Chapter 60

[English text for this chapter is available]

| śrīmahādeva uvāca |
mataṃgeśvara saṃjñaṃ tu ṣaṣṭisaṃkhyākamīśvaram |
viddhi pāpaharaṃ devi samīhitakaraṃ sadā || 1 ||
[Analyze grammar]

sugatirnāma viprendro babhūva dvāpare yuge |
satyavādī sadā dāṃto vedādhyayanatatparaḥ || 2 ||
[Analyze grammar]

mataṃgastasya putro'bhūdbālyāddāruṇatāṃ gataḥ |
sabālaṃ gardabhaṃ devi tiṣṭhantaṃ māturaṃtike |
daṇḍakāṣṭhena sahasā tāḍayāmāsa cāpalāt || 3 ||
[Analyze grammar]

taṃ tu tīvrāhataṃ dṛṣṭvā gardabhī putragṛddhinī |
uvāca mā śucaḥ putra caṃḍālo'yaṃ na vai dvijaḥ || 4 ||
[Analyze grammar]

brāhmaṇe dāruṇaṃ nāsti maitro brāhmaṇa ucyate |
 tudanpāpākṛtirayaṃ bāle na kurute dayām || 5 ||
[Analyze grammar]

svakīyāṃ bhajate cātha prakṛtiṃ mānavaḥ sadā |
etacchrutvā mataṃgastu dāruṇaṃ garddabhīvacaḥ || 6 ||
[Analyze grammar]

daṃḍakāṣṭhaṃ parityajya rāsabhīṃ pratyabhāṣata |
brūhi rāsabhi kalyāṇi mātā me yena dūṣitā || 7 ||
[Analyze grammar]

kathaṃ māṃ vetsi caṃḍālaṃ yāyāvarakulodbhavam |
kena jātosmi caṃḍālo brāhmaṇyaṃ yena me gatam || 8 ||
[Analyze grammar]

gardabhyuvāca |
nāpitena pramattena brāhmaṇyāṃ vṛṣalena hi |
tatastvamasi cāṃḍālo brāhmaṇyaṃ tena te gatam || 9 ||
[Analyze grammar]

evamukto mataṃgastu pitaraṃ vākyamabravīt |
tātāścaryaṃ śrutaṃ me'dya jāto'haṃ nāpitena vai || 10 ||
[Analyze grammar]

gardabhyā kathitaṃ samyaktasmāttapsye mahattapaḥ |
evamuktvā sa pitaraṃ pratasthe kṛtaniścayaḥ || 11 ||
[Analyze grammar]

sa gatvā ca tato'raṇyamatapyata mahattapaḥ |
tataḥ saṃtāpayāmāsa vibudhāṃstapasānvitaḥ || 12 ||
[Analyze grammar]

taṃ tathā tapasā yuktamuvāca harivāhanaḥ |
mataṃga tapyase kiṃ tvaṃ bhogānutsṛjya mānuṣān |
varaṃ dadāmi te'haṃ taṃ vṛṇīṣva tvaṃ yadicchasi || 13 ||
[Analyze grammar]

mataṅga uvāca |
brāhmaṇyaṃ kāmayāno'hamidamārabdhavāṃstapaḥ |
dehi me śāśvataṃ śakra vara eṣa vṛto mayā || 14 ||
[Analyze grammar]

etacchrutvā tu vacanaṃ tamuvāca puraṃdaraḥ |
brāhmaṇyaṃ yācase tvaṃ hi duṣprāpamakṛtātmabhiḥ || 15 ||
[Analyze grammar]

nāśameṣyasi durbuddhe tadupārama mā ciram |
caṃḍālayonau jātena na tatprāpyaṃ kathaṃcana || 16 ||
[Analyze grammar]

evamukto mataṃgastu saṃśitātmā yata vrataḥ |
atiṣṭhadekapādena varṣāṇāṃ śatasaṃkhyayā || 17 ||
[Analyze grammar]

tamuvāca tataḥ śakraḥ punareva mahāyaśāḥ |
brāhmaṇyaṃ durlabhaṃ vīra mā kṛthāḥ sāhasaṃ vṛthā || 18 ||
[Analyze grammar]

na hi śakyaṃ prāptumevamacirānnāśameṣyasi |
vṛṇu vā kāmamanyaṃ tvaṃ brāhmaṇatvaṃ sudurlabham || 19 ||
[Analyze grammar]

evamukto mataṃgastu saṃśitātmā dṛḍhavrataḥ |
sahasramekaṃ pādena tato'bdānāmavarttata || 20 ||
[Analyze grammar]

tadeva ca punarvākyamuvāca balavṛtrahā |
caṃḍālāyaunau jātena nāvāpyaṃ te kathaṃcana || 21 ||
[Analyze grammar]

anyaṃ varaṃ vṛṇīṣva tvaṃ mā kṛthāstatsvayaṃ śramam |
evamukto mataṃgastu bhṛśaṃ śokaparāyaṇaḥ || 22 ||
[Analyze grammar]

atiṣṭhata gayāṃ gatvā soṃguṣṭhena śataṃ samāḥ |
suduṣkaraṃ vahanyogaṃ prāṇāyāmaparāyaṇaḥ || 23 ||
[Analyze grammar]

tvagasthibhūto dharmātmā tatāpa paramaṃ tapaḥ |
tapaṃtaṃ tamabhidrutya parijagrāha vāsavaḥ || 24 ||
[Analyze grammar]

varāṇāmīśvaro dātā sarvabhūtahite rataḥ || 25 ||
[Analyze grammar]

