Chapter 74

[English text for this chapter is available]

śrīhara uvāca |
catuḥsaptatikaṃ viddhi śivaṃ rājasthaleśvaram |
yasya darśanamātreṇa sarvapāpaiḥ pramucyate || 1 ||
[Analyze grammar]

viṣṇukalpe purā vṛtte manvaṃtaramukhapriye |
arājake mahīpṛṣṭhe brahmā ciṃtāparo'bhavat || 2 ||
[Analyze grammar]

na manuṣyairvinā devāḥ samarthā lokadhāraṇe |
dānejyājapatodevā bhajaṃte puṣṭimuttamām || 3 ||
[Analyze grammar]

yogyo rājā prajāpālaḥ ko bhavejjanavatsalaḥ |
so'paśyadatha rājarṣi stapasyaṃtaṃ ripuṃjayam || 4 ||
[Analyze grammar]

pṛthvyāṃ sarvaguṇākīrṇaṃ dharmaniṣṭhaṃ mahāvratam |
tamuvācātha deveśo brahmā lokapitāmahaḥ || 5 ||
[Analyze grammar]

brahmovāca |
ripuṃjaya nibodhedaṃ vacanaṃ mama putraka |
rājyaṃ ca pālyatāṃ vatsa ekakalpena cetasā || 6 ||
[Analyze grammar]

alaṃ te tapasā tāta kaṣṭenānena sāṃpratam |
dharmeṇa vijitāḥ sarve tvayā lokā narottama || 7 ||
[Analyze grammar]

kriyatāmadhunā lokapālanaṃ tu mamājñayā |
yataḥ paropakāro hi phalaṃ dehasya dehinaḥ || 8 ||
[Analyze grammar]

na dharmastādṛśo'nyo'sti na cānyo'rthasya sādhakaḥ |
nirayāptirapi śreya upakṛtya parasya vai || 9 ||
[Analyze grammar]

nāpakāreṇa bhūtānāmapi syādbhuvaneśatā |
satataṃ loka kāryārthaṃ madājñāgauraveṇa ca |
pṛthvīṃ samudravasanāṃ prajāścaiva prapālaya || 10 ||
[Analyze grammar]

ityuktaḥ sa tu rājarṣirbrahmaṇā parvatātmaje |
provāca prāṃjalirbhūtvā brahmāṇaṃ tu ripuṃjayaḥ || 11 ||
[Analyze grammar]

svabhāvenācalā pṛdhvī tvayā pūrvaṃ vinirmitā |
vinaiva pālakaṃ hyeṣā kutra yāsyati medinī || 12 ||
[Analyze grammar]

yadyavaśyaṃ mayā pṛdhvī pālanīyā pitāmaha |
dehi me nagarīṃ ramyāmavantīṃ saptakalpagām || 13 ||
[Analyze grammar]

manuṣyaloke vikhyātā sakale sāmarāvatī |
svargacyutānāṃ devānāṃ nivāsārthaṃ pratiṣṭhitā || 14 ||
[Analyze grammar]

maryādāmanuvatteṃyuryadi me nākavāsinaḥ |
adatte ca mayā sthāne na vāsaḥ kasyacidbhavet |
anena vidhinā pṛthvīṃ pālayiṣyāmyahaṃ prabho || 15 ||
[Analyze grammar]

brahmovāca |
bhaviṣyatyeṣa te kāmo yastvayokto narottama |
ye kecittridaśāḥ saṃti madgauravavaśena te |
tavādeśaṃ kariṣyaṃti sadā tvadvaśavarttinaḥ || 16 ||
[Analyze grammar]

devanātheti vai nāma bhaviṣyati ca suvrata |
ityuktvāṃtardadhe brahmā haṃsayānaṃ samāsthitaḥ || 17 ||
[Analyze grammar]

atha rājā pratijñāya brahmaṇā bhūmipālanam |
pṛthvyāmudghoṣayāmāsa provāca tridivaukasām || 18 ||
[Analyze grammar]

bhavatāṃ vihitaḥ svargo manujānāṃ ca bhūtalam |
ye cātra kaṃda raratāḥ sthale vā bhūdhareṣu ca || 19 ||
[Analyze grammar]

ye sthitā yāṃtu te devā manujānāmiyaṃ dharā |
tacchrutvā ghoṣitaṃ tasya rājño bhayanipīḍitāḥ |
tridaśā brahmaṇo vākyādgauravāttridivaṃ gatāḥ || 20 ||
[Analyze grammar]

atha prajāḥ sa nṛpatirdharmeṇāvardhayattadā |
putravatsehayuktena hṛdayenātinirvṛtāḥ || 21 ||
[Analyze grammar]

prajāstatsukhasaṃvṛddhā jarāmṛ tyuvivarjitāḥ |
putriṇo dhanadhānyāḍhyāḥ sarvakāmasamanvitāḥ || 22 ||
[Analyze grammar]

