Chapter 29

[English text for this chapter is available]

skaṃda uvāca |
ānaṃdabāṣpasalilaruddhakaṃṭhaṃ vilokya tam |
mṛḍaḥ pasparśa pāṇibhyāṃ saudhābhyāṃ tu sudhāṃbudhiḥ || 1 ||
[Analyze grammar]

atha tatsparśasaukhyena dharmarājo mahātapāḥ |
punaraṃkurayāmāsa tapogni jvalitāṃ tanum || 2 ||
[Analyze grammar]

tataḥ provāca sa brādhnirdeva devamumāpatim |
prasannavadanaṃ śāṃtaṃ śāṃtapāriṣadāvṛtam || 3 ||
[Analyze grammar]

prasannosi yadīśāna sarvajña karuṇānidhe |
kimanyena vareṇātra yattvaṃ sākṣātkṛto mayā || 4 ||
[Analyze grammar]

yaṃ na vedā viduḥ samyaṅna ca tau vedapūruṣau |
tatopi varayogyosmi tannātha prārthayāmyaham || 5 ||
[Analyze grammar]

śrīkaṃṭhāṃḍaja ḍiṃbhānāmamīṣāṃ madhurabruvām |
mattapaścirasākṣīṇāṃ matpuraḥ prāptajanmanām || 6 ||
[Analyze grammar]

pitṛbhyāṃ parihīnānāmitihāsa kathāvidām |
tyaktāhāravihārāṇāṃ kīrāṇāṃ varado bhava || 7 ||
[Analyze grammar]

etatprasūtisamaye āmayena prapīḍitā |
śukī paṃcatvamāpannā śukaḥ śyenena bhakṣitaḥ || 8 ||
[Analyze grammar]

rakṣitānāmanāthānāṃ sadā manmukhadarśinām |
anāthanātha bhavatā hyāyuḥśeṣasvarūpiṇā || 9 ||
[Analyze grammar]

iti dharmavacaḥ śrutvā paropakṛtinirmalam |
tānāhūya mune śaṃbhurvinayāvanatānanān || 10 ||
[Analyze grammar]

uvāca dharmeti prītaḥ śukaśāvānidaṃ vacaḥ |
ayi pattrarathā brūta sādhavo dharmasaṃgatāḥ || 11 ||
[Analyze grammar]

ko varo bhavatā deyo dharmeśa paricāriṇām |
sādhusaṃsargasaṃkṣīṇa janmāṃtaramahainasām || 12 ||
[Analyze grammar]

iti śrutvā maheśasya vacanaṃ te patattriṇaḥ |
procuḥ praṇamya deveśaṃ namaste bhavanāśana || 13 ||
[Analyze grammar]

pakṣiṇa ūcuḥ |
anāthanātha sarvajña ko varo naḥ samīhitaḥ |
itopi tryakṣa yatsākṣāttiryaktvepi samīkṣitāḥ || 14 ||
[Analyze grammar]

lābhāḥ saṃtūdyamavatāṃ girīśeha paraḥ śatāḥ |
paraṃ paroyaṃ lābhotra yattvaṃ dṛggocarī bhaveḥ || 15 ||
[Analyze grammar]

yadetaddṛśyate nātha tatsarvaṃ kṣaṇabhaṃguram |
abhaṃguro bhavānekastvatsaparyāpyabhaṃgurā || 16 ||
[Analyze grammar]

vicitrajanmakoṭīnāṃ smṛtirnotra parisphuret |
etattapasviracitaliṃgapūjā vilokanāt || 17 ||
[Analyze grammar]

devayonirapi prāptā ciramasmābhirīśitaḥ |
divyāṃganā sahasrāṇi tatra bhuktvā svalīlayā || 18 ||
[Analyze grammar]

