Chapter 29

[English text for this chapter is available]

| sanatkumāra uvāca |
tīrthasyā'narakasyāsya māhātmyaṃ śṛṇu sāṃpratam |
tīrthe cānarake snātvā dṛṣṭvā devaṃ maheśvaram |
na paśyennarakaṃ kvāpi yadyapi brahmahā bhavet || 1 ||
[Analyze grammar]

vyāsa uvāca |
kiyaṃto narakāstāta kasminsthāne pratiṣṭhitāḥ |
patanti kena pāpena pāpinasteṣu duḥkhitāḥ || 2 ||
[Analyze grammar]

tatkathaṃ prāṇinastatra gacchanti pāpakāriṇaḥ |
etatsarvaṃ samākhyāhi yadi tuṣṭo'si me prabho || 3 ||
[Analyze grammar]

sanatkumāra uvāca |
śṛṇuṣva narakānvyāsa tāvanto yatra saṃsthitāḥ |
na labhyaṃte yathā caite satyametadvadāmi te || 4 ||
[Analyze grammar]

pātālani layāḥ sarve vikhyātā duḥkhadāḥ sadā |
puṇyaplāvena te sarve tiryagyāṃti svakarmabhiḥ || 5 ||
[Analyze grammar]

rauravaḥ sūkaro raudrastālo vinaśakastathā |
taptakumbhastu taptāyo mahājvālastathaiva ca || 6 ||
[Analyze grammar]

kuṃbhīpākaḥ krakacanastathā devātidāruṇaḥ |
kṛmibhuktiśca raktākhyo lālābhakṣaśca gaṃḍakaḥ || 7 ||
[Analyze grammar]

adhomukhaścāsthibhaṃgo yaṃtrapīḍanakastathā |
saṃdaṃśo rudhirāṃgaśca śvabhojyaśca kubhojanaḥ || 8 ||
[Analyze grammar]

ityevamādayaḥ sarve narakā bhṛśadāruṇāḥ |
yamasya viṣaye saṃti stutā hi bhayadāyinaḥ || 9 ||
[Analyze grammar]

pataṃti puruṣāsteṣu pāpakarmaratāśca ye |
patitāśca prapacyaṃte narāḥ karmānurūpataḥ || 10 ||
[Analyze grammar]

yātanābhirvicitrābhī raudrakarma kṣayādbhṛśam |
sugāḍhaṃ hastayorbaddhāstaptaśṛṃkhalayā narāḥ || 11 ||
[Analyze grammar]

mahāvṛkṣāgraśṛṃgeṣu laṃbyaṃte yamakiṃkaraiḥ |
śocaṃtaḥ svāni karmāṇi tūṣṇīṃ tiṣṭhaṃti niścalāḥ || 12 ||
[Analyze grammar]

agnivarṇaiḥ śaṃkubhiśca lohadaṃḍaiḥ sakaṃṭakaiḥ |
hanyaṃte kiṃkarairghoraiḥ samaṃtātpāpakāriṇaḥ || 13 ||
[Analyze grammar]

tattatkṣaṇātpradīptena vahninā ca viśeṣataḥ |
samaṃtataḥ prakṣipyaṃte kṛttāśca jarjarīkṛtāḥ || 14 ||
[Analyze grammar]

kūṭasākṣī tathā'samyakpakṣapātena yo vadet |
yaścānyadanṛtaṃ brūyātsa naro yāti rauravam || 15 ||
[Analyze grammar]

surāpo brahmahā hartā suvarṇasya ca sūcakaḥ |
prayāṃti narakāṃścaiva taiḥ saṃsargamupaiti yaḥ || 16 ||
[Analyze grammar]

bhrūṇahā guruhaṃtā ca goghnaśca munisattama |
yāṃtyete narakaṃ raudraṃ ye ca viśvāsaghātakāḥ || 17 ||
[Analyze grammar]

taptaloṣṭheṣu pacyaṃte yastu bhaktaṃ parityajet |
snuṣāṃ sutāṃ ca yo gacchenmahā jvāle sa pātyate || 18 ||
[Analyze grammar]

