Chapter 51

[English text for this chapter is available]

īśvara uvāca |
ekādhikaṃ vijānīhi paṃcāśattamamīśvaram |
devaṃ śūleśvaraṃ devi sarva vyādhivināśanam || 1 ||
[Analyze grammar]

ādye kalpe pravṛtte ca rājyahetorvarānane |
devānāṃ dānavānāṃ ca yuddhamāsītsudāruṇam |
daityānāmīśvare jaṃbhe devānāṃ ca śacīpatau || 2 ||
[Analyze grammar]

tato devāḥ parābhūtā daityā vijayino'bhavan |
aṃdhako maṃdaraṃ prāpto dūtaṃ me prāhiṇottadā || 3 ||
[Analyze grammar]

sa dūto māmuvācoccaiḥ sagarvo duṣṭamānasaḥ |
andhakenāhamādiṣṭaḥ śṛṇu śaṃkara madvacaḥ || 4 ||
[Analyze grammar]

gaurīṃ me dehi patnyarthaṃ maṃdarastyajyatāmayam |
evaṃ kṛte kṛtārthastvamanyathā nāsti te gatiḥ || 5 ||
[Analyze grammar]

ukto'haṃ tena dūtena tvayā saha mahāgirau |
smitānanaḥ kṣaṇaṃ bhūtvā mayā proktamidaṃ vacaḥ || 6 ||
[Analyze grammar]

gaccha dūta mamādeśādaṃdhakaṃ brūhi satvaram |
ihābhyetyāhavaṃ kṛtvā jitvemāṃ sundarīṃ naya || 7 ||
[Analyze grammar]

ityuktaḥ prayayau dūtastenākhyātaṃ vaco mama |
andhako'pi tadā daityaḥ samarārthī tu mandaram |
samāyātaḥ sahāmātyo balena caturaṃgiṇā || 8 ||
[Analyze grammar]

mayā saha tatastasya ghoraṃ yuddhamabhūcciram |
andhakasya ratho ghoraśchinno bhinnaḥ samaṃ tataḥ || 9 ||
[Analyze grammar]

tataḥ kuddhoṃ'dhako devi rathāttasmādavaplutaḥ |
madrathaṃ balavāngṛhya mayā saha balotkaṭaḥ |
yuyudhe sa mahādaityaḥ śūlena tāḍito mayā || 10 ||
[Analyze grammar]

mayā dhṛtontarikṣe sa śūlaproto mahāsuraḥ |
śūlaproto'tha vai duṣṭastāvatsa bhrāmito mayā || 11 ||
[Analyze grammar]

susrāva tasya gātrebhyaḥ śoṇitogha stato mahān |
bindaubindau tu raktasya tattulyā dānavāstathā || 12 ||
[Analyze grammar]

saṃbhūtāḥ koṭiśo devi tairahaṃ punarardditaḥ |
kiṃ karttavyamiti dhyāyansthi to'haṃ tatra bhāmini || 13 ||
[Analyze grammar]

mayā cotpāditā durgā raktadaṃtā subhīṣaṇā |
andhakasya tadā pītaṃ raktaṃ vahuvidhaṃ tayā || 14 ||
[Analyze grammar]

tasminpīte tato rakte nottasthurdevi cāpare |
pūrvotthitāstayaivāśu nihatā dānavādhipāḥ |
tena śūlavareṇaiva tatkṣaṇānnidhanaṃ gatāḥ || 15 ||
[Analyze grammar]

sa māmuvāca hṛṣṭātmā kṛtāṃ jalipuṭoṃ'dhakaḥ |
tvayi bhaktiḥ sadā mestu durlabhaṃ tava darśanam || 16 ||
[Analyze grammar]

svāminā nihataścāhaṃ ko'nyo dhanyataro hi mat |
tvacchūlena vinirbhinno hyantarikṣe tato'pyaham || 17 ||
[Analyze grammar]

saṃkalpākṣepavikṣepaṃ kalpakāryapravarttakam |
sahasravaktraśirasaṃ tvāmahaṃ śaraṇaṃ vraje || 18 ||
[Analyze grammar]

girīṃdratanayānāthaṃ girīṃdraśikharālayam |
mahālayakṛtāvāsaṃ tvāmahaṃ śaraṇaṃ vraje || 19 ||
[Analyze grammar]

