Chapter 47

[English text for this chapter is available]

agastya uvāca |
etadbhaviṣyaṃ śrutvāhaṃ vyāsasya śivanaṃdana |
āścaryabhājanaṃ jātastīrthāni kathayādhunā || 1 ||
[Analyze grammar]

ānaṃdakānane yāni yatra saṃti ṣaḍānana |
tāni liṃgasvarūpāṇi samācakṣva mamāgrataḥ || 2 ||
[Analyze grammar]

skaṃda uvāca |
ayameva hi vai praśno devyai devena bhostadā |
yādṛśaḥ kathito vacmi tādṛśaṃ śṛṇu kuṃbhaja || 3 ||
[Analyze grammar]

devyuvāca |
yāni yāni hi tīrthāni yatrayatra maheśvara |
tāni tānīha me kāśyāṃ tatratatra vada prabho || 4 ||
[Analyze grammar]

devadeva uvāca |
śṛṇu devi viśālākṣi tīrthaṃ liṃgamudāhṛtam |
jalāśayepi tīrthākhyā jātā mūrti parigrahāt || 5 ||
[Analyze grammar]

mūrtayo brahmaviṣṇvarkaśivavighneśvarādikāḥ |
liṃgaṃ śaivamiti khyātaṃ yatraitattīrthameva tat || 6 ||
[Analyze grammar]

vārāṇasyāṃ mahādevaḥ prathamaṃ tīrthamucyate |
taduttare mahākūpaḥ sārasvatapadapradaḥ || 7 ||
[Analyze grammar]

kṣetrapūrvottarebhāge taddṛṣṭaṃ paśupāśahṛt |
tatpaścādvigrahavatī pūjyā vārāṇasī naraiḥ || 8 ||
[Analyze grammar]

sā pūjitā prayatnena sukhavastipradā sadā |
mahādevasya pūrveṇa goprekṣaṃ liṃgamuttamam || 9 ||
[Analyze grammar]

taddarśanādbhavetsamyaggodānajanitaṃ phalam |
golokātpreṣitā gāvaḥ pūrvaṃ yacchaṃbhunā svayam || 10 ||
[Analyze grammar]

vārāṇasīṃ samāyātā goprekṣaṃ tattataḥ snṛtam |
goprekṣāddakṣiṇebhāge dadhīcīśvarasaṃjñitam || 11 ||
[Analyze grammar]

taddarśanādbhavetpuṃsāṃ phalaṃ yajñasamudbhavam |
atrīśvaraṃ tu tatprācyāṃ madhukaiṭabhapūjitam || 12 ||
[Analyze grammar]

liṃgaṃ dṛṣṭvā prayatnena vaiṣṇavaṃ padamṛcchati |
goprekṣātpūrvadigbhāge liṃgaṃ vai vijvaraṃ smṛtam || 13 ||
[Analyze grammar]

tasya saṃpūjanānmartyo vijvaro jāyate kṣaṇāt |
prācyāṃ vedeśvarastasya caturvedaphalapradaḥ || 14 ||
[Analyze grammar]

vedeśvarādudīcyāṃ tu kṣetrajñaścādikeśavaḥ |
dṛṣṭaṃ tribhuvanaṃ sarvaṃ tasya saṃdarśanāddhruvam || 15 ||
[Analyze grammar]

saṃgameśvaramālokya tatprācyāma jāyatenaghaḥ |
caturmukhena vidhinā tatpūrveṇa caturmukham || 16 ||
[Analyze grammar]

prayāgasaṃjñakama liṃgamarcitama brahmalokadam |
tatra śāṃtikarī gaurī pūjitā śāṃtikṛdbhavet || 17 ||
[Analyze grammar]

varaṇāyāstaṭe pūrve pūjyaṃ kuṃtīśvaraṃ nṛbhiḥ |
tatpūjanātprajāyaṃte putrā nijakulojjvalāḥ || 18 ||
[Analyze grammar]

kuṃtīśvarāduttaratastīrthaṃ vai kāpilo hradaḥ |
tatra vai snānamātreṇa vṛṣabhadhvajapūjanāt || 19 ||
[Analyze grammar]

rājasūyasya yajñasya phalaṃ tvavikalaṃ bhavet |
roravādiṣu ye kecitpitaraḥ koṭisaṃmitāḥ || 20 ||
[Analyze grammar]

tatra śrāddhe kṛte putraiḥ pitṛlokaṃ prayāṃti te |
ānusūyeśvaraṃ liṃgaṃ goprekṣāduttare mune || 21 ||
[Analyze grammar]

taddarśanādbhavetstrīṇāṃ pātivratya phalaṃ sphuṭam |
talliṃgapūrvadigbhāge pūjyaḥ siddhivināyakaḥ || 22 ||
[Analyze grammar]

yāṃ siddhiṃ yaḥ samīheta sa tāmāpnoti tannateḥ |
hiraṇyakaśiporliṃgaṃ gaṇeśātpaścime tataḥ || 23 ||
[Analyze grammar]

hiraṇyakūpastatrāsti hiraṇyāśvasamṛddhikṛt || 24 ||
[Analyze grammar]

muṃḍāsureśvaraṃ liṃgaṃ tatpratīcyāṃ ca siddhidam |
abhīṣṭadaṃ tu nairṛtyāṃ goprekṣādvṛṣabheśvaram || 25 ||
[Analyze grammar]

mune skaṃdeśvaraṃ liṃgaṃ mahādevasya paścime |
talliṃgapūjanānnṛṇāṃ bhavenmama salokatā || 26 ||
[Analyze grammar]

tatpārśvato hi śākheśo viśākheśaśca tatra vai |
naigameyeśvarastatra yenye naṃdyādayo gaṇāḥ || 27 ||
[Analyze grammar]

teṣāmapi hi liṃgāni tatra saṃti sahasraśaḥ |
taddarśanādbhavetpuṃsāṃ tattadgaṇasalokatā || 28 ||
[Analyze grammar]

naṃdīśvarātpratīcyāṃ ca śilādeśaḥ kudhīharaḥ |
mahābalapradastatra hiraṇyākṣeśvaraḥ śubhaḥ || 29 ||
[Analyze grammar]

taddakṣiṇeṭṭahāsākhyaṃ liṃgaṃ sarvasukhapradam |
prasannavadaneśākhyaṃ liṃgaṃ tasyottare śubham || 30 ||
[Analyze grammar]

prasannavadanastiṣṭhedbhaktastaddarśanācchubhāt |
taduttare prasannodaṃ kuṃḍaṃ nairmalyadaṃ nṛṇām || 31 ||
[Analyze grammar]

pratīcyāmaṭṭahāsasya mitrāvaruṇanāmanī |
liṃge tallokade pūjye mahāpātakahāriṇī || 32 ||
[Analyze grammar]

nairṛtyāṃ cāṭṭahāsasya vṛddhavāsiṣṭhasaṃjñakam |
liṃgaṃ tatpūjanātpuṃsāṃ jñānamutpadyate mahat || 33 ||
[Analyze grammar]

vasiṣṭheśa samīpasthaḥ kṛṣṇeśo viṣṇulokadaḥ |
tadyāmyāṃ yājñavalkyeśo brahmatejovivadharnaḥ || 34 ||
[Analyze grammar]

prahlādeśvaramabhyarcya tatpaścādbhaktivardhanam |
svayaṃlīnaḥ śivo yatra bhaktānugrahakāmyayā || 35 ||
[Analyze grammar]

ataḥ svalīnaṃ tatpūrve liṃgaṃ pūjyaṃ prayatnataḥ |
sadaiva jñānaniṣṭhānāṃ paramānaṃdamicchatām |
yā gatirvihitā teṣāṃ svalīne sā tanutyajām || 36 ||
[Analyze grammar]

