Chapter 13

[English text for this chapter is available]

hara uvāca |
viddhi kāmeśvaraṃ devi tatra liṃgaṃ trayodaśam |
yasya darśanamātreṇa saubhāgyaṃ jāyate śubham || 1 ||
[Analyze grammar]

brahmaṇo dhyāyamānasya prajākāmasya pārvati |
utpanno'rkaprabhākāro lāvaṇyanicayo mahān |
alaṃkārāvṛtaḥ kāṃto divyamaṃḍanamaṃḍitaḥ || 2 ||
[Analyze grammar]

taṃ dṛṣṭvā paramaṃ divyaṃ kāṃtaṃ saubhāgyaśobhitam |
apratarkyamavijñeyaṃ brahmā provāca taṃ tadā || 3 ||
[Analyze grammar]

ko bhavānkiṃ nimittaṃ tu iha vā kimupāgataḥ |
vada tvaṃ manmathākāra kaṃdarpa iva lakṣyame || 4 ||
[Analyze grammar]

brahmaṇo vacanaṃ śrutvā proktaṃ tenaiva sādaram |
ahaṃ te sṛṣṭikāmasya bhāvena vihitoṃśakaḥ |
prajāpate mahābhāga kiṃ karomi diśasva mām || 5 ||
[Analyze grammar]

brahmovāca |
mayā tu sṛṣṭikāmena ye prajāpatayaḥ kṛtāḥ |
na te śaktāḥ prajāḥ sraṣṭuṃ kāmaite sukhamāpnuyuḥ || 6 ||
[Analyze grammar]

tvamagraṇīḥ prajāsarge tvadadhīnamidaṃ jagat |
kuru sṛṣṭiṃ vicitrāṃ ca kaṃdarpa mama śāsanāt || 7 ||
[Analyze grammar]

ityukto brahmaṇā devi jagāmādarśanaṃ smaraḥ |
kruddhena brahmaṇā śapto vināśaṃ yāsyasi dhruvam || 8 ||
[Analyze grammar]

madvaco na kṛtaṃ yasmādbhavanetrodbhavāgninā |
tacchrutvā dāruṇaṃ śāpaṃ kaṃdarpo bhayavihvalaḥ |
brahmāṇaṃ praṇato bhūtvā prahvaḥ prāṃjalirabravīt || 9 ||
[Analyze grammar]

prasīda devadeveśa ananyagatike mayi |
nahi nirbharatāṃ yāṃti prabhūṇāmāśrite ruṣaḥ || 10 ||
[Analyze grammar]

brahmovāca |
yasmātte bhaktiratulā mamopari mahāmate |
tasmātsthānāni dattāni tava dvādaśa saṃkhyayā || 11 ||
[Analyze grammar]

kāminīnāṃ kaṭākṣeṣu keśapāśeṣu caiva hi |
jaghanastananābhau tu dormūle'dharapallave || 12 ||
[Analyze grammar]

vasaṃte kokilālāpe jyotsnāyāṃ jaladāgame |
kāmārthe ca mayā dattau sabalau madhumādhavau || 13 ||
[Analyze grammar]

striyo'mṛtamayā dhanyā saṃsāre sārakāraṇam |
rateścaiva nidhānāni saṃtānārthaṃ vinirmitāḥ || 14 ||
[Analyze grammar]

etābhirvaranārībhirjagadevaṃ vaśīkṛtam |
strībhirāsaktamanasaḥ kutaḥ puṃso manasvitā || 15 ||
[Analyze grammar]

kṛtaścāpi svavaśatā strīgauravagatasya ca |
striya eva vināśāya pūrveṣāmamaradviṣām || 16 ||
[Analyze grammar]

striya eva hi devānāmiṃdrādīnāṃ bhayāśrayāḥ |
nārībhirlabdhavṛtteśca puruṣasyāpi sarvataḥ || 17 ||
[Analyze grammar]

parābhavaḥ prabhavati vivaśatvaṃ ca bhīṣaṇam |
strībhirājitacittasya sulabho vipadodayaḥ || 18 ||
[Analyze grammar]

