Chapter 10

[English text for this chapter is available]

| adhyāya || 10 ||
[Analyze grammar]

yudhiṣṭhira uvāca |
kasminkalpe mahābhāgā narmadeyaṃ dvijottama |
vibhaktā ṛṣibhiḥ sarvaistapoyuktairmahātmabhiḥ || 1 ||
[Analyze grammar]

etadvistarataḥ sarvaṃ brūhi me vadatāṃ vara |
kalpānte yadbhavetkaṣṭaṃ lokānāṃ tattvameva ca || 2 ||
[Analyze grammar]

atīte tu purā kalpe yatheyaṃ vartate'nagha |
asyāntyasya ca kalpasya vyavasthāṃ kathaya prabho |
evamuktaḥ sabhāmadhye mārkaṇḍo vākyamabravīt || 3 ||
[Analyze grammar]

mārkaṇḍeya uvāca |
vakṣye'haṃ śrūyatāṃ sarvaiḥ katheyaṃ pūrvataḥ śrutā || 4 ||
[Analyze grammar]

mahatkatheyaṃ vaiśiṣṭī kalpādasmātparaṃ tu yā |
lokakṣayakaro ghora āsītkālaḥ sudāruṇaḥ || 5 ||
[Analyze grammar]

tasminnapi mahāghore yatheyaṃ vā mṛtā satī |
parituṣṭairvibhaktā ca śṛṇudhvaṃ tāṃ kathāmimām || 6 ||
[Analyze grammar]

yugānte samanuprāpte pitāmahadinatraye |
mānasā brahmaṇaḥ putrāḥ sākṣādbrahmeva sattamāḥ || 7 ||
[Analyze grammar]

sanakādyā mahātmāno ye ca vaimānikā gaṇāḥ |
yamendravaruṇādyāśca lokapālā dinatraye || 8 ||
[Analyze grammar]

kālāpekṣāstu tiṣṭhanti lokavṛttāntatatparāḥ |
tataḥ kalpakṣaye prāpte teṣāṃ jñānamanuttamam || 9 ||
[Analyze grammar]

sarveṣāṃ naśyate cāyuryugarūpānusārataḥ |
bhūrlokaṃ te parityajya agamaṃśca bhuvaṃ tadā || 10 ||
[Analyze grammar]

svarlokaṃ ca mahaścaiva janaścaiva tapastadā |
āśrayaṃ satyalokaṃ ca sarvalokamanuttamam || 11 ||
[Analyze grammar]

kālaṃ yugasahasrāntaṃ putrapautrasamanvitāḥ |
satyaloke ca tiṣṭhanti yāvatsaṃjāyate jagat || 12 ||
[Analyze grammar]

brahmaputrāśca ye kecitkalpādau na bhavanti ha |
trailokyaṃ te parityajya anādhāraṃ bhavanti ca || 13 ||
[Analyze grammar]

taiḥ sārdhaṃ ye tu te viprā anye cāpi tapodhanāḥ |
yakṣarakṣaḥpiśācāśca anye vaimānikā gaṇāḥ || 14 ||
[Analyze grammar]

ṛṣayaśca mahābhāgā varṇāścānye pṛthagvidhāḥ |
sīdanti bhūmyāṃ sahitā ye cānye talavāsinaḥ || 15 ||
[Analyze grammar]

anāvṛṣṭirabhūttatra mahatī śatavārṣikī |
lokakṣayakarī raudrā vṛkṣavīrudvināśinī || 16 ||
[Analyze grammar]

trailokyasaṃkṣobhakarī saptārṇavaviśoṣaṇī |
tato lokāḥ kṣudhāviṣṭā bhramantīva diśo daśa || 17 ||
[Analyze grammar]

kaṃdairmūlaiḥ phalairvāpi vartayante suduḥkhitāḥ |
saritaḥ sāgarāḥ kūpāḥ sevante pāvanāni ca || 18 ||
[Analyze grammar]

tatrāpi sarve śuṣyanti saridbhiḥ saha sāgarāḥ |
tato yānyalpasārāṇi sattvāni pṛthivītale || 19 ||
[Analyze grammar]

tānyevāgre pralīyante bhinnānyurujalena vai |
atha saṃkṣīyamāṇāsu saritsu saha sāgaraiḥ || 20 ||
[Analyze grammar]