vairocaneśvaraṃ liṃgaṃ svalīnātpurataḥ sthitam |
taduttare balīśaṃ ca mahābalavivardhanam || 37 ||
[Analyze grammar]

tatraiva liṃgaṃ bāṇeśaṃ pūjitaṃ sarvakāmadam |
caṃdreśvarasya pūrveṇa liṃgaṃ vidyeśvarābhidham || 38 ||
[Analyze grammar]

sarvāvidyāḥ prasannāḥ syustasya liṃgasya sevanāt |
taddakṣiṇe tu vīreśo mahāsiddhi vidhāyakaḥ || 39 ||
[Analyze grammar]

tatraiva vikaṭā devī sarvaduḥkhaughamocanī |
paṃcamudraṃ mahāpīṭhaṃ tajjñeyaṃ sarvasiddhidam || 40 ||
[Analyze grammar]

tatra japtā mahāmaṃtrāḥ kṣipraṃ sidhyaṃti nānyathā |
tatpīṭhe vāyukoṇe tu saṃpūjyaḥ sagareśvaraḥ || 41 ||
[Analyze grammar]

tadarcanādaśvamedhaphalaṃ tvavikalaṃ bhavet |
tadīśāne ca vālīśastiryagyoni nivārakaḥ || 42 ||
[Analyze grammar]

mahāpāpaughavidhvaṃsī sugrīveśastaduttare |
hanūmadīśvarastatra brahmacaryaphalapradaḥ || 43 ||
[Analyze grammar]

mahābuddhipradastatra pūjyo jāṃbavatīśvaraḥ |
āśvine yeśvarau pūjyau gaṃgāyāḥ paścime taṭe || 44 ||
[Analyze grammar]

taduttare bhadrahrado gavāṃ kṣīreṇa pūritaḥ |
kapilānāṃ sahasreṇa samyagdattane yatphalam || 45 ||
[Analyze grammar]

tatphalaṃ labhate martyaḥ snāto bhadrahrade dhruvam |
pūrvābhādrapadā yuktā paurṇamāsī yadā bhavet || 46 ||
[Analyze grammar]

tadā puṇyatamaḥ kālo vājimedhaphalapradaḥ |
hrada paścima tīre tu bhadreśvara vilokanāt || 47 ||
[Analyze grammar]

golokaṃ prāpnuyāttasmātpuṇyānnaivātra saṃśayaḥ |
bhadreśvarādyātudhānyāmupaśāṃta śivo mune || 48 ||
[Analyze grammar]

tasya liṃgasya saṃsparśātparā śāṃtiṃ samṛcchati |
upaśāṃta śivaṃ liṃgaṃ dṛṣṭvā janmaśatārjitam || 49 ||
[Analyze grammar]

tyajedaśreyaso rāśiṃ śreyorāśiṃ ca viṃdati |
taduttare ca cakreśo yonicakra nivārakaḥ || 50 ||
[Analyze grammar]

taduttare cakrahrado mahāpuṇyavivardhanaḥ |
snātvā cakrahrade martyaścakreśaṃ paripūjya ca || 51 ||
[Analyze grammar]

śivalokamavāpnoti bhāvitenāṃtarātmanā |
tannairṛte ca śūleśo draṣṭavyaśca prayatnataḥ || 52 ||
[Analyze grammar]

śūlaṃ tatra purā nyastaṃ snānārthaṃ varavarṇini |
hradastatra samutpannaḥ śūleśasyāgrato mahān || 53 ||
[Analyze grammar]

snānaṃ kṛtvā hrade tatra dṛṣṭvā śūleśvaraṃ vibhum |
rudralokaṃ narā yāṃti tyaktvā saṃsāragahvaram || 54 ||
[Analyze grammar]

tatpūrvato nāradena tapastaptaṃ mahattaram |
liṃgaṃ ca sthāpitaṃ śreṣṭhaṃ kuṃḍaṃ cāpi śubhaṃ kṛtam || 55 ||
[Analyze grammar]

tatra kuṃḍe naraḥ snātvā dṛṣṭvā vai nāradeśvaram |
saṃsārābdhimahāghoraṃ saṃtarennātra saṃjayaḥ || 56 ||
[Analyze grammar]

nāradeśvara pūrveṇa dṛṣṭvā'vabhrātakeśvaram |
nirmalāṃ gatimāpnoti pāpaughaṃ ca vimuṃcati || 57 ||
[Analyze grammar]

tadagre tāmrakuṃḍaṃ ca tatra snāto na garbhabhāk |
vighnahartā gaṇādhyakṣastadvāyavye suvighnahṛt || 58 ||
[Analyze grammar]

tatra vighnaharaṃ kuṃḍaṃ tatra snāto na vighnabhāk |
anārakeśvaraṃ liṃgaṃ tadudagdiśi cottamam || 59 ||
[Analyze grammar]

kuṃḍaṃ cānārakākhyaṃ vai tatra snāto na nārakī |
varaṇāyāstaṭe ramye varaṇeśastaduttare || 60 ||
[Analyze grammar]

tatra pāśupataḥ siddhastvakṣapādo mahāmune |
anenaiva śarīreṇa śāśvatīṃ siddhimāgataḥ || 61 ||
[Analyze grammar]

tatpaścime ca śaileśaḥ paranirvāṇakāmadaḥ |
koṭīśvaraṃ tu tadyāmyāṃ liṃgaṃ śāśvatasiddhidam || 62 ||
[Analyze grammar]

koṭitīrthe hrade snātvā koṭīśaṃ paripūjya ca |
gavāṃ koṭipradānasya phalamāpnoti mānavaḥ || 63 ||
[Analyze grammar]

mahāśmaśānastaṃbhosti koṭīśādvahnidiksthitaḥ |
tasminstaṃbhe mahārudrastiṣṭhate comayā saha || 64 ||
[Analyze grammar]

taṃ staṃbhaṃ samalaṃkṛtya narastatpadamāpnuyāt |
tatraiva tīrthaṃ paramaṃ kapāleśa samīpataḥ || 65 ||
[Analyze grammar]

kapālamocanaṃ nāma tatra snāto'śvamedhabhāk |
ṛṇamocanatīrthaṃ tu tadudagdiśi śobhanam || 66 ||
[Analyze grammar]

tatra tīrthe naraḥ snātvā mukto bhavati carṇataḥ |
tatraivāṃgārakaṃ tīrthaṃ kuṃḍaṃ cāṃgāranirmalam || 67 ||
[Analyze grammar]

snātvāṃgāraka tīrthe tu bhavedbhūyo na garbhabhāk |
aṃgāravārayuktāyāṃ caturthyāṃ snāti yo naraḥ |
vyādhibhirnābhi bhūyeta na ca duḥkhī kadācana || 68 ||
[Analyze grammar]

viśvakarmeśvaraṃ liṃgaṃ jñānadaṃ ca taduttare |
mahāmuṃḍeśvaraṃ liṃgaṃ tasya dakṣiṇataḥ śubham || 69 ||
[Analyze grammar]

kūpaḥ śubhoda nāmāpi snātavyaṃ tatra niścitam |
tatra muṃḍamayī mālā mayā kṣiptātiśobhanā || 70 ||
[Analyze grammar]

mahāmuṃḍā tato devī samutpannāghahāriṇī |
khaṭvāṃgaṃ ca dhṛtaṃ tatra khaṭvāṃgeśastatobhavat || 71 ||
[Analyze grammar]

niṣpāpo jāyate martyaḥ khaṭvāṃgeśa vilokanāt |
bhuvaneśastato yāmyāṃ kuṃḍaṃ ca bhuvaneśvaram || 72 ||
[Analyze grammar]

tatra kuṃḍe naraḥ snāto bhuvane śobhavennaraḥ |
tadyāmyāṃ vimaleśaśca kuṃḍaṃ ca vimalodakam || 73 ||
[Analyze grammar]