ityukto manmatho bhadre brahmaṇā ca visarjitaḥ |
dattvā vai puṣpakaṃ cāpaṃ tathā vai bāṇapaṃcakam || 19 ||
[Analyze grammar]

ratiprītisamāyukto jhaṣaketurmanobhavaḥ |
viḍaṃbayati lokāṃstrīnsasahāyo dhanurdharaḥ || 20 ||
[Analyze grammar]

paṃḍitāṃstāpasānvīrānsudhiyaśca jiteṃdriyān |
kāle kuśalabhāvajñāndevānpitṛgaṇāṃstathā || 21 ||
[Analyze grammar]

bhūtapretapiśācāṃśca yakṣagaṃdharvakiṃnarān |
kṛmikīṭapataṃgāṃśca bhūtagrāmaṃ caturvidham || 22 ||
[Analyze grammar]

mamārthe ca kṛto yatnaściṃtayitvā punaḥpunaḥ |
duḥsādhyaḥ śaṃkaro devaḥ śrūyate bhuvanatraye |
tasya devasya kaḥ śaktaḥ kṣobhaṇārthaṃ mayā vinā || 23 ||
[Analyze grammar]

ityuktvā tu samāyāto yatrāhaṃ tapasi sthitaḥ |
ratyā yutaḥ sa garveṇa sakhyā'yaṃ madhunāśritaḥ || 24 ||
[Analyze grammar]

dṛṣṭavānmāṃ tadā kāmaḥ piṃjakūṭajaṭāsaṭam |
kiṃcinnimittato'nidraṃ bhogīṃdrakṛtabhūṣaṇam || 25 ||
[Analyze grammar]

prekṣamāṇamṛjusthānaṃ nāsāvaṃśāgra locanam |
tato'vamarakākāramālaṃbyāśrayamātrakam || 26 ||
[Analyze grammar]

praviṣṭaḥ kararaṃdhreṇa madano hṛdaye mama |
ratyarthaṃ kāmataptena saṃsmṛtā bhavatī mayā || 27 ||
[Analyze grammar]

samādherbhāvanā divyā lakṣyapratyakṣarūpiṇī |
gatā mama vimalatā tatkṣaṇādeva pārvati || 28 ||
[Analyze grammar]

unmattatāṃ gato'haṃ vai vikṛtiṃ madanātmikām |
nirākṛtaṃ mayā devi dhairyamālaṃbya yatnataḥ || 29 ||
[Analyze grammar]

dṛṣṭo mayātmahṛdaye manmatho'pathyakārakaḥ |
dehasthaṃ nirdahiṣyāmi pratyāhāraprayogataḥ || 30 ||
[Analyze grammar]

amānuṣīṃ vrajedyoniṃ yoginaṃ praviśedyadi |
bāhyāgnau dhāraṇāṃ kṛtvā dehasaṃsthe vinirdahet || 31 ||
[Analyze grammar]

etasminnaṃtare so'pi saṃtapto madano bhṛśam |
icchāśarīro durjñeyo niḥsṛto vyasanātmakaḥ || 32 ||
[Analyze grammar]

sahakāratarormūle bhūtvā madhusakhastadā |
mumoca mohanaṃ nāma mārgaṇaṃ makaradhvajaḥ || 33 ||
[Analyze grammar]

sa cāpi hṛdaye prāpto madīye līlayā śaraḥ |
tatohaṃ kupito devi netraṃ kṛtvā tṛtīyakam || 34 ||
[Analyze grammar]

tannetravisphuliṃgena krośatāṃ nākavāsinām |
gamito bhasmasāttūrṇaṃ kaṃdarpaḥ kāmidarpakaḥ || 35 ||
[Analyze grammar]

tasmindagdhe tataḥ kāme ratiḥ śokaparāyaṇā |
vilalāpa suduḥkhārtā patibhaktiparāyaṇā || 36 ||
[Analyze grammar]

hā nātha hā mama prāṇa hā svāminkiṃ jahāsi mām |
pativratāṃ patiprāṇāṃ kasmānmāṃ tyajasi prabho || 37 ||
[Analyze grammar]

