Chapter 14

[English text for this chapter is available]

śrīmahādeva uvāca |
kuṭuṃbeśvarasaṃjñaṃ tu devaṃ viddhi caturdaśam |
yasya darśanamātreṇa gotravṛddhiśca jāyate || 1 ||
[Analyze grammar]

yadā devāsuraiḥ pūrvaṃ mathitaḥ kṣīrasāgaraḥ |
tadā ca nirgataṃ devi durddharaṃ duḥsahaṃ viṣam || 2 ||
[Analyze grammar]

kālakūṭamayaṃ raudraṃ viṣaṃ jvālāvibhīṣaṇam |
dahyate ca jagattena sadevāsuramānuṣam || 3 ||
[Analyze grammar]

tato devagaṇāḥ sarve sāsurā yakṣarākṣasāḥ |
viṣajvālātibhītāśca māmeva śaraṇaṃ gatāḥ || 4 ||
[Analyze grammar]

stutohaṃ vividhaiḥ stotrairidamuktaṃ varānane |
amṛtārthe kṛto yatnaḥ saṃprāptaṃ maraṇaṃ vibho || 5 ||
[Analyze grammar]

anyathā ciṃtitaṃ kāryaṃ daivena kṛtamanyathā |
atimathitumārabdhe lobhādvai kṣīrasāgaram || 6 ||
[Analyze grammar]

utpannaṃ kālakūṭaṃ tu yena dagdhaṃ carācaram |
tato'smākaṃ bhayaṃ jātaṃ kālakūṭodbhavaṃ prabho || 7 ||
[Analyze grammar]

rakṣāṃ kuru jagannātha śaraṇāgatavatsala |
hitārthaṃ sarvalokānāṃ yathā na pralayo bhavet || 8 ||
[Analyze grammar]

mayā teṣāṃ vacaḥ śrutvā tridaśānāṃ yaśasvini |
māyūraṃ rūpamāsthāya devānāmanukaṃpayā |
kaṃṭhe dhṛtaṃ mahāraudraṃ kālakūṭāhvayaṃ tadā || 9 ||
[Analyze grammar]

tvaṃ bhītā sahasā naṣṭā rūpaṃ dṛṣṭvā tu māmakam |
viṣavṛkṣamasevyaṃ tu tato'haṃ duḥkhito'bhavam || 10 ||
[Analyze grammar]

nadīsaṃghasamāyuktā gaṃgā dṛṣṭā ca pārśvataḥ |
sā ca proktā mayā devi sādaraṃ stutipūrvakam || 11 ||
[Analyze grammar]

kālakūṭaviṣaṃ gaṃge vegānnaya mahodadhim |
nānyā śaktā samānetuṃ tvāṃ vinā lokapāvani || 12 ||
[Analyze grammar]

gaṃgovāca |
nāsti me bhagavañchaktirvivoḍhuṃ ca jagatpate |
raudrarūpī ca duḥsevyo dahatyeva na saṃśayaḥ || 13 ||
[Analyze grammar]

tatastu yamunā proktā na samarthā sarasvatī |
anyāśca vividhā nadyo mayāhūtāḥ pṛtha kpṛthak || 14 ||
[Analyze grammar]

aśaktāstāḥ samānetuṃ kālakūṭāhvayaṃ viṣam |
tadāhūtā mayā devi śiprā brahmasamudbhavā || 15 ||
[Analyze grammar]

śipre putri mamādeśānmahākāla vanaṃ vraja |
gṛhītvā kālakūṭaṃ tu puraḥ kāmeśvarasya hi || 16 ||
[Analyze grammar]

vidyate paramaṃ liṃgaṃ tasmillige niyojaya |
mayā proktā tadā prāha brahmaṇaḥ paramā kalā || 17 ||
[Analyze grammar]

eṣāsmi prasthitā deva tava vākyādasaṃśayam |
duḥsparśaḥ kālakūṭo'yaṃ nūnaṃ māṃ bhakṣayiṣyati || 18 ||
[Analyze grammar]

asevyāhaṃ bhaviṣyāmi duṣṭasaṃparka yogataḥ |
tato mayā punaḥ proktā śiprā pātakanāśinī || 19 ||
[Analyze grammar]

yāni tīrthāni bhūloke pātāle yāni saṃti vai |
svargaloke hyaṃtarikṣe puṇyāni cāruhāsini || 20 ||
[Analyze grammar]

tāni sarvāṇi sevārthamāgatya mama vākyataḥ |
ājñāṃ tava kariṣyaṃti gaccha putri mamājñayā || 21 ||
[Analyze grammar]