ṛṣīṇāṃ ṣaṣṭisāhasraṃ kurukṣetranivāsinām |
ye ca vaikhānasā viprā dantolūkhalinastathā || 21 ||
[Analyze grammar]

himācalaguhāguhye ye vasanti tapodhanāḥ |
sarve te māmupāgamya kṣuttṛṣārtāstapodhanāḥ || 22 ||
[Analyze grammar]

ūcuḥ prāñjalayaḥ sarve sīdayāmo mahāmune |
saritsāgaraśailāntaṃ jagatsaṃśuṣyate dvija || 23 ||
[Analyze grammar]

kutra yāsyāma sahitā yāvatkālasya paryayaḥ |
dīrghāyurasi viprendra na mṛtastvaṃ yugakṣaye || 24 ||
[Analyze grammar]

bhūtaṃ bhavyaṃ bhaviṣyacca sarvaṃ tava hṛdi sthitam |
tasmāttvaṃ vetsi sarvaṃ ca kathayasva mahāvrata || 25 ||
[Analyze grammar]

kīdṛkkālaṃ mahābhāga kṣapiṣyāmo'tha suvrata |
anāvṛṣṭihataṃ sarvaṃ sīdate sacarācaram || 26 ||
[Analyze grammar]

paritrāhi mahābhāga na yathā yāma saṃkṣayam |
tataḥ saṃcintya manasā tvaranviprānathābravam || 27 ||
[Analyze grammar]

kurukṣetraṃ tyajadhvaṃ ca putradārasamanvitāḥ |
tyaktvodīcīṃ diśaṃ sarve yāmo yāmyāmanuttamām || 28 ||
[Analyze grammar]

nagaragrāmaghoṣāḍhyāṃ purapattanaśobhitām |
gacchāmo narmadātīraṃ bahusiddhaniṣevitam || 29 ||
[Analyze grammar]

rudrāṅgīṃ tāṃ mahāpuṇyāṃ sarvapāpapraṇāśinīm |
paśyāmastāṃ mahābhāgāṃ nyagrodhāvārasaṃkulām || 30 ||
[Analyze grammar]

māheśvarairbhāgavataiḥ sāṃkhyaiḥ siddhaiḥ susevitām |
anāvṛṣṭibhayādbhītāḥ kūlayorubhayorapi || 31 ||
[Analyze grammar]

āśrame hyāśramāndivyānkārayāmo jitavratāḥ |
evamuktāstu te sarve sametānucaraiḥ saha || 32 ||
[Analyze grammar]

narmadātīramāsādya sthitāḥ sarve'kutobhayāḥ |
kiṃcitpūrvamanusmṛtya purā kalpādibhirbhayam || 33 ||
[Analyze grammar]

prāptāstu narmadātīramādāveva kalau yuge |
tato varṣaśataṃ pūrṇaṃ divyaṃ revātaṭe'vasan || 34 ||
[Analyze grammar]

ṣaḍviṃśacca sahasrāṇi varṣāṇāṃ mānuṣāṇi ca |
tatrāścaryaṃ mayā dṛṣṭamṛṣīṇāṃ vasatāṃ nṛpa || 35 ||
[Analyze grammar]

anāvṛṣṭihate loke saṃśuṣke sthāvare care |
bhinne yugādikalane hāhābhūte vicetane || 36 ||
[Analyze grammar]

cāturvarṇe pralīne tu naṣṭe homabalikrame |
niḥsvāhe nirvaṣaṭkāre śaucācāravivarjite || 37 ||
[Analyze grammar]

iyamekā saricchreṣṭhā ṛṣikoṭiniṣevitā |
nānyā kācittriloke'pi ramaṇīyā nareśvara || 38 ||
[Analyze grammar]

yatheyaṃ puṇyasalilā indrasyevāmarāvatī |
devatāyatanaiḥ śubhrairāśramaiśca sukalpitaiḥ || 39 ||
[Analyze grammar]

