Chapter 13

[English text for this chapter is available]

adhyāya || 13 ||
[Analyze grammar]

śrīmārkaṇḍeya uvāca |
evaṃ bhagavatī puṇyā stutā sā munipuṃgavaiḥ |
cintayāmāsa sarveṣāṃ dāsyāmi varamuttamam || 1 ||
[Analyze grammar]

tataḥ prasuptāṃstāñjñātvā rātrau devī jagāma ha |
ekaikasya ṛṣeḥ svapne darśanaṃ cāruhāsinī || 2 ||
[Analyze grammar]

tato'rdharātre samprāpta utthitā jalamadhyataḥ |
vimalāmbarasaṃvītā divyamālāvibhūṣitā || 3 ||
[Analyze grammar]

ghṛtātapatrā suśroṇī padmarāgavibhūṣitā |
jagāda mā bhairiti tānekaikaṃ tu pṛthakpṛthak || 4 ||
[Analyze grammar]

vasadhvaṃ mama pārśve tu bhayaṃ tyaktvā kṣudhādijam || 5 ||
[Analyze grammar]

evamuktvā tadā devī svapnānte tānmahāmunīn |
jagāmādarśanaṃ paścātpraviśya jalamātmikam || 6 ||
[Analyze grammar]

tataḥ prabhāte munayo mitha ūcurmudanvitāḥ |
tathā dṛṣṭā mayā dṛṣṭā svapne devī sudarśanā || 7 ||
[Analyze grammar]

abhayaṃ dattamasmākaṃ siddhiścāpyacireṇa tu |
praśastaṃ darśanaṃ tasyā narmadāyā na saṃśayaḥ || 8 ||
[Analyze grammar]

athānyadivase rājanmatsyānāṃ rūpamuttamam |
paśyanti saparīvārāḥ svakīyāśramasannidhau || 9 ||
[Analyze grammar]

tāndṛṣṭvā vismayāviṣṭā matsyāṃstatra maharṣayaḥ |
pūjayāmāsuravyagrā havyakavyena devatāḥ || 10 ||
[Analyze grammar]

tānmatsyasaṅghānsamprāpya mahādevyāḥ prasādataḥ |
saputradārabhṛtyāste vartayanti pṛthakpṛthak || 11 ||
[Analyze grammar]

dine dine tathāpyevamāśrameṣu dvijātayaḥ |
matsyānāṃ sañcayaṃ dṛṣṭvā vismitāścābhavaṃstadā || 12 ||
[Analyze grammar]

mṛtāṃstāṃstu supuṣṭāṅgān pāṭhīnāṃśca viśeṣataḥ |
dvāre dvāre cāśramāṇāṃ tāpasānāṃ yudhiṣṭhira || 13 ||
[Analyze grammar]

hṛṣṭapuṣṭāstadā sarve narmadātīravāsinaḥ |
ṛṣayaste bhayaṃ sarve tatyajuḥ kṣuttṛṣodbhavam || 14 ||
[Analyze grammar]

te japantastapantaśca tiṣṭhanti bharatarṣabha |
arcayanti pitḥndevānnarmadātaṭamāśritāḥ || 15 ||
[Analyze grammar]

tairjapadbhistapadbhiśca satataṃ dvijasattamaiḥ |
bhrājate sā saricchreṣṭhā tārābhirdyaurgrahairiva || 16 ||
[Analyze grammar]

tatra tairbahulaiḥ śubhrairbrāhmaṇairvedaparāgaiḥ |
narmadā dharmadā pūrvaṃ saṃvibhaktā yathākramam || 17 ||
[Analyze grammar]

ṛṣibhirdaśakoṭibhirnarmadātīravāsibhiḥ |
vibhakteyaṃ vibhaktāṅgī narmadā śarmadā nṛṇām || 18 ||
[Analyze grammar]

yajñopavītaiśca śubhairakṣasūtraiśca bhārata |
kūladvaye mahāpuṇyā narmadodadhigāminī || 19 ||
[Analyze grammar]

pṛthagāyatanaiḥ śubhrairliṅgairvālukamṛnmayaiḥ |
bhrājate yā saricchreṣṭhā nakṣatrairiva śarvarī || 20 ||
[Analyze grammar]

evaṃ ta ṛṣayaḥ sarve tarpayantaḥ surānpitḥn |
nyavasannarmadātīre yāvadābhūtasamplavam || 21 ||
[Analyze grammar]

kiṃcidgate tatastasminghore varṣaśatādhike |
ardharātre tadā kanyā jalāduttīrya bhārata || 22 ||
[Analyze grammar]

vidyutpuṃjasamābhāsā vyālayajñopavītinī |
triśūlāgrakarā saumyā tānuvāca ṛṣīṃstadā || 23 ||
[Analyze grammar]

