Chapter 54

[English text for this chapter is available]

śrīmahādeva uvāca |
catuḥpaṃcāśataṃ viddhi devaṃ kaṃṭeśvaraṃ priye |
yasya darśanamātreṇa kṛtakṛtyo naro bhaveta || 1 ||
[Analyze grammar]

ādyakalpe purā devi rājābhūtsatyavikramaḥ |
sa śatrubhirjitaḥ saṃkhye hṛtakośo'tiduḥkhitaḥ || 2 ||
[Analyze grammar]

vanaṃ jagāma gahanamekākī śramakarśitaḥ |
tatrāśramaṃ dadarśātha vasiṣṭhasya mahātmanaḥ || 3 ||
[Analyze grammar]

tenarṣiṇā vasiṣṭhena dṛṣṭamātraḥ sa bhūpatiḥ |
pūjito viṣṭarādyena rājārheṇa ca sādaram || 4 ||
[Analyze grammar]

jñātvā tapaḥprabhāvena sūryavaṃśodbhavaṃ nṛpam |
papracchāgamanaṃ devi kuśalaṃ ca punaḥ punaḥ || 5 ||
[Analyze grammar]

sa nṛpaḥ kathayāmāsa vasiṣṭhāya suduḥkhitaḥ |
rājyaṃ ca sakalaṃ brahmanhṛtaṃ vidveṣibhirmama || 6 ||
[Analyze grammar]

tvāmahaṃ śaraṇaṃ prāpto duḥkhaikāyatano yataḥ |
niṣkaṇṭakaṃ kathaṃ rājyaṃ bhaviṣyati punaḥ prabho |
upadeśapradānena prasādaṃ kartumarhasi || 7 ||
[Analyze grammar]

tasya tadvacanaṃ śrutvā vasiṣṭho bhagavānṛṣiḥ |
dhyātvā ca kathayāmāsa bahukautū halānvitaḥ || 8 ||
[Analyze grammar]

mahākālavanaṃ bhūpa vraja tvaṃ kāryasiddhaye |
divyā nadī vane tatra viśrutā bhuvanatraye || 9 ||
[Analyze grammar]

tasyāstīre śubhaṃ liṃgaṃ pṛthukeśvara dakṣiṇe |
drakṣyase nṛpaśārdūla tapasyaṃtaṃ ca tāpasam |
asthicarmāvaśeṣaṃ tu cīravalkaladhāriṇam || 10 ||
[Analyze grammar]

vacanāttasya viprasya vasiṣṭhasya mahātmanaḥ |
jagāma sahasā rājā mahākālavanaṃ śubham || 11 ||
[Analyze grammar]

dadarśa tāpasaṃ tatra ciraṃjīvinamavyayam |
upavāsakṛtakṣāmaṃ dvādaśādityavarcasam || 12 ||
[Analyze grammar]

tāpasena nṛpo dṛṣṭo mitro'yaṃ mama vallabhaḥ |
prāpto rājyaparibhraṣṭo jñātvā vacanamabravīt || 13 ||
[Analyze grammar]

ehyehi nṛpaśārdūla diṣṭyā prāpto'si meṃ'tike |
ityuktvā tāpasenaiva huṃkāraśca kṛtastadā || 14 ||
[Analyze grammar]

taddhuṃkārāttu pātālaṃ bhittvā paṃca ca kanyakāḥ |
niryayuḥ kāṃcanaṃ pīṭhamekā tāsāṃ pragṛhya vai || 15 ||
[Analyze grammar]

bhṛṃgāraṃ tu gṛhītvānyā niḥsṛtā jalasaṃbhṛtam |
pādaprakṣālanārthāya tṛtīyā samupasthitā || 16 ||
[Analyze grammar]

anye dve vyajane gṛhya pārśvābhyāṃ ca vyavasthite |
tato huṃkāramakarotpunareva mahātapāḥ || 17 ||
[Analyze grammar]

tena huṃkāraśabdena devalokātsamāgatam |
dṛṣṭvā cāpsarasāṃ saṃghaṃ nṛtyagītamano haram || 18 ||
[Analyze grammar]

anaṃtaraṃ dadarśātha liṃgaṃ jyotiṣkaraṃ param |
utpannaṃ ca jagadyasmiṃllīyate sacarācaram || 19 ||
[Analyze grammar]

taddṛṣṭvā vismayāviṣṭo babhūva nṛpasattamaḥ |
praṇamya śirasā vipraṃ kimidaṃ dvijasattama || 20 ||
[Analyze grammar]