śobhate narmadā devī svarge mandākinī yathā |
yāvadvṛkṣā mahāśailā yāvatsāgarasaṃbhavā || 40 ||
[Analyze grammar]

ubhayoḥ kūlayostāvanmaṇḍitāyatanaiḥ śubhaiḥ |
hūyadbhiragnihotraiśca havirdhūmasamākulā || 41 ||
[Analyze grammar]

babhūva narmadā devī prāvṛṭkāla iva śarvarī |
devatāyatanairnaikaiḥ pūjāsaṃskāraśobhitā || 42 ||
[Analyze grammar]

saridbhirbhrājate śreṣṭhā purī śākrī ca bhāskarī |
kecitpañcāgnitapasaḥ kecidapyagnihotriṇaḥ || 43 ||
[Analyze grammar]

keciddhūmakamaśnanti tapasyugre vyavasthitāḥ |
ātmayajñaratāḥ kecidapare bhaktibhāginaḥ || 44 ||
[Analyze grammar]

vaiṣṇavajñānamāsādya kecicchaivaṃ vrataṃ tathā |
ekarātraṃ dvirātraṃ ca kecitṣaṣṭhāhabhojanāḥ || 45 ||
[Analyze grammar]

cāndrāyaṇavidhānaiśca kṛcchriṇaścātikṛcchriṇaḥ |
evaṃvidhaistapobhiśca narmadātīraśobhitaiḥ || 46 ||
[Analyze grammar]

yajadbhiḥ śaṃkaraṃ devaṃ keśavaṃ bhāti nityadā |
ekatve ca pṛthaktve ca yajatāṃ ca maheśvaram || 47 ||
[Analyze grammar]

kalau yuge mahāghore prāptāḥ siddhimanuttamām |
yasya yasya hi yā bhaktirvijñānaṃ yasya yādṛśam || 48 ||
[Analyze grammar]

yasminyasmiṃśca deve tu tāṃtāmīśo'dadātprabhuḥ |
svabhāvaikatayā bhaktyā tāmetyāntaḥ pralīyate || 49 ||
[Analyze grammar]

saṃsāre parivartante ye pṛthagbhājino narāḥ |
ye mahāvṛkṣamīśānaṃ tyaktvā śākhāvalambinaḥ || 50 ||
[Analyze grammar]

punarāvartamānāste jāyante hi caturyuge |
devānte sthāvarānte ca saṃsāre cābhramankramāt || 51 ||
[Analyze grammar]

punarjanma punaḥ svarge punarghore ca raurave |
ye punardevamīśānaṃ bhavaṃ bhaktisusaṃsthitāḥ || 52 ||
[Analyze grammar]

yajanti narmadātīre na punaste bhavanti ca |
ā dehapatanātkecidupāsantaḥ paraṃ gatāḥ || 53 ||
[Analyze grammar]

keciddvādaśabhirvarṣaiḥ ṣaḍbharanye tapodhanāḥ |
tribhiḥ saṃvatsaraiḥ kecitkecitsaṃvatsareṇa tu || 54 ||
[Analyze grammar]

ṣaḍbhirmāsaistu saṃsiddhāstribhirmāsaistathāpare |
munayo devamāśritya narmadāṃ ca yaśasvinīm || 55 ||
[Analyze grammar]

chittvā saṃsāradoṣāṃśca agamanbrahma śāśvatam |
evaṃ kaliyuge ghore śataśo'tha sahasraśaḥ || 56 ||
[Analyze grammar]

narmadātīramāśritya munayo rudramāviśan || 57 ||
[Analyze grammar]

ye narmadātīramupetya viprāḥ śaive vrate yatnamupaprapannāḥ |
trikālamambhaḥ pravigāhya bhaktyā devaṃ samabhyarcya śivaṃ vrajanti || 58 ||
[Analyze grammar]