kuṃbhīpāke prayātyeva pādairūrdhvairadhomukhaḥ |
karoti karma vai nityaṃ yaśca gāṃ pratiṣedhayet || 19 ||
[Analyze grammar]

svāmidrohī ca yo raudrastaptakuṃbhe sa pātyate |
devadūṣayitā yaśca vedavikrayikastathā || 20 ||
[Analyze grammar]

parastrīgāmino ye ca yāṃti krakacane tu te |
cauro'tidāruṇe yāti maryādābhedakastathā || 21 ||
[Analyze grammar]

devadvijapitṛdveṣṭā ratnadūṣayitā ca yaḥ |
sa yāti kṛmibhakṣe vai raktākhye ca pataṃti te || 22 ||
[Analyze grammar]

pitṛdevagurūṇāṃ ca saparyāṃ na karoti yaḥ |
lālābhakṣe sa yātyugre kūṭakarma karoti yaḥ || 23 ||
[Analyze grammar]

aṃtyajebhyo grahītā ca narake yātyadhomukhe |
asthibhaṃge prayātyeva eko miṣṭānnabhuṅnaraḥ || 24 ||
[Analyze grammar]

kṛtaghnaḥ piśunaḥ krūraḥ kūṭamānī viḍaṃbakaḥ |
yaṃtrapīḍanake yāti paraguhyaprakāśakaḥ || 25 ||
[Analyze grammar]

lākṣāmāṃsarasānāṃ ca tilānāṃ rasakasya ca |
vikrayī brāhmaṇo yāti śvadaṃśe nātra saṃśayaḥ || 26 ||
[Analyze grammar]

madhuhā grāmahaṃtā ca yāti vaitaraṇīṃ naraḥ |
varṇāśramaviruddhaṃ ca karma kurvaṃti ye narāḥ || 27 ||
[Analyze grammar]

karmaṇā manasā vācā mahānadyāṃ prayāṃti te |
gurūṇāmavamaṃtā ca śāstradūṣayitā ca yaḥ || 28 ||
[Analyze grammar]

asipatre prayātyeva tathā parvavilaṃghakaḥ |
dhanayauvanamattā ye maryādābhedino narāḥ || 29 ||
[Analyze grammar]

te yāṃti narake ghore kṛṣṇasūtre'tidāruṇe |
asaṃskṛtaśca yo vipro vṛṣalīṃ sevate tu vai || 30 ||
[Analyze grammar]

vṛṣalīmithuno yaśca patatastāvubhāvapi |
ucchiṣṭā ye spṛśaṃtīha gāvo'gniṃ jananīṃ dvijān || 31 ||
[Analyze grammar]

te pacyaṃte kubhojye ca mitra dveṣī viśeṣataḥ |
paṃktibhede divāsvapre ye naro'brahmacāriṇaḥ || 32 ||
[Analyze grammar]

putrairadhyāpitā ye tai te pataṃti śvabhojane |
ete cānye ca narakāḥ śataśo' tha sahasraśaḥ || 33 ||
[Analyze grammar]

tatra duṣkṛtakarmāṇaḥ pacyaṃte yātanāgatāḥ |
nṛṇāṃ svargāśca yāvaṃtastāvaṃto nirayāstathā || 34 ||
[Analyze grammar]

pāpaṃ kṛtvā tu bahulaṃ prāyaścittaparāṅmukhāḥ |
kṛte pāpe ca vai tāpo yasya puṃsaḥ prajāyate || 35 ||
[Analyze grammar]

prāyaścittaṃ tu tasyaikaṃ śivasaṃsmaraṇaṃ param |
tasmādaharniśaṃ śaṃbhuṃ saṃsmaranpuruṣottamaḥ || 36 ||
[Analyze grammar]

na yāti narakaṃ śuddhaḥ saṃkṣīṇākhilapātakaḥ |
kārtikasyāsite pakṣe kṛṣṇā yā ca caturdaśī |
tasyāṃ dīpaḥ pradātavyo devadevasya cāgrataḥ || 37 ||
[Analyze grammar]