āsurī dānavī nāgī nairṛtī cāpi kainnarī |
vidyādharī ca gāṃdharvī yonirasmābhirarjitā || 19 ||
[Analyze grammar]

naratve bhūpatitvaṃ ca pariprāptamanekaśaḥ |
jale jalacaratvaṃ ca sthale ca sthalacāritā || 20 ||
[Analyze grammar]

vane vanaukaso jātā grāmeṣu grāmavāsinaḥ |
dātāro yācitāraśca rakṣitāraśca ghātukāḥ || 21 ||
[Analyze grammar]

sukhinopi vayaṃ jātā duḥkhino vayamāsma ca |
jetāraśca vayaṃ jātāḥ parājetāra eva ca || 22 ||
[Analyze grammar]

adhītinopi mūrkhāśca svāminaḥ sevakā api |
caturṣu bhūtagrāmeṣu uttamādhamamadhyamāḥ || 23 ||
[Analyze grammar]

abhūma bhūriśaḥ śaṃbho na kvāpi sthairyamāgatāḥ |
itoyonestato yonau tato yonestatonyataḥ || 24 ||
[Analyze grammar]

pinākinkvāpi na prāpi sukhaleśo manāgapi |
idānīṃ puṇyasaṃbhārairdharmeśvaravilokanāt || 25 ||
[Analyze grammar]

tāpaneḥsutapo vahnijvālāprajvalitainasaḥ |
saṃvīkṣya tryakṣa sākṣāttvāṃ kṛtakṛtyā babhūvima || 26 ||
[Analyze grammar]

tathāpi cedvaro deyastiryakṣvasmāsu dhūrjaṭe |
kṛpaṇeṣvapi śocyeṣu jñānaṃ sarvajña dehi tat || 27 ||
[Analyze grammar]

yena jñānena muktāḥ smo'muṣmātsaṃsārabaṃdhanāt |
yaṃtritāḥ prākṛtaiḥ pāśairadurbhedyaiśca mādṛśaiḥ || 28 ||
[Analyze grammar]

aiṃdraṃ padaṃ na vāṃchāmo na cāṃdraṃ nānyadeva hi |
vāñchāmaḥ kevalaṃ mṛtyuṃ kāśyāṃ śaṃbho'punarbhavam || 29 ||
[Analyze grammar]

tvatsānnidhyādvijānīmaḥ sarvajña sakalaṃ vayam |
yathā caṃdanasaṃsargātsarve surabhayo drumāḥ || 30 ||
[Analyze grammar]

etadeva paraṃ jñānaṃ saṃsārocchittikāraṇam |
vapurvisarjanaṃ kāle yattavānaṃdakānane || 31 ||
[Analyze grammar]

nirmathya viṣvagvāgjālaṃ sārabhūtamidaṃ param |
brahmaṇodīritaṃ pūrvaṃ kāśyāṃ muktistanutyajām || 32 ||
[Analyze grammar]

yadvācyaṃ bahubhirgraṃthaistadaṣṭābhirihākṣaraiḥ |
hariṇoktaṃ ravipuraḥ kaivalyaṃ kāśisaṃsthitau || 33 ||
[Analyze grammar]

yājñavalkyo munivaraḥ proktavānmunisaṃsadi |
raveradhītya nigamānkāśyāmaṃte paraṃ padam || 34 ||
[Analyze grammar]

svāmināpi jagaddhātrī purato maṃdarācale |
idameva purā proktaṃ kāśīnirvāṇajanmabhūḥ || 35 ||
[Analyze grammar]

kṛṣṇadvaipāyanopyevaṃ śaṃbho vakṣyati nānyathā |
yatraviśveśvaraḥ sākṣānmuktistatra padepade || 36 ||
[Analyze grammar]

vadaṃtyanyepi munayastīrthasaṃnyāsakāriṇaḥ |
ciraṃtanā lomaśādyāḥ kāśikā muktikāśikā || 37 ||
[Analyze grammar]

vayamapyevaṃ jānīmo yatra svargataraṃgiṇī |
ānaṃdakānane śaṃrbhomokṣastatraiva niścitam || 38 ||
[Analyze grammar]