tatra snātvā vilokyeśaṃ vimalo jāyate naraḥ |
tatra pāśupataḥ siddhastryaṃbako nāma nāmataḥ || 74 ||
[Analyze grammar]

anenaiva śarīreṇa rudralokamavāptavān |
bhṛgorāyatanaṃ tasya paścime'tīva puṇyadam || 72 ||
[Analyze grammar]

vidhipūrvaṃ tadabhyarcya prāpnuyācchivamaṃdiram |
śubheśvaraśca tadyāmyāṃ mahāśubhaphalapradaḥ || 76 ||
[Analyze grammar]

tatra siddhaḥ pāśupataḥ kapilarṣirmahātapāḥ |
tatrāsti hi guhā ramyā kapileśvara saṃnidhau || 77 ||
[Analyze grammar]

tāṃ guhāṃ praviśedyo vai na sa garbhe viśetkvacit |
tatra yajñodakūposti vājimedhaphalapradaḥ || 78 ||
[Analyze grammar]

oṃkāra eṣa evāsāvādivarṇamayātmakaḥ |
matsyodaryuttare kūle nādeśastvahameva ca || 79 ||
[Analyze grammar]

nādeśaḥ paramaṃ brahma nādeśaḥ paramā gatiḥ |
nādeśaḥ paramaṃ sthānaṃ duḥkhasaṃsāramocanam || 80 ||
[Analyze grammar]

kadācittasya devasya darśane yāti jāhnavī |
matsyodarī sā kathitā snānaṃ puṇyairavāpyate || 81 ||
[Analyze grammar]

matsyodarī yadā gaṃgā paścime kapileśvaram |
samāyāti mahādevi tadā yogaḥ sudurlabhaḥ || 82 ||
[Analyze grammar]

uddālakeśvaraṃ liṃgamudīcyāṃ kapileśvarāt |
taddarśanena saṃsiddhiḥ parā sarvairavāpyate || 83 ||
[Analyze grammar]

taduttare bāṣkulīśaṃ liṃgaṃ sarvārthasiddhidam |
bāṣkulīśāddakṣiṇato liṃgaṃ vai kaustubheśvaram || 84 ||
[Analyze grammar]

tasyārcanena ratnaughairna viyujyeta karhicit |
śaṃkukarṇeśvaraṃ liṃgaṃ kaustubheśvaradakṣiṇe || 85 ||
[Analyze grammar]

saṃsevya paramaṃ jñānaṃ labhedadyāpi sādhakaḥ |
aghoreśo guhādvāri kūpastasyottare śubhaḥ || 86 ||
[Analyze grammar]

aghoroda iti khyāto vājimedhaphalapradaḥ |
gargeśo damaneśaśca tatra liṃgadvayaṃ śubham || 87 ||
[Analyze grammar]

anenaiveha dehena yatra tau siddhimāpatuḥ |
talliṃgayoḥ samarcātaḥ siddhirbhavati vāṃchitā || 88 ||
[Analyze grammar]

taddakṣiṇe mahākuṃḍaṃ rudrāvāsa iti smṛtam |
tatra rudreśamabhyarcya koṭirudraphalaṃ labhet || 89 ||
[Analyze grammar]

caturdaśī yadāparṇe rudranakṣatra saṃyutā |
tadā puṇyatamaḥ kālastasminkuṃḍe mahāphalaḥ || 90 ||
[Analyze grammar]

rudrakuṃḍe naraḥ snātvā dṛṣṭvā rudreśvaraṃ vibhum |
yatratatra mṛto vāpi rudralokamavāpnuyāt || 91 ||
[Analyze grammar]

rudrasya nairṛte bhāge liṃgaṃ tatra mahālayam |
tadagre pitṛkūposti pitṝṇāmālayaḥ paraḥ || 92 ||
[Analyze grammar]

tatra śrāddhaṃ naraḥ kṛtvā piṃḍānkūpe parikṣipet |
ekaviṃśakulopetaḥ śrāddhakṛdrudralokabhāk || 93 ||
[Analyze grammar]

tatra vaitaraṇī nāma dīrghikā paścimānanā |
tasyāṃ snāto naro devi narakaṃ naiva gacchati || 94 ||
[Analyze grammar]

bṛhaspatīśvaraṃ liṃgaṃ rudrakuṃḍācca paścime |
gurupuṣyasamāyoge dṛṣṭvā divyāṃ labhedgiram || 95 ||
[Analyze grammar]

rudrāvāsāddakṣiṇataḥ kāmeśaṃ liṃgamuttamam |
taddakṣiṇe mahākuṃḍaṃ snānācciṃtita kāmadam || 96 ||
[Analyze grammar]

caitraśukla trayodaśyāṃ tatra yātrā ca kāmadā |
nalakūbara liṃgaṃ ca prācyāṃ kāmeśvarācchubham || 97 ||
[Analyze grammar]

tadagre pāvanaḥ kūpo dhanadhānya samṛddhidaḥ |
nalakūbarapūrveṇa sūryācaṃdramaseśvarau || 96 ||
[Analyze grammar]

ajñānadhvāṃtapaṭalīṃ haratastau samarcitau |
taddakṣiṇedhvakeśaśca dṛṣṭo mohavināśanaḥ || 99 ||
[Analyze grammar]

tatra siddhīśvaraṃ liṃgaṃ mahāsiddhisamarpakam |
tatraiva maṃḍaleśaśca maṃḍaleśapadapradaḥ || 100 ||
[Analyze grammar]

kāmakuṃḍasya pūrveṇa cyavaneśaḥ samṛddhidaḥ |
tatraiva sanakeśaśca rājasūyaphalapradaḥ || 1 ||
[Analyze grammar]

sanatkumāra liṃgaṃ ca tatpaścādyogasiddhikṛt |
taduttare sanaṃdeśo mahājñāna samarthakaḥ || 2 ||
[Analyze grammar]

tadyāmyāmāhutīśaśca dṛṣṭo homaphalapradaḥ |
tadyāmyāṃ puṇyajanakaṃ liṃgaṃ paṃcaśikheśvaram || 3 ||
[Analyze grammar]

mārkaṃḍeya hradastasya paścime puṇyavardhanaḥ |
tasminhrade naraḥ snātvā kiṃ bhūyaḥ pariśocati || 4 ||
[Analyze grammar]

tatra snānaṃ ca dānaṃ ca bhavedakṣaya puṇyadam |
taduttare ca kuṃḍeśaḥ sarvasiddhairnamaskṛtaḥ || 5 ||
[Analyze grammar]

dīkṣāṃ pāśupatīṃ labdhvā dvādaśābdena yatphalam |
tatphalaṃ labhate vipra martyaḥ kuṃḍeśa darśanāt || 6 ||
[Analyze grammar]

mārkaṃḍeya hradātpūrvaṃ śāṃḍilyeśaḥ supuṇyadaḥ |
tatpaścime ca caṃḍeśaścaṃḍāṃśu grahaṇāghahṛt || 7 ||
[Analyze grammar]

dakṣiṇe ca kapāleśātkuṃḍaṃ śrīkaṃṭhasaṃjñitam |
tatra kuṃḍe naraḥ snātvā dātā syācchrīprabhāvataḥ || 8 ||
[Analyze grammar]

mahālakṣmīśvaraṃ liṃgaṃ tasya kuṃḍasya sannidhau |
mahālakṣmīṃ samabhyarcya snātastatkuṃḍavāriṣu || 9 ||
[Analyze grammar]

cāmarāsaktahastābhirdivyastrībhiśca vījyate |
yadā matsyodarīṃ yāṃti svargalokāddivaukasaḥ |
tadā tenaiva mārgeṇa yāṃti strībhirvṛtāḥ sukham || 110 ||
[Analyze grammar]

svargadvāramataḥ khyātaṃ tatsthānaṃ munisattama |
tatkuṃḍa dakṣiṇebhāge liṃgaṃ brahmapadapradam || 11 ||
[Analyze grammar]

