Chapter 17

[English text for this chapter is available]

īśvara uvāca |
devaṃ saptadaśaṃ viddhi vikhyātamapsareśvaram |
yasya darśanamātreṇa loko'bhīṣṭānavāpnuyāt || 1 ||
[Analyze grammar]

naṃdanākhye vane devi sarvakāmasamanvite |
siddhacāraṇagaṃdharvakiṃnarodgītanādite || 2 ||
[Analyze grammar]

śukakokilacakrāhvacakorakurarāvṛte |
divyalokopamasthāne triviṣṭapavi bhūṣaṇe || 3 ||
[Analyze grammar]

tatropaviṣṭo vṛtrāriḥ surajyeṣṭhaśca sevitaḥ |
nanartta raṃbhā tasyāgre nṛtyabhāvānvivṛṇvatī || 4 ||
[Analyze grammar]

tatonyacittā saṃjātā kiṃcitsmṛtvā pramādataḥ |
layatālavihīnā ca dṛṣṭā vai vāsavena sā || 5 ||
[Analyze grammar]

cukopa ca suraśreṣṭhastasyāḥ śāpaṃ dadau kila |
vismṛtirmānuṣaṃ karma na divyaṃ kvāpi dṛśyate |
tasmāttu mānuṣe loke gaccha tvaṃ niṣprabhā satī || 6 ||
[Analyze grammar]

atheṃdrakopasaṃkṣobhātpatitā bhuvi sāpsarāḥ |
niśceṣṭā vikalībhūtā rudatī visvaraṃ bahu || 7 ||
[Analyze grammar]

karuṇaṃ vilapaṃtī ca kiṃ mayā duṣkṛtaṃ kṛtam |
nirmalaṃ na tapastaptaṃ kathaṃ nārādhitaḥ suraḥ || 8 ||
[Analyze grammar]

athāpsarogaṇaḥ sarvaḥ sakhīgaṇa samanvitaḥ |
raṃbhā yatraiva patitā samāyāto varānane |
tasyāḥ śokāgnidāhena saṃtapto'psarasāṃ gaṇaḥ || 9 ||
[Analyze grammar]

susuptā padminī sābhre yathā naiva virājate |
tathā śāpena vidhvastā raṃbhā no rājate sadā || 10 ||
[Analyze grammar]

sakhīgaṇaiḥ parivṛtā raṃbhā dṛṣṭā varānane |
devarṣiṇā nāradena vismitenāṃtarātmanā || 11 ||
[Analyze grammar]

kasmādapsarasaḥ sadyo dṛśyaṃte śokavihvalāḥ |
kasmācca karuṇaṃ raṃbhā rodityeṣā muhurmuhuḥ || 12 ||
[Analyze grammar]

papraccha ca samāgatya kasmādapsaraso varāḥ |
viṣaṇṇavadanā dīnāḥ kathyatāṃ mama sādaram || 13 ||
[Analyze grammar]

vṛttāṃtaṃ kathayāmāsustāśca tasmai purātanam |
śrutvā ca nāradastatra dhyānāsakto'bhavanmuniḥ || 14 ||
[Analyze grammar]

upāyaṃ kathayāmāsa hitaṃ tāsāṃ prayatnataḥ |
gacchaṃtvapsarasaḥ sarvā mahākālavanottame || 15 ||
[Analyze grammar]

ārādhayadhvaṃ deveśaṃ liṃgaṃ sarvārthasādhakam |
pṛcchādevyāstu purataḥ purā kalpe prapūjitam || 16 ||
[Analyze grammar]

urvaśyā mama vākyena bharttā prāptaḥ purūravāḥ |
nāradasya vacaḥ śrutvā samājagmurgaṇāstathā || 17 ||
[Analyze grammar]

mahākālavane ramye liṃgārādhanakāmyayā |
tatastuṣṭaḥ svayaṃ rudrastāsāṃ bhaktyā varaṃ dadau || 18 ||
[Analyze grammar]

raṃbhe prāpsyasi saubhāgyaṃ svargalokaṃ yaśasvini |
bhaviṣyasi mahābhāge jiṣṇostvaṃ vallabhā dhuvam || 19 ||
[Analyze grammar]

tasmāttriviṣṭapaṃ gaccha saṃghenānena pūjitā |
ārādhito'psarobhiśca purā svargārthakāmyayā |
atopsareśvaraḥ khyāto yayau khyātiṃ jagattraye || 20 ||
[Analyze grammar]

ye samārādhayiṣyaṃti bhaktyā cāpsaraseśvaram |
te sarvakāmasaṃpūrṇā bhaviṣyaṃti yugeyuge || 21 ||
[Analyze grammar]

prerayiṣyaṃti ye loke darśanārthaṃ yaśasvini |
sthānabhraṃśo viyogaśca teṣāṃ svapne na jāyate || 22 ||
[Analyze grammar]

kiṃ dānaiḥ kiṃ tapobhiśca kiṃ yajñairbahudakṣiṇaiḥ |
sparśanāllabhate rājyaṃ svargaṃ mokṣaṃ krameṇa tu || 23 ||
[Analyze grammar]

eṣa te kathito devi prabhāvaḥ pāpanāśanaḥ |
apsareśvaradevasya śrūyatāṃ kalkaleśvaraḥ || 24 ||
[Analyze grammar]