evamuktā tadā śiprā gṛhītvā kālakūṭakam |
samāyātā varārohe yatra liṃgamanuttamam || 22 ||
[Analyze grammar]

tadviṣaṃ kālakūṭāhvaṃ nikṣiptaṃ liṃgamūrddhani |
viṣaliṃgastato jāto dṛṣṭo mṛtyupradāyakaḥ || 23 ||
[Analyze grammar]

paśuḥ pakṣī naro vāpi yo hi paśyati taṃ śivam |
mriyate sa tadā devi tasya devasya darśanāt || 24 ||
[Analyze grammar]

tīrthayātrāṃ tataḥ kartuṃ tatrāyātāṃstapodhanāḥ |
taṃ ca devaṃ tato dṛṣṭvā mṛtāḥ sarve ca tatkṣaṇāt || 25 ||
[Analyze grammar]

tato hāhākṛtaṃ devi trailokyaṃ sacarācaram |
hāhākāraṃ mahacchrutvā mayā te dvijasattamāḥ |
saṃjīvitāśca vai sarve dṛṣṭipātena pārvati || 26 ||
[Analyze grammar]

tuṣṭuvuḥ praṇatā viprā māmato vividhaiḥ stavaiḥ |
mayā proktāstu te viprā vṛṇudhvaṃ varamuttamam || 27 ||
[Analyze grammar]

tairuktaṃ praṇatairdevi lokānāṃ ca hitārthataḥ |
saṃmriyaṃte prajā deva liṃgenānena śaṃkara || 28 ||
[Analyze grammar]

tāḥ saṃrakṣa jagannātha hyeṣo'smākaṃ varaḥ prabho |
pratijñātaṃ mayā devi lokānāmanukaṃpayā || 29 ||
[Analyze grammar]

kṣemārogyakaraṃ liṃgaṃ bhaviṣyati na saṃśayaḥ |
kāyāvarohaṇādviprāḥ svayamatrāgamiṣyati || 30 ||
[Analyze grammar]

lakulīśastadā cāyaṃ devaḥ spṛśyo bhaviṣyati |
vṛddhikārī kuṭumbasya bhaviṣyati na saṃśayaḥ || 31 ||
[Analyze grammar]

kuṭuṃbeśvara iti nāmnā loke khyātiṃ gamiṣyati |
ityuktāste mayā viprāstatraiva tapasi sthitāḥ || 32 ||
[Analyze grammar]

lakulīśo'tha talliṃgamāruroha mamājñayā |
janayanvismayaṃ loke kīrtiṃ janapade tathā || 33 ||
[Analyze grammar]

kuṭumbeśvarasaṃjñaṃ tu ye paśyaṃti yaśasvini |
teṣāṃ kule tu vṛddhiḥ syātkuṭuṃbasya na saṃśayaḥ || 34 ||
[Analyze grammar]

āśvināsitapaṃcamyāṃ darśa naṃ yaḥ kariṣyati |
bahuputro bahudhano bhaviṣyati na saṃśayaḥ || 35 ||
[Analyze grammar]

mahatīṃ śriyamāpnoti rogaiścāpi pramucyate |
sarvakāmasamṛddho'sau mama loke sa modate || 36 ||
[Analyze grammar]

darśanaṃ ye kariṣyaṃti sparśanaṃ yajanaṃ tathā |
te sarve kāmasaṃpūrṇāḥ prayāṃti mama maṃdiram || 37 ||
[Analyze grammar]

samīpe tu saricchiprā vāpīkūpena saṃyutā |
yasyā darśanamātreṇa naraḥ pāpātpramucyate || 38 ||
[Analyze grammar]

somavārerkavāre ca snātvā tasyāṃ samāhitaḥ |
aṣṭamyāṃ vā caturdaśyāṃ yaḥ paśyetkuṭuṃbeśvaram || 39 ||
[Analyze grammar]

rājasūyasahasrasya vājapeyaśatasya ca |
phalaṃ sa labhate devi satyametanmayoditam || 40 ||
[Analyze grammar]

eṣa te kathito devi prabhāvaḥ pāpanāśanaḥ |
kuṭuṃbeśvaradevasya tviṃdradyumneśvaraṃ śṛṇu || 41 ||
[Analyze grammar]

iti śrīskāṃde mahāpurāṇa ekāśītisāhasyāṃ saṃhitāyāṃ pañcama āvaṃtyakhaṃḍe caturaśītiliṅgamāhātmye kuṭuṃbeśvaramāhātmyavarṇanaṃnāma caturdaśo'dhyāyaḥ || 14 ||
[Analyze grammar]