gāyatrīśvara sāvitrīśvarau pūjyau prayatnataḥ |
matsyodaryāstaṭe ramye liṃgaṃ satyavatīśvaram || 12 ||
[Analyze grammar]

tayoḥ pūrveṇa saṃpūjya tapaḥśrī parivardhanam |
ugreśvaraṃ mahāliṃgaṃ lakṣmīśātpūrvadiksthitam || 13 ||
[Analyze grammar]

jātismaro bhavenmartyastalliṃgasya samarcanāt |
taddakṣiṇe cograkuṃḍaṃ snānātkanakhalādhikam || 14 ||
[Analyze grammar]

karavīreśvaraṃ liṃgaṃtasya kuṃḍaṃsya paścime |
tasya darśanataḥ puṃsāṃ jāyate rogasaṃkṣayaḥ || 15 ||
[Analyze grammar]

tadvāvye marīcīśaṃ kuṃḍaṃ cāghaughanāśanam |
tatpaścācceṃdrakuṃḍaṃ liṃgaṃ ceṃdreśvaraṃ mune || 16 ||
[Analyze grammar]

iṃdreśāddakṣiṇebhāge śubhā karkoṭavāpikā |
tatra vāpījale snātvā dṛṣṭvā karkoṭakeśvaram || 17 ||
[Analyze grammar]

nāgānāmādhipatyaṃ tu jāyate nātra saṃśayaḥ |
tatpaścāddṛmicaṃḍeśo brahmahatyāharo haraḥ || 18 ||
[Analyze grammar]

taddakṣiṇe mahākuṃḍaṃ rudralokaphalapradam |
tatpaścime mahāliṃgamagnīśa iti viśrutam || 19 ||
[Analyze grammar]

āgneyaṃ nāma kuṃḍaṃ ca tatpūrvegnisalokadam |
āgneyeśvarataḥ prācyāṃ kuṃḍaṃ taddakṣiṇe śubham || 120 ||
[Analyze grammar]

tatra kuṃḍe naraḥ snātvā svarge vasati pūrvajaiḥ |
tatprācyāṃ bālacaṃdreśaścaṃdralokagatipradaḥ || 21 ||
[Analyze grammar]

parito bālacaṃdreśaṃ gaṇaliṃgānyanekaśaḥ |
vilokya tāni liṃgāni gāṇapatyaṃ padaṃ labhet || 22 ||
[Analyze grammar]

bālacaṃdra samīpe tu kūpaḥ pitṛgaṇapriyaḥ |
tatra śrāddhapradaḥ snātvā pitṝnsaptā'tra tārayet || 23 ||
[Analyze grammar]

tadaṃdhoḥ pūrvato liṃgaṃ puṇyaṃ viśveśvarāhvayam |
viśveśvarasya pūrveṇa vṛddhakāleśvaro haraḥ || 24 ||
[Analyze grammar]

kālodo nāma kūposti tadagre sarvarogahṛt |
yaistu tatrodakaṃ pītaṃ strībhiḥ puṃbhiḥ svakarmabhiḥ || 25 ||
[Analyze grammar]

na teṣāṃ parivartotra kalpakoṭiśatairapi |
tatpītvā janmabaṃdhotthādbhayānmucyeta mānavaḥ || 26 ||
[Analyze grammar]

tatra kūpe tu yaddattaṃ dānaṃ śivaratātmanām |
saṃvartepi na tasyāsti nāśaḥ kalaśasaṃbhava || 27 ||
[Analyze grammar]

khaṃḍasphuṭitasaṃskāraṃ tatra kurvaṃti ye narāḥ |
te rudralokamāsādya modaṃte sukhinaḥ sadā || 28 ||
[Analyze grammar]

kāleśāddakṣiṇe bhāge mṛtyvīśastvapamṛtyuhṛt |
liṃgaṃ dakṣeśvarāhvaṃ ca tataḥ kūpādudagdiśi || 29 ||
[Analyze grammar]

aparādhasahasraṃ tu naśyettasya samarcanāt || 130 ||
[Analyze grammar]

mahākāleśa liṃgaṃ ca dakṣeśātpūrvato mahat |
mahākuṃḍe naraḥ snātvā mahākālaṃ tu yorcayet || 31 ||
[Analyze grammar]

arcitaṃ tena vai tatra jagadetaccarācaram |
aṃtakeśvaramālokya tadyāmyāṃ nāṃtakasya bhīḥ || 32 ||
[Analyze grammar]

hastipāleśvaraṃ liṃgaṃ tasya dakṣiṇato mune |
tasya pūjanato yāti puṇyaṃ vai hastidānajam || 33 ||
[Analyze grammar]

tatrairāvatakuṃḍaṃ ca liṃgamairāvateśvaram |
talliṃgamarcayanmartyo dhanadhānyasamṛddhibhāk || 34 ||
[Analyze grammar]

taddakṣiṇe śreyase ca liṃgaṃ syānmālatīśvaram |
hastīśvarāduttare tu jayaṃteśo jayapradaḥ || 35 ||
[Analyze grammar]

baṃdīśvaro mahākāla kuṃḍāduttarataḥ śubhaḥ |
baṃdikuṃḍaṃ ca vikhyātaṃ vārāṇasyāṃ mahāghahṛt || 36 ||
[Analyze grammar]

tatra snānena dānena śrāddhenākṣayamaśnute |
dhanvaṃtarīśvaraṃ liṃgaṃ kuṃḍaṃ tannāma caiva hi || 37 ||
[Analyze grammar]

tasya liṃgasya nāmānyatkuṃḍanāmānyadeva hi |
tuṃgeśvaraṃ liṃga nāma kuṃḍaṃ vaidyeśvarābhidham || 38 ||
[Analyze grammar]

sudhāmayyo mahauṣadhyaḥ kṣiptāstatra mahādhiyaḥ |
tatkuṃḍasnānatastasmāttalliṃga parivīkṣaṇāt |
naśyaṃti vyādhayaḥ sarve saha pāpaiḥ sudāruṇaiḥ || 39 ||
[Analyze grammar]

taduttare halīśeśaḥ sarvavyādhinipūdanaḥ |
śiveśvaraḥ śivakarastuṃganāmnaśca dakṣiṇe || 140 ||
[Analyze grammar]

jamadagnīśvaraṃ liṃgaṃ śiveśāddakṣiṇe śubham |
tatpaścime bhairaveśaḥ kūpastasyottare śubhaḥ || 41 ||
[Analyze grammar]

tadudasparśamātreṇa sarvayajñaphalaṃ labhet |
tatkūpapaścime bhāge sukeśo yogasiddhidaḥ || 42 ||
[Analyze grammar]

tannairṛtyāṃ ca vyāseśaḥ kūpaśca vimalodakaḥ |
vyāsakūpe naraḥ snātvā tarpayitvā surānpitṝn || 43 ||
[Analyze grammar]

akṣayaṃ labhate lokaṃ yatrakutrābhikāṃkṣitam |
vyāsatīrthātpaścimato ghaṃṭākarṇo hrado mahān || 44 ||
[Analyze grammar]

ghaṃṭākarṇahrade snātvā vyāsaṃśa paridarśanāt |
yatratatra mṛto vāpi vārāṇasyāṃ mṛto bhavet || 45 ||
[Analyze grammar]

ghaṃṭākarṇa samīpe tu paṃcacūḍāpsaraḥ saraḥ |
paṃcacūḍājale snātvā dṛṣṭvā devaṃ tamīśvaram || 46 ||
[Analyze grammar]

svargalokaṃ naro yāti paṃcacūḍāpriyo bhavet |
gaurīkūpastatovācyāṃ sarvajāḍyavināśanaḥ || 47 ||
[Analyze grammar]

