Chapter 6

[English text for this chapter is available]

| sanatkumāra uvāca |
praviśyātha vanaṃ devāḥ sarvapuṣpopaśobhitam |
iha devo 'tra devo'tra viviśuste didṛkṣavaḥ || 1 ||
[Analyze grammar]

adbhutasya vanasyāṃte na te dadṛśire surāḥ |
vicinvaṃto mahādevaṃ devairbahuvilokitaḥ || 2 ||
[Analyze grammar]

tamuvāca sa bhadraṃ vai drakṣyadhvaṃ na tapo vinā |
vicinvanto virūpākṣaṃ nainaṃ paśyata śaṃkaram || 3 ||
[Analyze grammar]

sa yuktaṃ hṛdaye smṛtvā brahmā devāṃstato'bravīt |
trividho darśanopāyastasya devasya sarvadā || 4 ||
[Analyze grammar]

śraddhājñānena tapasā yogenaiva nigadyate |
sakalaṃ niṣkalaṃ cāpi devāḥ paśyaṃti yoginaḥ || 5 ||
[Analyze grammar]

tapasvinastu sakalaṃ jñānino niṣkalaṃ param |
samutpanne'pi vijñāne maṃdaśraddho na paśyati || 6 ||
[Analyze grammar]

bhaktyā paramayopetāḥ paraṃ paśyaṃti yoginaḥ |
draṣṭavyo nirvikāro'sau pradhānapuruṣeśvaraḥ || 7 ||
[Analyze grammar]

nādīkṣitairato devāḥ śaivīṃ dīkṣāṃ prapadyata |
karmaṇā manasā vācā nityayuktā maheśvare || 8 ||
[Analyze grammar]

tapaścarata bhadraṃ vo rudrārādha natatparāḥ |
śivadīkṣāṃ prapannānāṃ bhaktānāṃ ca tapasvinām || 9 ||
[Analyze grammar]

sarvakālaṃ vijānāti dātavyaṃ darśanaṃ mayā |
brahmaṇo vacanaṃ śrutvā hitameva yadu ktavān || 10 ||
[Analyze grammar]

śivekṣāviṣṭamatayo brahmāṇamidamabuvan |
mārgeṇa vidhinā caiva śivadīkṣāsu tatparāḥ || 11 ||
[Analyze grammar]

prayaccha brahmansarveṣāṃ dīkṣāṃ naḥ śivatoṣadām |
śrutveti vacanaṃ brahmā pratyuvāca vicāritam || 12 ||
[Analyze grammar]

saṃdidīkṣayiṣuḥ kṣipramamarāñchivadīkṣayā |
śivayajñārthasaṃbhārānānayadhvamalaṃ surāḥ || 13 ||
[Analyze grammar]

vedī prakalpyatāmatra yaṣṭavyo'ṣṭatanuḥ śivaḥ |
padmayonervacaḥ śrutvā cakruḥ sarvamataḥ surāḥ || 14 ||
[Analyze grammar]

vinītaveṣāḥ praṇatā anena sastamanvaguḥ |
śivaprasādasaṃprāptyai puṣkarajñānamīritam || 15 ||
[Analyze grammar]

yajñaṃ cakāra vidhinā vedhāścandrārdhadhāriṇaḥ |
padmayoniḥ puraskṛtya tadā dīkṣāṃ pra yogataḥ || 16 ||
[Analyze grammar]

anugraheṇa devāṃstānakārayata bhāvataḥ |
tato vratānāṃ pravaraṃ vrataṃ divyaṃ mahāprabhuḥ || 17 ||
[Analyze grammar]

tebhyo dadau devatābhyaḥ sa tadapyavirodhavit |
paṭhyate śivaśālāyāṃ mahāpāśupataṃ vratam || 18 ||
[Analyze grammar]

