Chapter 46

[English text for this chapter is available]

śrīhara uvāca |
ṣaṭcatvāriṃśakaṃ devi vīreśvaramatho śṛṇu |
yasya darśanamātreṇa kulavṛddhirbhaveddhruvam || 1 ||
[Analyze grammar]

niśāmaya mahā vi vīreśāvirbhavaṃ param |
yacchrutvā pitaraḥ puṇyaṃ prāpnuyurvipulaṃ śive || 2 ||
[Analyze grammar]

āsīdamitrajinnāma rājā parapuraṃjayaḥ |
dhārmikaḥ sattvasaṃpannaḥ prajāraṃjanatatparaḥ || 3 ||
[Analyze grammar]

yaśodhano vadānyaśca sudhīrbrāhmaṇadaivataḥ |
sadaivāvabhṛthasnātaḥ pariklinnaśiroruhaḥ || 4 ||
[Analyze grammar]

vinīto nītisaṃpannaḥ kuśalaḥ sarvakarmasu |
vidyāviśāradaścātha guṇavānguṇivatsalaḥ || 5 ||
[Analyze grammar]

kṛtajño madhurālāpaḥ pāpakarmaparāṅmukhaḥ |
satyavāñchaucanilayaḥ satyavāgvijiteṃdriyaḥ || 6 ||
[Analyze grammar]

raṇāṃgaṇe kṛtāṃtasya saṃkhyāvāṃśca sadojire |
kāminīkelikālajño yuvāpi sthavirapriyaḥ || 7 ||
[Analyze grammar]

dharmārtha dhanakośaśca samṛddhabalavāhanaḥ |
subhagaśca surūpaśca sumedhāḥ suprajāpriyaḥ || 8 ||
[Analyze grammar]

sthairyadhairyasamāpanno deśakālavicakṣaṇaḥ |
mānyānāṃ mānado nityaṃ sarvadūṣaṇavarjitaḥ || 9 ||
[Analyze grammar]

vāsudevāṃghriyugale cetovṛttiṃ nidhāya ca |
cakāra rājyaṃ nirdvaṃdvaṃ dhigdhigītivivarjitama || 10 ||
[Analyze grammar]

alaṃghyaśāsanaḥ śrīmānviṣṇubhaktiparāyaṇaḥ |
abhunakpravarānbhogānsamaṃtādviṣṇusaṃskṛtān || 11 ||
[Analyze grammar]

harerārādhanānyuccaiḥ pratisaudhaṃ padepade |
tasya rājye samabhavanmahābhāganidheḥ śive || 12 ||
[Analyze grammar]

govṛndagopagopālagopījanamanohara |
gadāpāṇe guṇātīta guṇāśca garuḍadhvaja || 13 ||
[Analyze grammar]

keśihankaiṭabhārāte kaṃsāre kamalāpate || 14 ||
[Analyze grammar]

kṛṣṇa keśava kaṃjākṣa kīnāśabhayanāśana |
puruṣottama pāpāre puṇḍarīkavilocana || 15 ||
[Analyze grammar]

pītakauśeyavasana padmanābha parātpara |
janārddanajagannātha jāhnavījalajanmabhūḥ || 16 ||
[Analyze grammar]

janmināṃ janmaharaṇa jaṃjapūkaughanāśana |
śrīvatsavakṣaḥ śrīkaṃṭha śrīkara śreyasāṃnidhe || 17 ||
[Analyze grammar]

śrīraṃga śārṅgakodaṃḍa śaure śītāṃśulocana |
daityāre dānavārāte dāmodara duraṃtaka || 18 ||
[Analyze grammar]

devakīhṛdayānaṃda daṃdaśūkeśvareśaya |
viṣṇo vaikuṇṭhanilaya bāṇāre viṣṭa raśravaḥ || 19 ||
[Analyze grammar]

viṣvaksena vibho vīra vanamālinbalipriya |
trivikrama trilokeśa cakrapāṇe caturbhuja || 20 ||
[Analyze grammar]

ityādīni pavitrāṇi nāmāni prati maṃdire |
strīvṛddhabālagopālavadanodīritāni tu || 21 ||
[Analyze grammar]

śrūyaṃte yatra kutrāpi ramyāṇi madhuvidviṣaḥ |
suramyakānanānyeva vilokyaṃte gṛhegṛhe || 22 ||
[Analyze grammar]

vicitrāṇi caritrāṇi gīyaṃte ca gṛhegṛhe |
saudhabhittiṣu dṛśyaṃte citrāṇi kṛtrimāṇi ca || 23 ||
[Analyze grammar]