paṃcacūḍottare bhāge tīrthaṃ cāśokasaṃjñitam |
maṃdākinī mahātīrthaṃ tadudīcyāṃ mahāghahṛt || 48 ||
[Analyze grammar]

svargalokepi sā puṇyā kiṃ punarmānave mune |
taduttare madhyameśo madhye kṣetraṃ svapityaho || 49 ||
[Analyze grammar]

tatra jāgaraṇaṃ kṛtvā'śokāṣṭamyāṃ madhau naraḥ |
na jātu śokaṃ labhate sadānaṃdamayo bhavet || 150 ||
[Analyze grammar]

muktikṣetrapramāṇaṃ ca krośaṃ krośaṃ ca sarvataḥ |
ārabhya liṃgādasmācca puṇyadānmadhyameśvarāt || 51 ||
[Analyze grammar]

etadeva sadā prāhuḥ sarve vai prapitāmahāḥ |
kaścidasmatkule jāto maṃdākinyā jalāplutaḥ || 52 ||
[Analyze grammar]

bhojayetprayato viprānyatīnpāśupatānapi |
madākinyāṃ naraḥ snātvā dṛṣṭvā vai madhyameśvaram || 53 ||
[Analyze grammar]

ekaviṃśatkulopeto rudraloke vasecciram |
madhyameśādavācyāṃ ca viśvedeveśvaraḥ śubhaḥ || 54 ||
[Analyze grammar]

tadarcanādarcitāḥ syurviśvedevāstrayodaśa |
tatpūrve vīrabhadreśo mahāvīrapadapradaḥ || 55 ||
[Analyze grammar]

bhadradā bhadrkālī ca tasya dakṣiṇataḥ śubhā |
bhadrākāla hrado nāma tatrātīva śubhapradaḥ || 56 ||
[Analyze grammar]

āpastaṃbeśvaraṃ liṃgaṃ tatprācyāṃ jñānadaṃ param |
taduttare puṇyakūpastatpaścācchaunako hradaḥ || 57 ||
[Analyze grammar]

hradapaścimato liṃgaṃ śaunakeśaṃ sudhīpradam |
hrade tatra naraḥ snātvā dṛṣṭvā vai śaunakeśvaram || 58 ||
[Analyze grammar]

jñānaṃ tatsaṃlabheddivyaṃ yena mṛtyuṃ taratyasau |
taddakṣiṇe jaṃbukeśastiryagyoni nivārakaḥ || 59 ||
[Analyze grammar]

taduttare mataṃgeśo gānavidyāprabodhakaḥ |
mataṃgeśasya vāyavye nānāliṃgāni sarvataḥ || 160 ||
[Analyze grammar]

munibhiḥ sthāpitānīha sarvasiddhipradāni ca |
brahmarāteśvaraṃ liṃgaṃ mataṃgeśācca dakṣiṇe || 61 ||
[Analyze grammar]

talliṃgadarśanādāyurnāṃtarācchidyate kvacit |
tatrājyapeśvaraṃ liṃgaṃ pitṛliṃgānyanekaśaḥ |
talliṃgasevayā sarve tuṣyaṃti prapitāmahāḥ || 62 ||
[Analyze grammar]

taddakṣiṇe siddhakūpaḥ siddhāḥ saṃti sahasraśaḥ |
vāyurūpāstu ye siddhā ye siddhā bhānuraśmigāḥ || 63 ||
[Analyze grammar]

taiḥ sthāpitaṃ tu yalliṃgaṃ tatsiddheśvaramīritam |
tasya saṃdarśanādeva sarvāḥ syuḥ siddhayo'malāḥ || 64 ||
[Analyze grammar]

tatpaścime siddhavāpī pītā snātā ca siddhidā |
prācyāṃ ca siddhakūpādvai liṃgaṃ vyāghreśvarābhidham || 65 ||
[Analyze grammar]

talliṃgadarśanānnṛṇāṃ na bhayaṃ vyāghracorajam |
jyeṣṭheśvaraṃ ca tadyāmyāṃ jyeṣṭhasthāneti siddhidam || 66 ||
[Analyze grammar]

taddakṣiṇe mudāṃ dhāma liṃgaṃ prahasiteśvaram |
taduttare nivāseśa kāśīvāsaphalapradaḥ || 67 ||
[Analyze grammar]

catuḥsamudrakūposti tatrābdhisnāna puṇyadaḥ |
jyeṣṭhā devī tu tatrāsti natā jyeṣṭhapadapradā || 68 ||
[Analyze grammar]

avācyāṃ vyāghraliṃgācca liṃgaṃ caṃḍīśvarābhidham |
taduttare daṃḍakhātaṃ saraḥ pitṛmudāvaham || 69 ||
[Analyze grammar]

grahaṇānaṃtare snānaṃ daṃḍakhāteti puṇyadam |
jaigīṣavya guhā tatra tatra liṃgaṃ tadāhvayam || 170 ||
[Analyze grammar]

trirātropoṣitastatra jñānaṃ labhyeta nirmalam |
mahāpuṇyapradaṃ liṃgaṃ tatpaścāddevaleśvaram || 71 ||
[Analyze grammar]

śatakālastatsamīpe śataṃ kālānumāpatiḥ |
talliṃgāvirbhave kāśyāṃ kālayāmāsa kuṃbhaja || 72 ||
[Analyze grammar]

talliṃgadaśarnādāyuḥ śatavarṣāṇyakhaṃḍitam |
śātātapeśastadyāmyāṃ mahājapaphalapradaḥ || 73 ||
[Analyze grammar]

tatpaścime hetukeśo hetubhūto mahāphale |
taddakṣiṇekṣapādeśo mahājñānaprarvatakaḥ || 74 ||
[Analyze grammar]

tadagre ca kaṇādeśastatra puṇyodakaḥ prahiḥ |
snātvā kāṇādakūpe yaḥ kaṇādeśaṃ samarcayet || 75 ||
[Analyze grammar]

na dhanena na dhānyena tyajyate sa kadācana |
tasya dakṣiṇato dṛśyo bhūtīśo bhūtikṛtsatām || 76 ||
[Analyze grammar]

tatpaścime'ghasaṃhartṛ āṣāḍhīśvara saṃjñitam |
durvāseśaśca tatpūrve sarvakāmasamṛddhikṛt || 77 ||
[Analyze grammar]

tadyāmyāṃ bhārabhūteśaḥ pāpabhārāpahārakaḥ |
vyāseśvarasya pūrveṇa dvau śaṃkhalikhiteśvarau |
tau dṛśyau yatnataḥ kāśyāṃ mahājñāna pravartakau || 78 ||
[Analyze grammar]

yatsamāpyāpyate puṇyaṃ niṣṭhā pāśupatavratam |
tadāpyatetra viśveśa sakṛdīkṣaṇataḥ kṣaṇāt || 79 ||
[Analyze grammar]

tadīśānevadhūteśo yogajñānapravartakaḥ |
tīrthaṃ caivāvadhūteśaṃ sarvakalmaṣanāśakṛt || 180 ||
[Analyze grammar]

avadhūteśvarātpūrve liṃgaṃ paśupatīśvaram |
talliṃgasevayā puṃsāṃ paśupāśavimokṣaṇam || 81 ||
[Analyze grammar]

taddakṣiṇe gobhileśo mahābhilaṣitapradaḥ |
jīmūtavāhaneśaśca tatpaścālliṃgamuttamam || 82 ||
[Analyze grammar]

vidyādharapadaprāptistalliṃgaparisevanāt |
mayūkhārkaḥ paṃcanade gabhastīśaśca tatra vai || 83 ||
[Analyze grammar]

dadhikalpahrado nāma tadudīcyāṃ mahāprahiḥ |
durlabhaṃ tatprahisnānaṃ durlabhaṃ ca tadīkṣaṇam || 84 ||
[Analyze grammar]

