Chapter 23

[English text for this chapter is available]

| sanatkumāra uvāca |
atha yātrāṃ pravakṣyāmi mahākālasya yatnataḥ |
śivāṃ śreyaskarīṃ puṇyāṃ puṇyalokapradāyinīm || 1 ||
[Analyze grammar]

snātvā sarasi rudrasya dṛṣṭvā koṭeśvaraṃ śivam |
namaskṛtya tato gacchenmahākālaṃ sanātanam || 2 ||
[Analyze grammar]

gandhaiḥ puṣpairnamaskāraiḥ saṃpūjya tridaśeśvaram |
praṇipatya tato gaccheddevaṃ kapālamocanam || 3 ||
[Analyze grammar]

tatraiva devadeveśaḥ kapālaṃ nyastavānkṣitau |
kapāle tatkṣaṇānnyaste tatrābhūlliṃgamuttamam || 4 ||
[Analyze grammar]

kapālamocanaṃ nāma sarvapāpapraṇāśanam |
tatra vai snapanaṃ kuryādājyapalaśatena vai || 5 ||
[Analyze grammar]

tadardhārdhena pādena vittaśāṭhyavivarjitaḥ |
kāle pūrṇe sa viprendra śivaloke mahīyate || 6 ||
[Analyze grammar]

namaskṛtya tato gacchetkapileśvaramuttamam |
darśanādasya devasya mucyate brahmahatyayā || 7 ||
[Analyze grammar]

hanumatkeśvaraṃ devaṃ tato gacchetsamāhitaḥ |
aiśvaryamatulaṃ vyāsa darśanādasya jāyate || 8 ||
[Analyze grammar]

tato gacchenmahādevaṃ paippalākhyaṃ sanātanam |
yasya darśanamātreṇa muktiḥ syāddvijasattama || 9 ||
[Analyze grammar]

svapneśvaraṃ tato gacchedbhaktiśraddhāsamanvitaḥ |
darśanādasya devasya duḥsvapnaṃ ca vinaśyati || 10 ||
[Analyze grammar]

tato gacchenmahādevamīśānaṃ viśvatomukham |
yasya darśanamātreṇa viśvasyaiva patirbhavet || 11 ||
[Analyze grammar]

someśvaraṃ tato gacchejjitakrodho jiteṃdriyaḥ |
kuṣṭharogādidoṣebhyo darśanādasya mucyate || 12 ||
[Analyze grammar]

vaiśvānareśvaraṃ vyāsa tato gacchetsamāhitaḥ |
tasya vṛddhiḥ sadā loke jāyate tasya darśanāt || 13 ||
[Analyze grammar]

bījapūrakahastaṃ tu laku līśaṃ tato vrajet |
rudratvaṃ darśanāttasya jāyate nātra saṃśayaḥ || 14 ||
[Analyze grammar]

tato gacchenmahādevaṃ gadyāṇeśvaramuttamam |
yasya darśanamātreṇa jāyaṃte sarva siddhayaḥ || 15 ||
[Analyze grammar]

abhyarthitaḥ sadā devaiḥ pūjitaḥ siddhikāraṇāt |
tenābhyarthiteśvaro'yaṃ vikhyāto vighnanāyakaḥ || 16 ||
[Analyze grammar]

vayovṛddhaṃ tato gacchenmahākālaṃ sanātanam |
na rogo na jarāvyādhirdarśanānnātra saṃśayaḥ || 17 ||
[Analyze grammar]

vighnanāśaṃ tato gacchetprāṇīśaṃ balamuttamam |
snānaṃ ghaṭaśataistasya kuryādbhaktyā samāhitaḥ || 18 ||
[Analyze grammar]

tasya caiva kṛte snāne labhyaṃte sarvasiddhayaḥ |
svargaścāpi sadā vyāsa darśanādasya jāyate || 19 ||
[Analyze grammar]

tanayaṃ tamanūllaṃghya daṃḍa pāṇiṃ tato vrajet |
yasya darśanamātreṇa yamaloko na dṛśyate || 20 ||
[Analyze grammar]

puṣpadantaṃ tato gacchedbhaktiśraddhāsamanvitaḥ |
yasya darśanamātreṇa mucyate sarvapātakaiḥ || 21 ||
[Analyze grammar]

guhyaṃ caiva mahākālaṃ tato gacchetsamāhitaḥ |
yasya darśanamātreṇa guhyapāpaiḥ pramucyate || 22 ||
[Analyze grammar]

tato gacchetsamādhistho durvāseśvaramuttamam |
yasya darśanamātreṇa kṛtakṛtyo naro bhavet || 23 ||
[Analyze grammar]

