Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

| vyāsa uvāca |
guhyasthāne pavitrāṇi kīrtitāni tvayā mune |
pramāṇaṃ kathayasvādya mahākālavanasya me || 1 ||
[Analyze grammar]

sanatkumāra uvāca |
yathāśrutaṃ mayā pūrvaṃ gadato brahmaṇaḥ svayam |
tatte'haṃ saṃpravakṣyāmi śṛṇu tvaṃ gadato mama || 2 ||
[Analyze grammar]

yojanasyaiva paryaṃtaṃ caturdikṣūpaśobhitam |
sauvarṇaistoraṇaiścaiva muktādāmavilaṃbibhiḥ || 3 ||
[Analyze grammar]

dvārāṇi tatra śobhaṃte kāṃcanaiḥ kalaśaiḥ sthitaiḥ |
sitapadmamukhairdvārairanekamaṇimaṃḍitaiḥ || 4 ||
[Analyze grammar]

maheśvaraprayuktāśca dvārādhyakṣā mahābalāḥ |
dvāreṣu teṣu śobhaṃte lokānugrahakārakāḥ || 5 ||
[Analyze grammar]

piṃgaleśaḥ sthitaḥ pūrve bālarūpo vibhāvasuḥ |
tīrthasyābhimukho gauro gururgaṇairathānugaḥ || 6 ||
[Analyze grammar]

dakṣiṇe'pi mahāyogī kāyāvarohaṇeśvaraḥ |
vitteśaḥ paścime dvāre kṣetrasyābhimukhaḥ sthitaḥ || 7 ||
[Analyze grammar]

niyukto vai maheśena vāruṇīṃ diśamāsthitaḥ |
uttarāṃ diśamāśritya sthitaścaivottareśvaraḥ || 8 ||
[Analyze grammar]

sādhakaḥ sarvakāryāṇāmādiṣṭaḥ śaṃkareṇa saḥ |
mānavā ye vasaṃtyatra kṣetramadhye sudhārmikāḥ || 9 ||
[Analyze grammar]

mṛtā rudrapuraṃ yāṃti vimānaiḥ sārvakāmikaiḥ |
kṛṣṇapakṣe caturdaśyāmatha vārkendusaṃgame || 10 ||
[Analyze grammar]

paṃceśānīṃ namaskṛtya pratilomānu lomataḥ |
upoṣito dinaikena dhyāyamāno maheśvaram || 11 ||
[Analyze grammar]

mucyate sarvapāpaistu bahujanmakṛtairapi |
evaṃ ca vipra yo yātrāṃ paṃceśānīṃ samārabhet || 12 ||
[Analyze grammar]

anenaiva svadehena rudralokaṃ sa gacchati |
paṃceśānīmathānyāṃ te sukhena kriyate yathā || 13 ||
[Analyze grammar]

tathā śṛṇu pravakṣyāmi sarvapāpapraṇāśinīm |
prātaḥ snātvā rudrasarasyekādaśyāṃ samāhitaḥ || 14 ||
[Analyze grammar]

śrāddhaṃ kṛtvā mahākālaṃ natvā ceśānamīśvaram |
piṃgaleśaṃ tataḥ prāpya snātvā śrāddhaṃ samācaret || 15 ||
[Analyze grammar]

upagamya tato devaṃ gaṇeśaṃ piṃgaleśvaram |
gandhaiḥ puṣpaiśca dhūpaiśca tamabhyarcya nivartayet || 16 ||
[Analyze grammar]

mahākāleśvaraṃ prāpya bhūyaḥ snāto jiteṃdriyaḥ |
arcayeddevadeveśaṃ svayaṃbhuvaṃ sanātanam || 17 ||
[Analyze grammar]

īśāne gamayedrātriṃ kṛtvā vai naktabhojanam |
dhyāyamāno maheśānaṃ bhūmau vinyasya vigraham || 18 ||
[Analyze grammar]

dvādaśyāṃ pūrvavatsarvaṃ prātaḥ snātvā vrajennaraḥ |
kāyāvarohaṇaṃ gatvā piṃgaleśvaravadyajet || 19 ||
[Analyze grammar]

trayodaśyāmathāpyevaṃ bilveśaṃ paścime'rcayet |
caturdaśyāṃ tathā saumye pūjayeduttareśvaram || 20 ||
[Analyze grammar]

