Chapter 62

[English text for this chapter is available]

| vyāsa uvāca |
gomatīkuṇḍaṃ tvayā proktaṃ purā brahmansanātanam |
kasminkāle kadā jātaṃ tanno vada suvistarāt || 1 ||
[Analyze grammar]

sanatkumāra uvāca |
śṛṇuṣva bho mahāprājña kathāṃ pāpaharāṃ parām |
gomatīkuṇḍodbhavāṃ puṇyāṃ purā rudreṇa bhāṣitām || 2 ||
[Analyze grammar]

naimiṣe ca samāsīnā ṛṣayaḥ śaunakādayaḥ |
kathayaṃti kathāṃ puṇyāṃ sarvatīrthodbhavāṃ śubhām || 3 ||
[Analyze grammar]

tasminnavasare puṇye kāśīmāhātmyamuttamam |
kathitaṃ nāradenaiva pavitraṃ pāpahārakam || 4 ||
[Analyze grammar]

ūṣaraḥ puṇya pāpānāṃ dhanyā vārāṇasī purī |
dhruvaṃ labhaṃte mokṣaṃ ca samaṃ caṃḍālapaṃḍitāḥ || 5 ||
[Analyze grammar]

asīvaruṇayormadhye paṃcakrośī mahāphalam |
amarā maraṇamicchanti kā kathā itare janāḥ || 6 ||
[Analyze grammar]

iti smṛtvā tadā vyāsa svayaṃbhūḥ pratyabhāṣata |
śṛṇvatāṃ sarvadevānāmṛṣīṇāṃ ca paraṃtapa || 7 ||
[Analyze grammar]

nadī na gomatītulyā kṛṣṇatulyā na devatā |
sarvapātālabhūmadhye na dvārakāsamā purī || 8 ||
[Analyze grammar]

iti te niścayaṃ jñātvā ṛṣayaḥ śaunakādayaḥ |
yatra tatra sthitāḥ sarve prātaḥsaṃdhyāmupāsitum || 9 ||
[Analyze grammar]

tatraiva gomatītīre cakruste lā dhṛtavratāḥ |
sāṃdīpano'pi tatraiva prātaḥsaṃdhyāṃ samācarat || 10 ||
[Analyze grammar]

evaṃ bahutithe kāle caratastasya vai vratam |
sāṃdīpanasya vai vyāsa hyavaṃtīpuravāsinaḥ || 11 ||
[Analyze grammar]

tasyaiva kāmapūrtyarthaṃ vidyārthinau rāmajanārdanau |
samāyātau sukumārāṃgau satataṃ brahmacāriṇau || 12 ||
[Analyze grammar]

nivāsaṃ cakratustasya gurorgehe paraṃtapa |
tasya pāṭhayataḥ samyagvidyāṃ sarvaśrutīḥ param || 13 ||
[Analyze grammar]

uṣasyuṣasi tatraiva dṛśyate na tadā guruḥ |
vidyopadeśakālo'yaṃ kva gato nau gururvaraḥ || 14 ||
[Analyze grammar]

iti pṛṣṭe tayorevaṃ gurupatnī hyuvāca ha |
sadaiva kurute vatsa prātaḥsaṃdhyādyupāsa nam || 15 ||
[Analyze grammar]

tatraiva yāti vai nityaṃ guruste snānakāraṇāt |
gomatī vai saricchreṣṭhā dvārakāyāṃ ca pāvanī || 16 ||
[Analyze grammar]

iti śrutvā tadā kṛṣṇo rāmeṇa saha saṃyutaḥ |
kiṃ kartavyamihāsmābhirātmano hitamuttamam || 17 ||
[Analyze grammar]

gurorāgamanaṃ kāṃkṣe atraiva sthitikāṃkṣayā |
etasminneva kāle tu sāṃdīpaniragā dgṛham || 18 ||
[Analyze grammar]

tata utthāya tau vīrau gurorāvaṃdanaṃ tataḥ |
praśrayāvanatau kṛtvā hyabrūtāṃ vacanaṃ gurum || 19 ||
[Analyze grammar]

