Chapter 65

[English text for this chapter is available]

śrīhara uvāca |
paṃcaṣaṣṭikasaṃkhyākaṃ viddhi brahmeśvaraṃ priye |
yasya darśanamātreṇa brahmaloko hyavāpyate || 1 ||
[Analyze grammar]

pulomānāma daityeṃdro mahābalaparākramaḥ |
paulomānāṃ sahasraistu pūjyamānaḥ sa tiṣṭhati || 2 ||
[Analyze grammar]

ānarcuste'pi taṃ daityaṃ sureśaṃ tridaśā iva |
sa kadācitsamakṣaṃ tu daityānāmidamabravīt || 3 ||
[Analyze grammar]

adyāpi lokapālānāmarkeṃdujvalanāṃbhasām |
śatakratorddhaneśasya yamasya varuṇasya ca || 4 ||
[Analyze grammar]

yadi nāma tataḥ kiṃ me tapasā jīvitena ca |
so'haṃ vidrāvayiṣyāmi sarvāneva divaukasaḥ || 5 ||
[Analyze grammar]

sarvairetaiḥ parivṛtaḥ paulomairbalavattaraiḥ |
ityuktvā gatavāndevi sāgaraṃ daityasaṃvṛtaḥ |
tāvacchayānaṃ sahasā hyapaśyanmadhusūdanam || 6 ||
[Analyze grammar]

śāradābhrasamābhāsaṃ madhyekālaṃ yathā ghanam |
tamālokya tato daityānabravīdanugāṃstathā || 7 ||
[Analyze grammar]

ayaṃ sa dānavagirivajro hi madhusūdanaḥ |
kīrttikāṃtākalākelivaidhavyādeśako dviṣām || 8 ||
[Analyze grammar]

daityasīmaṃtinīkāṃtapatravallīprabhaṃjakaḥ |
ayamasmajjayavadhūvaidhavyādeśakaḥ paraḥ || 9 ||
[Analyze grammar]

gataśaṃkaḥ svapityekaḥ sarvadā kuṭilāśayaḥ |
haṃtavyastvarayā duṣṭaḥ kāṃkṣito darśanaṃ gataḥ || 10 ||
[Analyze grammar]

ityuktvā sa hi daityeṃdraḥ pulomātiruṣānvitaḥ |
abhidudrāva vegena tāvadagre pitāmaham |
dadarśa nābhikamale cintayānaṃ punaḥpunaḥ || 11 ||
[Analyze grammar]

atha vyākulatāṃ prāpto brahmā dṛṣṭvā tadadbhutam |
āyāṃtaṃ daityasiṃhānāṃ sainyaṃ raṇasudurjayam || 12 ||
[Analyze grammar]

atha bodhaṃ gataḥ kṣipraṃ kaiṭabhārirmahābalaḥ |
dadarśāgre pulomaṃ tu svasainyaparivāritam || 13 ||
[Analyze grammar]

ajeyaḥ saṃgare dhīro brahmāṇamidama bravīt || 14 ||
[Analyze grammar]

viṣṇuruvāca |
pulomasya vināśārthamudyogaḥ kriyatāmiti |
asau labdhavaro daityaḥ sahasā māṃ vijeṣyati || 15 ||
[Analyze grammar]

tasmādgaccha tvarāyukto mahākālavane śubhe |
liṃgaṃ drakṣyasi tatraiva saptakalpodbhavaṃ param || 16 ||
[Analyze grammar]

uttare cyavaneśasya śivaśaktisamanvitam |
tasya liṃgasya māhātmyādbalaṃ prāpsyati śāśvatam || 17 ||
[Analyze grammar]

kuṇḍeśvarakarasparśakāri vāri niraṃtaram |
tadānaya gṛhītvā tu tenāyaṃ vadhyatāmiti || 18 ||
[Analyze grammar]

iti tasya vacaḥ śrutvā brahmā lokapitāmahaḥ |
ājagāma muhūrtena yatra talliṃgamuttamam || 19 ||
[Analyze grammar]

stutiṃ cakāra sahasā dṛṣṭvā bhaktyā pitāmahaḥ || 20 ||
[Analyze grammar]

brahmovāca |
namaste divyarūpāya namaste bahurūpiṇe |
namo'viṣahyavīryāya namo viśvakriyātmane || 21 ||
[Analyze grammar]

