Chapter 61

[English text for this chapter is available]

īśvara uvāca |
ekaṣaṣṭitamaṃ viddhi saubhāgyeśvaramīśvaram |
yasya darśanamātreṇa saubhāgya matulaṃ labhet || 1 ||
[Analyze grammar]

pradhamaṃ prākṛte kalpe rājābhūdaśvavāhanaḥ |
prāgjyotiṣapure ramye dharmātmā kīrttivarddhanaḥ || 2 ||
[Analyze grammar]

anekayajñakṛtprājñaḥ saṃgrāmeṣvapa rājitaḥ |
tasya bhāryā viśālākṣi nāmnā madanamañjarī || 3 ||
[Analyze grammar]

kāśirājasutā subhrū rūpeṇātīva śobhanā |
dakṣā suśīlā dharmiṣṭhā gṛhavyāpārako vidā || 4 ||
[Analyze grammar]

catuḥṣaṣṭikalāyuktā sadā bhartṛhite ratā |
pūrṇenduvadanā saumyā sadā madhurabhāṣiṇī || 5 ||
[Analyze grammar]

pūrvakarmavaśāddevi durbhūgā samajāyata |
sā neṣṭā tasya nṛpaternetrodvegakarī sadā || 6 ||
[Analyze grammar]

śrotrodvegakaraṃ vākyaṃ tasya rājñaḥ karoti sā |
dadāha locane rājastasyāḥ saṃdarśanaṃ sadā || 7 ||
[Analyze grammar]

mṛrchāṃ prāpnotyasahyāṃ sa tasyāḥ sparśena bhūpatiḥ |
kadā cālokito rājā tayā premṇā varānane |
dahyamāno'titīvreṇa vahninā vākyamabravīt || 8 ||
[Analyze grammar]

dvāsthaitāṃ durbhagāṃ bhāryāmādāya vipine vane |
parityajāśu naitatte vicāryaṃ vacanaṃ mama || 9 ||
[Analyze grammar]

tato nṛpasya vacanamavicāryamavekṣya saḥ |
dvāsthastatyāja tāṃ subhrūmāropya syaṃdanaṃ vane || 10 ||
[Analyze grammar]

sā ca tyaktā vane śūnye rudatī ca muhurmuhuḥ |
sasmāra taṃ mahīpālaṃ tamamanyata daivatam || 11 ||
[Analyze grammar]

atha sā cārusarvāṃgī tatrāsaktātmamānasā |
niśvāsaparamā ninye dinaśeṣaṃ tathā niśām || 12 ||
[Analyze grammar]

niśvasantyanavadyāṃgī hāheti rudatī muhuḥ |
mandabhāgyeti cātmānaṃ nininda madirekṣaṇā || 13 ||
[Analyze grammar]

na vihāre na cāhāre ramaṇīye na tadvane |
na kandareṣu śailānāṃ sā babandha tadā ratim |
tyaktā tena varārohe nininda nijayauvanam || 14 ||
[Analyze grammar]

durbhagāhaṃ kva jātātra duṣṭadaivavaśīkṛtā |
kathaṃ prāptaḥ sa me bharttā tādṛśo nṛpasa ttamaḥ || 15 ||
[Analyze grammar]

dhanyo'yamatipuṇyo'yaṃ yo'yaṃ yauvanagocaraḥ |
anyāsāmasatīnāṃ ca ramiṣyati na saṃśayaḥ || 16 ||
[Analyze grammar]

abhīṣṭā kasyacitkāṃtā kāṃtaḥ kasyāścidīpsitaḥ |
parasparānurāgāḍhayaṃ dāṃpatyamatidurlabham || 17 ||
[Analyze grammar]

mamāyaṃ vallabho rājā na cāhaṃ nṛpavallabhā |
parasparānurāgo hi dhanyānāmeva jāyate || 18 ||
[Analyze grammar]

yadyadya sa mahīpālo na mayā saṃgameṣyati |
tatkāmāgniravaśyaṃ māṃ kṣapayiṣyati duḥsahaḥ || 19 ||
[Analyze grammar]

ramaṇīyamabhūdyattu puṃskokilanināditam |
hīnaṃ hi vallabhenaivaṃ dahatīvādya me vanam || 20 ||
[Analyze grammar]

itthaṃ sā madanāviṣṭā vilapantī punaḥpunaḥ |
dadarśa tāpasaṃ tatra trikālajñaṃ dṛḍhavratam || 21 ||
[Analyze grammar]