ṛte harikathāyāstu nānyā vārttā niśamyate |
hariṇā naiva vadhyaṃte hariṇā māṃsadhāriṇaḥ || 24 ||
[Analyze grammar]

tasya rājño bhayādvyādhairaraṇye sukhacāriṇaḥ |
na matsyā naiva ca bakā varāhāśca na kenacit || 25 ||
[Analyze grammar]

hanyaṃte kvāpi tadbhītyā matsyamāṃsāśinā'pi va |
aputrā na narāstasya rāṣṭre'mitrajitaḥ kvacit || 26 ||
[Analyze grammar]

stanapānaṃ na kurvaṃti saṃprāpya harivāsaram |
paśavo'pi tṛṇāhāraṃ parityajya harerdine |
upoṣaṇaparā jātā anyeṣāṃ kā kathā nṛṇām || 27 ||
[Analyze grammar]

mahāmahotsavaḥ sarvaiḥ puraukobhirvitanyate |
asminpraśāsati bhuvaṃ saṃprāpte harivāsare || 28 ||
[Analyze grammar]

yo viṣṇubhaktirahitaḥ prāṇairapi dhanairapi |
sa eva daṇḍyo bhuṃkte yo rājño'mitrajitaḥ kṣitau || 29 ||
[Analyze grammar]

antyajā api tadrāṣṭre śaṃkhacakrāṃkadhāriṇaḥ |
saṃprāpya vaiṣṇavīṃ dīkṣāṃ dīkṣitā iti saṃsthitāḥ || 30 ||
[Analyze grammar]

śubhāni yāni karmāṇi kriyaṃte'nudinaṃ janaiḥ |
vāsudeve samarpyaṃte tāni tairaphalepsubhiḥ || 31 ||
[Analyze grammar]

vinā mukuṃdagoviṃda paramānaṃdamacyutam |
nānyo japyeta namyeta sabhājyeta janaḥ kvacit |
kṛṣṇa eva paro baṃdhustasyāsīdavanīpateḥ || 32 ||
[Analyze grammar]

evaṃ tasminmahīpāle rājye samyakpraśāsati |
ekadā nāradaḥ śrīmāṃstaṃ didṛkṣuḥ samāyayau || 33 ||
[Analyze grammar]

rājñā samarcitaḥ so'tha madhuparkavidhānataḥ |
nārado varṇayāmāsa tamamitrajitaṃ nṛpam || 34 ||
[Analyze grammar]

śrīnārada uvāca |
dhanyo'si kṛtakṛtyo'si mānyo'pyasi divaukasām |
sarvabhūteṣu goviṃdaṃ paripaśyanviśāṃpate || 35 ||
[Analyze grammar]

yo vedapuruṣo viṣṇuryo yajñapuruṣo hariḥ |
yoṃ'tarātmāsya jagataḥ kartā hartāvitā vibhuḥ || 36 ||
[Analyze grammar]

tanmayaṃ paśyato viśvaṃ tava bhūpālasattama |
darśanaṃ prāpya śubhadaṃ śucitvamagamaṃ param || 37 ||
[Analyze grammar]

eṣa eva hi sāro'tra saṃsāre kṣaṇabhaṃgure |
kamalākāṃtapādābjabhaktibhāvo'khilapradaḥ || 38 ||
[Analyze grammar]

parityajya hi yaḥ sarvaṃ viṣṇumekaṃ sadā bhajet |
sumedhasaṃ bhajaṃte taṃ padārthāḥ sarva eva hi || 39 ||
[Analyze grammar]

hṛṣīkeśe hṛṣīkāṇi yasya sthairyaṃ gatānyaho |
sa eva sthairyamāpnoti brahmāṃḍe'tīva caṃcale || 40 ||
[Analyze grammar]

yauvanaṃ dhanamāyuṣyaṃ jalaṃ padmadale yathā |
atīva caṃcalaṃ jñātvā'cyutameva sadāśrayet || 41 ||
[Analyze grammar]

vāci cetasi karṇe'tha yasya devo janārdanaḥ |
sa eva sarvadā vedyo nararūpī janārddanaḥ |
nirvyājapraṇidhānena śīlayitvā śriyaḥpatim || 42 ||
[Analyze grammar]

puruṣottamatāṃ ko na prāptastvamiva bhūtale |
anayā viṣṇubhaktyā te saṃtuṣṭeṃdriyamānasaḥ |
upakartumanā brūyāṃ tanniśāmaya bhūpate || 43 ||
[Analyze grammar]

mālāvidyādharasutā nāmnā malayagaṃdhinī |
krīḍaṃtī piturākroḍe hṛtā kaṃkālaketunā || 44 ||
[Analyze grammar]