evaṃ pṛṣṭo nṛpeṇātha sa vipro vākyamabravīt |
saptajanmāni rājeṃdra tvayāhaṃ paritoṣitaḥ || 21 ||
[Analyze grammar]

ataste darśitā māyā tapasā duṣkareṇa tu |
liṃgasyāsya prabhāveṇa paśya me tapaso balam || 22 ||
[Analyze grammar]

huṃkāreṇa kṛtā pṛthvī jalapūrṇā tu tatkṣaṇāt |
huṃkārācca jalaṃ grastaṃ mukhādagnirajāyata || 23 ||
[Analyze grammar]

huṃkārātpṛthivī sarvā jātā vahnimayī tadā |
saṃhṛtya tatkṣaṇādvahniṃ mukhādvāyurviniryayau || 24 ||
[Analyze grammar]

huṃkāreṇa kṛtaṃ sarvaṃ tatkṣaṇādeva pārvati |
na diśaḥ pradiśo vāpi na nakṣatragrahāstadā || 25 ||
[Analyze grammar]

tato babhrāma tannāsti sa nṛpo vismayānvitaḥ |
ciṃtayāmāsa sahasā kva liṃgaṃ kva ca tāpasaḥ || 26 ||
[Analyze grammar]

evaṃ ciṃtayatastasya tataḥ śabdo mahānabhūt |
tasmācchabdācca saṃjātaṃ puraṃ prākārasaṃvṛtam || 27 ||
[Analyze grammar]

suharmyakakṣyāracitaṃ viśālaṃ viśuddhajāṃbūnadabhūṣitaṃ ca |
divyairjanaiḥ sevitamātmavidbhirdadarśa rājā sahasā puraṃ tat || 28 ||
[Analyze grammar]

bhūyobhavanmahāśabdastasmātstrīyugalaṃ vabhau |
sitavastradharā caikā kṛṣṇavastradharā sitā || 29 ||
[Analyze grammar]

punaḥ śabdo babhūvātha tasmātpuruṣasattamaḥ |
dviśirāḥ ṣaṇmukhaścaiva pādairdvādaśabhiryutaḥ || 30 ||
[Analyze grammar]

punaḥ śabdācca saṃjajñe puruṣaḥ saptadhā gataḥ |
saṃhṛtaṃ hi punastacca darśayitvā dvijena tu |
proktamitthaṃ viśālākṣi jātakaṃṭakitaṃ nṛpam || 31 ||
[Analyze grammar]

paśya lokamimaṃ mahyaṃ tapasā nirmitaṃ nṛpa |
tvatpriyārthamayaṃ loko darśitaste nṛpottama || 32 ||
[Analyze grammar]

evamuktastadā tena tāpasena narādhipaḥ |
vismayāpannahṛdayaḥ papraccha prayataḥ sudhīḥ || 33 ||
[Analyze grammar]

bhagavansitakṛṣṇe dve ke striyau dvijasa ttama |
ko'sau dvādaśapādvipra dviśirāḥ ṣaṇmukhaḥ punaḥ || 34 ||
[Analyze grammar]

kaścāsau puruṣo brahmanya ekaḥ saptadhā'bhavat |
tasya tadvacanaṃ śrutvā kathayāmāsa tāpasaḥ || 38 ||
[Analyze grammar]

ete striyau tvayā dṛṣṭe sitakṛṣṇe nṛpottama |
te ca rātryahanī prokte brahmaṇā nirmite purā || 36 ||
[Analyze grammar]

śīrṣadvayaṃ ca yaddṛṣṭaṃ te'yane dve prakīrtite |
mukhāni yāni dṛṣṭāni ṣaṭ ca te hyṛtavaḥ smṛtāḥ |
pādā dvādaśa ye dṛṣṭā māsā dvādaśa te smṛtāḥ || 37 ||
[Analyze grammar]

yaḥ pumānsaptadhā jāta ekībhūto nareśvara |
sa samudrastu vijñeyaḥ saptadhaiko vyavasthitaḥ || 388 ||
[Analyze grammar]

etatsaṃvatsaraṃ cakraṃ tvatpriyārthaṃ nidarśitam |
evaṃ viditvā rājeṃdra na śokaṃ kartumarhasi || 39 ||
[Analyze grammar]

sarvo vinaśvaro lokaḥ sadevāsuramānuṣaḥ |
mayā dṛṣṭo hi bahuśo liṃgasyāsya prabhāvataḥ || 40 ||
[Analyze grammar]

