Chapter 37

[English text for this chapter is available]

śrīhara uvāca |
saptatriṃśattamaṃ viddhi śiveśvaramanaṃtakam |
yasya darśanamātreṇa jāyaṃte sarvasaṃpadaḥ || 1 ||
[Analyze grammar]

rājā ripuṃjayonāma brahmakalpe purābhavat |
mahākālavane ramye prajāpālanatatparaḥ || 2 ||
[Analyze grammar]

devapūjāṃ vrataṃ dānaṃ dhyānaṃ svādhyāyasatkriyām |
prajāpālanakaṃ kṛtvā na sa jānāti kiṃcana || 3 ||
[Analyze grammar]

sa prajāḥ pālayāmāsa putravatparipālitāḥ |
prajāstāḥ sukhasaṃvṛddhā jarāmṛtyuvivarjitāḥ || 4 ||
[Analyze grammar]

putriṇo dhanadhānyāḍhyāḥ sarvakāmasamanvitāḥ |
tasyaiva tejasā vyāptaṃ mahākālapuraṃ priye || 5 ||
[Analyze grammar]

etasminnaṃtare pṛthvīṃ tasmiñchāsati pārvati |
mahākālavanaṃ devi svapuraṃ cihnitaṃ mayā |
vinā cojjayinīṃ gaṃtuṃ na ratiṃ prāpa kutracit || 6 ||
[Analyze grammar]

tadā mayā gaṇeśastu śivasaṃjño gaṇāgraṇīḥ |
ciṃtitastatkṣaṇātprāptaḥ kiṃ karomītyuvāca ha || 7 ||
[Analyze grammar]

mayāpyukto gaṇeśo hi gaccha putra mama priyam |
mahākālapuraṃ vyāptaṃ rājā ripuñjayena hi || 8 ||
[Analyze grammar]

ityuktaḥ sa mayā devi tathetyuktā kṛtāṃjaliḥ |
gato'sau mānuṣe loke mamājñāharṣitānanaḥ || 9 ||
[Analyze grammar]

gate śivagaṇe devi saṃtuṣṭo'haṃ śucismite |
yuktijñānavṛto dakṣaḥ prabhorbhṛtyo hi durlabhaḥ || 10 ||
[Analyze grammar]

tataḥ sa bhikṣu rūpeṇa bahvoṣadhiparigrahaḥ |
gṛhītvā duṃdubhiṃ skaṃdhe vacanaṃ cedamabravīt || 11 ||
[Analyze grammar]

kaśca bhūtaviṣagrasto nānādoṣaiḥ samāśritaḥ |
kasya ko vyādhiratyugro yamahaṃ praśamaṃ naye || 12 ||
[Analyze grammar]

ko'putraḥ putravānastu manmaṃtrabalamāśritaḥ |
vaidyo'smi sarvayuktijñaḥ sarvakāmapradāyakaḥ || 13 ||
[Analyze grammar]

tasya vākyaṃ samākarṇya kautūhalasamanvitaḥ |
savṛddhabālanārīko janastamabhijagmivān || 14 ||
[Analyze grammar]

teṣāṃ sa nāśayāmāsa vyādhiṃ durjayamapyati |
te ca tasmai sumahatīṃ pūjāṃ cakruḥ suharṣitāḥ |
hemaratnāṃbaradhanairdhānyagrāmapurādibhiḥ || 15 ||
[Analyze grammar]

evaṃ sa nyavasattatra varṣāṇi ca caturddaśa |
nṛpateraṃtaraprekṣī na cāṃtara mavāpa saḥ || 16 ||
[Analyze grammar]

aho'tiduṣkaro rājā aho lokaparāyaṇaḥ |
aho tejonidhirvīro durjayo'sau mahāmatiḥ || 17 ||
[Analyze grammar]

evaṃ sa ciṃtayaṃstatra bhikṣu rūpī śivo gaṇaḥ |
jīrṇodyānalatājālagahane saṃvṛtaḥ sthitaḥ || 18 ||
[Analyze grammar]