gabhastīśottare bhāge dadhikalpeśvaro haraḥ |
narastamāśu saṃvīkṣya kalpaṃ tryakṣapure vaset || 85 ||
[Analyze grammar]

gabhastīśāddakṣiṇe tu maṃgalāṃ maṃgalālayām |
uddiśya maṃgalāṃ gaurīṃ bhojayeddvijadaṃpatī || 86 ||
[Analyze grammar]

alaṃkṛtya yathāśakti tatpuṇyāṃto na karhicit |
kṣitipradakṣiṇaphalā maṃgalaikā pradakṣiṇā || 87 ||
[Analyze grammar]

vadanaprekṣaṇādevī mukhaprekṣeśvarottare |
maṃgalāyāḥ samīpe tu sarvasiddhikarī śivā || 88 ||
[Analyze grammar]

liṃge tvaṣṭrīśavṛtteśau mukhaprekṣottare śubhe |
sahemabhūmidānasya phalaṃ darśanatastayoḥ || 89 ||
[Analyze grammar]

taduttare carcikāyā devyāḥ saṃdarśanaṃ śubham |
revateśvara liṃgaṃ ca carcikāgreṇa śāṃtikṛt || 190 ||
[Analyze grammar]

mahāśubhāyatasyāgre liṃgaṃ paṃcanadeśvaram |
maṃgalodo mahākūpo maṃgalā paścime śubhaḥ || 91 ||
[Analyze grammar]

upamanyormahāliṃgaṃ maṃgalā paścime śubham |
vyāghrapādeśvaraṃ liṃgaṃ tatpaścādvyāghrabhītihṛt || 92 ||
[Analyze grammar]

nairṛtyāṃ ca gabhastīśācchaśāṃkeśoghasaṃghahṛt |
tatpaścime caitrarathaṃ liṃgaṃ divyagatipradam || 93 ||
[Analyze grammar]

revateśātpaścimato jaiminīśo mahāghahṛt |
tatra liṃgānyanekāni ṛṣīṇāmṛṣisattama || 94 ||
[Analyze grammar]

jaiminīśācca vāyavye liṃgaṃ vai rāvaṇeśvaram |
na taddaśarnataḥ puṃsāṃ rākṣasānāṃ mahābhayam || 95 ||
[Analyze grammar]

taddakṣiṇe varāheśo māṃḍavyeśastato yame |
taddakṣiṇe pracaṃḍeśo yogeśo dakṣiṇe tataḥ || 96 ||
[Analyze grammar]

taddakṣiṇe ca dhāteśaḥ someśaśca tadagrataḥ |
tannairṛtyāṃ kanakeśo mahākanakadaḥ satām || 97 ||
[Analyze grammar]

taduttare pāṃḍavānāṃ paṃcaliṃgāni sanmude |
saṃvarteśastadagre ca śveteśastasya paścime || 98 ||
[Analyze grammar]

tatpaścātkalaśeśaśca liṃgaṃ kālābhayapradam |
kālena pāśite śvete mune kuṃbhātsamutthitam || 99 ||
[Analyze grammar]

citragupteśvaraṃ liṃgaṃ tadudīcyāmaghāpaham |
citragupteśvarātpaścādyo dṛḍheśo mahāphalaḥ || 200 ||
[Analyze grammar]

kalaśeśādavācyāṃ ca graheśo liṃgamuttamam |
grahabādhāṃ śamayati talliṃga parilokanam || 1 ||
[Analyze grammar]

citragupteśvarātpaścādyadṛccheśo mahāphalaḥ |
utathyavāmadeveśaṃ liṃgaṃ yāmyāṃ graheśvarāt || 2 ||
[Analyze grammar]

kaṃbalāśvatareśau ca tasya dakṣiṇataḥ śubhe |
tatraiva nirmalaṃ liṃgaṃ nalakūbarapūjitam || 3 ||
[Analyze grammar]

tadyāmyāṃ maṇikarṇīśaṃ tadudakpaliteśvaram |
jarāharaṃ ca tatraiva tatpaścātpāpanāśanam || 4 ||
[Analyze grammar]

tatpaścime nirjareśastannairṛtyāṃ pitāmahaḥ |
pitāmahasrotikā ca tatra śrāddhaṃ mahāphalam || 5 ||
[Analyze grammar]

tadyāmyāṃ varuṇeśaśca bāṇeśastasya dakṣiṇe |
pitāmahasrotikāyāṃ kūśmāṃḍeśastu siddhikṛt || 6 ||
[Analyze grammar]

tatpūrvato rākṣaseśo gaṃgeśastasya dakṣiṇe |
taduttare nimnageśāḥ saṃti liṃgānyanekaśaḥ || 7 ||
[Analyze grammar]

vaivasvateśvarastatra yamalokanivārakaḥ |
tatpaścādaditīśaśca cakreśastasya cāgrataḥ || 8 ||
[Analyze grammar]

tadagre kālakeśākhyo dṛṣṭapratyayakṛtparaḥ |
chāyā saṃdṛśyate tatra niṣpāpastadavekṣaṇāt || 9 ||
[Analyze grammar]

tadagre tārakeśaśca tadagre svarṇabhāradaḥ |
taduttare marutteśaḥ śakreśaśca tadagrataḥ || 210 ||
[Analyze grammar]

taddakṣiṇe ca raṃbheśastatraiva ca śaśīśvaraḥ |
taduttare lokapeśāstatra liṃgānyanekaśaḥ || 11 ||
[Analyze grammar]

nāgagaṃdharvayakṣāṇāṃ kinnarāpsarasāmapi |
devarṣigaṇavṛdānāṃ nānāsiddhikarāṇyapi || 12 ||
[Analyze grammar]

śakreśāddakṣiṇe bhāge phālguneśo mahāghahṛt |
mahāpāśupateśaśca tadyāmyāṃ śubhakṛtparaḥ || 13 ||
[Analyze grammar]

tatpaścime samudreśa īśāneśastaduttare |
tatpūrve lāṃgalīśaśca sarvasiddhisamarpakaḥ || 14 ||
[Analyze grammar]

rāgadveṣavinirmuktāḥ siddhiṃ yāṃti ca pūjakāḥ |
teṣāṃ mokṣo mayā khyāto na tu te devi mānavāḥ || 15 ||
[Analyze grammar]

madhupiṃgaśvetaketū lāṃgalīśe tapasvinau |
anenaiva śarīreṇa jagmatuḥ siddhimuttamām || 16 ||
[Analyze grammar]

tatraiva nakulīśaśca kapileśaśca tatra vai |
rahasyaṃ paramaṃ cobhau mama vrata niṣeviṇau || 17 ||
[Analyze grammar]

tatsannidhau prītikeśastatra prītirmama priye |
tatropavāsādekasmātphalamabdaśatādhikam || 18 ||
[Analyze grammar]

ekaṃ jāgaraṇaṃ kṛtvā prītikeśa upoṣitaḥ |
gaṇatvapadavī tasya niścitā mama parvaṇi || 19 ||
[Analyze grammar]

devasya dakṣiṇe bhāge tatra vāpī śubhodakā |
tadaṃbuprāśanaṃ nṛṇāmapunarbhavahetave || 220 ||
[Analyze grammar]

tajjalātpaścime bhāge daṃḍapāṇiḥ sadāvati |
tatprācyavācyuttarasyāṃ tāraḥ kālaḥ śilādajaḥ || 21 ||
[Analyze grammar]

liṃgatrayaṃ hṛdabjeyacchraddhayāpī tamarpayet |
yaistatra tajjalaṃ pītaṃ kṛtārthāste narottamāḥ || 22 ||
[Analyze grammar]

avimuktasamīpecyoṃ mokṣeśo mokṣabuddhidaḥ |
karuṇeśo dayādhāma tadudīcyāṃ samarcayet || 23 ||
[Analyze grammar]

svarṇākṣeśastu tatprācyāṃ jñānadastasya cottare |
saubhāgyagaurī saṃpūjyā bahusaubhāgyasaṃpade || 24 ||
[Analyze grammar]

viśveśāddakṣiṇebhāge nikuṃbheśaḥ prayatnataḥ |
kṣetrakṣemakaraḥ pūjyastatpaścādvighnanāyakaḥ || 25 ||
[Analyze grammar]

sarvavighnacchidabhyarcyaścaturthyāṃ tu viśeṣataḥ |
virūpākṣo nikuṃbheśādvahnau pūjyaḥ susiddhidaḥ || 26 ||
[Analyze grammar]

taddakṣiṇe ca śukreśaḥ putrapautrapravardhanaḥ |
tadudīcyāṃ mahāliṃgaṃ devayānīśvarābhidham || 27 ||
[Analyze grammar]