bhūtaṃ bhāvi bhaviṣyaṃ yatsvarge martye rasātale |
tatsarvameva jānīmo dharmeśānugrahātparāt || 39 ||
[Analyze grammar]

ato hiraṇyagarbhoktaṃ hariproktaṃ munīritam |
bhavatoktaṃ ca nikhilaṃ śaṃbho jānīmahe vayam || 40 ||
[Analyze grammar]

karāmalakavatsarvametadbrahmāṃḍagolakam |
asmadvāggocare'styeva dharmapīṭhaniṣevaṇāt || 41 ||
[Analyze grammar]

dharmarājasya tapasā tiryañcopi vayaṃ vibho |
jātāḥ sma nirvikalpaṃ hi sarvajñānasya bhājanam || 42 ||
[Analyze grammar]

madhuraṃ mṛdulaṃ satyaṃ svapramāṇaṃ susaṃskṛtam |
hitaṃ mitaṃ sadṛṣṭāṃtaṃ śrutvā pakṣisubhāṣitam || 43 ||
[Analyze grammar]

devotivismayāpanno 'varṇayatpīṭhagauravam |
trailokyanagare cātra kāśīrājagṛhaṃ mama || 44 ||
[Analyze grammar]

tatrāpi bhogabhavanamanarghyamaṇinirmitam |
mokṣalakṣmīvilāsākhyaḥ prāsādo meti śarmabhūḥ || 45 ||
[Analyze grammar]

patattriṇo pimucyaṃte yaṃ kurvāṇāḥ pradakṣiṇam |
svecchayā vicaraṃtaḥ khe khecarā api devatāḥ || 46 ||
[Analyze grammar]

mokṣalakṣmīvilāsākhya prāsādasya vilokanāt |
śarīrāddūrato yāti brahmahatyāpi nānyathā || 47 ||
[Analyze grammar]

mokṣalakṣmīvilāsasya kalaśo yairnirīkṣataḥ |
nidhānakalaśāstāṃstu na muṃcaṃti padepade || 48 ||
[Analyze grammar]

dūratopi patākāpi mama prāsādamūrdhagā |
netrātithī kṛtā yaistu nityaṃ te'tithayo mama || 49 ||
[Analyze grammar]

bhūmiṃ bhittvā svayaṃ jātastatprāsādamiṣeṇa hi |
ānaṃdākhyasya kaṃdasya kopyeṣa paramoṃkuraḥ || 50 ||
[Analyze grammar]

brahmādisthāvarāṃtāni yatra rūpaṇyanekaśaḥ |
māmevopāsate nityaṃ citraṃ citragatānyapi || 51 ||
[Analyze grammar]

sasaudho mekhile loke sthānaṃ paramanirvṛteḥ |
ratiśālā sa me ramyā sa me viśvāsabhūmikā || 52 ||
[Analyze grammar]

mama sarvagatasyāpi prāsādoyaṃ parāspadam |
paraṃ brahma yadāmnātaṃ paramopaniṣadgirā |
amūrtaṃ tadahaṃ mūrto bhūyāṃ bhaktakṛpāvaśāt || 53 ||
[Analyze grammar]

naiḥśreyasyāḥ śriyo dhāma tadyāmyāṃ maṃḍaposti me |
tatrāhaṃ satataṃ tiṣṭhe tatsadomaṃḍapaṃ mama || 54 ||
[Analyze grammar]

nimeṣārdhapramāṇaṃ ca kālaṃ tiṣṭhati niścalaḥ |
tatra yastena vai yogaḥ samabhyastaḥ samāḥ śatam || 55 ||
[Analyze grammar]

nirvāṇamaṃḍapaṃ nāma tatsthānaṃ jagatītale |
tatrarcaṃ saṃjapannekāṃ labhetsarvaśruteḥ phalam || 56 ||
[Analyze grammar]

prāṇāyāmaṃ tu yaḥ kuryādapyekaṃ muktimaṃḍape |
tenāṣṭāṃgaḥ samabhyasto yogo'nyatrāyutaṃ samāḥ || 57 ||
[Analyze grammar]

nirvāṇamaṃḍape yastu japedekaṃ ṣaḍakṣaram |
koṭirudreṇa japtena yatphalaṃ tasya tadbhavet || 58 ||
[Analyze grammar]