kuru śatruvināśāya liṃga syāsya ca darśanam |
rājyaṃ niṣkaṇṭakaṃ rājanbhavipyati na saṃśayaḥ || 41 ||
[Analyze grammar]

evamuktastadā rājā dṛṣṭavāṃlliṃgamuttamam |
darśanāttasya liṃgasya kaṇṭakā ye mahībhṛtaḥ |
vidveṣiṇo mṛtāste'pi śrutāstena mahībhṛtā || 42 ||
[Analyze grammar]

gatastaṃ viṣayaṃ rājā cakravartī babhūva ha |
liṃgasyāsya prabhāvena rājyaṃ kṛtvā mahādhanaiḥ || 43 ||
[Analyze grammar]

yajñaiśca vividhairiṣṭvā paraṃ nirvāṇamāptavān |
tāpasena śrutaṃ sarvaṃ dṛṣṭaṃ dhyānena tena vai || 44 ||
[Analyze grammar]

labdhaṃ niṣkaṇṭakaṃ rājyaṃ liṃgasyāsya ca darśanāt |
mama mitreṇa sahasā rājyabhraṣṭena tena vai || 45 ||
[Analyze grammar]

ato nāma suvikhyātaṃ kaṇṭeśvara iti kṣitau |
bhaviṣyati na saṃdeho darśanādrājyadāyakaḥ || 46 ||
[Analyze grammar]

adyaprabhṛti paśyanti devaṃ kaṇṭeśvaraṃ śivam |
teṣāṃ ca kaṇṭakāḥ sadyo vinaśyanti na saṃśayaḥ || 47 ||
[Analyze grammar]

naimiṣetha kurukṣetre gaṃgādvāre ca puṣkare |
snānātsaṃsevanādvāpi yatpuṇyaṃ ca bhaviṣyati |
tatpuṇyaṃ bhavitā samyakchrīgaṇeśvaradarśanāt || 48 ||
[Analyze grammar]

gṛhiṇo liṃgino vāpi ye paśyaṃti yatavratāḥ |
devaṃ kaṇṭeśvaraṃ bhaktyā teṣāṃ siddhirbhaviṣyati || 49 ||
[Analyze grammar]

janmāṃtarasahasreṇa yatpāpaṃ pūrvasaṃcitam |
tatsarvaṃ yāsyati kṣipraṃ śrīkaṇṭeśvaradarśanāt || 50 ||
[Analyze grammar]

dattaṃ japtaṃ hutaṃ ceṣṭaṃ tapastaptaṃ kṛtaṃ ca yat |
dhyānamadhyayanaṃ caiva sarvaṃ bhavati cākṣayam || 51 ||
[Analyze grammar]

evaṃ bruvāṇaṃ taṃ vipraṃ tāpasaṃ saṃśitavratam |
liṃgenoktaṃ viśālākṣi tuṣṭena varapūrvakam || 52 ||
[Analyze grammar]

jarārogavinirmuktaḥ sarvaśokavivarjitaḥ |
bhaviṣyati gaṇādhyakṣo varadaḥ sarvapūjitaḥ |
avadhyaścāpi sarveṣāṃ yogaiśvaryasamanvitaḥ || 53 ||
[Analyze grammar]

evamukto'tha liṃgena tāpaso gaṇatāṃ gataḥ |
gaṇaiḥ parivṛto devi mama pārśvamupāgataḥ || 54 ||
[Analyze grammar]

andhakena purā yuddhe siṃhanādo yadā kṛtaḥ |
tadā devi madīyaṃ tu jātaṃ kaṇṭakitaṃ vapuḥ || 55 ||
[Analyze grammar]

utpannaṃ ca tadā liṃgamaśeṣārivināśanam |
devānāṃ kaṇṭakā ye ca dagdhā liṃgāgninā yataḥ |
ataḥ kaṃṭeśvaro devo vikhyāto bhuvanatraye || 56 ||
[Analyze grammar]

eṣa te kathito devi prabhāvaḥ pāpanāśanaḥ |
kaṃṭeśvarasya devasya śṛṇu siṃheśvaraṃ param || 57 ||
[Analyze grammar]

iti śrīskāṃde mahāpurāṇa ekaśītisāhasryāṃ saṃhitāyāṃ pañcama āvantyakhaṇḍe caturaśītiliṅgamāhātmye kaṃṭeśvaramāhātmyavarṇanaṃnāma catuḥpañcāśattamo'dhyāyaḥ || 54 ||
[Analyze grammar]