Chapter 75

[English text for this chapter is available]

īśvara uvāca |
pañcasaptatikaṃ devaṃ vaḍaleśvarasaṃjñakam |
viddhi pāpaharaṃ devi darśanātkāmadaṃ nṛṇām || 1 ||
[Analyze grammar]

dhanadasya sakhā devi maṇibhadro babhūva ha |
īrṣyāprabhāvastatputro vaḍalonāma kopanaḥ || 2 ||
[Analyze grammar]

rūpavānsarvadā kāmī sadā matto balādhikaḥ |
kadācitsa gato ramyāṃ nalinīṃ dhanadasya ca || 3 ||
[Analyze grammar]

ratyarthaṃ kāmasevārthaṃ guptāṃ rahasi nirmitām |
dadarśa kusumaiśchannāṃ vajravaiḍūryabhūṣitām || 4 ||
[Analyze grammar]

tāṃ vai vidrumasaṃchannāṃ muktādāmavirā jitām |
suramyāṃ vipulacchāyāṃ svarṇapaṃkajaśobhitām || 5 ||
[Analyze grammar]

kuberabhavanābhyāśe vallabhāṃ dhanadasya ca |
ākrīḍaṃ rājarājasya kuberasya mahā tmanaḥ || 6 ||
[Analyze grammar]

rākṣasaiḥ kiṃnaraiścaiva guptāṃ khaṅgadharaiḥ sadā |
tāṃ dṛṣṭvā paramaprīto babhūva vaḍalastadā || 7 ||
[Analyze grammar]

priyayā sahito reme sthāne gupte manohare |
reme ramaṇakairyogairanaṃgena vaśīkṛtaḥ || 8 ||
[Analyze grammar]

tatra guptā raṇe śūrā rākṣasā raṇakovidāḥ |
rakṣaṃti śatasāhasraṃ sarvāyudhaparicchadāḥ || 9 ||
[Analyze grammar]

te tu dṛṣṭvaiva vaḍalaṃ maṇibhadrasutaṃ priye |
bhakṣyaiḥ saṃpūritamukhaṃ divyacandanabhūṣitam || 10 ||
[Analyze grammar]

ketakīgarbhapatrābhairdaṃtairdivyatarānanam |
yuddhārthe baddhanistriṃśaṃ śaktiyuktamariṃdamam || 11 ||
[Analyze grammar]

bhāryāsahāyamunmattaṃ paryaṃke ca sthitaṃ sadā |
ratyarthamāgataṃ jñātvā anyonyamabhicukruśuḥ || 12 ||
[Analyze grammar]

mā vīrānena mārgeṇa sabhāryo gantumarhasi |
ākrīḍo'yaṃ kuberasya dhanadasya mahātmanaḥ || 13 ||
[Analyze grammar]

devā devarṣayo yakṣā gandharvāḥ kiṃnarāstathā |
āmantrya yakṣapravaraṃ viharaṃti ramaṃti ca || 14 ||
[Analyze grammar]

neha śakyaṃ vinādeśādvihartuṃ krīḍituṃ ciram |
bhrātrāmātyena suhṛdā kenāpi ca sutena ca || 15 ||
[Analyze grammar]

yenakenacidanyāyādavamanya dhaneśvaram |
vihāraḥ kriyate darpātsa vinaśyedasaṃśayam || 16 ||
[Analyze grammar]

evaṃ sa rākṣasairghorairvaḍalo vinivāritaḥ |
mā maivamiti sakrodhaṃ bhartsayadbhiḥ samaṃtataḥ || 17 ||
[Analyze grammar]

kadarthīkṛtya tu sa tānrākṣasānbhīmavikramaḥ |
vyagāhata mahātejāste sarve taṃ nyavārayan || 18 ||
[Analyze grammar]

gṛhṇīta badhnīta nikṛntatainaṃ pibāma khādāma ca vṛttahīnam |
kruddhā bruvaṃto hyapatandrutaṃ te śastrāṇi codyamya vivṛttanetrāḥ || 19 ||
[Analyze grammar]

tataḥ sa gurvīṃ yamadaṇḍakalpāṃ mahāgadāṃ kāṃcanapaṭṭanaddhām |
pragṛhya tāmabhyapatattarasvī tato'bravīttiṣṭhata tiṣṭhateti || 20 ||
[Analyze grammar]

