Chapter 5

[English text for this chapter is available]

śrīrudra uvāca |
anādikalpeśvaraṃ devaṃ paṃcamaṃ viddhi pārvati |
sarvapāpaharaṃ nityamanādirgīyate sadā || 1 ||
[Analyze grammar]

kalpasyādau purā devi liṃgametadvinirgatam |
yadā nāgnirna cādityo na bhūmirna diśo na kham || 2 ||
[Analyze grammar]

na vāyurna jalaṃ caiva na dyaurne ndurgrahā na ca |
na devāsuragaṃdharvā na piśācā na rākṣasāḥ || 3 ||
[Analyze grammar]

ato liṃgātsamudbhūtaṃ jagatsthāvarajaṃgamam |
kālena ca layaṃ yāti liṃge'sminparvatātmaje || 4 ||
[Analyze grammar]

asmālliṃgātsamudbhūtā vaṃśā devarṣipaitṛkāḥ |
manvaṃtarāṇi vaṃśāni vaṃśyānucaritaṃ ca yat || 5 ||
[Analyze grammar]

yāvatyaḥ sṛṣṭayaścaiva yāvaṃtaḥ pralayāstathā |
samudrāḥ parvatāścaiva nimnagāḥ kānanāni ca || 6 ||
[Analyze grammar]

bhūrlokādyāśca ye lokāḥ pātālāḥ sapta ye smṛtāḥ |
gatistathārkasomādigraharkṣa jyotiṣāmapi || 7 ||
[Analyze grammar]

dṛśyādṛśyaṃ ca tatsarvamato liṃgādvarānane |
anādikāraṇaṃ yattadavyaktākhyaṃ maharṣayaḥ |
yadāhuḥ puruṣaṃ sūkṣmaṃ nityaṃ sadasadā tmakam || 8 ||
[Analyze grammar]

dhruvamakṣayamajaramameyaṃ nānyasaṃśrayam |
gaṃdharūparasairhīnaṃ śabdasparśavivarjitam || 9 ||
[Analyze grammar]

anādyaṃtaṃ jagadyoniṃ triguṇaprabhavāvyayam |
asādṛśyamavijñeyaṃ liṃgaṃ proktaṃ maharṣibhiḥ || 10 ||
[Analyze grammar]

pralayasyāṃte tenedaṃ divyamāsīdaśeṣataḥ || 11 ||
[Analyze grammar]

ahamurvyāṃ prabuddhastu jagadādiranādimān |
sarvaheturaciṃtyātmā paraḥ ko'pyaparakriyaḥ || 12 ||
[Analyze grammar]

prakṛtiṃ puruṣaṃ caiva pradarśyāśu jagatpatiḥ |
kṣobhayāmāsa yogena pareṇa parameśvaraḥ || 13 ||
[Analyze grammar]

yathā saṃnidhimātreṇa gaṃdhaḥ kṣobhāya jāyate |
manaso nopakartṛtvāttathāsau parameśvaraḥ |
anādiḥ kathyate devo jagatkāraṇatatparam || 14 ||
[Analyze grammar]

pradhānaṃ kṣobhyamāṇaṃ tu tena liṃgena pārvati |
jāyate bhuvanādhāro brahmāṃḍa iti viśrutaḥ || 15 ||
[Analyze grammar]

yasminnaṃḍe jagatsarvaṃ sadevāsuramānuṣam |
utpannaṃ ca vilīnaṃ ca yasyāṃto'pi na labhyate || 16 ||
[Analyze grammar]

sa eva kṣobhakaḥ pūrvaṃ sa kṣobhyaḥ pṛthivīpatiḥ |
sa saṃkocavikāsābhyāṃ pradhānatve vyavasthitaḥ || 17 ||
[Analyze grammar]

utpannaḥ sa jagannātho nirguṇo'pi rajoguṇaḥ |
bhuṃjanpravartate sargaṃ brahmatvaṃ samupāgataḥ || 18 ||
[Analyze grammar]

brahmatve sṛjate lokāṃstataḥ sattvātirekataḥ |
viṣṇutvametya dharmeṇa karoti paripālanam || 19 ||
[Analyze grammar]

tatastamoguṇodbhinno rudratvenākhilaṃ jagat |
upasaṃhṛtya vai śete trailokyaṃ triguṇo'guṇaḥ || 20 ||
[Analyze grammar]