namaḥ piṃgakaparddāya namaḥ khaṃḍeṃdudhāriṇe |
namaḥ kanakavarṇāya namo vananivāsine || 22 ||
[Analyze grammar]

vaṃde tvāṃ bhūtabharttāraṃ sadā śatruvināśanam |
raṇatkanakakeyūraṃ dhṛtapūrṇeṃdumaṃḍa lam || 23 ||
[Analyze grammar]

vande tvāṃ tridaśādhyakṣaṃ viśvādhyakṣaṃ maheśvaram |
kṣīṇasaṃsāraduḥkhaughaṃ munidhyātapadaṃ sadā || 24 ||
[Analyze grammar]

vaṃde tvāṃ sarvadā devaṃ daityasaṃghātanāśanam |
ṭaṃkapaṭṭiśaśūlāgradhanuḥkhaḍgagadādharam || 25 ||
[Analyze grammar]

evaṃ stutaḥ sa bhagavāṃlliṃgarūpī maheśvaraḥ |
kiṃcitsmitamukhaḥ prāha brahmāṇaṃ lokakāraṇam || 26 ||
[Analyze grammar]

kiṃ te'bhīṣṭaṃ karomyadya kiṃ dadāmi pitāmaha |
kasmātstauṣi muniśreṣṭha kasmādārto'si dṛśyase || 27 ||
[Analyze grammar]

iti liṃgavacaḥ śrutvā kathitaṃ brahmaṇā tadā |
vṛttāṃtaṃ vistarātsarvaṃ liṃgenoktaṃ tadā priye || 28 ||
[Analyze grammar]

jalaṃ gṛhāṇa vāṇīśa śastrajaṃ śatruvāraṇam |
haniṣyasi kṣaṇenaiva pulomaṃ sahasainyakam || 29 ||
[Analyze grammar]

ityuktaḥ satvaro brahmā gato yatra janārddanaḥ |
jalena tena tāndai tyānpātayāmāsa bhūtale || 30 ||
[Analyze grammar]

sa pulomā mahānāsītsvārociṣeṃ'tare manau |
kṛṣṇo'pi brahmaṇā sārddhamājagāma kuśasthalīm || 31 ||
[Analyze grammar]

dadarśa tatra talliṃgaṃ nāma cakre janārddanaḥ |
brahmaṇā saṃstuto devo mamānugrahakāraṇāt |
tasmādbrahmeśvaronāma khyātiṃ lokeṣu yāsyati || 32 ||
[Analyze grammar]

ye drakṣyaṃti narā bhaktyā devaṃ brahmeśvaraṃ śivam |
te brahmalokamākramya sameṣyanti mamāntikam || 33 ||
[Analyze grammar]

yastu paśyetprasaṃgena devaṃ brahmeśvaraṃ śivam |
kṛtakṛtyaḥ sa puruṣo na śocenmaraṇaṃ sadā || 34 ||
[Analyze grammar]

yaḥ puṣkaraṃ naro gatvā tapo varṣaśataṃ caret |
anyo brahmeśvaraṃ paśyettasya puṇyaṃ tato'dhikam || 35 ||
[Analyze grammar]

paṃcapātakasaṃyukto yo marttyo duṣṭamānasaḥ |
sopi gacchecchivaṃ sthānaṃ dṛṣṭvā brahmeśvaraṃ śivam || 36 ||
[Analyze grammar]

cāṃdrāyaṇānāṃ vidhivaddaśānāmeva yatphalam |
tatphalaṃ samavāpnoti brahmeśvarasya darśanāt || 37 ||
[Analyze grammar]

ityuktvā gatavānviṣṇurvaikuṃṭhaṃ śāśvataṃ priye |
brahmalokaṃ jagāmātha brahmā lokapitāmahaḥ || 38 ||
[Analyze grammar]

eṣa te kathito devi prabhāvaḥ pāpanāśanaḥ |
brahmeśvarasya devasya jalpeśvaramatho śṛṇu || 39 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṃḍe caturaśītiliṅgamāhātmye brahmeśvaramāhātmyavarṇanaṃnāma paṃcaṣaṣṭitamo'dhyāyaḥ || 65 ||
[Analyze grammar]