te tasya vīryaṃ ca valaṃ ca dṛṣṭvā vidyābalaṃ bāhubalaṃ tathaiva |
na śaknuvaṃtaḥ sahituṃ sametā hatāḥ pravīrāḥ sahasā nivṛttāḥ || 21 ||
[Analyze grammar]

vidāryamāṇāstata eva tūrṇamākāśamāsthāya vimūḍhasaṃjñāḥ |
kailāsaśṛṃgāṇyabhi dudruvuste yakṣārditā rakṣapālāḥ prabhagnāḥ || 22 ||
[Analyze grammar]

sa śakravaddānavadaityasaṃghānvikramya jitvā madanābhitaptaḥ |
vigāhya tāṃ puṣkariṇīṃ samarthaḥ kāmaṃ sa cikrīḍati yakṣaputraḥ || 23 ||
[Analyze grammar]

tatastu te rakṣapālāḥ sametya dhaneśvaraṃ vai vaḍalena nunnāḥ |
yakṣasya dhairyaṃ subalaṃ ca saṃkhye yathāvadācakhyuratīva bhītāḥ || 24 ||
[Analyze grammar]

teṣāṃ tu vacanaṃ śrutvā maṇibhadro mahāyaśāḥ |
śaśāpa putraṃ dayitaṃ vaḍalaṃ prabhukāraṇāt || 25 ||
[Analyze grammar]

yasmātsā nalinī ramyā sevitā vaḍalena tu |
dayitā dhanadasyāpi yathā mātā tathaiva sā || 26 ||
[Analyze grammar]

tasmātputro madīyastu sarvabhāgavivarjitaḥ |
paṃgvandho badhiro dīnaḥ kṣayarogamavāpsyati || 27 ||
[Analyze grammar]

iti śaptastadā jāto vaḍalo bhogavarjitaḥ |
patito bhūtale caiva tasminsthāne gato'pi san || 28 ||
[Analyze grammar]

pīḍitaḥ kṣayarogeṇa na śaśāka viceṣṭitum |
andho'tha badhiro jāto guruśāpahatastadā || 29 ||
[Analyze grammar]

ciṃtayāmāsa sahasā śāpamatyadbhutaṃ mahat |
śapto'haṃ kena sahasā jīvanyonyaṃtaraṃ gataḥ || 30 ||
[Analyze grammar]

kathaṃ śapto'smi tātena maṇibhadreṇa vallabhaḥ |
putro yuvā ca śūraśca śatrupakṣakṣayaṃkaraḥ || 31 ||
[Analyze grammar]

dhanyo'sau maṇibhadro'pi mattāto yena bhūtale |
prabhubhaktyā nijaḥ putraḥ śaptastyaktaśca tatkṣaṇāt || 32 ||
[Analyze grammar]

vaḍalena punaḥ proktaṃ dhanyo'haṃ prabhukāraṇāt |
utsavo nidhanaṃnāma bhartṛpiṇḍopajīvinām || 33 ||
[Analyze grammar]

anyāyena yathākāmaṃ prārabdhaḥ saṃcitaściram |
tenāhaṃ śāpatāṃ prāpto yāsyāmi narakaṃ dhruvam || 34 ||
[Analyze grammar]

evaṃ vilapatastasya vaḍalasya varānane |
ājagāma tamuddeśaṃ maṇibhadro mahābalaḥ |
dadarśa putraṃ paṃgvaṃdhaṃ kṣayarogaprapīḍitam || 35 ||
[Analyze grammar]

niḥśvasaṃtaṃ suduḥkhārttaṃ vila paṃtaṃ punaḥpunaḥ |
pratyuvāca sutaṃ yakṣo maṇibhadro'tiduḥkhitaḥ |
mayā kupitrā hā vatsa śaptastvaṃ prabhukāraṇāt || 36 ||
[Analyze grammar]

tvayeyaṃ nalinī ramyā dhana dasyātivallabhā |
sevitā kāmataptena pravarā rākṣasā hatāḥ || 37 ||
[Analyze grammar]

tasmātputra mayā śapto na mithyā sa bhaviṣyati |
prabhurdevaḥ prabhuḥ svāmī prabhurmātā prabhuḥ pitā || 38 ||
[Analyze grammar]

svāmyarthe yaḥ priyānprāṇānparityajati saṃgare |
sa yāti paramaṃ sthānaṃ brahmalokaṃ sanātanam || 39 ||
[Analyze grammar]