kapālaketuputreṇa dānavena balīyasā |
āgāminyāṃ tṛtīyāyāṃ tasyāḥ pāṇigrahaḥ kila || 45 ||
[Analyze grammar]

pātāle caṃpakāvatyāṃ nagaryāṃ sāsti sāṃpratam |
hāṭakeśātsamāgacchaṃstayā'haṃ sāśrunetrayā || 46 ||
[Analyze grammar]

dṛṣṭaḥ praṇamya vijñapto yathā tacca niśāmaya |
brahmacārinmuniśreṣṭha gaṃdhamādanaśailataḥ || 47 ||
[Analyze grammar]

bālakrīḍanakāsaktāṃ māṃ jahre trastamāna sām |
kaṃkālaketurdurvṛttastasya nāsti ca pātakaḥ || 48 ||
[Analyze grammar]

sa svatriśūlaghātena mriyate nānyathā raṇe |
jagatparyākulīkṛtya nidrātyatha vinirbhayaḥ || 49 ||
[Analyze grammar]

yadi kopi kṛtajño māṃ hatvemaṃ duṣṭadānavam |
maddattena triśūlena nayedbhadraṃ ca vai kṛtam || 50 ||
[Analyze grammar]

yadyatropacikīrṣustvaṃ rakṣa māṃ duṣṭa dānavāt |
mamāpi hi varo datto bhagavatyomayā purā |
viṣṇubhakto yuvā dhīmānputri tvāṃ pariṇeṣyati || 51 ||
[Analyze grammar]

ātṛtīyātithi yathā tadvākyaṃ tathyatāṃ vrajet |
tathā nimittamātraṃ tvaṃ bhava yatnaṃ samācara || 52 ||
[Analyze grammar]

iti tadvacanādrājanviṣṇubhaktiparāyaṇam |
yuvānaṃ cāpi dhīmantaṃ tvāmanuprāptavānaham || 53 ||
[Analyze grammar]

tadgaccha kāryasiddhyai tvaṃ hatvā taṃ duṣṭadānavam |
ānayāśu mahābāho śubhāṃ malayagaṃdhinīm || 54 ||
[Analyze grammar]

sā tu vidyādharī bālā vilokya tvāṃ nareśvara |
avaśyameva tacchūlaṃ dāsyatīti viniścitam |
pārvatīvacanādduṣṭaṃ ghātayiṣyasyasaṃśayam || 55 ||
[Analyze grammar]

iti nāradavākyaṃ sa niśamyāmitrajinnṛpaḥ |
analpotkaliko jāto vidyādharasutāṃ prati |
upāyaṃ cāpi papraccha gaṃtuṃ vai caṃpakāvatīm || 56 ||
[Analyze grammar]

nāradena punaḥ proktaḥ sa rājā girirājaje |
tūrṇamarṇavamāsādya pūrṇimādivase nṛpa || 57 ||
[Analyze grammar]

bhavāndrakṣyati potasthakalpavṛkṣarathāsthitām |
tatra divyāṃganāṃ kāṃciddivyaparyaṃkasusthitām |
vīṇāmādāya gāyaṃtīṃ gāthāmatyaṃtasusvaram || 58 ||
[Analyze grammar]

yatkarma vihitaṃ yena śubhaṃ vāpyathavā'śubham |
sa eva bhuṃkte tattathyaṃ vidhistatra niyaṃtritaḥ || 59 ||
[Analyze grammar]

gāthāmimāṃ tu saṃgīya sarathā samahīruhā |
saparyaṃkā kṣaṇādeva madhyesiṃdhuṃ pravekṣyati || 60 ||
[Analyze grammar]

bhavānapyaviśaṃkaṃ ca tataḥ potānmahārṇave |
tamanuvrajatu kṣipraṃ yajñavārāhasā tmavān || 61 ||
[Analyze grammar]

tato drakṣyasi pātāle nagarīṃ caṃpakāvatīm |
mahāmanoharā rājansanāthāṃ bālayā tayā || 62 ||
[Analyze grammar]

ityuktvāṃtarhito devi sa caturmu khanaṃdanaḥ |
rājāpyarṇavamāsādya yathoktaṃ parilakṣya ca || 63 ||
[Analyze grammar]

viveśāṃtaḥ samudraṃ ca nagarīmāsasāda tām |
sāpi vidyādharī bālā netrayoḥ prāghu ṇīkṛtā || 64 ||
[Analyze grammar]

