māsastvaṃ kālastvaṃ ca kṣaṇastathā |
nāsti kiṃcittvayā hīnaṃ trailokye sacarācare || 14 ||
[Analyze grammar]

evaṃ stutā tu mānena kapilā parameṣṭhinā |
tamuvāca mahābhāgaṃ prahṛṣya padmasambhavam || 15 ||
[Analyze grammar]

prasannā tava vākyena devadeva jagadguro |
kiṃ karomi priyaṃ te'dya brūhi sarvaṃ pitāmaha || 16 ||
[Analyze grammar]

brahmovāca |
jagaddhitāya janitā mayā tvaṃ parameśvari |
svargānmartyaṃ tato yāhi lokānāṃ hitakāmyayā || 17 ||
[Analyze grammar]

sarvadevamayī tvaṃ tu sarvalokamayī tathā |
vidhinā ye pradāsyanti teṣāṃ vāsastriviṣṭape || 18 ||
[Analyze grammar]

evamuktvā tato devī brahmāṇaṃ parameśvarī |
vandyamānā suraiḥ siddhairājagāma dharātalam || 19 ||
[Analyze grammar]

yudhiṣṭhira uvāca |
yadāyāteha sā tāta brāhmaṇo vacanācchubhā |
tadā devāśca lokāśca kathamaṅgeṣu saṃsthitāḥ || 20 ||
[Analyze grammar]

kathaṃ vā saṃsthitāgatya kapilā sā dvijottama |
tīrthe vā hyūṣare kṣetra etanme kathaya dvija || 21 ||
[Analyze grammar]

mārkaṇḍeya uvāca |
sā tadā brahmaṇā coktā dhātrā lokasya bhārata |
brahmalokādgatā puṇyāṃ narmadāṃ lokapāvanīm || 22 ||
[Analyze grammar]

tapaḥ kṛtvā suvipulaṃ narmadātaṭamāśritā |
cacāra pṛthivīṃ sarvāṃ saśailavanakānanām || 23 ||
[Analyze grammar]

tadāprabhṛti rājendra kapilātīrthamuttamam |
sarvapāpaharaṃ khyātamṛṣisaṅghairniṣevitam || 24 ||
[Analyze grammar]

tattīrthe vidhivatsnātvā kapilāyāḥ prayacchati |
pṛthvī tena bhaveddattā saśailavanakānanā || 25 ||
[Analyze grammar]

tāṃ tu paśyati yo bhaktyā dīyamānāṃ dvijottame |
tasya varṣaśataṃ pāpaṃ naśyate nātra saṃśayaḥ || 26 ||
[Analyze grammar]

bhūrbhuvaḥ svarmahaścaiva janaḥ satyaṃ tapastathā |
te tatpṛṣṭhaṃ samāśritya sthitā lokā nṛpottama || 27 ||
[Analyze grammar]

mukhe hyagniḥ sthito devo danteṣu ca bhujaṅgamāḥ |
dhātā vidhātā hyoṣṭhau ca jihvāyāṃ tu sarasvatī || 28 ||
[Analyze grammar]

sahasrakiraṇau devau candrādityau sulocanau |
nāsikāmadhyagaścaiva māruto nṛpasattama || 29 ||
[Analyze grammar]

lalāṭe tu mahādevo hyaśvinau karṇasaṃsthitau |
naranārāyaṇau śṛṅge śṛṅgamadhye pitāmahaḥ || 30 ||
[Analyze grammar]

kambalo'dhigatastāta pāśadhṛgvaruṇastathā |
yamaśca bhagavāndeva āśritya codaraṃ śritaḥ || 31 ||
[Analyze grammar]

khureṣu pannagāścaivaṃ pucchāgre sūryaraśmayaḥ |
evambhūtāṃ hi kapilāṃ sarvadevamayīṃ nṛpa || 32 ||
[Analyze grammar]

ye dhārayanti ca gṛhe dhanyāste nātra saṃśayaḥ |
prātarutthāya yastasyāḥ kurute tu pradakṣiṇām || 33 ||
[Analyze grammar]

pradakṣiṇā kṛtā tena saśailavanakānanā |
kapilāpañcagavyena yaḥ snāpayati śaṅkaram || 34 ||
[Analyze grammar]

upavāsaparo yastu tasmiṃstīrthe narādhipa |
snātvā hyuktavidhānena tarpayetpitṛdevatāḥ || 35 ||
[Analyze grammar]

tasya te vaṃśajāḥ sarve daśa pūrve daśāpare |
tṛptā rohanti vai svarge dhyāyanto'sya manorathān || 36 ||
[Analyze grammar]

eṣa te vidhiruddiṣṭaḥ sambhavo nṛpasattama |
tīrthasya ca phalaṃ puṇyaṃ kimanyatparipṛcchasi || 37 ||
[Analyze grammar]

dhanyaṃ yaśasyamāyuṣyaṃ sarvaduḥkhaghnamuttamam |
yacchrutvā sarvapāpebhyo mucyate nātra saṃśayaḥ || 38 ||
[Analyze grammar]