na mantrasādhyaḥ śāpoyaṃ nauṣadhena vratena ca |
niyamena ca dānena tasmānmadvacanaṃ kuru || 40 ||
[Analyze grammar]

mayā śrutaṃ śakraloke purāṇaṃ skaṃdakīrttitam |
bruvato nāradasyaiva devānāṃ saṃnidhau purā || 41 ||
[Analyze grammar]

prabhāvo varṇitastena mahākālavanasya ca |
kṣetre hyasminmahāliṃgaṃ svargadvārasya dakṣiṇe || 42 ||
[Analyze grammar]

vidyate vyādhiśamanaṃ rūpasaubhāgyadāyakam |
tatrāhaṃ tvāṃ ca neṣyāmi vimānenāśugāminā || 43 ||
[Analyze grammar]

ityuktvā maṇibhadreṇa samānītaḥ sutastadā |
yatra devādhidevo'sau svargadvārasya dakṣiṇe || 44 ||
[Analyze grammar]

sparśanāttasya liṃgasya cakṣuṣmānrūpavānbalī |
supādaḥ śrutisaṃyuktastatkṣaṇādabhavattadā || 45 ||
[Analyze grammar]

dṛṣṭvā sumahadāścaryaṃ maṇibhadreṇa pārvati |
kṛtaṃ nāma suhṛṣṭena svīyaputrasya nāmataḥ |
cakṣuṣmānvaḍalo jāto liṃgasyāsya prabhāvataḥ || 46 ||
[Analyze grammar]

adyaprabhṛti devo'yaṃ vaḍaleśvarasaṃjñakaḥ |
bhaviṣyati trilokeṣu vikhyāto netradāyakaḥ || 47 ||
[Analyze grammar]

pūjayiṣyaṃti ye devaṃ vaḍaleśvarasaṃjñakam |
liṃgaṃ lokeṣu vikhyātaṃ te prāpsyaṃti manoratham || 48 ||
[Analyze grammar]

dṛṣṭo harati pāpāni spṛṣṭo rājyaṃ prayacchati |
arcito bhaktibhāvena mokṣaṃ dadyānna saṃśayaḥ || 49 ||
[Analyze grammar]

kārttike śuklapakṣasya tithirvai dvādaśī bhavet |
tasyāṃ ye pūjayiṣyaṃti vaḍaleśvarasaṃjñakam || 50 ||
[Analyze grammar]

dānaṃ taiḥ satataṃ dattaṃ te yāṃti paramaṃ padam |
prayāge ca prabhāse ca gaṃgāsāgarasaṃgame || 51 ||
[Analyze grammar]

tapastaptaṃ bhavettaistu te muktā nātra saṃśayaḥ |
garbhavāse na jāyaṃte sarvasaukhyasamanvitāḥ || 52 ||
[Analyze grammar]

gāṇapatyā bhaviṣyaṃti śaṃkarasya sadā priyāḥ |
saubhāgyarūpasaṃpannāḥ putrapautraiśca saṃyutāḥ |
jāyaṃte mānavā loke vaḍaleśvaradarśanāt || 53 ||
[Analyze grammar]

garbhavāse mahākaṣṭe yasya vāso na rocate |
so'bhyarcayatu bhāvena vaḍaleśvaramīśvaram || 54 ||
[Analyze grammar]

na liṃgena vinā siddhirdurlabhaṃ paramaṃ padam |
gatirna jāyate svarge yāvalliṃgaṃ tu nārcayet || 55 ||
[Analyze grammar]

liṃgārcana vihīnānāṃ siddhiścāpi sudurlabhā |
mama putreṇa saṃprāptamīpsitaṃ liṃgato yataḥ || 56 ||
[Analyze grammar]

ityuktvā maṇibhadro'pi sutena sahito yayau |
yatra devo dhanādhyakṣaḥ sthānaṃ svaṃ paramaṃ gataḥ || 57 ||
[Analyze grammar]

eṣa te kathito devi prabhāvaḥ pāpanāśanaḥ |
vaḍaleśvaradevasya śrūyatāmaruṇeśvaram || 58 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ paṃcama āvaṃtyakhaṇḍe caturaśītiliṅgamāhātmya umāmaheśvarasaṃvāde vaḍaleśvaramāhātmyavarṇanaṃ nāma paṃcasaptatitamo'dhyāyaḥ || 75 ||
[Analyze grammar]