śukreśādagrataḥ pūjyaḥ kaceśa iti saṃjñitaḥ |
śukrakūpamupaspṛśya hayamedhaphalaṃ labhet || 28 ||
[Analyze grammar]

bhavānīśau namasyau ca śukreśātpaścime śubhau |
bhaktapotapradau tau tu nijabhaktasya sarvadā || 29 ||
[Analyze grammar]

alarkeśaḥ samabhyarcyaḥ śukreśātpūrvadiksthitaḥ |
madālaseśvarastatra tatpūrve sarvavighnahṛt || 230 ||
[Analyze grammar]

gaṇeśvareśvaraṃ liṃgaṃ sarvasiddhikaraṃ param |
hatvā laṃkeśvaraṃ vipra raghuṇātha pratiṣṭhitam || 31 ||
[Analyze grammar]

talliṃgasparśanādāśu brahmahāpi viśudhyati |
mahāpuṇyapradaṃ cānyattatrārcyaṃ tripurāṃtakam || 32 ||
[Analyze grammar]

dattātreyeśvaraṃ liṃgaṃ tasya paścimataḥ śubham |
tadyāmyāṃ harikeśeśo gokarṇeśastataḥ param || 33 ||
[Analyze grammar]

sarastadagre pāpaghnaṃ tatpaścācca dhruveśvaraḥ |
tadagre dhuvakuṃḍaṃ ca pitṛprītikaraṃ param || 34 ||
[Analyze grammar]

taduttarapiśāceśaḥ paiśācya padahārakaḥ |
pitrīśastadyamadiśi pitṛkuṃḍaṃ tadagrataḥ || 35 ||
[Analyze grammar]

tatra śrāddhakṛtāṃ puṃsāṃ tuṣyeyuḥ prapitāmahāḥ |
agre dhruveśāttāreśo vaidyanāthaḥ sa eva hi || 36 ||
[Analyze grammar]

tannairṛtyāṃ manoliṃgaṃ vaṃśavṛddhikaraṃ param |
priyavrateśvaraṃ liṃgaṃ vaidyanāthapurogatam || 37 ||
[Analyze grammar]

tadyāmyāṃ mucukuṃdeśastatpārśve gautameśvaraḥ |
tatpaścimena bhadreśtadyāmyāmṛṣyaśṛṃgiṇaḥ || 38 ||
[Analyze grammar]

brahmeśastatpurastācca parjanyeśastadīśagaḥ |
tatprācyāṃ nahuṣeśaśca viśālākṣī ca tatpuraḥ || 39 ||
[Analyze grammar]

viśālākṣīśvaraṃ liṃgaṃ tatraiva kṣetravastidam |
jarāsaṃdheśvaraṃ liṃgaṃ tadyāmyāṃ jvaranāśanam || 240 ||
[Analyze grammar]

tatpurastāddhiraṇyākṣaliṃgaṃ pūjyaṃ hiraṇyadam |
tatpaścime gayādhīśastatpratīcyāṃ bhagīrathaḥ || 41 ||
[Analyze grammar]

tadagre ca dilīpeśo brahmeśātpaścime mune |
tatra liṃgaṃ sakuṃḍaṃ ca snāturiṣṭaphalapradam || 42 ||
[Analyze grammar]

tatra viśvāvasorliṃgaṃ muṃḍeśastatra pūrvataḥ |
taddakṣiṇe vidhīśaśca tadyāmyāṃ vājimedhakaḥ || 43 ||
[Analyze grammar]

daśāśvamedhike snātvā dṛṣṭvā talliṃgamuttamam |
daśānāmaśvamedhānāṃ phalaṃ prāpnoti mānavaḥ || 44 ||
[Analyze grammar]

taduttare mātṛtīrthaṃ snāturjanmabhayāpahṛt |
tatra snānaṃ tu yakuryānnārī vā puruṣopi vā || 45 ||
[Analyze grammar]

īpsitaṃ phalamāpnoti mātṛṇāṃ ca prasādataḥ |
dakṣiṇe tava kuṃḍācca puṣpadaṃteśvaraḥ paraḥ || 46 ||
[Analyze grammar]

tadagnidiśi devarṣi gaṇa liṃgānyanekaśaḥ |
puṣpadaṃtāddakṣiṇataḥ siddhīśaḥ parasiddhidaḥ || 47 ||
[Analyze grammar]

paṃcopacārapūjātaḥ svapne siddhiṃ parāṃ diśet |
rājyaprāptirbhavetpuṃsāṃ hariścaṃdreśasevayā || 48 ||
[Analyze grammar]

tatpaścime nairṛteśoṃgiraseśastato yame |
taddakṣiṇe ca kṣemeśaścitrāṃgeśastato yame || 49 ||
[Analyze grammar]

taddakṣiṇe ca kedāro rudrānucaratāpradaḥ |
caṃdrasūryānvayairbhūpaiḥ kedārāddakṣiṇāpathe || 250 ||
[Analyze grammar]

pratiṣṭhitāni liṃgāni śataśotha sahasraśaḥ |
lolārkāddakṣiṇāśāyāṃ sarvāśāpūrakorcitaḥ || 51 ||
[Analyze grammar]

karaṃdhameśvaraṃ liṃgaṃ tatpratīcyāṃ mahāphalam |
tatpaścime mahādurgā mahādurgaprabhaṃjanī || 52 ||
[Analyze grammar]

śuṣkeśvaraṃ ca tadyāmyāṃ śuṣkayā saritārcitam |
janakeśastatpratīcyāṃ śaṃkukarṇastaduttare || 53 ||
[Analyze grammar]

mahāsiddhīśvaraṃ liṃgaṃ tatprācyāṃ sarvasiddhidam |
siddhakuṃḍe naraḥ snātvā dṛṣṭvā siddheśvaraṃ mahat || 54 ||
[Analyze grammar]

sarvāsāmeva siddhīnāṃ pāraṃ gacchati mānavaḥ |
śaṃkukarṇeśa vāyavye liṃgaṃ vāḍavyasaṃjñitam || 55 ||
[Analyze grammar]

tadagre ca vibhāṃḍeśaḥ kaholeśastaduttare |
tatra dvāreśvaraṃ liṃgaṃ devī dvāreśvarī śubhā || 56 ||
[Analyze grammar]

tatpūjanādbhavetsiddhirānaṃdāraṇya vastidā |
rakṣakāśca gaṇāstatra nānārūpāyudhā mune || 57 ||
[Analyze grammar]

tatraiva haridīśaṃ ca liṃgaṃ kātyāyanaṃ tataḥ |
tatpārśve jāṃgaleśaśca tatpaścānmukuṭeśvaraḥ || 58 ||
[Analyze grammar]

tatraiva kuṃḍaṃ vimalaṃ sarvayātrāphalapradam |
snātvā mukuṭakuṃḍe ca dṛṣṭvā vai mukuṭeśvaram || 59 ||
[Analyze grammar]

yātrayā sarva liṃgānāṃ yatphalaṃ tadavāpyate |
tapasaścāpi yogasya siddhidā sā'vanīparā || 260 ||
[Analyze grammar]

mune śataṃ sahasrāṇi tatra liṃgāni siddhaye |
ekā diguttarā devi vārāṇasyāṃ priyā mama || 61 ||
[Analyze grammar]

tatrāpi paṃcāyatane ratirme nitarāṃ priye |
utpattisthiti kālepi tatrāhaṃ sarvadā sthitaḥ || 62 ||
[Analyze grammar]

evaṃ yastu vijānāti na sa pāpaiḥ pralipyate |
satyaṃ satyaṃ punaḥ satyaṃ trisatyaṃ nānyataḥ priye || 63 ||
[Analyze grammar]