tena rājñā trijagatīsauṃdaryaśrīrivaikikā |
pātāle devateyaṃ vā mama netrotsavāya kim || 65 ||
[Analyze grammar]

niramāyi pramoddeśātsraṣṭṛsṛṣṭirvi lakṣaṇā |
kuhūrāhubhayadveṣātkāṃtiścāṃdramasī kimu || 66 ||
[Analyze grammar]

yoṣidrūpaṃ samāśritya tiṣṭhatyatrākutobhayā |
itthaṃ kṣaṇaṃ ca nirvarṇya sa rājā'gacchadaṃti kam || 67 ||
[Analyze grammar]

sā vilokyātha taṃ bālaṃ nitarāṃ madhurākṛtim |
viśāloraḥsthalatalapralaṃyatulasīsrajam || 68 ||
[Analyze grammar]

śaṃkhacakrāṃkasubhagabhujadvayavirāji tam |
harināmākṣarasudhāsudhautaradanāvalim || 69 ||
[Analyze grammar]

bhavānībhaktibījotthabhūruhaṃ puruṣākṛtim |
anenātra kṛtaṃ kasya bhavanaṃ madhurākṛti || 70 ||
[Analyze grammar]

iti paryākulīkṛtya cakṣuṣī ca muhurmuhuḥ |
kaṃkālaketurdurvṛttastvavadhyaḥ parahetibhiḥ || 71 ||
[Analyze grammar]

tāvadguptaṃ samātiṣṭha śastrāgāre'tra gahvare |
na me kanyāvrataṃ bhagnaṃ sāmarthyāccaṇḍikāvarāt || 72 ||
[Analyze grammar]

āgāminyāṃ tṛtīyāyāṃ paraśvaḥ pāṇipīḍanam |
sa cikīrṣati duṣṭātmā gatāyurmama śāpataḥ || 73 ||
[Analyze grammar]

mā tadbhītiṃ kuru yuvaṃstvatkāryaṃ bhavitācirāt |
vidyādharyeti coktaḥ sa śastrāgāre nigūḍhavat || 74 ||
[Analyze grammar]

sthiro vīro mahābāhurdānavāgamanekṣaṇaḥ || 75 ||
[Analyze grammar]

atha sāyaṃ samāyāto dānavo bhīṣaṇākṛtiḥ |
triśūlaṃ kalayanpāṇau mṛtyorapi bhayāvaham || 76 ||
[Analyze grammar]

āgatya dānavo raudraḥ pralayāṃbudanisvanaḥ |
vidyādharīṃ jagādeti madāghūrṇitalocanaḥ || 77 ||
[Analyze grammar]

gṛhāṇemāni ratnāni divyāni varavarṇini |
kanyātvaṃ hi paraśvaste pāṇigrāho bhaviṣyati || 78 ||
[Analyze grammar]

dāsīnāmayutaṃ prātardāsyāmi tava suṃdari |
āsurīṇāṃ surīṇāṃ ca dānavīnāṃ manoharam || 79 ||
[Analyze grammar]

gandharvīṇāṃ kiṃnarīṇāṃ satataṃ paricārikāḥ |
vidyādharīṇāṃ nāgīnāṃ yakṣīṇāṃ ca śatāni ṣaṭ || 80 ||
[Analyze grammar]

rākṣasīnāṃ śatānyaṣṭau śatamapsarasāṃ varam |
etāste paricāriṇyo bhaviṣyaṃtyamalāśaye || 81 ||
[Analyze grammar]

yāvatsaṃpattisaṃbhāro dikpālānāṃ gṛheṣu vai |
matparigrahatāṃ prāptau tāvatastvaṃ maheśvarī || 82 ||
[Analyze grammar]

divyānbhogānmayā sārddhaṃ bhokṣyase matparigra hāt |
kadā paraśvo bhavitā yasminvaivāhiko vidhiḥ || 83 ||
[Analyze grammar]

tvadaṃgasaṃgasaṃsparśasukhasvādātimeduraḥ |
parāṃ nirvṛtimāpsyāmi paraśvo nikaṭaṃ yadi || 84 ||
[Analyze grammar]

manorathāściraṃ yāvadye me hṛdi samedhitāḥ |
tānkṛtārthī kariṣyāmi paraśvastava saṃgamāt || 85 ||
[Analyze grammar]

jitvā devānraṇe sarvāniṃdrādīnmṛgalo cane |
trailokyaiśvaryasaṃpattestvāṃ kariṣyāmi ceśvarīm || 86 ||
[Analyze grammar]