evaṃ ca vilapaṃtīṃ tāṃ vāguvā cāśarīriṇī |
mā tvaṃ ruda viśālākṣi punareṣa patistava |
prasādāddevadevasya utthāsyati śivasya ca || 38 ||
[Analyze grammar]

prārthito'haṃ tato devi tasminnavasare priye |
eṣa kāmastvayā dagdhaḥ krodhena parameśvara || 39 ||
[Analyze grammar]

yenānena prabho naṣṭā sṛṣṭirvai dharaṇītale |
kṛpāṃ vidhehi deveśa dīnāyai dehi me patim || 40 ||
[Analyze grammar]

tato'hamabruvaṃ devi tāṃ ratiṃ dīnabhāṣiṇīm |
anena madanenādya kṛtaṃ taralitaṃ manaḥ || 41 ||
[Analyze grammar]

tato dagdhaṃ mayāsyāṃgaṃ jīvaye tvatprasādataḥ |
aṃgaṃ dagdhaṃ mayāsyādya tṛtīyanetravahninā || 42 ||
[Analyze grammar]

tasmādanaṃga evaiṣa prajāsu vicariṣyati |
anaṃgo'pi yadāvaṃtyāṃ liṃgaṃ saṃsevayiṣyati || 43 ||
[Analyze grammar]

devānāmanukaṃpārthamanaṃgo'sau kṛto mayā |
tridaśaiśca samādiṣṭaḥ kāmo'vaṃtyāṃ jagāma ha || 44 ||
[Analyze grammar]

tatra gatvā hyanaṃgo'pi bhaktibhāvasamanvitaḥ |
dadarśa paramaṃ liṃgaṃ samīhitaphalapradam || 45 ||
[Analyze grammar]

proktaṃ tuṣṭena liṃgena kāma kāmamavāpsyasi |
anaṃgo'pi samarthastvaṃ bhaviṣyasi na saṃśayaḥ || 46 ||
[Analyze grammar]

janma prāpsyati rukmiṇyā garbhe kṛṣṇasya saṃgamāt |
bhavitā viśruto loke nāmnā śaṃbarasūdanaḥ || 47 ||
[Analyze grammar]

anaṃgena tvayā yasmānmanasā toṣi to'pi san |
tasmātkhyātiṃ gamiṣyāmi tvannāmnā kāma sarvadā || 48 ||
[Analyze grammar]

ye tvāṃ paśyaṃti kaṃdarpaṃ bhaktyā paramayā yutāḥ |
prāpnuvaṃti gatiṃ nityaṃ te sadānaṃdadāyikām || 49 ||
[Analyze grammar]

dīrghāyuṣo bhaviṣyaṃti rūpaṃ teṣāṃ bhaviṣyati |
kulaṃ ca nirmalaṃ teṣāṃ ye tvāṃ paśyaṃti manmatha || 50 ||
[Analyze grammar]

aiśvaryaṃ paramānbhogānstriyo divyakalānvitāḥ |
arogā saṃtatisteṣāṃ bhaviṣyati na saṃśayaḥ || 51 ||
[Analyze grammar]

caitraśuklatrayodaśyāṃ ye māṃ paśyaṃti bhaktitaḥ |
devalokaṃ samāsādya modiṣyaṃti hi te narāḥ || 52 ||
[Analyze grammar]

yakṣā gaṇeśvarāḥ siddhāḥ siddhagaṃdharvasevitāḥ |
rudralokaṃ gamiṣyaṃti vimānaiḥ sarvakāmikaiḥ || 53 ||
[Analyze grammar]

ityuktaḥ kāmadevopi liṃgena parameśvari |
tatrāśramapadaṃ cakre tasya liṃgasya saṃnidhau || 54 ||
[Analyze grammar]

eṣa te kathito devi prabhāvaḥ pāpanāśanaḥ |
kāmeśvarasya śṛṇvagre kuṭuṃbeśvaravaibhavam || 55 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe caturaśītiliṅgamāhātmye kāmeśvaramāhātmyavarṇanaṃnāma trayodaśo'dhyāyaḥ || 13 ||
[Analyze grammar]