amāvāsyāṃ śuciḥ snāto mahākāleśvaraṃ yajet |
gandhaiḥ puṣpaiśca dhūpaiśca naivedyairvividhaistathā || 21 ||
[Analyze grammar]

gītanṛtyādikaṃ kṛtvā praṇipatya kṣamāpayet |
yātrāṃ kṛtvā tu pūrvoktāṃ tato nijagṛhaṃ vrajet || 22 ||
[Analyze grammar]

brāhmaṇānbhojayetpañca śivabhaktiparāyaṇān |
praṇamya devatārūpānmahākāloṣitāndvijān || 23 ||
[Analyze grammar]

pūjayitvā hiraṇyena sūkṣmavastraguṇairnavaiḥ |
rathaṃ piṃgalake dadyādgajaṃ kāyāvarohaṇe || 24 ||
[Analyze grammar]

dattvā bilveśvare cāśvaṃ vṛṣaṃ dattvā tu cottare |
dhenuṃ dattvā mahākāle sarvopaskarasaṃyutam || 25 ||
[Analyze grammar]

ya evaṃ kurute vyāsa tasya puṇyaphalaṃ śṛṇu || 26 ||
[Analyze grammar]

pitṛkairmātṛkaiḥ sārdhaṃ kulaiḥ sa divi modate |
apsarogītanṛtyādyairvimānaiḥ sārvakāmikaiḥ || 27 ||
[Analyze grammar]

iti paṃceśānīyātrāmāhātmyam |
yastu pradakṣiṇāṃ kuryānniyamena kuśasthalīm |
pradakṣiṇīkṛtā tena saptadvīpā vasundharā || 28 ||
[Analyze grammar]

yastu padmāvatīṃ paśyeddarcayetpaṃkajairnaraḥ |
dattvā dhūpaṃ sanaivedyaṃ mṛto brahmapuraṃ vrajet || 29 ||
[Analyze grammar]

svarṇaśṛṃgāṭikāṃ vyāsa kusumaiḥ svarṇasaṃnibhaiḥ |
samabhyarcya mahābhaktyā sa yāti śivamandiram || 30 ||
[Analyze grammar]

avantinīṃ tu yaḥ paśyeddevīṃ trailokyaviśrutām |
kāmikena vimānena yāti pauraṃdaraṃ puram || 31 ||
[Analyze grammar]

arcayetpaṃkajairbhaktyā yo devīmamarāvatīm |
amaraiḥ saha saṃhṛṣṭo modate divi sarvadā || 32 ||
[Analyze grammar]

devīmujjayanīṃ bhaktyā yaḥ paśyati samāhitaḥ |
sarvaiśvaryasamāyukto rudraloke mahīyate || 33 ||
[Analyze grammar]

viśālāṃ caiva yaḥ paśyedrudrabhaktyā samāhitaḥ |
mucyate trividhaiḥ pāpairnātra kāryā vicāraṇā || 34 ||
[Analyze grammar]

iti śrīkalpasaptakamahimā |
śṛṇu vyāsa mahātīrthaṃ purā yadbrahmaṇārcitam |
akūreśvaramityākhyaṃ yatra siddhaḥ pitāmahaḥ || 35 ||
[Analyze grammar]

tatra devārcanaṃ kṛtvā kṛṣṇāṣṭamyāmupoṣitaḥ |
jiteṃdriyaḥ śucirdāṃto rudralokamavāpnuyāt || 36 ||
[Analyze grammar]

na vadetkenacitsārdhaṃ naraḥ prātargṛhe sthitaḥ |
dṛṣṭvā'krūreśvaraṃ devaṃ hemadānaphalaṃ labhet || 37 ||
[Analyze grammar]

ityakrūreśvaramāhātmyam |
yastu paśyati brahmāṇaṃ śuciḥ snāto jiteṃdriyaḥ |
mucyate pātakāddhorādbrahmalokaṃ mṛto vrajet || 38 ||
[Analyze grammar]

padmāsanasthito brahmā dhyāyamānaḥ paraṃ padam |
vasiṣṭhādyairmunivarairvijñaptaḥ karmasaṃbhavān || 39 ||
[Analyze grammar]