ādhāyāṃke triśūlaṃ ca suṣvāpeti pralapya saḥ |
naramāṃsasya svādena pramatto vītasādhvasaḥ || 87 ||
[Analyze grammar]

varaṃ smaraṃtī sā gauryā vidyādharakumārikā |
vijñāya taṃ pramattaṃ ca prasuptaṃ cātinirbhayam |
āhūya taṃ naravaraṃ varaṃ sarvāṃgasuṃdaram || 88 ||
[Analyze grammar]

viṣṇubhaktikṛtatrāṇaṃ prāṇanātheti jalpya ca |
śūlaṃ tadaṃkādādāya dadau tasmai ca suṃdarī || 89 ||
[Analyze grammar]

tamādāya triśūlaṃ ca sa tadāmitrajinnṛpaḥ |
saṃsmaraṃścakriṇaṃ citte jagadrakṣāmaṇiṃ harim || 90 ||
[Analyze grammar]

jagādottiṣṭha re duṣṭa kanyādūṣaṇalālasa |
yudhyasva ca mayā sārddhaṃ na suptaṃ hanmyahaṃ ripum || 91 ||
[Analyze grammar]

iti saṃśrutya saṃprāptaḥ kasya dṛṣṭodya cāṃtakaḥ |
ka āyuṣādya saṃtyakto yaḥ prāpto mama gocaram || 92 ||
[Analyze grammar]

mama pracaṃḍadordaṃḍakaṃḍūkaṃḍūyanakṣamaḥ |
mālyo naro'yaṃ bhavitā kiṃ triśūlena suṃdari || 93 ||
[Analyze grammar]

mā bhairme kautukaṃ paśya bhakṣoyaṃ mama sāṃpratam |
kālena matto bhītena svayamevopaḍhaukitaḥ || 94 ||
[Analyze grammar]

ityuktvā muṣṭighātena tenoccairdaṃḍasūnunā |
hṛdaye nihato rājā śilātikaṭhine drutam || 95 ||
[Analyze grammar]

sa cakriṇā kṛtatrāṇaḥ pīḍāṃ nālpīyasīmapi |
viveda kaṭhinoraskaḥ karastasya prapīḍitaḥ || 96 ||
[Analyze grammar]

atha kopavatā rājñā hato vaktre capeṭayā |
āghūrṇitaśirā bhūmau patitvā punarutthitaḥ |
uvāca ca vaco dhairyamavaṣṭabhya mahābalī || 97 ||
[Analyze grammar]

dānava uvāca |
jñātaṃ tattvaṃ manuṣyosi nṛrūpeṇa caturbhujaḥ |
tatastvaṃ chidramāsādya haṃtuṃ māṃ dānavāṃtaka || 98 ||
[Analyze grammar]

evaṃvidho hi madhubhidyadi tvaṃ balavānasi |
vihāyaitanmahacchūlaṃ yudhyasva svāyudhairmayā || 99 ||
[Analyze grammar]

tvayā kapaṭarūpeṇa balinā kaiṭabhādayaḥ |
na balena hatāḥ saṃkhye hatā eva cchalena hi || 100 ||
[Analyze grammar]

baliṃ pātālamanayastvaṃ nṛvāmanatāṃ dadhat |
 nṛmṛgatvena bhavatā hiraṇyakaśipurhataḥ || 1 ||
[Analyze grammar]

tathā jaṭilarūpeṇa laṃkeśo vinipātitaḥ |
gopālaveṣamālaṃbya kaṃsādyā ghātitāstvayā |
strībhūya cāharastvaṃ hi vipratāryāsurānsudhām || 2 ||
[Analyze grammar]

yādorūpeṇa bhavatā śaṃkhādyā nihatā iha |
māyāvinā tvayā'gaṇyāḥ sarvamarmajña mādhava || 3 ||
[Analyze grammar]

na tvatto'haṃ bibhemyadya sadyaḥ pātaḥ śarīriṇām |
varaṃ tava śraye mṛtyuṃ balenāpi chalena vā || 4 ||
[Analyze grammar]

na tyakṣyasi triśūlaṃ tvaṃ na tvāṃ yotsyāmyahaṃ raṇe |
avaśyameva marttavyaṃ mayā prātaḥ śarīriṇā || 5 ||
[Analyze grammar]

iyaṃ vidyādharī kanyā na mayā dūṣitā satī |
sākṣācchrīriva maṃtavyā tavārthaṃ rakṣitā mayā || 6 ||
[Analyze grammar]

ityuktvā vāmadordaṃḍaprahāreṇāpi niṣṭhuram |
nijaghāna danoḥ sūnustaṃ śiloccaya ghātinā || 7 ||
[Analyze grammar]