yauvanasthāśca nirdvaṃdvāḥ satataṃ dharmasaṃśrayāḥ |
nāsītputhivyāṃ śailastu sthalo vā dvīpa eva ca || 23 ||
[Analyze grammar]

akṛṣṭapacyā pṛthivī svādavadbhiḥ phalairyutā |
devaloka ivāsīdbhūḥ sarvakāmaguṇojjvalā || 24 ||
[Analyze grammar]

evaṃ vrajati kāle vai rājñi rājyaṃ prakurvati |
mahāmarṣaparā devā viprakāryārthamudyatāḥ || 25 ||
[Analyze grammar]

prajānāṃ bahuduḥkhāni muhuḥ kurvaṃtyanekaśaḥ |
athānāvṛṣṭimakarotsudīrghāṃ pākaśāsanaḥ || 26 ||
[Analyze grammar]

tathā saṃhriyamāṇeṣu lokeṣu nṛpasattamaḥ |
megho bhūtvā divaṃ prāpya suvṛṣṭimakaronnṛpaḥ || 27 ||
[Analyze grammar]

tenaivāpyāyito lokaḥ sukhī jāto yaśasvini |
tataḥ kāle tu kasmiṃścidvarṣatpākaśāsanaḥ |
saṃvartto vārido bhūtvā meghānvai vinyapātayat || 28 ||
[Analyze grammar]

tatastu māruto bhūtvā nṛpatistāmadhārayat |
tatonalaḥ pranaṣṭo'bhūtsarvataḥ pṛthivītalāt || 29 ||
[Analyze grammar]

na yajñā na japo homo na ca paktiravarttata |
lokaśca vyādhisaṃkṣubdhastadābhūdviṣame sthitaḥ || 30 ||
[Analyze grammar]

tataḥ sa rājā taṃ dṛṣṭvā tvabhavaddhavyavāhanaḥ |
so'dhārayatprajāḥ sarvā yajñāṃśca tridivaukasaḥ || 31 ||
[Analyze grammar]

etasminnaṃtare devi tvayā sārddhaṃ samāgataḥ |
darśanārthaṃ svanagarīmahaṃ bhūtagaṇairvṛtaḥ || 32 ||
[Analyze grammar]

tato devagaṇāḥ sarve sakiṃnaramahoragāḥ |
sayakṣarakṣogandharvāḥ siddhavidyādharoragāḥ || 33 ||
[Analyze grammar]

bhūtāḥ pretāḥ piśācāśca ye cānye gaganecarāḥ |
catvāraḥ sāgarāścaiva kṣārakṣīrādisiṃdhavaḥ || 34 ||
[Analyze grammar]

gaṃgā ca yamunā siṃdhuścaṃdrabhāgā sarasvatī |
carmaṇvatī bhīma rathī puṇyā godāvarī nadī || 35 ||
[Analyze grammar]

vipāśā devikā puṇyā śarayūḥ kauśikī tathā |
gomatī dhūtapāpā ca bāhudā ca dṛṣadvatī || 36 ||
[Analyze grammar]

pārā veda smṛtiścaiva vetraghnī narmadā śivā |
tāpī payoṣṇī nirvindhyā sarvāstatra samāgatāḥ || 37 ||
[Analyze grammar]

puṣkaraśca prayāgaśca prabhāso naimiṣastathā |
pṛthutīrthodakaścaiva tathaivāmarakaṃṭakaḥ || 38 ||
[Analyze grammar]

gaṃgādvāraḥ kuśāvartto bilvako nīlaparvataḥ |
vārāhaparvataścaiva tīrthaṃ kanakhalaṃ tathā || 39 ||
[Analyze grammar]

bhṛgutuṃgaḥ sukukṣaścāpyajagaṃdhaśca pārvati |
kāliṃjaraḥ sakedāro rudrakoṭirmahālayaḥ || 40 ||
[Analyze grammar]

sthānāni ca samastāni puṇyānyāyatanāni ca |
merurmaheṃdro malayo maṃdaro gaṃdhamādanaḥ || 41 ||
[Analyze grammar]

munayo vālakhilyāśca vedāścatvāra eva ca |
ete cānye ca bahavaḥ samāyātā mayā saha || 42 ||
[Analyze grammar]

anaṃtaraṃ mayā meruḥ sthalākāraḥ kṛtastataḥ |
tasminsthale sthito devi upaviṣṭaḥ surairvṛtaḥ |
niyuktāḥ sāgarāḥ pārśve catvāro lavaṇādayaḥ || 43 ||
[Analyze grammar]

atha vyākulatāṃ prāptaḥ sa ca rājā ripuṃjayaḥ |
svasthalasthaṃ māṃ dṛṣṭvā samāyātastu māṃ prati || 44 ||
[Analyze grammar]