śucirgaṃgāṃbhasi snāto yo japecchatarudriyam |
nirvāṇamaṃḍape jñeyaḥ sa rudro dvijaveṣabhṛt || 59 ||
[Analyze grammar]

brahmayajñasakṛtkṛtvā mama dakṣiṇamaṃḍape |
brahmalokamavāpyātha paraṃ brahmādhigacchati || 60 ||
[Analyze grammar]

dharmaśāstraṃ purāṇāni setihāsāni tatra yaḥ |
paṭhennirabhilāṣuḥ sansa vasenmama veśmani || 61 ||
[Analyze grammar]

tiṣṭhediṃdriyacāpalyaṃ yo nivārya kṣaṇaṃ kṛtī |
nirvāṇamaṃḍapenyatra tena taptaṃ mahattapaḥ || 62 ||
[Analyze grammar]

vāyubhakṣaṇatonyatra yatpuṇyaṃ śaradāṃ śatam |
tatpuṇyaṃ ghaṭikārdhena maunaṃ dakṣiṇamaṃḍape || 63 ||
[Analyze grammar]

mitaṃ kṛṣṇalakenāpi yodadyānmuktimaṃḍape |
svarṇaṃ sauvarṇayānena sa tu saṃcarate divi || 64 ||
[Analyze grammar]

tatraikaṃ jāgaraṃ kuryādyasminkasmindinepi yaḥ |
upoṣitorcayelliṃgaṃ sa sarvavratapuṇyabhāk || 65 ||
[Analyze grammar]

tatra dattvā mahādānaṃ tatra kṛtvā mahāvratam |
tatrādhītyākhilaṃ vedaṃ cyavate na naro divaḥ || 66 ||
[Analyze grammar]

prayāṇaṃ kurvate yasya prāṇā me muktimaṃḍape |
samāmanupraviṣṭotra tiṣṭhedyāvadahaṃ khalu || 67 ||
[Analyze grammar]

jalakrīḍāṃ sadā kuryāṃ jñānavāpyāṃ sahomayā |
yadaṃbupānamātreṇa jñānaṃ jāyeta nimarlam || 68 ||
[Analyze grammar]

tajjalakrīḍanasthānaṃ mama prītikaraṃ mahat |
amuṣminrājasadane jāḍyahṛjjalapūritam || 69 ||
[Analyze grammar]

tatprāsādapurobhāge mama śṛṃgāramaṃḍapaḥ || śrī |
pīṭhaṃ taddhi vijñeyaṃ niḥśrīkaśrīsamarpaṇam || 70 ||
[Analyze grammar]

madarthaṃ tatra yo dadyāddukūlāni śucīnyaho |
mālyāni suvicitrāṇi yakṣakardamavaṃti ca || 71 ||
[Analyze grammar]

nānā nepathyavastūni pūjopakaraṇā'nyapi |
sa śriyālaṃkṛtastiṣṭhedyatra kutrāpi sattamaḥ || 72 ||
[Analyze grammar]

nirvāṇalakṣmīrvṛṇute taṃ nirvāṇapadāptaye |
yatra kutrāpi nidhanaṃ prāpnuyādapi sa dhruvam || 73 ||
[Analyze grammar]

mokṣalakṣmīvilāsākhya prāsādasyottare mama |
aiśvaryamaḍapaṃ ramyaṃ tatraiśvaryaṃ dadāmyaham || 74 ||
[Analyze grammar]

matprāsādaiṃdradigbhāge jñānamaṃḍapamasti yat |
jñānaṃ diśāmi satataṃ tatra māṃ dhyāyatāṃ satām || 75 ||
[Analyze grammar]