nṛpatistvatha saṃdhārya viṣahya raṇamūrddhani |
jaghānāśu tadā krūraṃ triśūlenātha vakṣasi || 8 ||
[Analyze grammar]

tatprahārānmahābāhuḥ paṃcatvamagama tkṣaṇāt |
lakṣyīcakāra tadvaktraṃ triśūlaṃ tolayankare || 9 ||
[Analyze grammar]

paśyato'sya mahābāhoḥ sa ca prāṇāñjahau kṣaṇāt |
itthaṃ kaṃkālaketuṃ sa nihatya surakaṃ panam || 110 ||
[Analyze grammar]

vidyādharīṃ prapaśyaṃtīṃ prāha hṛṣṭatanūruhaḥ |
nāradasya munervākyāttava suśroṇi vāṃchitam || 11 ||
[Analyze grammar]

kṛtaṃ mayā kṛtajñe kiṃ karavāṇyadhunā vada |
śrutveti tasya sā vākyaṃ prāha gaṃbhīracetasā || 12 ||
[Analyze grammar]

malayagaṃdhinyuvāca |
atyudāramate vīra nijaprāṇaiḥ paṇīkṛtām |
kiṃ māṃ pṛcchasi yuvatīṃ kulakanyāmadūṣitām || 13 ||
[Analyze grammar]

iti bruvaṃtyāṃ kanyāyāṃ punaḥ svairacaro muniḥ |
atarkitāgamaḥ prāpto nārado devalokataḥ || 14 ||
[Analyze grammar]

tatastuṣṭuvatustau tu taṃ dṛṣṭvā munisattamam |
kṛtapraṇāmau muninā pratijñāprāpitāśiṣau || 15 ||
[Analyze grammar]

pāṇigraheṇa vidhinā'bhiṣiktau nāradena tu |
jagmaturnāradādiṣṭavartmanā kṛtamaṃgalau || 16 ||
[Analyze grammar]

tayā malayagaṃdhinyā vṛtaḥ so'mitrajinnṛpaḥ |
purīṃ cojjayinīṃ prāpya paurairvihitamaṃgalām || 17 ||
[Analyze grammar]

tadvīkṣaṇādapi naro nārakīṃ naiva jātucit |
gatiṃ prāpnoti medhāvī tāṃ purīmaviśannṛpaḥ || 16 ||
[Analyze grammar]

yasyāṃ puryāṃ praveśaṃ na labhante vāsa vādayaḥ |
kaivalyajayajaitryāṃ hi tāṃ purīmaviśannṛpaḥ || 19 ||
[Analyze grammar]

sāpi vidyādharyavaṃtīṃ samṛddhāṃ vīkṣya dūrataḥ |
niniṃda svargalokaṃ ca pātālanagarī mapi || 120 ||
[Analyze grammar]

prāpyāmitrajitaṃ kāṃtaṃ tathā hṛṣṭā na sā vadhūḥ |
yathā dṛṣṭvāpyaho'vaṃtīṃ paramānaṃdadāyinīm || 21 ||
[Analyze grammar]

sā kṛtārthāmivātmānaṃ manya mānā manasvinī |
tena patyojjayinyāṃ ca parāṃ nirvṛtimāpa sā || 22 ||
[Analyze grammar]

so'pyamitrajidāsādya patnīṃ malayagaṃdhinīm |
dharmapradhānaṃ saṃsevya kāmaṃ prāpottamaṃ sukham || 23 ||
[Analyze grammar]

sā patiṃ viṣṇubhajane rataṃ provāca bhāminī || 24 ||
[Analyze grammar]

rājñyuvāca |
bhūpābhīṣṭatṛtīyāyāṃ cariṣyāmi mahā vratam |
rājovāca |
devyabhīṣṭatṛtīyāyāṃ vrataṃ kīdṛgbhavedvada || 25 ||
[Analyze grammar]

iti rājñoditā rājñī pravaktumupacakrame |
iti kartavyatāṃ tasya vratasya savidhānakām || 26 ||
[Analyze grammar]

rājñyuvāca |
purā devarṣiṇā cedaṃ vrataṃ lakṣmyai pratiśrutam |
tayā prāptāstu sakalāḥ kāmāḥ svargāpavargadāḥ || 27 ||
[Analyze grammar]

mārgaśīrṣatṛtīyāyāṃ śuklāyāṃ kalaśopari |
tāmrapātraṃ nidhāyaiva taṃdulaiḥ paripūritam || 28 ||
[Analyze grammar]

acchidraṃ ca navīnaṃ ca rajanīrāgaraṃjitam |
vāsaḥ pātropari nyasya sūkṣmātsūkṣmataraṃ param || 29 ||
[Analyze grammar]