śaivaṃ yathoditaṃ yacca āgamācāraceṣṭitam |
śivārādhanamukhyānāṃ munīnāṃ tīvratejasām || 19 ||
[Analyze grammar]

sarvānugrāhakaḥ śaṃbhuḥ sarvadevaiḥ prakalpitam |
tadevaṃ prārthitaṃ buddhyā vrataṃ raudraṃ śivaṃ samam || 20 ||
[Analyze grammar]

tattebhyo vismayaṃ tyaktvā prāyacchatkanakāṃḍajaḥ |
kāmikaṃ bhasmanāmāḍhyaṃ sarvadā kīrtitaṃ śubham || 21 ||
[Analyze grammar]

pāpaghraṃ duḥkhaśamanaṃ puṣṭiśrībalavardhanam |
siddhidaṃ kīrtikṛtkāṃtaṃ kalikalmaṣamokṣaṇam || 22 ||
[Analyze grammar]

tasmātsarvaprayatnena bhasmasnānaṃ samāhitāḥ |
kurvaṃto mānavā dāṃtā dīkṣitāḥ saṃyateṃdriyāḥ || 23 ||
[Analyze grammar]

sarve kamaṃḍaludharāḥ sarve rudrākṣadhāriṇaḥ |
aniṣṭadarśanālāpa saṃgatyā parivarjitāḥ || 24 ||
[Analyze grammar]

evaṃ vratadharāḥ sarve vane tasminmaheśvaram |
ārādhayaṃstamīśānaṃ vratenaiva umādhavam || 25 ||
[Analyze grammar]

bhaktyā paramayā yuktā vidhinā parameṇa ca |
kālena mahatā dhyānādevaṃ jñātvā manogatam || 26 ||
[Analyze grammar]

rudradhyānāgninirdagdhakalmaṣāśca śriyānvitāḥ |
tadā hatvā'suraṃ śaṃbhuḥ pratyakṣo bhagavānabhūt || 27 ||
[Analyze grammar]

sanatkumāra uvāca |
brahmadattaṃ varaṃ devāḥ sarve śarvānubhāvitāḥ |
samacīkaranpratyuktā brahmāpīśānabhāvitaḥ || 28 ||
[Analyze grammar]

gate varṣasahasre sa divye deveśvareśvaraḥ |
jātānukaṃpo devānāṃ dīpo darśanameyivān || 29 ||
[Analyze grammar]

gaṇairnānāvidhaiḥ sārdhaṃ nānābhūṣaṇabhūṣitaiḥ |
sudarpodbhūtadarpaghraighorairghoravighātibhiḥ || 30 ||
[Analyze grammar]

kāmarūpairakāmaiśca sarvakāmasamanvitaiḥ |
karīṃdrakaraṭāṭopapāṭanaiḥ siṃhadehibhiḥ || 31 ||
[Analyze grammar]

aṇimādi guṇairdivyairyogaiśvaryādināmabhiḥ |
vyālolakeśaraśanādaṃṣṭrākaṭakaṭodbhavaiḥ || 32 ||
[Analyze grammar]

vyāghravyālānanai raudraiḥ kākakaṃkavaṭaistathā || 33 ||
[Analyze grammar]

arūpaiḥ samarūpaiśca surūpairbahurūpakaiḥ |
ekadvitriśirobhiśca bahuśīrṣairaśīrṣakaiḥ || 34 ||
[Analyze grammar]

ekadvitriśikhaiścaiva nānārūpavirājitaiḥ |
bahunetrairanetraiśca ekadvitrivilo canaiḥ || 35 ||
[Analyze grammar]

ekakarṇairdvikarṇaiśca bahukarṇairvikarṇakaiḥ |
ekadvitrisunāsaiśca bahunāsairanāsikaiḥ || 36 ||
[Analyze grammar]

ekajaṃghairdvijaṃghaiśca bahujaṃghairajaṃghakaiḥ |
eka pādairdvipādaiśca bahupādairapādakaiḥ || 37 ||
[Analyze grammar]

gauraśyāmaiḥ śyāmagaurairasitaiḥ karburaistathā |
bhujaṃgahāravalayaiḥ kṛtayajñopavītakaiḥ || 38 ||
[Analyze grammar]

śūlāsipaṭṭiśa dharairbhuśuṃḍīpīraghāyudhaiḥ |
cakrakrakacakodaṃḍakāṃḍadaṃḍāstrapāṇibhiḥ || 39 ||
[Analyze grammar]

gadāmudgarapāṣāṇamuśalāyudhahastakaiḥ |
vajraśaktyaśaniprāsakuṃtakartṛka dhāribhiḥ || 40 ||
[Analyze grammar]

bhaṃbhābherīrvādayadbhirvīṇāpaṇavaveṇukān |
mṛdaṃgavimalāḍhakkākāhalānakaduṃdubhīn || 41 ||
[Analyze grammar]