śīghraṃ tatraiva gaṃtavyaṃ yadīcchenmāmakaṃ padam |
uddeśamātraṃ ligāni kathitāni mayā mune || 64 ||
[Analyze grammar]

dvistriḥ kṛtvaḥ sthāpitāni bhaktyā liṃgāni kānicit |
na tāni punaruktāni śraddhayārcyāni sarvataḥ || 65 ||
[Analyze grammar]

etāni yāni liṃgāni yāni kuṃḍāni yeṃ'dhavaḥ |
 yā vāpyastāni sarvāṇi śraddheyāni manīṣibhiḥ || 66 ||
[Analyze grammar]

eteṣāṃ darśanātsnānātphalamatrottarottaram |
atratyānāṃ ca liṃgānāṃ kūpānāṃ sarasāmapi || 67 ||
[Analyze grammar]

vāpīnāṃ cāpi mūrtīnāṃ kaḥ saṃkhyātuṃ prabhurbhavet |
ānaṃdakānanasthāni tṛṇānyapi paraṃ varam || 68 ||
[Analyze grammar]

divaukasopi nānyatra yatpunarjanmabhājanam |
sarvaliṃgamayī kāśī sarvatīrthekajanmabhūḥ || 69 ||
[Analyze grammar]

svargāpavargayordātrī dṛṣṭā dehāṃtasevitā |
mama priyatamā devi tvameva tapaso balāt || 270 ||
[Analyze grammar]

svabhāvatastviyaṃ kāśī sukhaviśrāmabhūrmama |
ye kāśyānāma gṛhṇaṃti yenumodaṃta eva hi || 71 ||
[Analyze grammar]

te me śākhaviśākhābhāḥ skaṃdanaṃdigajāsyavat |
ta eva bhaktā me devi ta eva mama sevakāḥ || 72 ||
[Analyze grammar]

mumukṣavasta evātra yecānaṃdavanaukasaḥ |
tapastaptaṃ mahattaistu kṛtaṃ taistu mahāvratam || 73 ||
[Analyze grammar]

taiśca dattaṃ mahādānaṃ ye cānaṃdavanaukasaḥ |
te snātasarvatīrthā vai tekhilādhvaradīkṣitāḥ || 74 ||
[Analyze grammar]

te cīrṇasarvadharmāhi ye cānaṃdavanaukasaḥ |
surāsuroraganarā bhūmibhārāyate'khilāḥ |
vayasyapīha carame yenānaṃdavanaukasaḥ || 75 ||
[Analyze grammar]

aṃtyajopi varaḥ kāśyāṃ nānyatra śrutipāragaḥ |
saṃsārapāragaḥ pūrvastvaṃtyaścāṃtyajatopyadhaḥ || 76 ||
[Analyze grammar]

sa eva nūnaṃ sarvajñaḥ sa eva hyadhikekṣaṇaḥ |
yaḥ pārthivīṃ tanuṃ hitvā kāśyāṃ dhatte sudhāmayīm || 77 ||
[Analyze grammar]

śrutvādhyāyamidaṃ puṇyaṃ sarvatīrtharahasyavat |
kāśīdarśanajaṃ puṇyaṃ prāpnoti niyataṃ naraḥ || 78 ||
[Analyze grammar]

yaḥ paṭhedimamadhyāyaṃ prātaḥ prātardinedine |
dṛṣṭāni tena sarvāṇi tīrthānyetāni nānyathā || 79 ||
[Analyze grammar]

sarvaliṃgamayādhyāyaṃ yo'muṃ nityaṃ japetsudhīḥ |
na taṃ yamo na taṃ dūtā nainamaṃhopi bādhate || 280 ||
[Analyze grammar]

brahmayajñaphalaṃ tasya jāyate sukṛtātmanaḥ |
yo japedamumadhyāyaṃ śucistadgatamānasaḥ || 81 ||
[Analyze grammar]

sa snātaḥ sarvakuṃḍeṣu sarvavāpyaṃbupaḥ sa ca |
sarvaliṃgārcakaḥ sotra yo'mumadhyāyamājapet || 82 ||
[Analyze grammar]

kimanyairbahubhiḥ stotrairatistokaphalapradaiḥ |
matpremavadbhiradhyāyo japtavyoyaṃ mahāphala || 83 ||
[Analyze grammar]

mahādāneṣu datteṣu yatphalaṃ prāpyate'tra vai |
sakṛjjapānmahādhyāyādamuṣmāttatsamāpyate || 84 ||
[Analyze grammar]

snātvā sarvāṇi tīrthāni dṛṣṭvā liṃgānyanekaśaḥ |
yatphalaṃ labhyate martyaistadetajjapanāddhruvam || 85 ||
[Analyze grammar]

idameva tapotyugramayameva japo mahān |
kāśīliṃgāvalī nāmādhyāyo japyeta yanmune || 86 ||
[Analyze grammar]

mama druhe nāstikāya vedaniṃdāratāya ca |
na dātavyo na dātavyo na dātavyo japastvayam || 87 ||
[Analyze grammar]

adhyāyasyāsya japanātpāpaṃ brahmavadhodbhavam |
agamyāgamanaṃ cāpi tathābhakṣasyabhakṣaṇam || 88 ||
[Analyze grammar]

gurudārābhicārotthaṃ hemasteyasamudbhavam |
mātāpitṛvadhājjātaṃ gobhrūṇahananodbhavam || 89 ||
[Analyze grammar]

mahāpāpāni pāpāni jñātājñātāni bhūriśaḥ |
upapāpāni pāpāni manovākkāyajānyapi || 290 ||
[Analyze grammar]

vilayaṃ yāṃtyaśeṣāṇi niḥsaṃdehaṃ mamājñayā |
putrānpautrāndhanaṃ dhānyaṃ kalatraṃ kṣetrameva ca || 91 ||
[Analyze grammar]

manaḥsamīhitaṃ sarvaṃ svargaṃ mokṣasukhānyapi |
japtvādhyāyamimaṃ vidvānprāpsyatyeva na saṃśayaḥ || 92 ||
[Analyze grammar]

iti yāvatsamākhyāti devo devīpuraḥ kathām |
tāvannaṃdīsamāgatya praṇamyeti vyajijñapat || 93 ||
[Analyze grammar]

jātā parisamāptiśca mahāprāsādanirmiteḥ |
sajjīkṛto rathaścāyaṃ brahmādyā militāḥ surāḥ || 94 ||
[Analyze grammar]

tārkṣyagaḥ puṃḍarīkākṣo dvāri tiṣṭhati sānugaḥ |
pratīkṣamāṇo'vasaraṃ puraskṛtya munīśvarān || 95 ||
[Analyze grammar]

caturdaśasu lokeṣu ye ye tiṣṭhaṃti suvratāḥ |
te niśamyādyamilitāḥ prāveśika mahotsavam || 96 ||
[Analyze grammar]

skaṃda uvāca |
iti naṃdivacaḥ śrutvā devo devī samāyutaḥ |
divyaṃ rathaṃ samāruhya nirjagāma triviṣṭapāt || 297 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍa uttarārdhe kṣetratīrthavarṇanaṃ nāma saptanavatitamo'dhyāyaḥ || 97 ||
[Analyze grammar]