atrāṃtare tu nṛpatestasya lokavratasya tu |
mahiṣī nirjarā rājñaḥ prāṇebhyopi garīyasī || 19 ||
[Analyze grammar]

rūpeṇāpratimā loke sā cāputrā sutārthinī |
sapatnībahulā devī śrutvā bhikṣuṃ samāśritā || 20 ||
[Analyze grammar]

sarvakāmapradaṃ jñātvā nāga rāṇāṃ sakautukam |
svāṃ sakhīṃ preṣayāmāsa sunaṃdāṃnāma bhāminī || 21 ||
[Analyze grammar]

bhikṣorāyatane guptamaṃtaḥpuramataṃdritā |
tayā cāsādito bhikṣurviciṃtya nagaraṃ tadā |
uvāca ciṃtāparamaṃ bhikṣuṃ bhikṣāsamanvitam || 22 ||
[Analyze grammar]

praṇamya prāṃjalirbhūtvā kāryārthaṃ vigatavyathā |
bhagavanmahiṣī rājñaḥ prāṇebhyo'pi garīyasī |
vaṃdhyā putrārthinī devī guptaṃ tvāṃ draṣṭumicchati || 23 ||
[Analyze grammar]

bhavānkṛpākaraḥ prāyaḥ prajānāmīhitapradaḥ |
evaṃ śrutvā śivagaṇo labdhvā randhra muvāca ha || 24 ||
[Analyze grammar]

bhikṣuruvāca |
bhadre keyaṃ tava matirviparītapralāpinī |
avijñāto narapatergṛhamehīti bhāṣase |
avijñātaḥ pure dṛṣṭaḥ sāhasī puruṣo bhavet || 25 ||
[Analyze grammar]

evaṃ matvā vraja kṣipraṃ svamevāṃtaḥpuraṃ śubhe |
nāhaṃ tatrāgamiṣyāmi yāvanna nṛpatervacaḥ || 26 ||
[Analyze grammar]

sā tu tasya vacaḥ śrutvā bhikṣoḥ kṣubhitamānasā |
jagāmāntaḥpuraṃ tūrṇaṃ devyai tacca nyavedayat || 27 ||
[Analyze grammar]

sakhīvacastu sā śrutvā devī dīnā uvāca tām |
sunande ka upāyosti rājā yena pravarttate |
bhikṣorānayane kṣipraṃ yāvannāsau vrajetkvacit || 28 ||
[Analyze grammar]

uvāca sā tāṃ yuktyaiva sunaṃdā yuktabhāṣiṇī |
tvaṃ tasya vallabhā rājñaḥ prāṇebhyopi garīyasī || 29 ||
[Analyze grammar]

tasmādasvasthacittatvaṃ rājñaḥ svaṃ saṃpradarśaya |
hetunā tena rājā ca vākyaṃ tava kariṣyati || 30 ||
[Analyze grammar]

etasminneva kāle tu devyā darśanalālasaḥ |
jagāmāṃtaḥpuraṃ rājā priyāṃ dīnāṃ dadarśa ha |
tāmapṛcchattato rājā snehārdrīkṛtamānasaḥ || 31 ||
[Analyze grammar]

rājovāca |
kimidaṃ devi te rūpaṃ vimanaskeva bhāṣase |
bhagnāsi kena duḥkhena kasyāpakṛtamīdṛśam || 32 ||
[Analyze grammar]

nṛpasya vacanaṃ śrutvā rājñī vacanamabravīt |
na putrā nṛpa me saṃti tena me nāsti nirvṛtiḥ || 33 ||
[Analyze grammar]

krīḍanaṃ pīḍanāyaiva teṣāṃ ye putravarjitāḥ |
aputrā jagato dīnā duḥkhitāḥ putravarjitāḥ |
aputre ca gatirnāsti sutāputravivarjite || 34 ||
[Analyze grammar]

sukhinaste janā loke ye bālaṃ pāṃsubhūṣitam |
pariṣvajaṃti svasutamasphuṭākṣarabhāṣakam || 35 ||
[Analyze grammar]

anena kāraṇenāsmi nirvedaṃ paramaṃ gatā |
upāyo hi mayā dṛṣṭaḥ putrārthe mama sāṃpratam || 36 ||
[Analyze grammar]