yathā prāgvāpakaḥ kṣetrī pālako lāvakastathā |
sa saṃjñā yāti tadvacca brahmaviṣṇutvarudratāḥ || 21 ||
[Analyze grammar]

brahmatve sṛjate lokānudratve saṃharatyapi |
viṣṇutve pāti tānsarvāṃstisro'vasthāḥ smṛtāḥ sadā || 22 ||
[Analyze grammar]

rajo brahmā tamo rudraḥ sattvaṃ viṣṇurjagatpatiḥ |
eta eva trayo vedā eta eva trayo narāḥ || 23 ||
[Analyze grammar]

kalpe kalpe hyanādistu gīyate tridaśaiḥ sadā |
pitṛbhiśca gaṇaiḥ siddhairato'nādikalpeśvaraḥ || 24 ||
[Analyze grammar]

nāma prāptaṃ viśālākṣi mahākālavanaṃ sadā |
yadā jāto vivādastu brahmaṇaḥ keśavasya ca || 25 ||
[Analyze grammar]

ahaṃ jyāyānahaṃ jyāyānkalpādau sṛṣṭikāraṇāt |
divyā samutthitā vāṇī nirālaṃbā tadāṃbarāt || 26 ||
[Analyze grammar]

mahākālavane liṃgaṃ kalpeśvareti saṃjñakam |
tasyādimathavāṃtaṃ ca yaḥ paśyati sa ca prabhuḥ |
bhaviṣyati na saṃdeho na vādaḥ kriyatā miti || 27 ||
[Analyze grammar]

tato devi gato brahmā ūrddhvalokamanaṃtakam |
adholokaṃ gato viṣṇustena vākyena satvaram || 28 ||
[Analyze grammar]

nādirdṛṣṭo na cāṃtaśca brahmaṇā keśavena tu |
tadā tau vismayāpannau tuṣṭuvāte parasparam || 29 ||
[Analyze grammar]

vedoktasūktairvividhairabhinaṃdya puraḥsthitau |
nādirasti na cāṃtaśca na ca kalpo'tra dṛśyate || 30 ||
[Analyze grammar]

tasmādanādikalpo'yamadyaprabhṛti bhūtale |
khyātiṃ yāsyati nāmnā ca mahākālavanottame || 31 ||
[Analyze grammar]

pañcapātakasaṃyukto yo martyo duṣṭamānasaḥ |
so'pi gacchecchivaṃ dṛṣṭvānādikalpeśvaraṃ śivam || 32 ||
[Analyze grammar]

śivamastu sadā teṣāṃ yeṣāṃ tvaṃ darśanaṃ gataḥ |
te dhanyā mānuṣe loke ye tvāṃ śaraṇāgatāḥ || 33 ||
[Analyze grammar]

sarvatīrthābhiṣekaistu yatpuṇyaṃ prāpyate naraiḥ |
tatsarvamadhikaṃ deva labhyate tava darśanāt || 34 ||
[Analyze grammar]

tāvatpataṃti saṃsāre sukhaduḥkhasamākule |
tāvanna dṛśyate deva saṃsārārṇavatārakaḥ || 35 ||
[Analyze grammar]

yadā pāpakṣayaḥ puṃsāṃ tadā tvaddarśanaṃ bhavet || 36 ||
[Analyze grammar]

brahmahā vā surāpo vā steyī ca gurutalpagaḥ |
tatsaṃsargī naro yastu mahākilbiṣakārakaḥ |
so'pi yāti paraṃ sthānaṃ punarāvṛttivarjitam || 37 ||
[Analyze grammar]

yatphalaṃ cāśvamedhena rājasūyena yatphalam |
tatphalaṃ samavāpnoti tava deva samarcanāt || 38 ||
[Analyze grammar]

te narāḥ paśavo loke teṣāṃ janma nirarthakam |
yairna dṛṣṭo mahādevo'nā dikalpeśvaraḥ śivaḥ || 39 ||
[Analyze grammar]

ityuktvā keśavo devo brahmā caiva varānane |
vāme dakṣiṇabhāge ca tasya liṃgasya saṃsthitau || 40 ||
[Analyze grammar]

eṣa te kathito devi prabhāvaḥ pāpanāśanaḥ |
yasya śravaṇamātreṇa labhyate paramaṃ padam || 41 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvantyakhaṃḍe caturaśītiliṃgamāhātmye'nādikalpeśvaramāhātmyavarṇanaṃnāma paṃcamo'dhyāyaḥ || 5 ||
[Analyze grammar]