huḍaṃkāśṛṃgikādyāni nānāvādyāni vādakaiḥ |
evaṃ nānāvidhai raudrairbhīmairbhīmaparākramaiḥ || 42 ||
[Analyze grammar]

gaṇeśvaraiḥ sudurddharṣairvṛtaḥ sūryo grahairiva |
āvirbhūto mahādevaḥ svagaṇaiḥ parivāritaḥ |
taṃ paśya tāṃ tadā vyāsa brahmādīnāṃ divaukasām || 43 ||
[Analyze grammar]

atha brahmādayo devā dṛṣṭvāgre gaṇanāyakam |
tejasādhyāsitāstasya babhūvurbhrāṃtacetasaḥ || 44 ||
[Analyze grammar]

tato 'valaṃbya te dhairyaṃ dṛṣṭvā devaṃ yathāvidhi |
ṣaḍaṃgavedayogena hṛṣṭacittavapurdharāḥ || 45 ||
[Analyze grammar]

śirogatairaṃjalibhiḥ pādebhyaśca mahīṃ gataiḥ |
tuṣṭuvuḥ sṛṣṭisaṃhāra sthitikartāramīśvaram || 46 ||
[Analyze grammar]

devā ūcuḥ |
namaḥ śivāya śāṃtāya sagaṇāya sanaṃdine |
vṛṣāsanāya saumyāya śūlaśaktidharāya te || 47 ||
[Analyze grammar]

namo dikcarmavastrāya śucaye tīvratejase |
brahmaṇe brahmadehāya brahmaṇā yojitāya ca || 48 ||
[Analyze grammar]

namoṃdhakavināśāya pareśāya namonamaḥ |
rudrāya paṃca vaktrāya sarvarogāpahāriṇe || 49 ||
[Analyze grammar]

giriśāya sureśāya īśānāya namonamaḥ |
bhīmogrādisvarūpāya vijayāya namonamaḥ || 50 ||
[Analyze grammar]

surāsurādhipataye yatīnāṃ pataye namaḥ |
caṃḍāya caṃḍadaṃḍāya varakhaṭvāṃgadaṃḍine || 51 ||
[Analyze grammar]

virūpākṣaśubhākhyāya viśvarūpāya vai namaḥ |
śāṃtāya ca manojñāya trinetrāya namonamaḥ || 52 ||
[Analyze grammar]

vedhase viśvarūpāya daityasaṃhāriṇe namaḥ |
bhaktānukaṃpine'tyarthaṃ rudrajñānaparāya ca || 53 ||
[Analyze grammar]

virūpāya surūpāya rūpāṇāṃ śatadhāriṇe |
paṃcāsyāya śubhāsyāya candrāsyāya namonamaḥ || 54 ||
[Analyze grammar]

varadāya varāhāya sukūrmāya namonamaḥ || 55 ||
[Analyze grammar]

trinetra trāṇamasmākaṃ tripuraghna vidhīyatām |
vāṅmanaḥkāyabhāvaistvāṃ prapannānāṃ maheśvara || 56 ||
[Analyze grammar]

sanatkumāra uvāca |
evaṃ stutastadā devairviriṃcyādyaistathā haraḥ |
śarīrāṇi vilokyeśaḥ kṛśānyatha divaukasām || 57 ||
[Analyze grammar]

divyapratāpadhāreṇa trivedhenāṃtarātmanā || 58 ||
[Analyze grammar]

ārādhanaṃ samīkṣyāha brahmādīnāṃ sureśvaraḥ |
sādhusādhu mahābhāgāḥ śaśvadvratamupāsitam || 59 ||
[Analyze grammar]

divyenānena vidhinā bhṛśamārādhito hyaham |
bhavadbhiḥ śra ddhayātyarthaṃ mama darśanakāṃkṣayā || 60 ||
[Analyze grammar]

vratasthā māṃ hi paśyaṃti mānuṣā devatā api |
yadi yacca prayacchāmi kāṃścidvo hi varāñchubhān || 61 ||
[Analyze grammar]

ekaikaśo dvitriśo vā samastebhyaḥ samena vaḥ |
sarvakāmaprasiddhyarthaṃ dāsyāmyenaṃ varaṃ hi vaḥ || 62 ||
[Analyze grammar]

hitāya bhavatāṃ cāhamāgāmujjayinīṃ prati |
kṣiptaṃ kapālaṃ ca mayā kiṃ punarbhadramastu vaḥ || 63 ||
[Analyze grammar]