tasyopari śubhaṃ padmaṃ raviraśmiprakāśitam |
tatkarṇikāyā upari catuḥsvarṇavinirmitam |
vidhiṃ saṃpūjayedbhaktyā raktamālyāṃbarādibhiḥ || 130 ||
[Analyze grammar]

puṣpaiḥ sugaṃdhaiḥ karpūrakastūryādibhirarcayet |
rātrau jāgaraṇaṃ kāryaṃ viprāṇāṃ paramotsavaiḥ || 31 ||
[Analyze grammar]

homaḥ kāryo mahābhaktyā sahasraparisaṃkhyayā |
navaprasūtāṃ kapilāṃ dadyācca supayasvinīm || 32 ||
[Analyze grammar]

dadyādācāryavaryāya sālaṃkārāṃ sadakṣiṇām |
upoṣya daṃpatī bhaktyā navāṃbaravibhūṣitau || 33 ||
[Analyze grammar]

prātaḥ snātvā caturthyāṃ ca saṃpūjyācāryamāditaḥ |
vastrairābharaṇairmālyairdakṣiṇābhirmudānvitaḥ |
sopaskarāṃ ca tāṃ mṛrtimācāryāya pradāpayet || 34 ||
[Analyze grammar]

maṃtraḥ |
namo viśvavidhānajñe vidye vividhakāriṇi |
sutaṃ ca śaṃkaraṃ dehi tuṣṭā hyasmādvratottamāta || 35 ||
[Analyze grammar]

sahasraṃ bhojayitvātha dvijānāṃ bhaktipūrvakam |
bhuktaśeṣeṇa cānnena kuryādvai pāraṇaṃ tataḥ || 36 ||
[Analyze grammar]

itthametadvrataṃ nātha cikīrṣāmi tvadājñayā |
kuru caitatpriyaṃ mahyamabhīṣṭaphalalabdhaye || 37 ||
[Analyze grammar]

iti bhūpālavaryeṇa śrutvā saṃhṛṣṭacetasā |
tadā vrataṃ samācīrṇaṃ sāṃtarvatnī babhūva ha || 38 ||
[Analyze grammar]

tayātha prārthitā gaurī garbhiṇyā bhaktitoṣitā |
putraṃ dehi mahāmāye sākṣādviṣṇvaṃśasaṃbha vam || 39 ||
[Analyze grammar]

jātamātro vrajetsvargaṃ punarāyāti cātra vai |
bhaktaḥ sadāśive'tyarthaṃ prasiddhaḥ sarvabhūtale |
vinaiva stanyapānena ṣoḍaśābdākṛtiḥ kṣaṇāta || 140 ||
[Analyze grammar]

evaṃbhūtaḥ suto gauri yathā syānme tathā kuru |
mṛḍānyāpi tathetyuktā rājñī bhaktyātituṣṭayā || 41 ||
[Analyze grammar]

atha kālena tanayaṃ mūlarkṣe sā'pyajījanat |
hitairamātyairatha sā vijñaptāriṣṭasaṃsthitā || 42 ||
[Analyze grammar]

devi rājārthinī tvaṃ tu tyaja duṣṭarkṣajaṃ sutam |
sā maṃtrivākyamākarṇya kevalaṃ patidevatā || 43 ||
[Analyze grammar]

atyākṣīttaṃ tathā prāptaṃ tanayaṃ nayakovidā |
dhātrikāṃ tu samāhūya prāhedaṃ sā nṛpāṃganā || 44 ||
[Analyze grammar]

paṃcamudre mahāpīṭhe vikaṭānāma mātṛkā |
tadagre sthāpayitvāmuṃ bālaṃ dhātri tvidaṃ vada || 45 ||
[Analyze grammar]

gauri dattaḥ śiśurasau tavāgre viniveditaḥ |
rājñyā patyuḥ priyaiṣiṇyā maṃtrivijñaptinunnayā || 46 ||
[Analyze grammar]

sāpi rājñyuditaṃ śrutvā bālaṃ śiśuśaśiprabham |
vikaṭāyāḥ purobhāge saṃsthāpya gṛhamāgatā || 47 ||
[Analyze grammar]

atha sā vikaṭā devī samāhūya ca yoginīḥ |
uvāca nayata kṣipraṃ śiśuṃ mātṛgaṇāgrataḥ || 48 ||
[Analyze grammar]

tāsāmājñāṃ ca kuruta rakṣatāmuṃ prayatnataḥ |
yoginyo vikaṭāvākyātkhecaryastatkṣaṇena tam || 49 ||
[Analyze grammar]