śrūyatāṃ bho mahāyoginnasmākaṃ vāsakāra ṇam |
vidyārthināviha prāptau yuṣmākaṃ ca gṛhottame || 20 ||
[Analyze grammar]

prātaḥkāle ca te brahmansamayo nāsti nau prabho |
etacchutvā vacastasya kṛṣṇasya ca balasya ca || 21 ||
[Analyze grammar]

uvāca bhagavānvyāsa ātmano vratakāraṇam |
asmākaṃ paramaṃ vatsa vrataṃ vai śāśvataṃ matam || 22 ||
[Analyze grammar]

gomatīsnānaṃ kartavyaṃ prātaḥkāle sadā budhaiḥ |
tatraivopāsanaṃ puṇyaṃ saṃdhyāyā iti niścitam || 23 ||
[Analyze grammar]

iti niścitya yuṣmābhiryadyogyaṃ kriyatāṃ tathā |
tacchrutvā bhagavānviṣṇurmāyāmānuṣarūpavān || 24 ||
[Analyze grammar]

gomatyārādhanaṃ cakre kuśasthalyāṃ dvijottama |
yatra śiveśvaro devo yajñakuṇḍamanuttamam || 25 ||
[Analyze grammar]

kaṃthaḍeśvarasyottare bhāge gomatī sā samāgatā |
pātālatalamābhedya sarasvatyā sahāgatā || 26 ||
[Analyze grammar]

prātarutthāya te sarve gomatīṃ saritāṃ varām |
dadṛśuḥ sucirāpāṃgīṃ vyāsa svāśramagāminīm || 27 ||
[Analyze grammar]

śrīkṛṣṇa uvāca |
atraiva cāgatā brahmangomatī saritāṃvarā |
snānadānādikaṃ sarvamatraiva samupāsaya || 28 ||
[Analyze grammar]

gomatyatra samālīnā yajñakuṇḍe sarasvatī |
tadāprabhṛti loke'smingomatīkuṇḍamucyate || 29 ||
[Analyze grammar]

sarveṣāmapi lokānāṃ mārgo' traiva ca vidyate |
tasmādvyāsa mahāpuṇyaṃ bhuvi tīrthamanuttamam || 30 ||
[Analyze grammar]

gomatīkuṇḍamākhyātaṃ sarvapāpapraṇānaśanam |
bhādre māsyasitā'ṣṭamyāṃ kṛṣṇa janmasamudbhavam || 31 ||
[Analyze grammar]

tatra snātvā naro nityaṃ rātrau jāgaraṇaṃ caret |
upoṣya vidhivadvyāsa saśiṣyaṃ vyāsamarcayet || 32 ||
[Analyze grammar]

vaiṣṇavāṃśca narāṃścaiva kṛṣṇajanmotsukānvarān |
nānāsugaṃdhapuṣpādyairvastrālaṃkārasaṃyutaiḥ || 33 ||
[Analyze grammar]

gobrāhmaṇānāṃ pūjāśca kriyate yaiḥ samāhitaiḥ |
na teṣāṃ durlabhaṃ kiṃcitsarvalokeṣu vidyate || 34 ||
[Analyze grammar]

gomatīsnānajātpuṇyādvāsudevasamāgamāt |
manorathaphalaprāptirjāyate nā'tra saṃśayaḥ || 35 ||
[Analyze grammar]

tathā caitrasite pakṣe yāvaccaikādaśī bhavet |
taddine ca naraḥ snātvā gomatyāṃ ca viśeṣataḥ || 36 ||
[Analyze grammar]

rātrau jāgaraṇaṃ kṛtvā viṣṇupūjāṃ tathaiva ca |
āmalakīṃ tato gatvā pradakṣiṇātpadepade || 37 ||
[Analyze grammar]

gosahasraphalaṃ teṣāṃ prāpyate nā'tra saṃśayaḥ |
ye śṛṇvaṃti kathāṃ puṇyāṃ pavitrāṃ pāpahāriṇīm || 38 ||
[Analyze grammar]

sarvapāpavinirmuktā viṣṇulokaṃ prayāṃti te || 39 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ pañcama āvaṃtyakhaṇḍe'vantīkṣetramāhātmye gomatītīrthakuṇḍamāhātmyavarṇanaṃnāma dviṣaṣṭitamo'dhyāyaḥ || 62 ||
[Analyze grammar]