iha bhikṣuḥ samāyāto devarūpī sanātanaḥ |
tasya cāvyāhatā śaktiḥ śrūyate sarvavastuṣu || 37 ||
[Analyze grammar]

sastrībālo janaścātra śaraṇaṃ yasya gacchati |
tasya bhikṣoḥ prasādena sutavatyo vayaṃ nṛpa |
bhaviṣyāmo'tra saṃdeho na me manasi varttate || 38 ||
[Analyze grammar]

tasyāḥ sa vacanaṃ śrutvā jīrṇodyānaṃ jagāma ha |
priyayā sahito rājā taṃ ca bhikṣuṃ dadarśa ha || 39 ||
[Analyze grammar]

dṛṣṭamātro nṛpatinā bhikṣurligatvamāgataḥ |
dṛṣṭvā sumahadāścaryaṃ bhaktinamro mahīpatiḥ |
pūjayāmāsa vidhivattalliṃgaṃ bhikṣu rūpakam || 40 ||
[Analyze grammar]

aputro'smītyuvācedaṃ dhanyeyaṃ mahiṣī mama |
dehi me tanayaṃ deva śivo bhavānmaheśvaraḥ || 41 ||
[Analyze grammar]

ityukto rājasiṃhena bhikṣurliṃgā kṛtistadā |
pratyuvāca mahīpālaṃ putraste bhavitā nṛpa || 42 ||
[Analyze grammar]

tataḥprabhṛti rājāsau sakalatro mahāmatiḥ |
sarvabhāvena taṃ devaṃ jagāma śaraṇaṃ mudā || 43 ||
[Analyze grammar]

devadevasya māhātmyātputro jāto mahābalaḥ |
dharmātmā ca yaśasvī ca sārvabhaumo guṇādhikaḥ || 44 ||
[Analyze grammar]

athāhaṃ mandarāddevi kautukāttu samāgataḥ |
liṃgākāraṃ gaṇaṃ dṛṣṭvā rājānaṃ sevakaṃ tathā || 45 ||
[Analyze grammar]

yogaiśvaryeṇa ca mayā kṛtaṃ vai puramātmanaḥ |
nānāratnaprabhoddyotaṃ nānāsiddhini ṣevitam |
tacchivaṃ śāśvataṃ sthānaṃ dattaṃ devi tadā mayā || 46 ||
[Analyze grammar]

mārkaṃḍeyeśvarāddevāduttare varavarṇini |
tadāprabhṛti devo'sau śiveśvara iti smṛtaḥ || 47 ||
[Analyze grammar]

ye'rcayiṣyanti satataṃ śiveśvaramanuttamam |
nirdhūtasarvapāpāste bhaviṣyaṃti gaṇottamāḥ || 48 ||
[Analyze grammar]

viditvārbhaguruṃ lokaṃ ye drakṣyaṃti śiveśva ram |
antakāle pradāsyāmi teṣāṃ jñānamanuttamam || 49 ||
[Analyze grammar]

mokṣaṃ sudurlabhaṃ matvā saṃsāraṃ cātibhīṣaṇam |
apunarbhavahetutvātsaṃsevyo'sau śiveśvaraḥ || 50 ||
[Analyze grammar]

sarvāvastho'pi yo martyaḥ saṃśrayettaṃ śiveśvaram |
sa tāṃ gatimavāpnoti yajñairdānairhi yā gatiḥ || 51 ||
[Analyze grammar]

ākhyānaṃ prayato marttyo ya idaṃ śrāvayecchuciḥ |
paṭhedvā vācayedvāpi sa mucyetsarvakilviṣaiḥ || 52 ||
[Analyze grammar]

eṣa te kathitā devi prabhāvaḥ pāpanāśanaḥ |
śiveśvarasya devasya kusumeśa mataḥ śṛṇu || 53 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe caturaśītiliṅgamāhātmye śiveśvaramāhātmyavarṇanaṃnāma saptatriṃśo'dhyāyaḥ || 37 ||
[Analyze grammar]