Chapter 49

[English text for this chapter is available]

īśvara uvāca |
śṛṇu paṃcāśadekonaṃ deveśaṃ pṛthukeśvaram |
yasya darśanamātreṇa sārvabhaumo naro bhavet || 1 ||
[Analyze grammar]

vaṃśe svāyaṃbhuve devi hyaṃgo rājā babhūva ha |
mṛtyostu duhitā tena pariṇītā sudurmukhā || 2 ||
[Analyze grammar]

venanāmā suto jāto nāstiko dharmadūṣakaḥ |
devabrahmasvahārī ca parabhāryāpahārakaḥ || 3 ||
[Analyze grammar]

sa ca śapto dvijairdevi tatkṣaṇānnidhanaṃ gataḥ |
tadūrormathyamānāttu nipeturmlechajātayaḥ || 4 ||
[Analyze grammar]

śarīre māturaṃśena kṛṣṇāṃjanacayaprabhāḥ |
pituraṃśātsamutpanno dhārmiko dvijasattamaiḥ |
mathitāddakṣiṇāddhastātpṛthuḥ prathitavikramaḥ || 5 ||
[Analyze grammar]

sa viprairabhiṣiktaśca tapaḥ kṛtvā suduṣkaram |
viṣṇorvareṇa mahatā prabhutvamagamannṛpaḥ || 6 ||
[Analyze grammar]

sa ca svādhyāyarahitā nirvaṣaṭkāranirddhanāḥ |
hāhābhūtāḥ prajā dṛṣṭvā tato'bhūdduḥkhito nṛpaḥ || 7 ||
[Analyze grammar]

sa dogdhumaicchattrailokyaṃ sadevāsuramānuṣam || 8 ||
[Analyze grammar]

etasminnaṃtare prāpto nārado munisattayaḥ |
krodhāviṣṭaṃ pṛthuṃ dṛṣṭvā vākyaṃ cedamuvāca ha || 9 ||
[Analyze grammar]

lokatrayavināśāya mā kopaṃ kuru bhūpate |
pṛthvyānayā grāsitāni sasyāni vividhāni ca |
gilitāni ca annāni viddhyevaitanmataṃ mama || 10 ||
[Analyze grammar]

nāradasya ca vākyena krodhaṃ cakre pṛthustadā |
nirdagdhumaicchatpṛthivīṃ saśai lavanakānanām || 11 ||
[Analyze grammar]

mumoca śastramāgneyaṃ tena sā dharaṇī tadā |
dahyamānā bhayārttā ca gaurbhūtvā pṛdhumabhyagāt || 12 ||
[Analyze grammar]

sā vadhyamānā tenaiva nṛpaṃ vacanamabravīt |
śaraṇaṃ samanuprāptā gaurahaṃ nṛpasattama || 13 ||
[Analyze grammar]

gauravadhyā mahīpāla vatsaṃ kṛtvā ca dugdhi mām || 14 ||
[Analyze grammar]

tasyāstadvacanaṃ śrutvā dudoha nṛpasattamaḥ |
bhāsvadratnāni sasyāni kṛtvā vatsaṃ himālayam || 15 ||
[Analyze grammar]

jātāḥ prajāśca sumukhāḥ pravṛttaśca mahotsavaḥ |
pravṛttā yāgadānādi kriyā magalapūrvikāḥ || 16 ||
[Analyze grammar]

rājātha ciṃtayāmāsa mayā pāpamidaṃ kṛtam |
avadhyāśca striyaḥ proktā gauravadhyā dvijastathā || 17 ||
[Analyze grammar]

strīrūpadhāriṇī pṛthvī mohādeṣā mayā hatā |
govadhe ca kṛtā buddhiraho pāpaparaṃparā |
tasmādvahniṃ pravekṣyāmi citāṃ kṛtvā na saṃśayaḥ || 16 ||
[Analyze grammar]

evaṃ ciṃtayatastasya pṛthoramitatejasaḥ |
ājagāma punastatra nārado bhagavānṛṣiḥ || 19 ||
[Analyze grammar]