ṛṣaya ūcuḥ |
ādityā marutaḥ sādhyāstathā caivāśvināvubhau |
pitaro ye ca lokānāṃ pūjyaṃte bhuvi mānavaiḥ || 40 ||
[Analyze grammar]

grahārkatārakā yakṣā diggajāścyānalānilāḥ |
amī devā vayaṃ sarve tvadaṃśāḥ paripaṭhyate || 41 ||
[Analyze grammar]

kathaṃ dhyāyasi deveśa etatsarvaṃ bravīhi naḥ || 42 ||
[Analyze grammar]

brahmovāca |
dve vidye tattvarūpe ye parā caivāparā tathā |
te dve ca mama rūpe dve nitye mūrtātmike mama || 43 ||
[Analyze grammar]

ṛṣaya ūcuḥ |
pitāmaha kathaṃ vidmo bhavaṃtaṃ paramaṃ vibhum |
yenāsmākaṃ parā siddhirjāyate tava darśanāt || 44 ||
[Analyze grammar]

brahmovāca |
māheśvaraṃ paraṃ kṣetraṃ kuśasthalīti śabditam |
yajñārthinā mayā devaḥ śrīkaṃṭhaḥ pārvatī patiḥ || 45 ||
[Analyze grammar]

yācitastena devena ukto'haṃ parameṣṭhinā |
samaṃtādyojanaṃ sāgraṃ kṣetrametatpitāmahaḥ || 46 ||
[Analyze grammar]

mayā dattaṃ tava vibho mahākālavanādṛte |
vāritaḥ sa mayā tatra vane gupto hi roṣataḥ |
kapardinā ca tatrokto yāsyāmo na tavāṃtikam || 47 ||
[Analyze grammar]

ārabdho vai tato yajño nārāyaṇaparigrahāt |
jñātastathāpi me yajño devadevena śaṃbhunā || 48 ||
[Analyze grammar]

yajñavāṭaṃ kapardīśastato bhikṣārthamāgataḥ |
yājñikaiḥ so'tha tatrokto mātra tiṣṭha jugupsitaḥ || 49 ||
[Analyze grammar]

kapardinā ca te tatra uktā yāsyāmyahaṃ punaḥ |
evamuktvā kapālaṃ sa bhūmau saṃsthāpya tatra hi || 50 ||
[Analyze grammar]

snātuṃ nadīṃ yayau śiprāṃ kapardī parameśvaraḥ |
uktaṃ tasmingate śiprāṃ kapardini dvijātibhiḥ || 51 ||
[Analyze grammar]

kathaṃ hi kriyate homaḥ kapāle sadasi sthite |
akapālāni śaucāni purā proktaṃ manīṣibhiḥ || 52 ||
[Analyze grammar]

tatkapālaṃ sadasyena ukṣiptaṃ pāṇinā svayam |
tasminkṣipte'bhavaccānyatpunaḥ kṣipte'bhavatpunaḥ || 53 ||
[Analyze grammar]

evaṃ nāṃtaṃ kapālānāṃ prāpyate munisattamāḥ |
rudraṃ kapardinaṃ matvā śaraṇaṃ taṃ samāgatāḥ || 54 ||
[Analyze grammar]

tataḥ sa darśanaṃ prādādbhaktyā tuṣṭo maheśvaraḥ |
kapālapāṇirbhagavānmāmuvā ca tataḥ prabhuḥ || 55 ||
[Analyze grammar]

varaṃ varaya bho brahmanyatte manasi vartate |
nāstyadeyaṃ mayā tubhyaṃ sarvaṃ dāsyāmi tattvataḥ || 56 ||
[Analyze grammar]

brahmottaramidaṃ sthānaṃ mayā dattaṃ caturmukha |
kārayasva yathākāmaṃ yathāvarṇacatuṣṭayam || 57 ||
[Analyze grammar]

evaṃ vadaṃtaṃ varadamīśānaṃ parameśvaram |
tatheti coktvā sadasi na mayā'nyo varo vṛtaḥ || 58 ||
[Analyze grammar]

ujjayinīti vai nāma kuśasthalyā niveśitam |
kuṃḍaṃ maṃdākinī tatra mayā kṛtamanaṃtaram || 59 ||
[Analyze grammar]

tatra viprāḥ kṛte snāne sarvapāpaiḥ pramucyate |
tasyāṃ saṃsthāpayeddikṣu caturo'rthaghaṭāñchubhān || 60 ||
[Analyze grammar]

satilāstānsavastrāṃśca saphalānmaṃḍakaiḥ saha |
kārtikyāmatha māghyāṃ ca cātu rvidye pradāpayet || 61 ||
[Analyze grammar]