evaṃ stuto'haṃ daityena śūlaprotena sundari |
tato me karuṇā jātā kṛtoṃdhako gaṇastadā || 20 ||
[Analyze grammar]

sa ca śūlavaro devi mayā prokto mudā tadā |
ehi śūla hato daityastvayā duṣṭoṃdhako mṛdhe || 21 ||
[Analyze grammar]

parituṣṭaḥ prayacchāmi paramaṃ sthānamuttamam |
na devairna ca gandharvairnāpi tatparamarṣibhiḥ || 22 ||
[Analyze grammar]

saṃprāpyaṃ māmanārādhya tathā vidhvastakalmaṣaiḥ |
māmuvāca tataḥ śūlaḥ praṇamyānatakandharaḥ || 23 ||
[Analyze grammar]

yadi prasanno bhagavankaruṇā mayi te yadi |
kathayasva paraṃ sthānaṃ mano me yatra śuddhyati |
duṣṭasaṃparkasaṃjātamanyatpātakamātmanaḥ || 24 ||
[Analyze grammar]

tato mayā samādiṣṭaḥ karuṇāśliṣṭacetasā |
mahākālavanaṃ ramyamatipuṇyaphalapradam || 25 ||
[Analyze grammar]

tatrāsmatprāptidaṃ liṃgaṃ lokānugrahakārakam |
pṛdhukeśvarapūrveṇa tadārādhaya yatnataḥ || 26 ||
[Analyze grammar]

madīyaṃ vacanaṃ śrutvā sa jagāma tvarānvitaḥ |
dadarśa tatra talliṃgamanekaphaladāyakam || 27 ||
[Analyze grammar]

liṃgena ca punardṛṣṭaḥ śūlaḥ śaṃkaravallabhaḥ |
saṃbhūto'nekavaktrastu harṣādvismitamānasaḥ || 28 ||
[Analyze grammar]

snehātsaṃśleṣito'tyarthaṃ pṛṣṭastu kuśalaṃ punaḥ |
kathitaṃ tena śūlena duṣṭāṃdhaka vadhaṃ tadā || 29 ||
[Analyze grammar]

prabhuṇā prerito'tyarthaṃ śuddhyarthaṃ bhavatoṃtike |
tvaddarśanena pūto'haṃ yāsyāmi śivasaṃnidhau |
adyaprabhṛti bhūloke mannāmnā khyā timeṣyasi || 30 ||
[Analyze grammar]

tato bhaviṣyatyadhikaṃ darśanātte vṛṇomyaham |
kiṃ tīrthairvividhaiḥ snātaiḥ kiṃ dānairvividhaiḥ kṛtaiḥ || 31 ||
[Analyze grammar]

te prāpsyaṃti phalaṃ sarvaṃṃ ye tvāṃ drakṣyaṃti bhaktitaḥ || 32 ||
[Analyze grammar]

yaḥ kariṣyati te pūjāṃ bhaktiyukto'pi mānavaḥ |
aṣṭamyāṃ vā caturdaśyāṃ dine bhaumasya bhaktitaḥ || 33 ||
[Analyze grammar]

vimānavaramāsthāya kāmagaṃ ratnabhūṣitam |
uditādityasaṃkāśaṃ sa mudā vicariṣyati || 34 ||
[Analyze grammar]

tvannāma ye grahīṣyaṃti sarvadā bhayapīḍitāḥ |
vyādhibhiḥ pīḍitā nityaṃ duḥkhairvā kleśitā bhṛśam |
na bhaviṣyati bhīsteṣāṃ ghorasaṃsārasāgare || 35 ||
[Analyze grammar]

ye tvāṃ drakṣyaṃti puruṣā bhāvahīnāḥ prasaṃgataḥ |
na patiṣyaṃti saṃsāre narake cātidāruṇe || 36 ||
[Analyze grammar]

ityuktaṃ tena śūlena liṃgamāśliṣya yatnataḥ || 37 ||
[Analyze grammar]

eṣa te kathito devi prabhāvaḥ pāpanāśanaḥ |
śūleśvarasya devasya athoṃkāreśvaraṃ śṛṇu || 38 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe caturaśītiliṅgamāhātmye śūleśvaramāhātmyavarṇanaṃnāmaikapañcāśattamo'dhyāyaḥ || 51 ||
[Analyze grammar]