ninyurgaganamārgeṇa brāhmyādyā yatra mātaraḥ |
praṇamya yoginīvṛndaṃ taṃ śiśuṃ sūryavarcasam || 150 ||
[Analyze grammar]

puro nidhāya mātṝṇāṃ procuśca vikaṭoditam |
brahmāṇī vaiṣṇavī raudrī vārāhī nārasiṃhikā |
kaumārī cāpi māhendrī cāmuṇḍā caiva caṃḍikā || 51 ||
[Analyze grammar]

dṛṣṭvā taṃ bālakaṃ ramyaṃ vikaṭāpreṣitaṃ tataḥ |
papracchuryugapadvākyaṃ kaste bāla pramukhyakaḥ || 52 ||
[Analyze grammar]

mātṛbhi śceti pṛṣṭastu yadā kiṃcinna vakti saḥ |
tadā ca yoginīcakraṃ prāha mātṛgaṇastviti || 53 ||
[Analyze grammar]

rājyayogyo bhavatyeṣa mahālakṣaṇalakṣitaḥ |
punastatraiva netavyo yoginyastvavilaṃbitam || 54 ||
[Analyze grammar]

pañcamudrā mahādevī tiṣṭhate yatra kāmadā |
yasyāḥ saṃsevanānnṝṇāṃ nirvāṇaśrīradūrataḥ || 55 ||
[Analyze grammar]

tatpīṭhase vanādasya ṣoḍaśābdākṛteḥ śiśoḥ |
siddhirbhavitrī paramā rudrasyānugrahātparā || 56 ||
[Analyze grammar]

evaṃ mātṛgaṇātsadyo yoginībhiḥ kṣaṇena tu |
prāpito mātṛvākyena pañcamudrāṃtikaṃ punaḥ || 57 ||
[Analyze grammar]

saṃprāpya tanmahāpīṭhaṃ svargalokādihāgataḥ |
mahākālavane puṇye tatāpa vipulaṃ tapaḥ || 58 ||
[Analyze grammar]

tapasātīva tīvreṇa niścalendriyamānasaḥ |
tasya rājakumārasya prasanno'bhūdumādhavaḥ || 59 ||
[Analyze grammar]

āvirbabhūva purato liṃgarūpeṇa śaṃkaraḥ |
uvāca ca prasannosmi varaṃ brūhi nṛpāṃgaja || 160 ||
[Analyze grammar]

sarvajyotirmayaṃ liṃgaṃ purato dṛṣṭavānsvayam |
saptapātālamudbhidyotthitaṃ bṛhadanugrahāt || 61 ||
[Analyze grammar]

praṇamya daṃḍavadbhūmau pari tuṣṭāva dhūrjaṭim |
sūktairjanmāṃtarābhyāsātsuhṛṣṭo rudradaivataiḥ |
varaṃ ca prārthayāṃcakre parihṛṣṭatanūruhaḥ || 62 ||
[Analyze grammar]

devadeva mahādeva yadi deyo varo mama |
tadatra bhavatā stheyaṃ bhavatāpahṛtā sadā || 63 ||
[Analyze grammar]

asmiṃlliṃge sthitaḥ śaṃbho kuru bhaktasamīhitam |
vinā mudrādikaraṇaṃ maṃtreṇāpi vinā vibho || 64 ||
[Analyze grammar]

asya liṃgasya ye bhaktā manovākkāyakarmabhiḥ |
sadaivānugrahasteṣu karttavyo vara eṣa me || 65 ||
[Analyze grammar]

iti tadvaramākarṇya liṃgarūpo'vadatprabhuḥ |
evamastu yaduktaṃ te vīra vaiṣṇavasūnunā || 66 ||
[Analyze grammar]

vīra vīreśvaraṃnāma liṃgametattvadākhyayā |
avaṃtyāṃ saṃpradāsyāmi bhaktānāṃ ciṃtitānyaho || 67 ||
[Analyze grammar]

atra dattaṃ hutaṃ japtaṃ stutamarcitameva ca |
tadakṣayaṃ bhavedatra bhaktānāṃ nātra saṃśayaḥ || 68 ||
[Analyze grammar]

tvaṃ tu rājyaṃ paraṃ prāpya sarvabhūpāladurlabham |
bhuktvā bhogāṃśca vipulānaṃte siddhimavāpsyasi || 69 ||
[Analyze grammar]

eṣa te kathito devi prabhāvaḥ pāpanāśanaḥ |
vīreśvarasya devasya nūpureśamatho śṛṇu || 170 ||
[Analyze grammar]