āgacchadhvaṃ munigaṇā viśadhvaṃ māmayonijām |
sametāḥ putradāraiśca tataḥ siddhimavāpsyatha || 24 ||
[Analyze grammar]

yasya yasya hi yā vāñchā tasya tāṃ tāṃ dadāmyaham |
viṣṇuṃ brahmāṇamīśānamanyaṃ vā suramuttamam || 25 ||
[Analyze grammar]

tatra sarvānnayiṣyāmi prasannā varadā hyaham |
prāṇāyāmaparā bhūtvā māṃ viśadhvaṃ samāhitāḥ || 26 ||
[Analyze grammar]

saha putraiśca dāraiśca tyaktvāśramapadāni ca |
kālakṣepo na kartavyaḥ pralayo'yamupasthitaḥ || 27 ||
[Analyze grammar]

saṃhāraḥ sarvabhūtānāṃ kalpadāhaḥ sudāruṇaḥ |
ekāhamabhavaṃ pūrvaṃ mahāghore janakṣaye || 28 ||
[Analyze grammar]

śeṣā nadyaḥ samudrāśca sarva eva kṣayaṃgatāḥ |
varadānānmaheśasya tenāhaṃ na kṣayaṃ gatā || 29 ||
[Analyze grammar]

amṛtaḥ śāśvato devaḥ sthāṇurīśaḥ sanātanaḥ |
sa pūjitaḥ prārthito vā kiṃ na dadyāddvijottamāḥ || 30 ||
[Analyze grammar]

evamuktvā ṛṣīvrevā praviveśa jalaṃ tataḥ |
karāttaśūlā sā devī vyālayajñopavītinī || 31 ||
[Analyze grammar]

tataste tadvacaḥ śrutvā vismayāpannamānasāḥ |
abhivandya ca māṃ sarve kṣāmayantaḥ punaḥ punaḥ || 32 ||
[Analyze grammar]

kṣamyatāṃ no yaduktaṃ hi vasatāṃ tava saṃśraye |
gṛhāṃstyaktvā mahābhāgāḥ saśiṣyāḥ sahabāndhavāḥ || 33 ||
[Analyze grammar]

japtvā caikākṣaraṃ brahma hṛdi dhyātvā maheśvaram |
snātvā ca mantrapūtābhiratha cādbhirjitavratāḥ || 34 ||
[Analyze grammar]

viviśurnarmadātoyaṃ sapakṣā iva parvatāḥ |
dyotayanto diśaḥ sarvāḥ kuśahastāḥ sahāgrayaḥ || 35 ||
[Analyze grammar]

gateṣu teṣu rājendra ahamekaḥ sthitastadā |
amareśaṃ samāsādya pūjayannarmadāṃ nadīm || 36 ||
[Analyze grammar]

anubhūtāḥ saptakalpā māyūrādyā mayā nṛpa |
prasādādvedhasaḥ sarve revayā saha bhārata || 37 ||
[Analyze grammar]

janmato'dya dinaṃ yāvanna jāne'syāḥ purāsthitim || 38 ||
[Analyze grammar]

iyaṃ hi śāṃkarī śaktiḥ kalā śambhorilāhvayā |
narmadā duritadhvaṃsakāriṇī bhavatāriṇī || 39 ||
[Analyze grammar]

yadāhamapi nābhūvaṃ purākalpeṣu pāṇḍava |
caturdaśasu kalpeṣu teṣviyaṃ sukhasaṃsthitā || 40 ||
[Analyze grammar]

caturdaśa purā kalpā na mṛtā yeṣu narmadā |
tānahaṃ sampravakṣyāmi devī prāha yathā mama || 41 ||
[Analyze grammar]

kāpilaṃ prathamaṃ viddhi prājāpatyaṃ dvitīyakam |
brāhmaṃ saumyaṃ ca sāvitraṃ bārhaspatyaṃ prabhāsakam || 42 ||
[Analyze grammar]

māhendramagnikalpaṃ ca jayantaṃ mārutaṃ tathā |
vaiṣṇavaṃ bahurūpaṃ ca jyautiṣaṃ ca caturdaśam || 43 ||
[Analyze grammar]

ete kalpā mayā khyātā na mṛtā yeṣu narmadā |
māyūraṃ pañcadaśamaṃ kaurmaṃ caivātra ṣoḍaśam || 44 ||
[Analyze grammar]

bakaṃ mātsyaṃ ca pādmaṃ ca vaṭakalpaṃ ca bhārata |
ekaviṃśatimaṃ caitaṃ vārāhaṃ sāṃpratīnakam || 45 ||
[Analyze grammar]

ime sapta mayā sākaṃ revayā pariśīlitāḥ |
ekaviṃśatikalpāstu narmadāyāḥ śivāṅgataḥ || 46 ||
[Analyze grammar]

saṃjātāyā nṛpaśreṣṭha mayā dṛṣṭā hyanekaśaḥ |
kathitā nṛpatiśreṣṭha bhūyaḥ kiṃ kathayāmi te || 47 ||
[Analyze grammar]