tejasā dahyamāno'pi madīyena varānane |
bhīto'pi toṣayāmāsa ko'si deva namo'stu te || 45 ||
[Analyze grammar]

sthalesminnṛpa rājāhaṃ mayāpyuktaṃ vinodataḥ |
caturvargaścaturmūrttiścaturddhā saṃsthito nṛpaḥ || 46 ||
[Analyze grammar]

tenāhaṃ sarvato dṛṣṭo vāṅmaye sacarācare |
anaṃtaraṃ stutastena bhaktyā paramayā priye || 47 ||
[Analyze grammar]

prabhāvamatulaṃ dṛṣṭvā madīyaṃ vyāpakaṃ param |
bhaktyā paramayā devi sa ca māṃ śaraṇaṃ gataḥ |
bhūyaḥstuto'pi tenāhaṃ tuṣṭo vai tasya bhūpateḥ |
tenoktaṃ yadi me deva tuṣṭastvaṃ parameśvara || 49 ||
[Analyze grammar]

bhaktirme sudṛḍhā bhūyāttvayi sarvaॆśa śāśvatī |
tuṣṭohaṃ tena vākyena punaḥ prokto mayā nṛpa || 50 ||
[Analyze grammar]

evaṃ bhaviṣyatītyuktvā punarmāṃ brūhi pārthiva |
hṛdi sthitaśca te kāmaḥ sarvakālaṃ bhaviṣyati || 51 ||
[Analyze grammar]

adhṛṣyaḥ sarvedevānāṃ sarvadā saṃbhaviṣyasi |
tenāhaṃ prārthito devi bhūyo varamanuttamam || 52 ||
[Analyze grammar]

atīva rājate deva sthalo'yaṃ tava sannidhau |
merureṣa na saṃdeho vṛllabhaḥ sarvadā tava || 53 ||
[Analyze grammar]

rājasthaleśvaro'si tvaṃ vikhyāto bhuvanatraye |
bhaviṣyasi yathā deva tathā tvaṃ kartumarhasi || 54 ||
[Analyze grammar]

atrāgatya ca yo deva bhaktyā paramayā yutaḥ |
yātrāṃ karoti bhāvena purāṇoktavidhānataḥ || 55 ||
[Analyze grammar]

tasya tvayā pradātavyaṃ sarvaṃ manasi ciṃtitam |
aṇimādiguṇāḥ sarve guṭikāsiddhiraṃjanam || 56 ||
[Analyze grammar]

khaḍgaṃ ca pādukāṃ caiva jalavāsaṃ rasāyanam |
rājasthaleśvaraṃ yastu bhaktyā paśyati mānavaḥ || 57 ||
[Analyze grammar]

daśamyāṃ tu viśeṣeṇa kṛtvā niyamapūrvakam |
devānāmapi devatvaṃ saṃprāpnoti maheśvaraḥ || 58 ||
[Analyze grammar]

pūjanīyastu tridivairyathā devaḥ puraṃdaraḥ |
dṛṣṭvā rājasthale devaṃ yo'tra yātrāṃ kariṣyati || 59 ||
[Analyze grammar]

tasya śrīrvijayaścaiva bhavatyeva varo mama |
śatravaḥ saṃkṣayaṃ yāṃtu saṃpadyatāṃ manorathāḥ || 60 ||
[Analyze grammar]

vṛddhirbhavatu vaṃśe ca darśanāttava śaṃkara |
sarve'tra devāstiṣṭhaṃtu meruratraiva tiṣṭhatu |
tiṣṭhaṃtu sāgarāḥ sarve tava deva samīpataḥ || 61 ||
[Analyze grammar]

ityukto'haṃ tadā tena mayā coktaṃ varānane |
sudyumnonāma bhūpālo yadātraivāgamiṣyati || 62 ||
[Analyze grammar]

putrārthaṃ bhāryayā sārddhaṃ tadā dāsyāmi vāṃchitam |
tadā samudrāścatvāraḥ sthāsyanti saphalāḥ svayam || 63 ||
[Analyze grammar]

tasyārādhanato bhūpa putraṃ dāsyāmi śobhanam |
ye cātra mānavā rājanyātrāṃ kurvaṃti bhaktitaḥ |
teṣāṃ manorathāvāptirbhaviṣyati na saṃśayaḥ || 64 ||
[Analyze grammar]

rājā ripuṃjayo bhaktyā gaṇādhīśaḥ kṛto mayā || 65 ||
[Analyze grammar]

eṣa te kathito devi prabhāvaḥ pāpanāśanaḥ |
rājasthaleśvareśasya śrūyatāṃ vaḍaleśvaram || 66 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṃḍe caturaśītiliṅgamāhātmye rājasthaleśvaramāhātmyavarṇanaṃnāma catuḥsaptatitamo'dhyāyaḥ || 74 ||
[Analyze grammar]