mekhalājinakaupīnadaṇḍakāṣṭhopajīvanam |
mahaujasaṃ mahābhāgaṃ mumukṣuṃ munipuṃgavam || 22 ||
[Analyze grammar]

udayādityasaṃkāśaṃ vibhāvasusamadyutim |
taṃ dṛṣṭvā sahasotthāya sā rājñī durmatā satī || 23 ||
[Analyze grammar]

vinayenopasaṃyamya praṇipatyābhivādya ca |
viyogakāraṇaṃ rājñaḥ papraccha praṇatā satī || 24 ||
[Analyze grammar]

bhagavankāśirājasya sutāhamativallabhā |
bhaginī śatrusenasya mātuścātīva vallabhā || 25 ||
[Analyze grammar]

aśvavāhanasaṃjñena nṛpeṇoḍhā mahāmune |
dharmato dharmakalpena prajapatisamena tu || 26 ||
[Analyze grammar]

sā kimarthaṃ na cābhīṣṭā jātā'haṃ tasya bhūpateḥ |
sa cātīva mamābhīṣṭo nṛpatiḥ sarvadā vibho || 27 ||
[Analyze grammar]

durbhagāhaṃ kathaṃ jātā karmaṇā kena tāpasa |
kathaṃ bhavati vaśyo me bharttā nṛpatisattamaḥ |
saubhāgyaṃ ca kathaṃ me syāditi satyaṃ ca kathyatām || 28 ||
[Analyze grammar]

tasyāstadvacanaṃ śrutvā sa muniḥ saṃśitavrataḥ |
jñānena kathayāmāsa tasyā daurbhāgyakāraṇam || 29 ||
[Analyze grammar]

pāṇigrahaṇakāle tvaṃ grahaiḥ pāpairvilokitā |
bhartā te nṛpatiḥ putri grahaiḥ saumyairvilokitaḥ || 30 ||
[Analyze grammar]

tena te vallabho rājā na tvaṃ bhūpasya vallabhā |
iti tasya vacaḥ śrutvā sā rājñī dīnamānasā |
papraccha vinayopetā bhaktinamrātmakandharā || 31 ||
[Analyze grammar]

bhagavankena dānena snānena niyamena ca |
karmaṇā kena saubhāgyaṃ paramaṃ hi kathaṃ bhavet || 32 ||
[Analyze grammar]

iti tasyā vacaḥ śrutvā sa muniḥ saṃśitavrataḥ |
kathayāmāsa māhātmyaṃ saubhāgyaṃ yena labhyate || 33 ||
[Analyze grammar]

mahākālavane putri ligaṃ saubhāgyadāyakam |
mataṃgeśvarapārśve tu vidyate'bhīṣṭadāyakam |
tasya darśanamātreṇa saubhāgyaṃ samavāpsyasi || 34 ||
[Analyze grammar]

iṃdrāṇyārādhitaṃ liṃgaṃ purā saubhāgyakāraṇāt |
saubhāgyaṃ paramaṃ labdhaṃ naṣṭaḥ śakro'pi labdhavān |
tasmādgaccha mamādeśānmahākālavanaṃ śubham || 35 ||
[Analyze grammar]

saubhāgyaṃ bhavitā tatra kāṃtena saha darśanam |
putro bhaviṣyati śubhe tasya liṃgasya darśanāt || 36 ||
[Analyze grammar]

ityuktā sā tadā tena tāpasena varānane |
vidyate yatra talliṃgaṃ mahākālavanaṃ gatā || 37 ||
[Analyze grammar]

dadarśa praṇayopetā liṃgaṃ saubhāgyadāyakam |
darśanāttasya liṃgasya rājā sasmāra tāṃ priyām || 38 ||
[Analyze grammar]

papraccha jamadagniṃ tu kva gatā me priyā vibho |
bhakṣitā vipine vipra siṃhavyāghraniśācaraiḥ || 39 ||
[Analyze grammar]

mayā tyaktā nṛśaṃsena ahaṃ tasyāstu vallabhaḥ |
evaṃ bruvāṇo nṛpatiḥ pratyukto jamadagninā || 40 ||
[Analyze grammar]

na bhakṣitā sā bhūpāla siṃhavyāghraniśācaraiḥ |
sā cāviplutacāritrā tvadbhaktā ca pativratā || 41 ||
[Analyze grammar]