bhavāni rājasadane mamāsti hi mahānasam |
yattatropahṛtaṃ puṇyaṃ nirviśāmi mudaiva tat || 76 ||
[Analyze grammar]

viśālākṣyā mahāsaudhe mama viśrāmabhūmikā |
tatra saṃsṛtikhinnānāṃ viśrāmaṃ śrāṇayāmyaham || 77 ||
[Analyze grammar]

niyamasnānatīrthaṃ ca cakrapuṣkariṇī mama |
tatra snānavatāṃ puṃsāṃ tannairmalyaṃ diśāmyaham || 78 ||
[Analyze grammar]

yadāhuḥ paramaṃ tattvaṃ yadāhurbrahmasattamam |
svasaṃvedyaṃ yadāhuśca tattatrāṃte diśāmyaham || 79 ||
[Analyze grammar]

yadāhustārakaṃ jñānaṃ yadāhuratinirmalam |
svātmārāmaṃ yadāhuśca tattatrāṃte diśāmyaham || 80 ||
[Analyze grammar]

jaganmaṃgalabhūryātra paramā maṇikarṇikā |
vipāśayāmi tatrāhaṃ karmabhiḥ pāśitānpaśūn || 81 ||
[Analyze grammar]

nirvāṇaśrāṇane yatra pātrāpātraṃ na ciṃtaye |
ānaṃdakānane tanme dānasthānaṃ divāniśam || 82 ||
[Analyze grammar]

bhavāṃbudhau mahāgādhe prāṇinaḥ parimajjataḥ |
bhūtvaiva karṇadhāroṃte yatra saṃtārayāmyaham || 83 ||
[Analyze grammar]

saubhāgyabhāgyabhūryā vai vikhyātā maṇikarṇikā |
dadāmi tasyāṃ sarvasvamagrajāyāṃtyajāya vā || 84 ||
[Analyze grammar]

mahāsamādhisaṃpannairvedāṃtārtha niṣevibhiḥ |
duṣprāponyatra yo mokṣaḥ śocyairapi sa labhyate || 85 ||
[Analyze grammar]

dīkṣito vā divākīrtiḥ paṃḍito vāpyapaṃḍitaḥ |
tulyo me mokṣadīkṣāyāṃ saṃprāpya maṇikarṇikām || 86 ||
[Analyze grammar]

yattyāgenyatra kṛpaṇastatprāpya maṇikarṇikām |
dadāmi jaṃtumātrāya sarvasvaṃ cirasaṃcitam || 87 ||
[Analyze grammar]

yadi daivādiha prāptastrisaṃyogo'tidurghaṭaḥ |
avicāraṃ tadā deyaṃ sarvasvaṃ cirasaṃcitam || 88 ||
[Analyze grammar]

śarīramatha saṃpattiratha sā maṇikarṇikā |
trisaṃyogoyamaprāpyo devairiṃdrādikairapi || 89 ||
[Analyze grammar]

punaḥ punarvicāryeti jaṃtumātrebhya eva ca |
nirvāṇalakṣmīṃ yacchāmi sadopamaṇikarṇikam || 90 ||
[Analyze grammar]

muktidā na mahī sā me vārāṇasyāṃ mahīyasī |
tanmahī rajasā sāmyaṃ trilokyapi na codvahet || 91 ||
[Analyze grammar]

paraṃ liṃgārcanasthānamavimukteśvareśvaram |
tatra pūjāṃ sakṛtkṛtvā kṛtakṛtyo naro bhavet || 92 ||
[Analyze grammar]

sāyaṃ pāśupatīṃ saṃdhyāṃ kuryāṃ paśupatīśvare |
vibhūtidhāraṇāttatra paśupāśairna badhyate || 93 ||
[Analyze grammar]

prātaḥsadhyākaromyeva sadoṃkāraniketane |
tatraikāpi kṛtā saṃdhyā sarvapātakakṛṃtanī || 94 ||
[Analyze grammar]

