Chapter 7

[English text for this chapter is available]

śrīmahādeva uvāca |
triviṣṭapeśvaraṃ devi saptamaṃ parvatātmaje |
yasya darśanamātreṇa labhyate tattriviṣṭapam || 1 ||
[Analyze grammar]

purā vārāhakalpe tu devarṣirnārado'malaḥ |
triviṣṭapaṃ gato devi draṣṭukāmaḥ śatakratum || 2 ||
[Analyze grammar]

tatrodyānavane ramye kalpavṛkṣairvirājite |
sarvatra kusumāmodasukhasparśānilākule || 3 ||
[Analyze grammar]

vīṇāveṇuravairghuṣṭe devagaṃdharvasevite |
vajreṃdranīlavaidūryacaṃdrakāṃtādidīpite || 4 ||
[Analyze grammar]

brahmalokādibhirlokairanaupamyaguṇe śubhe |
dadarśa tatra deveśamupaviṣṭaṃ śatakratum |
stūyamānaṃ mudā devaiḥ si ddhacāraṇakinnaraiḥ || 5 ||
[Analyze grammar]

pṛṣṭastu nārado devi vāsavena mahāmuniḥ |
kathayāmāsa māhātmyaṃ mahākālavanasya ca || 6 ||
[Analyze grammar]

mahākālavanaṃ ramyaṃ sadānaṃdakaraṃ śubham |
sevyaṃ puṇyaṃ pavitraṃ ca tīrthānāmuttamottamam || 7 ||
[Analyze grammar]

puṇyaṃ paśyaṃti ye lokā mahākālavanaṃ śubham |
brahmahatyādikaṃ pāpaṃ teṣāṃ naśyati niści tam || 8 ||
[Analyze grammar]

svayaṃ tiṣṭhati devo'tra sarvabhūtagaṇairvṛtaḥ |
tasmāttattīrthamukhyānāṃ pravaraṃ kathyate budhaiḥ || 9 ||
[Analyze grammar]

pṛthivyāṃ naimiṣaṃ puṇyaṃ sarvapāpapraṇāśanam |
tasmāddaśaguṇaṃ proktaṃ puṣkaraṃ tīrthamuttamam || 10 ||
[Analyze grammar]

tato daśaguṇaṃ proktaṃ prayāgaṃ sarvakāmikam |
tasmāddaśaguṇaṃ proktaṃ vikhyātamamareśvaram || 11 ||
[Analyze grammar]

prācī sarasvatī puṇyā tasmāddaśaguṇā smṛtā |
tasmādaśaguṇaṃ proktaṃ gayākūpaṃ viśiṣyate || 12 ||
[Analyze grammar]

tasmāddaśaguṇaṃ devi kurukṣetraṃ viśiṣyate |
kurukṣetrāddaśaguṇā puṇyā vārāṇasī tathā || 13 ||
[Analyze grammar]

tasyā daśaguṇaṃ śreṣṭhaṃ mahākālaṃ viśiṣyate |
mahākālavanaṃ śakra kila trailokyabhūṣaṇam || 14 ||
[Analyze grammar]

ṣaṣṭi koṭisahasrāṇi ṣaṣṭikoṭiśatāni ca |
liṃgāni tatra vidyaṃte bhuktimuktikarāṇi ca || 15 ||
[Analyze grammar]

śaktayo nava koṭyastu tasminkṣetre vasanti hi || 16 ||
[Analyze grammar]

kṛmikīṭapataṃgāśca mṛtā yatra tataḥ kratau |
yāṃti divyairvimānaiśca rudralokaṃ sanātanam |
māhātmyamadbhutaṃ śrutvā nāradātsurasattamaḥ || 17 ||
[Analyze grammar]

sarvadeva gaṇaiḥ sārddhamājagāma tvarānvitaḥ |
vāsavaḥ śrīmahākālavanaṃ harṣasamanvitaḥ || 1 ||
[Analyze grammar]

dṛṣṭvā tathāvidhaṃ ramyaṃ mahākālavanaṃ śubham |
triviṣṭapādapyadhikaṃ pralaye'pyakṣayaṃ smṛtam || 19 ||
[Analyze grammar]

vicitrāṇi ca harmyāṇi kāṃcanāni śubhāni ca |
prāsādāḥ śataśo bhaumamaṇividrumabhūṣitāḥ || 20 ||
[Analyze grammar]

vajreṃdranīlaracitāḥ śuddhasphaṭikasaṃnibhāḥ |
toraṇāni vicitrāṇi māṇikyaracitāni ca |
dṛṣṭvā tathāvidhaṃ ramyaṃ mahākālavanottamam || 21 ||
[Analyze grammar]