devā ūcuḥ |
kiṃ kṛtaṃ hitamasmākaṃ kapālaṃ kṣipatā tvayā || 64 ||
[Analyze grammar]

kimarthaṃ kaṃpitā bhūmistrailokyaṃ vyākulīkṛtam |
naitannirarthakaṃ deva kathyatāmatra kāraṇam || 65 ||
[Analyze grammar]

mahādeva uvāca |
yuṣmaddhitārthametadvai bhayaṃ vinihitaṃ kṛtam |
devatānāṃ tu rakṣārthaṃ śrūyatāmatra kāraṇam || 66 ||
[Analyze grammar]

asuro drohaṇonāma balavānyogamāyikaḥ |
avasthitastvavaṣṭabhya rasātalatalā śrayam || 67 ||
[Analyze grammar]

tasya daityasya balino daityāḥ parapuraṃjayāḥ |
yuṣmāñjñātvā tapasthāṃścāpyabhyagurbahavo hi te || 68 ||
[Analyze grammar]

seṃdrānnihaṃtumicchaṃto māyā pracchannacārakāḥ |
purīṃ kanakaśṛṃgāḍhyāmenāmadhi kuśasthalīm |
samudyayuḥ surānhaṃtumudyatā udyatāyudhāḥ || 69 ||
[Analyze grammar]

teṣāṃ kapālapātena bhūminiṣkaṃ panena ca |
śabdena cātighoreṇa dehātprāṇā viniryayuḥ || 70 ||
[Analyze grammar]

lokasthitivināśātha teṣāmāsītsamudyamaḥ |
rājyaiśvaryeṇa darpiṣṭhāstena te nihatā mayā || 71 ||
[Analyze grammar]

devā ūcuḥ |
viśvastānāṃ punaścaivameva cānugrahaḥ kṛtaḥ |
devānugrahakartā tvaṃ guṇasmṛtiniṣevitaḥ || 72 ||
[Analyze grammar]

divyadṛṣṭibhiratyarthaṃ yaśo'rthaṃ bhīma naṃditāḥ |
ityuktvā praṇatāndevānutthāpyoce punarbhavaḥ || 73 ||
[Analyze grammar]

śiva uvāca |
paricaryābhisaṃyuktaṃ nityamugraniṣevitam |
dhyānasādhananiṣpannaṃ yadanyeṣāṃ na vidyate || 74 ||
[Analyze grammar]

manovākkāyabhāvena duṣkaraṃ duścaraṃ tapaḥ |
anena tapasā yuktāḥ kaṣṭena duḥsahena ca || 75 ||
[Analyze grammar]

mahatā tanusādhyena bahukālārjitena vaḥ |
samaṃtādabhivardhetāṃ yuṣmattejastapo'pi ca || 76 ||
[Analyze grammar]

sanatkumāra uvāca |
ityuktā devadevena devā brahmapurogamāḥ |
ūcurunnāmya vaktrāṇi sthitā jānubhirīśvaram || 77 ||
[Analyze grammar]

devā ūcuḥ |
prāṇadastvaṃ kāraṇastvaṃ tapasāṃ deva dṛśyase |
tadasmākaṃ pravṛttānāṃ mānuṣāṇāṃ varaprada || 78 ||
[Analyze grammar]

rakṣāṃ kuruṣva deveśa bhaktānāmabhayaṃkara || 79 ||
[Analyze grammar]

īśvara uvāca |
yatnena vidhinā dattaṃ suvyaktaṃ darśanaṃ hi vaḥ |
sudurlabhānyapi punardāsyāmi vo varānbahūn || 80 ||
[Analyze grammar]

evamukte bhagavatā brahmā vacanamabravīt |
devānāmagrataḥ sthitvā śrutaśabdodbhavaṃ bhavam || 81 ||
[Analyze grammar]

prāptā vayaṃ ca bhagavansuparyāpto mahāvaraḥ |
jāyatāṃ naḥ sadaiśvaryaṃ vāsasthānamathākṣayam || 82 ||
[Analyze grammar]

