Chapter 12

[English text for this chapter is available]

śrīhara uvāca |
dvādaśaṃ viddhi deveśi lokapāleśvaraṃ śivam |
yasya darśanamātreṇa sarvapāpaiḥ pramucyate || 1 ||
[Analyze grammar]

purā daityagaṇā devi prādurbhūtāḥ sahasraśaḥ |
hiraṇyakaśiporvakṣaḥsthalādatiparākramāḥ || 2 ||
[Analyze grammar]

tairiyaṃ vasudhā vyāptā saśailavanakānanā |
vidhvastāḥ svāśramāḥ sarve yajñā vidhvaṃsitāstathā || 3 ||
[Analyze grammar]

brāhmaṇā bhakṣitāścaiva veda vedāṃgapāragāḥ |
pūritānyagnikuṇḍāni pāṃsunā madhunā tathā || 4 ||
[Analyze grammar]

vidhvastāḥ kalaśāḥ sarve mṛdbhāṃḍādi ca cūrṇitam |
niḥsvādhyāyavaṣaṭkārā svadhāsvāhāvivarjitā || 5 ||
[Analyze grammar]

kṛtā ca dharaṇī devi naṣṭayajñotsavābhavat |
lokapālāstato bhītā mādhavaṃ śaraṇaṃ gatāḥ || 6 ||
[Analyze grammar]

ūcuḥ prāṃjalayaḥ sarve kṣudhārtā duḥkhitāḥ kṛtāḥ |
vayaṃ glāniṃ gatā deva yajñabhāgaṃ vinā kṛtāḥ || 7 ||
[Analyze grammar]

vayaṃ trātāstvayā pūrvaṃ namucervṛṣaparvaṇaḥ |
hiraṇyakaśipo raudrānnarakācca murostathā || 8 ||
[Analyze grammar]

tathā rakṣa suraśreṣṭha bhayaṃ naḥ samupasthitam || 9 ||
[Analyze grammar]

teṣāṃ tadvacanaṃ śrutvā śaṃkhacakragadādharaḥ |
jagāma sa tato daityāḥ praviṣṭā varuṇālayam || 10 ||
[Analyze grammar]

te niṣkramya tato rātrau nighnaṃti dvijasattamān |
tāpasāndīkṣitāndevi dharmavrataparāyaṇān || 11 ||
[Analyze grammar]

atha svargaṃ gatāḥ kāṃte jitaḥ śakro marutpatiḥ |
tathaiva dakṣiṇāmāśāṃ dharmarājo jitastataḥ || 12 ||
[Analyze grammar]

gatvātha paścimāmāśāṃ jalarājo vinirjitaḥ |
uttare dhanado devi tairdaityaiḥ sa vinirjitaḥ || 13 ||
[Analyze grammar]

tataste vyākulā jātā viṣṇuṃ śaraṇamāgatāḥ |
upāyaḥ kathito devi devebhyo viṣṇunā tadā || 14 ||
[Analyze grammar]

mahākālavanaṃ gatvā devā bhaktyā samāhitāḥ |
ārādhayata sarveśaṃ śaṃkaraṃ lokaśaṃkaram || 15 ||
[Analyze grammar]

bhavatāṃ bhavitā siddhistatra tasya prasādataḥ || 16 ||
[Analyze grammar]

iti tasya vacaḥ śrutvā kṛṣṇasyāmitatejasaḥ |
prasthitā lokapālāste mahākālavane śubhe || 17 ||
[Analyze grammar]

tāvattatraiva saṃruddhā daityaiḥ śastradharaistadā |
bhūyo naṣṭāśca saṃprāptā yatra devo janārdanaḥ || 18 ||
[Analyze grammar]

kathayāmāsuratyugraṃ yathā ruddhaṃ jagattrayam |
nārāyaṇena te proktā lokapālāḥ punaḥ punaḥ || 19 ||
[Analyze grammar]

yūyaṃ vratadharā bhūtvā kapālaiśca vibhūṣitāḥ |
khaṭvāṃgadhāriṇaḥ śāṃtāḥ paṃcamudrāvibhūṣitāḥ || 20 ||
[Analyze grammar]

bhasmabhūṣitasarvāṃgāḥ kṣudraghaṃṭāvirājitāḥ |
mahāvratadharā bhūtvā mahākālavano ttamam |
gacchadhvaṃ brahmaṇā sārddhaṃ pādabaddhaiśca nūpuraiḥ || 21 ||
[Analyze grammar]

atha te lokapālāśca śrutvā kṛṣṇasya bhāṣitam |
samāyātā mahādevi kṛtvā kāpālikaṃ vapuḥ || 22 ||
[Analyze grammar]

tatra dṛṣṭaṃ mahalliṃgaṃ tejasāṃ rāśimadbhutam |
stutaṃ ca vividhaiḥ stotrairlokapālaiḥ punaḥpunaḥ || 23 ||
[Analyze grammar]

tatastu tasya liṃgasya vahnijvālā viniḥsṛtā |
yayā te dānavāḥ sarve dagdhā bhasmatvamāgatāḥ || 24 ||
[Analyze grammar]

jñātvā liṃgasya māhātmyaṃ nāma cakruḥ samāhitāḥ |
sevitaṃ lokapālaistu liṃgaṃ tejomayaṃ param || 25 ||
[Analyze grammar]

lokapāleśvaronāma khyātiṃ yāsyati bhūtale |
ityuktvā tridaśāḥ sarve lokapālaiḥ samāvṛtāḥ |
svasvasthānaṃ gatā divyaṃ yathāpūrvaṃ mudānvitāḥ || 26 ||
[Analyze grammar]

ye paśyaṃti narā devi lokapāleśvaraṃ śivam |
samṛddhibhiḥ susaṃpannā bhaveyurjanmajanmasu || 27 ||
[Analyze grammar]

na dāridryaṃ na ca vyādhirnākālamaraṇaṃ tathā |
aiśvaryaṃ cātulaṃ teṣāṃ jāyate darśanātsadā || 28 ||
[Analyze grammar]

yo yamuddiśya vai kāmaṃ darśanaṃ tu kariṣyati |
tasya tajjāyate sarvaṃ mṛtasya paramā gatiḥ || 29 ||
[Analyze grammar]

aśvamedhasya yajñasya samyagiṣṭasya yatphalam |
tatphalaṃ labhate devi lokapāle śvarārcanāt || 30 ||
[Analyze grammar]

prasaṃgenāpi yaḥ paśyellokapāleśvaraṃ śivam |
modate svargaloke sa lokapālaiḥ samaṃ sadā || 31 ||
[Analyze grammar]

saṃkrāṃtau somavāre ca caturdaśyāṃ viśeṣataḥ |
ye paśyaṃti narā bhaktyā hyaṣṭamyāmayanadvaye || 32 ||
[Analyze grammar]

te durddharṣā bhavaṃtīha śatrūṇāṃ saṃgare tathā |
mṛtā yāṃti vimānena śakralokaṃ sudurlabham || 33 ||
[Analyze grammar]

krameṇa vāruṇaṃ lokaṃ dhanadasya yathāsukham |
punaḥ paitāmahaṃ yāṃti lokaṃ devaiḥ sudurlabham || 34 ||
[Analyze grammar]

eṣa te kathito devi prabhāvaḥ pāpanāśanaḥ |
durlabhaḥ paramo guhyaṃ kāmeśvaramatho śṛṇu || 35 ||
[Analyze grammar]