prathamaṃ ca ṛgvedāya yajurvedāya dakṣiṇam |
paścimaṃ sāmavedāya atharvaṇe tathottaram || 62 ||
[Analyze grammar]

vedānuddiśya cāpyevaṃ prīyatāṃ me pitāmahaḥ |
kṛte caivaṃ hi yatpuṇyaṃ tacchṛṇudhvaṃ samāhitāḥ || 63 ||
[Analyze grammar]

sarvatīrtheṣu yatpuṇyaṃ maṃdākinyāṃ tathā bhavet |
sahasraguṇitaṃ snānaṃ jāpyaṃ lakṣaguṇaṃ bhavet || 64 ||
[Analyze grammar]

dānaṃ koṭiguṇaṃ jñeyaṃ maṃdākinyāṃ na saṃśayaḥ |
kaumude māsi saṃprāpte godānaṃ tatra kārayet || 65 ||
[Analyze grammar]

ghṛtadhenuṃ ca kārtikyāṃ māghyāṃ tilamayīṃ tathā |
jaladhenuṃ tu vaiśākhyāṃ dattvā mucyeta pātakaiḥ || 66 ||
[Analyze grammar]

vācikaṃ mānasaṃ pāpaṃ karmajaṃ yacca duṣkṛ tam |
vinaśyetkilbiṣaṃ sarvaṃ maṃdākinyāstu darśanāt || 67 ||
[Analyze grammar]

maṃdākinīsamaṃ tīrthaṃ pṛthivyāṃ naiva dṛśyate |
yasya darśanamātreṇa brahmaloke sa modate || 68 ||
[Analyze grammar]

maṃdākinyāṃ tu yaḥ snānaṃ kṛtvā śrāddhaṃ pradāsyati |
darśe ca pūrṇimāyāṃ vā pitṛloke sa modate || 69 ||
[Analyze grammar]

pitāmahaṃ tu yo bhaktyā nityaṃ paśyati mānavaḥ |
aśvamedhasahasreṇa rājasūyaśatena ca || 70 ||
[Analyze grammar]

yujyate nātra saṃdehaḥ satyametattapodhanāḥ |
tato manvaṃtare'tīte prāpte vaivasvate punaḥ || 71 ||
[Analyze grammar]

tenaivonmattaveṣeṇa ūrdhvaśeṣo maheśvaraḥ |
praviṣṭo brahmaṇaḥ satre dṛṣṭastairdvija sattamaiḥ || 72 ||
[Analyze grammar]

te brāhmaṇāḥ śapaṃti sma nindāṃ kurvaṃti cāpare |
apare pāṃśubhiḥ śiśnaṃ ghnaṃti tasyāśapandvijāḥ || 73 ||
[Analyze grammar]

loṣṭhairlaguḍakaiścā nye ghnaṃti taṃ balagarvitāḥ |
jaṭāmukuṭakaṃ keciddhṛtvā karṣaṃti cāpare || 74 ||
[Analyze grammar]

pṛcchaṃti bratacaryāṃ vai kena vrataṃ ca darśitam |
atra caiva striyaḥ saṃti kathametattvayā kṛtam || 75 ||
[Analyze grammar]

brahmaṇā cedṛśī caryā viṣṇunā vā kṛtā svayam |
giriśenāpi devena kenedaṃ duṣkṛtaṃ kṛtam || 76 ||
[Analyze grammar]

mā viḍambaya deveśaṃ vadhyo hi nastvamadya vai |
evaṃ tairhanyamānastu brāhmaṇaistatra śaṃkaraḥ || 77 ||
[Analyze grammar]

smitaṃ kṛtvā'bravītsarvānbrāhmaṇānparameśvaraḥ |
kiṃ yūyaṃ māmabhi hatha hyunmattaṃ naṣṭacetasam || 78 ||
[Analyze grammar]

yūyaṃ kāruṇikāḥ sarve maitrabhāve vyavasthitāḥ |
tamevaṃ vādinaṃ devaṃ jālmarūpadharaṃ haram || 79 ||
[Analyze grammar]

māyayā tasya devasya mohitāste dvijātayaḥ |
punaḥ kapardinaṃ jaghnuḥ pāṇipādena vai dvijāḥ || 80 ||
[Analyze grammar]

tāḍyamānastu tairvipraiḥ paraṃ kopamupāgamat |
tato devena te śaptā yūyaṃ vedavivarjitāḥ || 81 ||
[Analyze grammar]