nāradaṃ praśaśaṃsuste sarve devā mudānvitāḥ |
devarṣīṇāṃ mahāprājñā yeneyaṃ kathitā kathā || 22 ||
[Analyze grammar]

na kailāsaṃ gamiṣyāmo na ca meruṃ tathāvidham |
na maṃdaraṃ gamiṣyāmo na yāsyāmastriviṣṭapam || 23 ||
[Analyze grammar]

eṣāmarāvatī śreṣṭhā hyeṣā bhogavatī śubhā |
eṣā paitāmaho loko viṣṇulokastathaiva ca || 24 ||
[Analyze grammar]

etasminnaṃtare devi śūnyaṃ jātaṃ triviṣṭapam |
jñātvā śūnyamathātmānaṃ ciṃtayitvā punaḥpunaḥ |
gamanāya matiṃ cakre kṛtvā dehamathātmanaḥ || 25 ||
[Analyze grammar]

tyaktvā māṃ tridaśāḥ sarve mahākālavanaṃ gatāḥ |
ahaṃ tatraiva yāsyāmi yatra te tridaśā gatāḥ || 26 ||
[Analyze grammar]

ityuktvā tatkṣaṇaṃ prāpto mahākālavanottame |
kautukātso'tha vai śreṣṭhaṃ tīrthaṃ tatrāpi bhūtale |
dadarśa ramaṇīyaṃ tairdevaiḥ parivṛtaṃ tadā || 27 ||
[Analyze grammar]

etasminneva kāle tu vāguvācāśarīriṇī |
bhobhostriviṣṭapātraiva svanāmnā sthāpayasva mām |
karkoṭakasya pūrve tu mahāmāyāśca dakṣiṇe || 28 ||
[Analyze grammar]

ityukto devadevena hṛṣṭastadgatacetasā |
svanāmnā sthāpayāmāsa devaṃ triviṣṭapeśvaram || 29 ||
[Analyze grammar]

pūjayitvā śubhaiḥ puṣpairuvācedaṃ varānane |
adyaprabhṛti bhūrloko nāmnā khyātiṃ gamiṣyati || 30 ||
[Analyze grammar]

ye tvāṃ paśyaṃti yatnena api duṣkṛta kāriṇaḥ |
te yāsyaṃti paraṃ sthānaṃ divyālaṃkārabhūṣitāḥ || 31 ||
[Analyze grammar]

aṣṭamyāṃ ca caturddaśyāṃ saṃkrāṃtau vā viśeṣataḥ |
yaḥ kariṣyati pūjāṃ ca bhaktiyukto hi mānavaḥ || 32 ||
[Analyze grammar]

vimānavaramāsthāya kāmagaṃ ratnabhūṣitam |
uditādityasaṃkāśaṃ matsamīpe vasiṣyati || 33 ||
[Analyze grammar]

kiṃ dānairvividhairdattaiḥ kiṃ yajñairvividhaiḥ kṛtaiḥ |
te prāpsyaṃti phalaṃ sarvaṃ ye tvāṃ drakṣyaṃti bhaktitaḥ || 34 ||
[Analyze grammar]

yaṃyaṃ kāmamabhidhyāya pūjayiṣyaṃti mānavāḥ |
tattanmanorathaprāptirbhaviṣyati na saṃśayaḥ || 35 ||
[Analyze grammar]

tridaśaiśca punaḥ proktaṃ dṛṣṭvā malliṃgamuttamam |
triviṣṭapena dhanyena sthāpitaṃ devamīśvaram || 36 ||
[Analyze grammar]

pūjayiṣyaṃti ye dhanyā devaṃ triviṣṭapeśvaram |
teṣāṃ vāso'kṣayo divyo bhaviṣyati triviṣṭape || 37 ||
[Analyze grammar]

ityuktvā pūjayāmāsa bhūyo liṃgaṃ triviṣṭapam |
sārddhaṃ triviṣṭapenaiva punaḥ sthānaṃ svakaṃ gataḥ || 38 ||
[Analyze grammar]

eṣa te kathito devi prabhāvaḥ pāpanāśanaḥ |
śravaṇātkīrttanādvāpi svargaloko'kṣayo bhavet || 39 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe caturaśītiliṅgamāhātmye triviṣṭapeśvaramāhātmyavarṇanaṃnāma saptamo 'dhyāyaḥ || 7 ||
[Analyze grammar]