dṛṣṭvā tathāvidhaṃ dīnaṃ ciṃtayānaṃ pṛthuṃ priye |
uvāca nārado dhīmānkimetaditi pārthiva || 20 ||
[Analyze grammar]

tataḥ sa kathayāmāsa mayā pāpamidaṃ kṛtam |
avadhyā strī hatā vipra kṛtā buddhiśca govadhe || 21 ||
[Analyze grammar]

kāṃllokānu gami ṣyāmi kṛtvā karma sudāruṇam |
mariṣyāmi na saṃdeho brahmahā pāpapūruṣaḥ || 22 ||
[Analyze grammar]

atha ceṣṭopadeśena duḥkhāduddhara māṃ dvija |
tasya tadvacanaṃ śrutvā kathayāmāsa nāradaḥ |
mahāpāpapraśamanaṃ liṃgamāhātmyamuttamam || 23 ||
[Analyze grammar]

mahākālavane liṃgamabhayeśvarapaścime |
mahāpāpakṣayakaraṃ vidyate tatra bhūpate |
gaccha tvaṃ sahasā rājaṃstatra pūto bhaviṣyasi || 24 ||
[Analyze grammar]

nāradasya vacaḥ śrutvā pṛdhustatra jagāma saḥ |
dṛṣṭvā liṃgaṃ ca vai ramyaṃ vipāpastatkṣaṇādabhūt || 25 ||
[Analyze grammar]

dvādaśādityasaṃkāśo babhūva pṛthivīpatiḥ || 26 ||
[Analyze grammar]

tatoṃ'tarikṣagairdevi kṛtaṃ nāma varānane |
pṛthunā pūjito yasmādbhaviṣyati mahītale |
adyaprabhṛti vikhyāto devo'yaṃ pṛthukeśvaraḥ || 27 ||
[Analyze grammar]

ye ca drakṣyaṃti deveśaṃ pṛthukeśvaramīśvaram |
te sarvakāmasaṃpūrṇā bhaviṣyaṃti mahītale || 28 ||
[Analyze grammar]

ajñānājjñānato vāpi yatpāpaṃ jāyate nṛṇām |
tatpāpaṃ yāsyati kṣipraṃ pṛthukeśvaradarśanāt || 29 ||
[Analyze grammar]

vācikaṃ mānasaṃ vāpi kāyikaṃ guhyasaṃbhavam |
prakāśaṃ vā kṛtaṃ pāpaṃ prasaṃgādapi yatkṛtam |
tatsarvaṃ yāsyati kṣipraṃ puthukeśvaradarśanāt || 30 ||
[Analyze grammar]

pūjayiṣyaṃti ye bhaktyā devaṃ vai pṛdhukeśvaram |
rājyaṃ prāpsyaṃti te samyaṅnṛloke ca triviṣṭape || 31 ||
[Analyze grammar]

bhuktvā rājyaṃ manuṣyāṇāṃ devānāṃ ca mahītale |
yāsyaṃti paramaṃ sthānaṃ brahmaṇaḥ parameṣṭhinaḥ || 32 ||
[Analyze grammar]

ityuktvā devasaṃghaiśca pūjitaḥ pṛthukeśvaraḥ |
pṛthuḥ śaśāsa pṛthivīṃ sapattanāṃ saparvatām || 33 ||
[Analyze grammar]

eṣa te kathito devi prabhāvaḥ pāpanāśanaḥ |
pṛthukeśvara devasya śṛṇu vai sthāvareśvaram || 34 ||
[Analyze grammar]

iti śrīskāṃde mahāpurāṇa ekāśītisāhasryāṃ sahitāyāṃ pañcama āvaṃtyakhaṇḍe caturaśītiliṃgamāhātmye pṛthukeśvaramāhātmyavarṇanaṃnāmaikonapaṃcāśattamo'dhyāyaḥ || 49 ||
[Analyze grammar]