śakra uvāca |
mataṃga brāhmaṇatvaṃ hi viruddhamiha dṛśyate |
brāhmaṇyaṃ durllabhaṃ tāta hyasatāṃ pāpaśīlinām || 26 ||
[Analyze grammar]

brāhmaṇe sarvabhūtānāṃ yogakṣemaḥ samāhitaḥ |
tadutsṛjyeha duṣprāpyaṃ brāhmaṇyamakṛtātmabhiḥ || 27 ||
[Analyze grammar]

anyaṃ varaṃ vṛṇīṣva tvaṃ durlabho'yaṃ hi te varaḥ || 28 ||
[Analyze grammar]

mataṃga uvāca |
kiṃ māṃ tudasi duḥkhārtaṃ mṛtaṃ mārayase ca mām |
taṃ tu śocāmi yo labdhvā brāhmaṇyaṃ nānupālayet || 29 ||
[Analyze grammar]

brāhmaṇyaṃ yadi duṣprāpyaṃ tribhirvarṇaiḥ śatakrato |
tapasā ca kathaṃ labdhaṃ viśvāmitreṇa bhūbhujā || 30 ||
[Analyze grammar]

vītahavyaśca rājarṣistapasā vipratāṃ gataḥ |
tasmāttapaḥ kariṣyāmi nirdvaṃdvo niṣparigrahaḥ || 31 ||
[Analyze grammar]

ahiṃsādamasatyasthaḥ kathaṃ nārhāmi vipratām |
daivena kṛtametaddhi yadyahaṃ mātṛdoṣataḥ || 32 ||
[Analyze grammar]

etāmavasthāṃ saṃprāpto daivayogātpuraṃdara |
nūnaṃ daivaṃ na śakyaṃ tu pauruṣeṇa nivarttitum || 33 ||
[Analyze grammar]

yadahaṃ yatnavānevaṃ na labhe vipratāṃ vibho |
evaṃ jñātvā tu deveśa dātumarhasi me param || 34 ||
[Analyze grammar]

yadi te'hamanugrāhyaḥ kiṃcidvā sukṛtaṃ mama |
tadupāyaṃ hi me śaṃsa kathaṃ vipro bhavāmi vai || 35 ||
[Analyze grammar]

yathā mamākṣayā kīttirbhavedvāpi puraṃdara |
kartumarhasi taddeva śirasā tvāṃ prasādaye || 36 ||
[Analyze grammar]

ityukto hi mataṃgena vāsavo balavṛtrahā |
kathayāmāsa saṃtuṣṭo liṃgamāhātmyamuttamam || 37 ||
[Analyze grammar]

indra uvāca |
mahākālavane liṃgaṃ sthāpitaṃ brahmaṇā purā |
divyamūrttidharaṃ divyaṃ śrīsiddheśvarapūrvataḥ || 38 ||
[Analyze grammar]

tasya darśanamātreṇa vipratvaṃ samavāpsyasi |
vāsavasya ca vākyena mataṃgo gatavāṃstadā || 39 ||
[Analyze grammar]

mahākālavanaṃ ramyaṃ siddhakṣetramathāparam |
dadarśa tatra talliṃgamaśeṣaphaladāyakam || 40 ||
[Analyze grammar]

dṛṣṭvā saṃpūjayāmāsa puṣpairnānāvidhaistathā |
pūjitaḥ pratyuvācedaṃ mataṃgaṃ devasattamaḥ || 41 ||
[Analyze grammar]

aho mahānsabhāgyosi yastvayā toṣito'smyaham |
mattaḥ sarvaṃ samudbhūtaṃ brahmāṃḍaṃ bhūrbhuvādikam || 42 ||
[Analyze grammar]

varado'smi varārhāṇāṃ śāpado'smi durātmanāma |
brāhmaṇyaṃ matprasādācca akṣayaṃ te bhaviṣyati || 43 ||
[Analyze grammar]

tato'sau vipratāṃ yāto mataṃgo liṃgadarśanāta |
punaḥ pūjāprabhāveṇa brahmalokaṃ gato dvija || 44 ||
[Analyze grammar]

brāhmaṇyaṃ durlabhaṃ labdhaṃ liṃgasyāsya prabhāvataḥ |
mataṃgena varārohe tasmāddevo vigīyate || 45 ||
[Analyze grammar]

mataṃgeśvarako loke brahmalokapradāyakaḥ |
varṇāśrameṣu vidviṣṭāḥ pāṣaṃḍavacane ratāḥ || 46 ||
[Analyze grammar]

nirmaryādā nirācārā niḥśaṃkāścātilolupāḥ |
nirghṛṇāḥ krūrarmāṇo dhṛṣṭāḥ kaliyuge narāḥ |
darśanāttasya liṃgasya te'pi yāṃti triviṣṭapam || 47 ||
[Analyze grammar]

ye viśuddhā mahābhāgā dhyānino muktibhāginaḥ |
te paśyaṃti kalau devi mataṃgeśvaramīśvaram || 48 ||
[Analyze grammar]

brahmadhyānaparā ye ca yajñadānakriyāratāḥ |
te paśyaṃti kalau devi mataṃgeśvaramīśvaram || 49 ||
[Analyze grammar]

ye'rcayaṃti mahā devi mataṃgeśvaramīśvarama |
kṛtapuṇyā narā marttye teṣāṃ vāso'kṣayo divi || 50 ||
[Analyze grammar]

eṣa te kathito devi prabhāvaḥ pāpanāśanaḥ |
mataṃgeśvaradevasya śṛṇu saubhāgyamīśvaram || 51 ||
[Analyze grammar]