Chapter 22

[English text for this chapter is available]

| śrī mārkaṇḍeya uvāca |
ataḥ paraṃ pravakṣyāmi sā viśalyā hyabhūdyathā |
āścaryabhūtā lokasya sarvapāpakṣayaṃkarī || 1 ||
[Analyze grammar]

brahmaṇo mānasaḥ putro mukhyo hyagnirajāyata |
mukhyo vahniritiprokta ṛṣiḥ paramadhārmikaḥ || 2 ||
[Analyze grammar]

tasya svāhābhavatpatnī smṛtā dākṣāyaṇī tu sā |
tasyāṃ mukhyā mahārāja trayaḥ putrāstadā'bhavan || 3 ||
[Analyze grammar]

agnirāhavanīyastu dakṣiṇāgnistathaiva ca |
gārhapatyastṛtīyastu trailokyaṃ yaiśca dhāryate || 4 ||
[Analyze grammar]

tathā vai gārhapatyo'gnirjajñe putradvayaṃ śubham |
padmakaḥ śaṅkunāmā ca tāvubhāvagnisattamau || 5 ||
[Analyze grammar]

vasannagnirnadītīre samāśritya mahattapaḥ |
rudramārādhayāmāsa jitātmā susamāhitaḥ || 6 ||
[Analyze grammar]

daśavarṣasahasrāṇi cacāra vipulaṃ tapaḥ |
tamuvāca mahādevaḥ prasanno vṛṣabhadhvajaḥ || 7 ||
[Analyze grammar]

bhobho brūhi mahābhāga yatte manasi vartate |
dātā hyahamasaṃdeho yadyapi syātsudurlabham || 8 ||
[Analyze grammar]

agniruvāca |
narmadeyaṃ mahābhāgā sarito yāśca ṣoḍaśa |
bhavantu mama patnyastāstvatprasādānmaheśvara || 9 ||
[Analyze grammar]

tāsu vai cintitān putrānagryānutpādayāmyaham |
eṣa eva varo deva dīyatāṃ me maheśvara || 10 ||
[Analyze grammar]

īśvara uvāca |
etāstu dhiṣṇināmnyo vai bhaviṣyanti saridvarāḥ |
patnyastava viśālākṣyo vede khyātā na saṃśayaḥ || 11 ||
[Analyze grammar]

tāsāṃ putrā bhaviṣyanti hyagnayo ye'dhvare smṛtāḥ |
dhiṣṇyānāma suvikhyātā yāvadābhūtasamplavam || 12 ||
[Analyze grammar]

evamuktvā mahādevastatraivāntaradhīyata |
narmadā ca saricchreṣṭhā tasya bhāryā babhūva ha || 13 ||
[Analyze grammar]

kāverī kṛṣṇaveṇī ca revā ca yamunā tathā |
godāvarī vitastā ca candrabhāgā irāvatī || 14 ||
[Analyze grammar]

vipāśā kauśikī caiva sarayūḥ śatarudrikā |
śiprā sarasvatī caiva hrādinī pāvanī tathā || 15 ||
[Analyze grammar]

etāḥ ṣoḍaśā nadyo vai bhāryārthaṃ saṃvyavasthitāḥ |
tadātmānaṃ vibhajyāśu dhiṣṇīṣu sa mahādyutiḥ || 16 ||
[Analyze grammar]

vyabhicārāttu bharturvai narmadādyāsu dhiṣṇiṣu |
utpannāḥ śucayaḥ putrāḥ sarve te dhiṣṇyapāḥ smṛtāḥ || 17 ||
[Analyze grammar]

tasyāśca narmadāyāstu dhiṣṇīndro nāma viśrutaḥ |
babhūva putro balavānrūpeṇāpratimo nṛpa || 18 ||
[Analyze grammar]

tato devāsuraṃ yuddhamabhavallomaharṣaṇam |
mayatārakamityevaṃ triṣu lokeṣu viśrutam || 19 ||
[Analyze grammar]

tatra daityairmahāghorairmayatārapurogamaiḥ |
tāḍitāste surāstrastā viṣṇuṃ vai śaraṇaṃ yayuḥ || 20 ||
[Analyze grammar]

trāyasva no hṛṣīkeśā ghorādasmānmahābhayāt |
daityānsarvānsaṃharasva mayatārapurogamān || 21 ||
[Analyze grammar]

evamuktaḥ sa bhagavāndiśo daśa vyalokayat |
tato bhagavatā dṛṣṭau raṇe pāvakamārutau || 22 ||
[Analyze grammar]

āhūtau viṣṇunā tau tu sakāśaṃ jagmatuḥ kṣaṇāt |
sthitau tau praṇatau cāgre devadevasya dhīmataḥ || 23 ||
[Analyze grammar]

tato dhiṣṇiḥ pāvakendro devenokto mahātmanā |
nirdahemānmahāghorānnārmadeya mahāsurān || 24 ||
[Analyze grammar]

athaivamuktau tau devau raṇe pāvakamārutau |
daityān dadahatuḥ sarvānmayatārapurogamān || 25 ||
[Analyze grammar]

dahyamānāstu te sarve śastrairagniṃ tvaveṣṭayan |
divyairagnyarkasaṅkāśaiḥ śataśo'tha sahasraśaḥ || 26 ||
[Analyze grammar]

tāṃścāgniḥ śastranikarairnirdadāha mahāsurān |
jvālāmālākulaṃ sarvaṃ vāyunā nirmitaṃ tadā || 27 ||
[Analyze grammar]

dahyamānāstato daityā agnijvālāsamāvṛtāḥ |
praviśya pātālatalaṃ jale līnāḥ sahasraśaḥ || 28 ||
[Analyze grammar]

tataḥ kumāramagniṃ tu narmadāputramavyayam |
pūjayitvā surāḥ sarve jagmuste tridaśālayam || 29 ||
[Analyze grammar]

saśalyastu mahātejā revāputro vṛto'gnibhiḥ |
narmadāmāgataḥ kṣipraṃ mātaraṃ draṣṭumutsukaḥ || 30 ||
[Analyze grammar]

taṃ dṛṣṭvā putramāyāntaṃ śastraugheṇa parikṣatam |
narmadā puṇyasalilā abhyutthāya suvismitā || 31 ||
[Analyze grammar]

paryaṣvajata bāhubhyāṃ prasnavāpīḍitastanī |
saśalyaṃ putramādāya kāpilaṃ hradamāviśat || 32 ||
[Analyze grammar]

praviṣṭamātre tu hrade kāpile pāpanāśini |
saśalyaṃ taṃ viśalyaṃ ca kṣaṇātkṛtavatī tadā || 33 ||
[Analyze grammar]

sa viśalyo'bhavadyasmātprāpya tasyāḥ śivaṃ jalam |
kapilā nāmatastena viśalyā cocyate budhaiḥ || 34 ||
[Analyze grammar]

anye'pi tatra ye snātāḥ śucayastu samāhitāḥ |
pāpaśalyaiḥ pramucyante mṛtā yānti surālayam || 35 ||
[Analyze grammar]

etatte sarvamākhyātaṃ yatpṛṣṭo'haṃ purā tvayā |
utpattikāraṇaṃ tāta viśalyāyā nareśvara || 36 ||
[Analyze grammar]