śiva uvāca |
loke'sminmama ye bhaktā mayā vinihatāśca ye |
naivaṃ te durgatiṃ yāṃti labhaṃte sumatiṃ parām || 83 ||
[Analyze grammar]

sārdhaṃ tatra jaṭājūṭaiḥ śirobhiḥ śūlapāṇayaḥ |
bhāṃti madvāmapārśvasthā ime te dāruṇā gaṇāḥ || 84 ||
[Analyze grammar]

yeṣāṃ vinigrahārthāya yuṣmatsaṃbodhanāya ca |
savikāraṃ mayā kṣiptaṃ kapālaṃ dharaṇītale || 85 ||
[Analyze grammar]

kṛto me'nugrahasteṣāṃ bhaktānāṃ bhaktimicchatām |
vane'sminnityavāso me vṛkṣairabhyarthitasya ca || 86 ||
[Analyze grammar]

mahākālavane devā āgatasya mamānaghāḥ |
tapasyatāṃ ca bhavatāṃ mahākālavanaṃ tataḥ || 87 ||
[Analyze grammar]

nāmadvayayutaṃ guhyaṃ loke khyātaṃ bhaviṣyati |
guhyaṃ vanaṃ śmaśānaṃ ca kṣetrāṇāṃ pravaraṃ mahat || 88 ||
[Analyze grammar]

kapālavratacaryā ca mayā hyeṣā prakīrtitā |
kapālapātre bhuṃjānaḥ kapālavratabhūṣaṇaḥ || 89 ||
[Analyze grammar]

kapālapāṇiḥ saṃtuṣṭo bhikṣā vratasamanvitaḥ |
śmaśānanilayo raudro vratonmattavimūḍhadhīḥ || 90 ||
[Analyze grammar]

naṃditaḥ sarvabhūteṣu priyāpriyasamaḥ sadā |
bhasmabhūṣitasarvāṃgo jñānī caiva viśeṣataḥ || 91 ||
[Analyze grammar]

jiteṃdriyo'sarvasaṃgo mṛdbhasmodakasaṃgrahī |
nityayuktaḥ sadāvyāpī jāpī jitavarāsanaḥ || 92 ||
[Analyze grammar]

puṇyatīrthāśramopetaḥ svare deve samāhitaḥ |
lokātītaṃ paraṃ jñānaṃ mahāpāśupataṃ vratam || 93 ||
[Analyze grammar]

kapālavratamāsthāya purā cīrṇaṃ mayā svayam |
kapālaṃ paramaṃ guhyaṃ pavitraṃ pāpanāśanam || 94 ||
[Analyze grammar]

kapālavratametaddhi durdharaṃ paramādbhutam |
atyaṃtamutkaṭaṃ raudramaghoraṃ lomaharṣaṇam || 95 ||
[Analyze grammar]

mahāvrataṃ dviṣanmohātpāpenaiva sthito naraḥ |
na mucyate sa pāpena janmakoṭiśatairapi || 96 ||
[Analyze grammar]

mahāpāśupataṃ tasmānna hanyānna ca dūṣayet |
etasminnihate tasmātkoṭirbhavati ghātitā || 97 ||
[Analyze grammar]

evaṃ mahāvrataṃ yastu bhojayecchraddhayānvitaḥ |
tasya bhuktā bhavetkoṭirviprāṇāṃ vedapāṭhinām || 98 ||
[Analyze grammar]

kapālapūraṇīṃ bhikṣāṃ yatīnāṃ yaḥ prayacchati |
vimuktaḥ sarva pāpebhyo nāsau durgatimāpnuyāt || 99 ||
[Analyze grammar]

kapāle bhojanaṃ śreṣṭhaṃ mārgo'yaṃ brahmasaṃbhavaḥ |
vadaṃti loke vedeṣu pūjitaṃ devadānavaiḥ || 100 ||
[Analyze grammar]

dhārayiṣyaṃti ye viprāḥ kapālaṃ bhūtamohanam |
mama tulyāstu te brahmanvicaraṃti mahītale || 1 ||
[Analyze grammar]

japaikaniratā dhīrāḥ kapālakṛtabhūṣaṇāḥ |
mahāpāśupatā loke rudrāḥ saṃsāratārakāḥ || 2 ||
[Analyze grammar]

dharmādharmavimuktāśca kṛtyākṛtyavivarjitāḥ |
dīkṣayā jñānayogena prāṇinastārayaṃti te || 3 ||
[Analyze grammar]

yāni tīrthāni loke'sminyajñakoṭiśatāni ca |
viśuddhasya vijñānasya kalāṃ nārhaṃti ṣoḍaśīm || 4 ||
[Analyze grammar]

yathāhaṃ sarvadevānāṃ saṃpūjyo vai pitāmaha |
tathaiva sarvayogebhyaḥ saṃpūjyo'yaṃ mahāvratī || 5 ||
[Analyze grammar]

saṃsārabandhamokṣārthaṃ śivaguhyamidaṃ vratam |
yadetatsarvadharmeṇa apunarbhavakāraṇam || 6 ||
[Analyze grammar]

kapālavratamādāya yastyajedajite ndriyaḥ |
rauravaṃ sa prayātyāśu praṇīto yamakiṃkaraiḥ || 7 ||
[Analyze grammar]