mahākālavanaṃ rājangatā saubhāgyakāmyayā |
bhāryā rakṣyā mahīpāla iti sā śrutiruttamā || 42 ||
[Analyze grammar]

bhāryāyāṃ rakṣyamāṇāyāṃ prajā bhavati rakṣitā |
ātmā hi jāyate tasyāṃ sā rakṣyāto nareśvara || 43 ||
[Analyze grammar]

dharmahāniścānudinamabhāryasya bhavennṛpa |
nityakriyāyā vibhraṃśaḥ sa cāpi patanāya vai || 44 ||
[Analyze grammar]

patnyānukūlayā bhāvyaṃ yathāśīle'pi bharttari |
duḥśīlā durbhagā bhāryā poṣaṇīyā nareśvara || 45 ||
[Analyze grammar]

iti tasya vacaḥ śrutvā samāyāto nareśvaraḥ |
mahākālavane ramye dadarśa svāṃ priyāṃ tadā || 46 ||
[Analyze grammar]

saubhāgyālaṃkṛtāṃ subhrū pūjayaṃtīṃ maheśvaram |
dṛṣṭvā snehena cāliṃgya pratyuvāca sa tāṃ priyām || 47 ||
[Analyze grammar]

viraheṇa tvadīyena saṃtapto'haṃ varānane |
adya me saphalaṃ cakṣurjīvitaṃ ca sujīvitam || 48 ||
[Analyze grammar]

yattvāṃ paśyāmi subhage kṛtārthohaṃ kṛtastvayā |
evaṃ dṛṣṭātiharṣeṇa sā dadarśa tadā patim |
uvāca ca prasīdeti bhūyo bhūyo mudānvitā || 49 ||
[Analyze grammar]

tataḥ sa rājā rabhasātpariṣvajyāha bhāminīm |
priye prasanna evāhaṃ bhūyo bhūyo bravīmi kim || 50 ||
[Analyze grammar]

tataḥ samāgamo jāto jātaḥ putro'tidhārmikaḥ |
tasya liṃgasya māhātmyāddattonāma sa gīyate || 51 ||
[Analyze grammar]

saubhāgyamatulaṃ labdhaṃ tayā devyā himātmaje |
saubhāgyeśvarasaṃjñaṃ tu tataḥprabhṛti bhūtale || 52 ||
[Analyze grammar]

ye paśyaṃti viśālākṣi saubhāgyeśvaramīśvaram |
teṣāṃ kule na daurbhāgyaṃ jāyate parvatātmaje || 53 ||
[Analyze grammar]

bhaviṣyati na dāridryaṃ viyogo na ca bandhubhiḥ |
putramitrakalatrāṇāṃ liṃgasya ca samarcanāt || 54 ||
[Analyze grammar]

nopasargabhayaṃ teṣāṃ ye paśyaṃti varānane |
saubhāgyeśvarasaṃjñaṃ tu na grahādibhayaṃ bhavet || 55 ||
[Analyze grammar]

sarvabādhāvinirmukto dhanadhānyasamanvitaḥ |
manuṣyo jāyate devi saubhāgyeśvaradarśanāt |
saṃpūjyaḥ sarvalokeṣu saubhāgyekanidhirbhavet || 56 ||
[Analyze grammar]

jāyate bhūpatirloke sārvabhaumo varānane |
nāputrā nādhanā nārī na dīnā na ca duḥkhitā |
jāyate durbhagā naiva saubhāgyeśvaradarśanāt || 57 ||
[Analyze grammar]

na vaidhavyaṃ na ca vyādhirnākālamaraṇaṃ śriye |
na putrabhartṛjaṃ duḥkhaṃ jāyate liṃgadarśanāt || 58 ||
[Analyze grammar]

yathā lakṣmīrharernityaṃ sāvitrī brahmaṇaḥ smṛtā |
rohiṇī vallabhā ceṃdoḥ śacī śakrasya vallabhā |
tathā sā jāyate nārī saubhāgyeśvaradarśanāt || 59 ||
[Analyze grammar]

eṣa te kathito devi prabhāvaḥ pāpanāśanaḥ |
saubhāgyeśvaradevasya śṛṇu rūpeśvaraṃ priye || 60 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe caturaśīti liṃgamāhātmye saubhāgyeśvaramāhātmyavarṇanaṃnāmaikaṣaṣṭitamo'dhyāyaḥ || 61 ||
[Analyze grammar]