vasāmi kṛttivāsehaṃ sadā prati caturdaśi |
atra jāgaraṇaṃ kṛtvā caturdaśyāṃ na garbhabhāk || 99 ||
[Analyze grammar]

ratneśvarorcito dadyānmahāratnāni bhaktitaḥ |
ratnaiḥ samarcya talliṃgaṃ strīratnādi labhennaraḥ || 96 ||
[Analyze grammar]

viṣṭapatritayāṃtaḥsthopyahaṃ liṃge triviṣṭape |
tiṣṭhāmi satataṃ bhaktamanorathasamṛddhaye || 97 ||
[Analyze grammar]

virajaskaṃ mahāpīṭhaṃ tatra saṃsevya mānavaḥ |
virajā jāyate nūnaṃ caturnada kṛtodakaḥ || 98 ||
[Analyze grammar]

mahādeve mahāpīṭhaṃ mama sādhakasiddhidam |
tatpīṭhadarśanādeva mahāpāpaiḥ pramucyate || 99 ||
[Analyze grammar]

pitṛprītipradaṃ pīṭhaṃ vṛṣabhadhvajasaṃjñakam |
pitṛtarpaṇakṛttatra pitṝṃstārayati kṣaṇāt || 100 ||
[Analyze grammar]

ādikeśavapīṭhehamādikeśavarūpadhṛk |
śvetadvīpaṃ naye bhaktānvaiṣṇavānativallabhān || 1 ||
[Analyze grammar]

tatraiva maṃgalāpīṭhe sarvamaṃgaladāyini |
upa paṃcanade tīrthe bhaktānsaṃtārayāmyaham || 2 ||
[Analyze grammar]

biṃdumādhavarūpeṇa yatrāhaṃ vaiṣṇavāñjanān |
naye paṃcanadasnātāṃstadviṣṇoḥ paramaṃ padam || 3 ||
[Analyze grammar]

paṃcamudre mahāpīṭhe ye vīreśvarasevakāḥ |
teṣāṃ paramanirvāṇaṃ kālenālpena jāyate || 4 ||
[Analyze grammar]

tatra siddheśvarīpīṭhe caṃdreśvara samīpataḥ |
tatra saṃnidhikartṝṇāṃ siddhiḥ ṣaṇmāsato bhavet || 5 ||
[Analyze grammar]

kāśyāṃ ca yoginīpīṭhe yogasiddhividhāyini |
siddhīruccāṭanādyāśca kairna labdhāḥ susādhakaiḥ || 6 ||
[Analyze grammar]

anekānīha pīṭhāni saṃti kāśyāṃ padepade |
paraṃ dharmeśapīṭhasya kācicchaktiranuttamā || 7 ||
[Analyze grammar]

yatrāmī bālakīrāśca nirmalajñānabhājanam |
āsuḥ sadupadeśānme trātatrāteti bhāṣiṇaḥ || 8 ||
[Analyze grammar]

etaddharmeśvaraṃ pīṭhaṃ tyajāmyadyadināvadhi |
na kadācittaraṇijatvattapovanamuttamam || 9 ||
[Analyze grammar]

mamānugrahataḥ kīrānetānpaśya raveḥ suta |
divyavimānamāruhya gaṃtāro matpuraṃ mahat || 110 ||
[Analyze grammar]

tatra bhuktvā ciraṃ bhogāñjñānaṃ prāpya mayeritam |
iha muktimavāpsyaṃti tvatsaṃsargātinirmalāḥ || 11 ||
[Analyze grammar]

ityuktavati deveśe kailāsaśikharopamam |
divyaṃ vimānamāpannaṃ rudrakanyāpariṣkṛtam || 12 ||
[Analyze grammar]

āruhyate na yānena divyarūpavarāḥ khagāḥ |
kailāsamabhisaṃjagmurdharmamāpṛcchyate'malāḥ || 113 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍa uttarārdhe dharmeśākhyānanāmaikonāśītitamo'dhyāyaḥ || 79 ||
[Analyze grammar]