śvāsāvarodhanaṃ kṛtvā durvāsasaḥ samīpataḥ |
gaurīṃ gatvā mahādurgāṃ tyajecchvāsamanaṃtaram || 24 ||
[Analyze grammar]

tatrocchvāso vimoktyastāmabhyarcya tu sarvathā |
kāleśvaraṃ tato gaccheddevadevaṃ maheśvaram || 25 ||
[Analyze grammar]

yasya darśanamātreṇa yamalokaṃ na paśyati |
vidhīśaṃ ca tato gaccheddevadevaṃ maheśvaram || 26 ||
[Analyze grammar]

yasya darśanamātreṇa badhiratvaṃ na jāyate |
kīrtayedātmano nāma sthānaṃ gotraṃ ca tasya vai || 27 ||
[Analyze grammar]

na kīrtayedyadā nāma sā yātrā viphalī bhavet |
devasyāgre tato vyāsa upaviśya samāhitaḥ || 28 ||
[Analyze grammar]

bhaktiyuktastato brūyānnamaskṛtvā punaḥpunaḥ |
mayā samarpitā yātrā tvatprasādānmaheśvara || 29 ||
[Analyze grammar]

saṃsārasāgarāddhorānmāmuddhara jagatpate |
anena vidhinā yastu mahākālaṃ pradakṣayet || 30 ||
[Analyze grammar]

pradakṣiṇīkṛtā tena saptadvīpā vasuṃdharā |
golakṣaṃ dvijalakṣāya dattvā yallabhate phalam || 31 ||
[Analyze grammar]

tatphalaṃ devadevasya sakṛddattvā pradakṣiṇam |
bhaktyā paramayā yukto mahākālaṃ pradakṣayet || 32 ||
[Analyze grammar]

padepade yajñaphalamiti me śaṃkaro'bravīt |
ṣaṣṭikoṭi sahasrāṇi ṣaṣṭikoṭiśatāni ca || 33 ||
[Analyze grammar]

pūjitāni bhavaṃtyatra yātreśvarasamarcanāt |
ya evaṃ kurute yātrāṃ śivadhyānaparāyaṇaḥ || 34 ||
[Analyze grammar]

sahasradakṣiṇāṃ dadyāttasya puṇyaphalaṃ śṛṇu |
saptajanmakṛtātpāpānmucyate nātra saṃśayaḥ || 35 ||
[Analyze grammar]

evaṃ yātrāṃ samāpyātha gatvā nijagṛhaṃ naraḥ |
yātrādaivata saṃkhyānvai ṣaḍviṃśatidvijottamān || 36 ||
[Analyze grammar]

bhojayecchivabhaktāṃśca śivadhyānaparāyaṇān |
savastrāṃ dakṣiṇāṃ dattvā prāpyānujñāṃ visarjayet || 37 ||
[Analyze grammar]

yātrākrameṇa caikaikaṃ dvārāṃtaramanuvrajet |
dharmopadeśake paścātsarvopaskarasaṃyutām || 38 ||
[Analyze grammar]

dhenuṃ payasvinīṃ dadyādvittaśāṭhyavivarjitaḥ |
bhuñjītātha svayaṃ vyāsa sarvabhṛtyasamanvitaḥ || 39 ||
[Analyze grammar]

dīnānāthadaridrāṃdhavikalādyāṃśca bhojayet |
yadatra phalamuddiṣṭaṃ tadvadāmi śṛṇuṣva me || 40 ||
[Analyze grammar]

kulānāṃ śatamuddhṛtya mātāpitroḥ samāhitaḥ |
kalpakoṭisahasrāṇi śivaloke sa modate || 41 ||
[Analyze grammar]