dhyānārcanairjāpyamahāvrataiśca nārāyaṇaṃ vā satataṃ smaranti |
te dhautapāṇḍurapaṭā iva rājahaṃsāḥ saṃsārasāgarajalasya taranti pāram || 59 ||
[Analyze grammar]

satyaṃ satyaṃ punaḥ satyamutkṣipya bhujamucyate |
idamekaṃ suniṣpannaṃ dhyeyo nārāyaṇaḥ sadā || 60 ||
[Analyze grammar]

yo vā haraṃ pūjayate jitātmā māsaṃ ca pakṣaṃ ca vasennarendra |
revāṃ samāśritya mahānubhāvaḥ sa devadevo'tha bhavetpinākī || 61 ||
[Analyze grammar]

kīṭāḥ pataṃgāśca pipīlikāśca ye vai mriyante'mbhasi narmadāyāḥ |
te divyarūpāstu kulaprasūtāḥ śataṃ samā dharmaparā bhavanti || 62 ||
[Analyze grammar]

kālena vṛkṣāḥ prapatanti ye'pi mahātaraṃgaughanikṛttamūlāḥ |
te narmadāṃbhobhirapāstapāpā dedīpyamānāstridivaṃ prayānti || 63 ||
[Analyze grammar]

akāmakāmāśca tathā sakāmā revāntamāśritya mriyanti tīre |
jaḍāndhamūkāstridivaṃ prayānti kimatra viprā bhavabhāvayuktāḥ || 64 ||
[Analyze grammar]

māsopavāsairapi śoṣitāṅgā na tāṃ gatiṃ yānti vimuktadehāḥ |
mriyanti revājalapūtakāyāḥ śivārcane keśavabhāvayuktāḥ || 65 ||
[Analyze grammar]

nīvāraśyāmākayaveṅgudādyairanyairmunīndrā iha vartayanti |
āpritya kūlaṃ tridaśānugītaṃ te narmadāyā na viśanti mṛtyum || 66 ||
[Analyze grammar]

bhramanti ye tīramupetya devyāstrikāladevārcanasatyapūtāḥ |
viṇmūtracarmāsthitiropadhānāḥ kukṣau yuvatyā na vasanti bhūyaḥ || 67 ||
[Analyze grammar]

kiṃ yajñadānairbahubhiśca teṣāṃ niṣevitaistīrthavaraiḥ samastaiḥ |
revātaṭaṃ dakṣiṇamuttaraṃ vā sevanti te rudracarānupūrvam || 68 ||
[Analyze grammar]

te vañcitāḥ paṅgujaḍāndhabhūtā lokeṣu martyāḥ paśubhiśca tulyāḥ |
ye nāśritā rudraśarīrabhūtāṃ sopānapaṅktiṃ tridivasya revām || 69 ||
[Analyze grammar]

yugaṃ kaliṃ ghoramimaṃ ya iccheddraṣṭuṃ kadācinna punardvijendraḥ |
sa narmadātīramupetya sarvaṃ sampūjayetsarvavimuktasaṃgaḥ || 70 ||
[Analyze grammar]

vighnairanekairatiyojyamānā ye tīramujhanti na narmadāyāḥ |
te caiva sarvasya hitārthabhūtā vandyāśca te sarvajanasya mānyāḥ || 71 ||
[Analyze grammar]

bhṛgvatrigārgeyavaśiṣṭhakaṅkāḥ śataiḥ sametairniyatāstvasaṃkhyaiḥ |
siddhiṃ parāṃ te hi jalaplutāṅgāḥ prāptāstu lokānmarutāṃ na cānye || 72 ||
[Analyze grammar]

jñānaṃ mahatpuṇyatamaṃ pavitraṃ paṭhantyado nityaviśuddhasattvāḥ |
gatiṃ parāṃ yānti mahānubhāvā rudrasya vākyaṃ hi yathā pramāṇam || 73 ||
[Analyze grammar]