ūrdhvajūṭāḥ salaguḍāḥ paradāropajīvinaḥ |
ratā dyūte ca veśyāyāṃ pitṛmātṛvivarjitāḥ || 82 ||
[Analyze grammar]

na putre pitṛ vittaṃ ca vidyā vāpi bhaviṣyati |
śeṣo mama hato yaiśca te sarveṃdriyavarjitāḥ || 83 ||
[Analyze grammar]

raudrāṃ bhikṣāṃ tu bhikṣaṃtaḥ parapiṃḍopajīvinaḥ |
ātmānaṃ varṇayiṣyaṃti dhanadhānyavivarjitāḥ || 84 ||
[Analyze grammar]

yaiśca tatra kṛtā viprairhanyamāne kṛpā mayi |
teṣāṃ dhanaṃ ca putrāśca dāsīdāsādayaśca vai || 85 ||
[Analyze grammar]

kulotpannāśca vai nāryo bhaviṣyaṃti varānmama |
evaṃ śāpaṃ varaṃ dattvā gatoṃ'tardhānamīśvaraḥ || 86 ||
[Analyze grammar]

tato dvijā gate deve matvā taṃ śaṃkaraṃ vibhum |
anveṣayaṃto yatnena mahākālavanaṃ gatāḥ || 87 ||
[Analyze grammar]

snātvā sarasi rudrasya japataḥ śatarudriyam |
jāpyāvasāne tāndevo'śarīriṇyā girā'bravīt || 88 ||
[Analyze grammar]

anṛtaṃ na mayā proktaṃ svaireṣvepi kutaḥ sukham |
bhūyo'pyanugrahaṃ viprā yuṣmākaṃ karavāṇyaham || 89 ||
[Analyze grammar]

śāṃtā dāṃtāśca ye viprā bhaktimaṃto mayi sthitāḥ |
na teṣāṃ chidyate vaṃśo na dhanaṃ na ca saṃtatiḥ || 90 ||
[Analyze grammar]

agnihotraratā ye ca bhaktimaṃto janārdane |
pūjayaṃti ca brahmāṇaṃ tejorāśiṃ divākaram || 91 ||
[Analyze grammar]

nāśubhaṃ vidyate teṣāṃ yeṣāṃ sakhye sthitā matiḥ |
etāvaduktvā deveśastūṣṇīmāsījjagatprabhuḥ || 92 ||
[Analyze grammar]

evaṃ śāpaṃ varaṃ labdhvā devadevānmaheśvarāt |
ājagmuḥ sahitāḥ sarve yatra devaḥ pitāmahaḥ || 93 ||
[Analyze grammar]

viraṃcimatha te jāpyaistoṣayanto'grataḥ sthitāḥ |
tuṣṭastānabravīdbrahmā matto'pi vriyatāṃ varaḥ || 94 ||
[Analyze grammar]

brahmaṇastena vākyena tuṣṭāḥ sarve dvijottamāḥ |
ko varo yācyatāṃ viprāḥ parituṣṭe pitāmahe || 95 ||
[Analyze grammar]

eke tatrābruvanviprā vedānvai vṛṇavāmahai |
tato'nye ca dhanaṃ dhānyaṃ vriyatāmaviśaṃkitaiḥ || 96 ||
[Analyze grammar]

anye prāhuḥ kimasmākaṃ dhanaistuṣṭe pitāmahe |
agnihotrāṇi vedāśca śāstrāṇi vividhāni ca || 97 ||
[Analyze grammar]

śāṃtā āḍhyāśca lokāśca varadānādbhavaṃtu naḥ |
evaṃ prajalpatāṃ tatra viprāṇāṃ kopa āviśat || 98 ||
[Analyze grammar]

parasparaṃ varārthe'tha yuddhaṃ kartuṃ samudyatāḥ |
yudhyaṃte sāyudhāḥ kecitkecittatropasarpakāḥ || 99 ||
[Analyze grammar]

kecidviprā udāsīnāḥ kecidvai maunamāsthitāḥ |
dṛṣṭvaivaṃ bhagavānprāha viprānyuddhaṃ prakurvataḥ || 100 ||
[Analyze grammar]