ālāpayati bhāvena na tu karma karoti yaḥ |
sarāgacittaḥ śṛṃgārī na ca dharmapriyaṃkaraḥ || 8 ||
[Analyze grammar]

ekatra bhojī miṣṭāśी kaitavena priyastathā |
kugrāmanagare vāsī kṛṣivāṇijyasevakaḥ || 9 ||
[Analyze grammar]

ityādiduṣṭadoṣaśca tasya saṃbhāṣaṇādapi |
naro narakagāmī syādyato madvratadūṣakaḥ || 110 ||
[Analyze grammar]

dṛṣṭvā ca śiṣṭamatha 3 mahāvratadharo naraḥ |
na spṛśedaṃgamaṃgena spṛṣṭvā snāyāttu cāṃbubhiḥ || 11 ||
[Analyze grammar]

evaṃ ca sarvamākhyātaṃ kapālasya ca mokṣaṇam |
yathā mayātra nikṣiptamajñānena hataṃ svayam || 12 ||
[Analyze grammar]

sanatkumāra uvāca |
evamuktvā sa bhagavānbrahmādyairamaraiḥ saha |
kṣetraṃ nivāsayāmāsa yathāvatkathayāmi te || 13 ||
[Analyze grammar]

ādyametatatsmaśānaṃ ca paṭhyate munisattamaiḥ |
mahākālavanaṃ vyāsa yatra sanni hito haraḥ || 14 ||
[Analyze grammar]

anugrahasya bhuvanaṃ bhūmibhāgo na saṃśayaḥ |
anugrahārthaṃ bhūtānāṃ kṣetrāṃtarmṛtyudharmiṇām || 15 ||
[Analyze grammar]

suvarṇavajraparyaṃkavedikā ca mahīkṛtā |
vicitrakusumāratnaiḥ kāritā sarvaśobhanā || 16 ||
[Analyze grammar]

svarṇavajrāṃkitatalā śreṣṭhā haritaśādvalā |
triṃśaccatvāriṃśapūrṇāḥ kalaśāḥ koṇasaṃsthitāḥ || 17 ||
[Analyze grammar]

dvārāṇi tatra catvāri pravarṇāni tapaṃti ca |
kumbhāḥ śobhaṃti tatrasthāḥ uditā bhāskarā iva || 18 ||
[Analyze grammar]

ramate tatra bhagavānvanānāmuttame vane |
sanaṃdidevagaṇapaḥ kāladaṃḍādisaṃyutaḥ || 19 ||
[Analyze grammar]

etatkṛtayuge sarvaṃ pratyakṣaṃ dṛśyate vane |
tretāyāṃ dharmaniratāstāpasā brahmacāriṇaḥ || 120 ||
[Analyze grammar]

dvāpare dharmaśīlā ye śrutavi jñānaśālinaḥ |
kalau tu śuddhavijñānaśālinaḥ śaṃkaraṃ haram || 21 ||
[Analyze grammar]

tapodhikāḥ prapaśyaṃti devadevaṃ maheśvaram |
mahākālavane nityaṃ śūlapaṭṭiśadhāriṇam || 22 ||
[Analyze grammar]

etatte tathyamākhyātaṃ lokānugrahakārakam |
sahitānukrameṇātra mantraiśca vidhipūrvakam || 23 ||
[Analyze grammar]

samarcayaṃti ye viprā bhaktyā śaṃbhumahāpadam || |
vasaṃtīha samīpaṃ te mahākālānubhāvitāḥ || 24 ||
[Analyze grammar]

paṭhati ya iha loke tasya saṃsthānametatprathitaguṇagaṇaughairarcitaṃ doṣahaṃ tat |
śubhamatirabhiṣiktaḥ so'marairarcyamāno vrajati harapuraṃ yaḥ saṃśṛṇotyekacittaḥ || 125 ||
[Analyze grammar]