yasmātkumaṃtritā viprāḥ śālāyā bāhyasaṃsthite |
tasmādāmūlato viprā gulme yuddhopasarpakāḥ || 1 ||
[Analyze grammar]

udāsīnastu yo gulmo vṛttihīno bhaviṣyati |
vedāstasya bhaveyurvai yastvasti maunasaṃsthitaḥ || 2 ||
[Analyze grammar]

tṛtīyaḥ sāyudho gulmo yoddhukāmastu yaḥ sthitaḥ |
paradāreṣu veśyāyāṃ dyūte caurye sadā rataḥ || 3 ||
[Analyze grammar]

caturvidhaḥ sa vai vipro vṛttihīno bhaviṣyati |
evamuktvā yayau brahmā vairājaṃ bhavanottamam || 4 ||
[Analyze grammar]

evaṃ me paramaṃ kṣetraṃ munayo'vaṃtimaṃḍale |
yāṃ devanagarīṃ loke pravadantīha mānavāḥ || 5 ||
[Analyze grammar]

tasyāṃ tu ye dvijāḥ śāṃtā vasaṃti kṣetravāsina |
na teṣāṃ durlabhaṃ kiṃcinma ma loke bhaviṣyati || 6 ||
[Analyze grammar]

kolāmukhe kurukṣetre naimiṣe puṣkareṣu ca |
vārāṇasyāṃ prabhāse ca tathā badarikāśrame || 7 ||
[Analyze grammar]

gaṃgādvāre prayāge ca gaṃgāsā garasaṃgame |
rudrakoṭyāṃ virūpākṣe mitrasyāpi tathā vane || 8 ||
[Analyze grammar]

tīrtheṣveteṣu kṣetreṣu yā siddhirdvādaśābdikā |
prāpyate mānavairloke sā māseneha labhyate |
ujjayinyāṃ na saṃdeho brahmacarye mano yadi || 9 ||
[Analyze grammar]

tīrthānāṃ pravaraṃ tīrthaṃ kṣetrāṇāmapi cottamam |
sadābhirucitaṃ mahyametadvai munisattamāḥ || 110 ||
[Analyze grammar]

maṃdākinyāstu māhātmyaṃ kṣetrasyotpattiruttamā |
bhūyaḥ kimanyadicchāsti śrotuṃ vai dvijasattamāḥ || 11 ||
[Analyze grammar]

sanatkumāra uvāca |
etatte brahmaṇo vākyaṃ śrutvā vyāsa tathāvidham |
vasiṣṭhādyāśca munayaḥ paraṃ dhyānamatho gatāḥ || 12 ||
[Analyze grammar]

dhyātvā tu suciraṃ kālaṃ tatra vāse mano dadhuḥ |
sāgnihotrāḥ sapatnīkā gatāścāvaṃtimaṃḍale || 13 ||
[Analyze grammar]

mahākālavanaṃ dṛṣṭvā śiprāṃ caiva mahānadīm |
śmaśānamūṣaraṃ caiva nadīṃ gandhavatīṃ tathā || 14 ||
[Analyze grammar]

koṭitīrthamupaspṛśya cakurvāsaṃ ca tatra vai |
smṛtvā tadbrahmaṇo vākyaṃ rucisteṣāṃ tadā'bhavat || 15 ||
[Analyze grammar]

arundhatyā vasiṣṭhaśca gamanaṃ prati noditaḥ |
uvāca tāṃ mahātmāsau svāṃ bhāryāṃ munisattamāḥ || 16 ||
[Analyze grammar]

mahākālaḥ saricchiprā gatiścaiva sunirmalā |
ujjayinyāṃ viśālākṣi vāsaḥ kasya na rocate || 17 ||
[Analyze grammar]

snānaṃ kṛtvā naro yastu mahānadyāṃ hi durlabham |
mahākālaṃ namaskṛtya naro mṛtyuṃ na śocayet || 18 ||
[Analyze grammar]

mṛtaḥ kīṭaḥ pataṃgo vā rudra syānucaro bhavet |
yatraiṣā śrūyate muktiḥ kathaṃ sā tyajate mayā || 19 ||
[Analyze grammar]

evaṃ prajalpyātha munipradhānastatraiva vāsaṃ sahasā cakāra |
vanasya vyuṣṭiṃ parikīrtayaṃstu sthitaḥ sahaivātra munipradhānaiḥ || 120 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 26

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: