Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

skaṃda uvāca |
śṛṇvagastya taporāśe kāśyāṃ liṃgāni yāni vai |
sevitāni nṛṇāṃ muktyai bhaveyurbhāvitātmanām || 1 ||
[Analyze grammar]

kṛttiprāvaraṇaṃ yatra kṛtaṃ devena līlayā |
rudrāvāsa iti khyātaṃ tatsthānaṃ sarvasiddhidam || 2 ||
[Analyze grammar]

sthite tatromayā sārdhaṃ svecchayā kṛttivāsasi |
āgatya naṃdī vijñaptiṃ cakre praṇatipūrvakam || 3 ||
[Analyze grammar]

devadeveśa viśveśa prāsādāḥ sumanoharāḥ |
sarvaratnamayā ramyāḥ sāṣṭāṣaṣṭirabhūdiha || 4 ||
[Analyze grammar]

bhūrbhuvaḥsvastale yāni śubhānyāyatanāni hi |
muktidānyapi tānīha mayānītāni sarvataḥ || 5 ||
[Analyze grammar]

yato yacca samānītaṃ yatra yacca kṛtāspadam |
kathayiṣyāmyahaṃ nātha kṣaṇaṃ tadavadhāryatām || 6 ||
[Analyze grammar]

sthāṇurnāma mahāliṃgaṃ devadevasya mokṣadam |
kurukṣetrādihodbhūtaṃ kalāśeṣosti tatra vai || 7 ||
[Analyze grammar]

tadagre sannihatyākhyā mahāpuṣkariṇī śubhā |
lolārka paścime bhāge kurukṣetrasthalī tu sā || 8 ||
[Analyze grammar]

tatra snātaṃ hutaṃ japtaṃ taptaṃ dattaṃ śubhārthibhiḥ |
kurukṣetrādbhavetsatyaṃ koṭikoṭiguṇādhikam || 9 ||
[Analyze grammar]

naimiṣāddevadevotra brahmāvartena saṃyutaḥ |
tatrāṃśamātraṃ saṃsthāpya kāśyāmāvirabhūdvibho || 10 ||
[Analyze grammar]

ḍhuṃḍhirājottarebhāge siddhidaṃ sādhakasya vai |
liṃgaṃ vai devadevākhyaṃ tadagre kūpa uttamaḥ || 11 ||
[Analyze grammar]

brahmāvarta iti khyātaḥ punarāvṛttihṛnnṛṇām |
tatkūpādbhiḥ kṛtasnāno devadevaṃ samarcya ca || 12 ||
[Analyze grammar]

tatpuṇyaṃ naimiṣāraṇyātkoṭikoṭiguṇaṃ smṛtam |
gokarṇāyatanādatra svayamāvirabhūnmahat || 13 ||
[Analyze grammar]

liṃgaṃ mahābalaṃ nāma sāṃbādityasamīpataḥ |
darśanātsparśanādyasya kṣaṇādeno mahābalam || 14 ||
[Analyze grammar]

vātāhatastūlarāśiriva vidrāti dūrataḥ |
kapālamocanapuro dṛṣṭvā liṃgaṃ mahābalam || 15 ||
[Analyze grammar]

mahābalamavāpnoti nivārṇanagaraṃ vrajet |
ṛṇamocanataḥ prācyāṃ prabhāsātkṣetrasattamāt || 16 ||
[Analyze grammar]

śaśibhūṣaṇasaṃjñaṃ tu liṃgamatra pratiṣṭhitam |
talliṃgasevanānmartyaḥ śāśibhūṣaṇatāṃ vrajet || 17 ||
[Analyze grammar]

prabhāsakṣetrayātrāyāḥ puṇyaṃ prāpnoti koṭikṛt |
ujjayinyā mahākālaḥ svayamatrāgato vibhuḥ || 18 ||
[Analyze grammar]

yannāmasmaraṇādeva na bhayaṃ kalikālataḥ |
praṇavākhyānmahāliṃgātprācyāṃ kalmaṣanāśanam || 19 ||
[Analyze grammar]

mahākālābhidhaṃ liṃgaṃ darśanānmokṣadaṃ param |
ayogaṃdheśvaraṃ liṃgaṃ puṣkarāttīrthasattamāt || 20 ||
[Analyze grammar]

āvirāsīdiha mahatpuṣkareṇa sahaiva tu |
matsyodaryuttarebhāge dṛṣṭvā 'yogaṃdhamīśvaram || 21 ||
[Analyze grammar]

snātvā'yogaṃdhakuṃḍe tu bhavāttārayate pitṝn |
mahānādeśvaraṃ liṃgamaṭṭahāsādihāgatam || 22 ||
[Analyze grammar]

trilocanādudīcyāṃ tu taddṛṣṭamuktaye matam |
mahotkaṭeśvaraṃ liṃgaṃ marutkoṭādihāgatam |
kāmeśvarottare bhāge dṛṣṭaṃ vimalasiddhidam || 23 ||
[Analyze grammar]

viśvasthānādihāyātaṃ liṃgaṃ vai vimaleśvaram |
svarlīnātpaścime bhāge dṛṣṭaṃ vimalasiddhidam || 24 ||
[Analyze grammar]

mahāvrataṃ mahāliṃgaṃ maheṃdrādiha saṃsthitam |
skaṃdeśvara samīpe tu mahāvrataphalapradam || 25 ||
[Analyze grammar]

vṛṃdārakarṣivṛṃdānāṃ stuvatāṃ prathame yuge |
utpannaṃ yanmahāliṃgaṃ bhūmiṃ bhittvā sudurbhidām || 26 ||
[Analyze grammar]

mahādeveti tairuktaṃ yanmanorathapūraṇāta |
vārāṇasyāṃ mahādevastadārabhyābhavacca yat || 27 ||
[Analyze grammar]

muktikṣetraṃ kṛtaṃ yena mahāliṃgena kāśikā |
avimukte mahādevaṃ yo drakṣyatyatramānavaḥ || 28 ||
[Analyze grammar]

śaṃbhuloke gamastasya yatratatra mṛtasya hi |
avimukte prayatnena tatsaṃsevyaṃ mumukṣubhiḥ || 29 ||
[Analyze grammar]

kalpāṃtarepi na tyaktaṃ kadāpyānaṃdakānanam |
yena liṃgasvarūpeṇa mahādevena sarvathā || 30 ||
[Analyze grammar]

tatprasādoyamatulaḥ sarvaratnamayaḥ śubhaḥ |
hiraṇyagarbhatīrthācca pratīcyāṃ kṣetrarakṣakam || 31 ||
[Analyze grammar]

vārāṇasyāmadhiṣṭhātrī devatā sābhilāṣadā |
mahādeveti saṃjñā vai sarvaliṃgasvarūpiṇī || 32 ||
[Analyze grammar]

vārāṇasyāṃ mahādevo dṛṣṭo yairliṃgarūpadhṛk |
tena trailokyaliṃgāni dṛṣṭānīha na saṃśayaḥ || 33 ||
[Analyze grammar]

vārāṇasyāṃ mahādevaṃ samabhyarcya sakṛnnaraḥ |
ābhūtasaṃplavaṃ yāvacchivaloke vasenmudā || 34 ||
[Analyze grammar]

pavitraparvaṇi sadā śrāvaṇe māsi yatnataḥ |
liṃge pavitramāropya mahādeve na garbhabhāk || 35 ||
[Analyze grammar]

pitāmaheśvaraṃ liṃgaṃ gayātīrthādihāgatam |
phalgruprabhṛtibhistīrthaiḥ sārdhakoṭyaṣṭasaṃmitaiḥ || 36 ||
[Analyze grammar]

dharmeṇa yatra vai taptaṃ yugānāmayutaṃ śatam |
sākṣīkṛtya mahāliṃgaṃ śrīmaddharmeśvarābhidham || 37 ||
[Analyze grammar]

pitāmaheśvaraṃ liṃgaṃ tatrābhyarcya naro mudā |
triḥsaptakulasaṃyukto mucyate nātra saṃśayaḥ || 38 ||
[Analyze grammar]

prayāgāttīrtharājācca śūlaṭaṃko maheśvaraḥ |
tīrtharājena sahitaḥ sthita āgatya vai svayam || 39 ||
[Analyze grammar]

nirvāṇamaṃḍapādramyādavācyāmatinirmalaḥ |
prāsādo meruṇā yasya spardhate kāṃcanojvalaḥ || 40 ||
[Analyze grammar]

devenaiva varo datto yatra pūrvaṃ yugāṃtare |
pūjyo maheśvaraḥ kāśyāṃ prathamaṃ kaluṣāpahaḥ || 41 ||
[Analyze grammar]

yaḥ prayāga iha snāto namasyati maheśvaram |
samabhyarcya vidhānena mahāsaṃbhāravistaraiḥ || 42 ||
[Analyze grammar]

prayāgasnānajātpuṇyācchūlaṭaṃka vilokanāt |
sa prāpnuyānna saṃdehaḥ puṇyaṃ koṭiguṇottaram || 43 ||
[Analyze grammar]

śaṃkukarṇānmahākṣetrānmahāteja itīritam |
liṃgamāvirabhūdatra mahātejovivṛddhidam || 44 ||
[Analyze grammar]

mahātejonidhistasya prāsādotīvanirmalaḥ |
jvālājaṭilitākāśo māṇikyaireva nirmitaḥ || 45 ||
[Analyze grammar]

talliṃgadarśanātsparśātstavanācca samarcanāt |
prāpyate tatparaṃ dhāma yatra gatvā na śocate || 46 ||
[Analyze grammar]

vināyakeśvarātpūrvaṃ mahātejaḥ samarcanāt |
tejomayena yānena yāti māheśvaraṃ padam || 47 ||
[Analyze grammar]

rudrakoṭisamākhyātāttīrthātparamapāvanāt |
mahāyogīśvaraṃ liṃgamāviścakre svayaṃ param || 48 ||
[Analyze grammar]

pārvatīśvara liṃgasya samīpe sarvasiddhikṛt |
talliṃgadarśanātpuṃsāṃ koṭiliṃga phalaṃ bhavet || 49 ||
[Analyze grammar]

tatprāsādasya parito rudrāṇāṃ koṭisaṃmitāḥ |
prāsādāramyasaṃsthānā nirmitā rudramūrtibhiḥ || 50 ||
[Analyze grammar]

kāśyāṃ rudrasthalī sā tu paṭhyate vedavādibhiḥ |
rudrasthalyāṃ mṛtā ye vai kṛmikīṭapataṃgakāḥ || 51 ||
[Analyze grammar]

paśupakṣimṛgā martyā mlecchā vāpyatha dīkṣitāḥ |
teṣāṃ tu rudrībhūtānāṃ punarāvṛttiratra na || 52 ||
[Analyze grammar]

janmāṃtarasahasreṣu yatpāpaṃ samupārjitam |
rudrasthalīṃ praviṣṭasya tatsarvaṃ vrajati kṣayam || 53 ||
[Analyze grammar]

akāmo vā sakāmo vā tiryagyonigatopi vā |
rudrasthalyāṃ tyajanprāṇānparaṃ nirvāṇamāpnuyāt || 54 ||
[Analyze grammar]

svayamekāṃbarātkṣetrātkṛttivāsā ihāgataḥ |
kṛttivāsasi liṃgetra svayameva vyavasthitaḥ || 55 ||
[Analyze grammar]

asminsthāne svabhaktānāṃ sāṃbaḥ sarṣigaṇo vibhuḥ |
svayaṃ copadiśedbrahma śrutau śrutibhirīḍitam || 56 ||
[Analyze grammar]

kṣetretra siddhide prāptaścaṃḍīśo marujāṃgalāt |
pracaṃḍapāpasaṃghātaṃ khaṃḍayecchatadhekṣaṇāt || 57 ||
[Analyze grammar]

pāśapāṇigaṇādhyakṣa samīpe yaḥ prapaśyati |
caṃḍīśvaraṃ mahāliṃgaṃ sa yāti paramāṃ gatim || 58 ||
[Analyze grammar]

kālaṃjarānnīlakaṃṭhastiṣṭhedatra svayaṃ vibhuḥ |
gaṇeśāddaṃtakūṭākhyātsamīpe bhavanāśanaḥ || 59 ||
[Analyze grammar]

nīlakaṃṭheśvaraṃ liṃgaṃ kāśyāṃ yaiḥ paripūjitam |
nīlakaṃṭhāsta eva syustaeva śaśibhūṣaṇāḥ || 60 ||
[Analyze grammar]

kāśmīrādiha saṃprāptaṃ liṃgaṃ vijayasaṃjñitam |
sadā vijayadaṃ puṃsāṃ prācyāṃ śālakaṭaṃkaṭāt || 61 ||
[Analyze grammar]

raṇe rājakule dyūte vivāde sarvadaiva hi |
vijayo jāyate puṃsāṃ vijayeśa samarcanāt || 62 ||
[Analyze grammar]

ūrdhvaretāstridaṃḍāyāḥ saṃprāptotra svayaṃ vibhuḥ |
kūśmāṃḍakaṃ gaṇādhyakṣaṃ puraskṛtya vyavasthitaḥ || 63 ||
[Analyze grammar]

ūrdhvāṃ gatimavāpnoti vīkṣaṇādūrdhvaretasaḥ |
ūrdhvaretasi ye bhaktā na hi teṣāmadhogatiḥ || 64 ||
[Analyze grammar]

maṃḍaleśvarataḥ kṣetrālliṃgaṃ śrīkaṃṭhasaṃjñitam |
vināyakānmaṃḍasaṃjñāduttarasyāṃ vyavasthitam || 65 ||
[Analyze grammar]

śrīkaṃṭhasya ca ye bhaktāḥ śrīkaṃṭhā eva te narāḥ |
neha śriyā viyujyaṃte na paratra kadācana || 66 ||
[Analyze grammar]

chāgalāṃḍānmahātīrthātkapardīśvavarasaṃjñitaḥ |
piśācamocane tīrthe svayamāvirabhūdvibhuḥ || 67 ||
[Analyze grammar]

kapardīśaṃ samabhyarcya na naro nirayaṃ vrajet |
na piśācatvamāpnoti kṛtvātrāpyaghamuttamam || 68 ||
[Analyze grammar]

āmrātakeśvarātkṣetrālliṃgaṃ sūkṣmeśa saṃjñitam |
svayamabhyāgataṃ cātra kṣetre vai śreyasāṃpade || 69 ||
[Analyze grammar]

vikaṭa dvijasaṃjñasya gaṇeśasya samīpataḥ |
dṛṣṭvā sūkṣmeśvaraṃ liṃgaṃ gatiṃ sūkṣmāmavāpnuyāt || 70 ||
[Analyze grammar]

saṃprāptamiha deveśaṃ jayaṃtaṃ madhukeśvarāt |
laṃbodarādgaṇapateḥ purastāttadavasthitam || 71 ||
[Analyze grammar]

jayaṃteśvaramālokya snātvā gaṃgājale śubhe |
prāpnuyādvāṃchitāṃ siddhiṃ sarvatra vijayī bhavet || 72 ||
[Analyze grammar]

prāduścakāra deveśaḥ śrīśailāttripurāṃtakaḥ |
śrīśailaśikharaṃ dṛṣṭvā yatphalaṃ samudīritam || 73 ||
[Analyze grammar]

tripurāṃtakamālokya tatphalaṃ helayāpyate |
viśverātpaścime bhāge tripurāṃtakamīśvaram || 74 ||
[Analyze grammar]

saṃpūjya parayā bhaktyā na naro garbhamāviśet |
saumyasthānādihāyāto bhagavānkukkuṭeśvaraḥ || 79 ||
[Analyze grammar]

vakratuṃḍa gaṇādhyakṣa samīpe sopatiṣṭhate |
taddarśanādarcanācca karasthāḥ sarvasiddhayaḥ || 76 ||
[Analyze grammar]

jāleśvarāttriśūlī ca svayamīśaḥ samāgataḥ |
kūṭadaṃtādgaṇapateḥ purastātsarvasiddhidaḥ || 77 ||
[Analyze grammar]

rāmeśvarānmahākṣetrājjaṭīdevaḥ samāgataḥ |
ekadaṃtottare bhāge sorcitaḥ sarvakāmadaḥ || 78 ||
[Analyze grammar]

trisaṃdhyātkṣetrato devastryaṃbakosti samāgataḥ |
trimukhātpūrvadigbhāge pūjitastryaṃbakatvakṛt || 79 ||
[Analyze grammar]

hareśvaro hariścaṃdrātkṣetrādatra samāgataḥ |
hariścaṃdreśvarapuraḥ pūjito jayadaḥ sadā || 80 ||
[Analyze grammar]

iha śarvaḥ samāyātaḥ sthānānmadhyamakeśvarāt |
caturvedeśvaraṃ liṃgaṃ purodhāya vyavasthitam || 81 ||
[Analyze grammar]

śarvaṃ liṃgaṃ samabhyarcya kāśyāṃ paramasiddhikṛt |
na jātu jaṃtupadavīṃ prāpnuyātkvāpi mānavaḥ || 82 ||
[Analyze grammar]

sthaleśvarānmahāliṃgaṃ prādurbhūtaṃ paraṃtviha |
yatra yajñeśvaraṃ liṃgaṃ sarvaliṃgaphalapradam || 83 ||
[Analyze grammar]

mahāliṃgaṃ samabhyarcya mahāśraddhāsamanvitaḥ |
mahatīṃ śriyamāpnoti loketra ca paratra ca || 84 ||
[Analyze grammar]

iha liṃgaṃ sahasrākṣaṃ suvarṇākhyātsamāgatam |
yasya saṃdarśanātpuṃsāṃ jñānacakṣuḥ prajāyate || 85 ||
[Analyze grammar]

śaileśvarādavācyāṃ tu sahasrākṣeśvaraṃ vibhum |
dṛṣṭvā janmasahasrāṇāṃ śatānāṃ pātakaṃ tyajet || 86 ||
[Analyze grammar]

harṣitāddharṣitaṃ cātra prādurāsīttamoharam |
liṃgaṃharṣapradaṃ puṃsāṃ darśanātsparśanādapi || 87 ||
[Analyze grammar]

maṃtreśvara samīpe tu prāsādo harṣiteśituḥ |
tadvilokanataḥ puṃsāṃ nityaṃ harṣa paraṃparā || 88 ||
[Analyze grammar]

iha svayaṃ samāyāto rudro rudramahālayāt |
yasya darśanato yāṃti rudraloke narāḥ sphuṭam || 89 ||
[Analyze grammar]

yaistu rudreśvaraṃ liṃgaṃ kāśyāmatra samarcitam |
te rudrarūpiṇo martyā vijñeyā nātra saṃśayaḥ || 90 ||
[Analyze grammar]

tripureśa samīpe tu dṛṣṭvā rudreśvaraṃ vibhum |
rudrāsta iva vijñeyā jīvaṃtopi mṛtā api || 91 ||
[Analyze grammar]

āgādiha mahādevo vṛṣeśo vṛṣabhadhvajāt |
bāṇeśvarasya liṃgasya samīpe vṛṣadaḥ sadā || 92 ||
[Analyze grammar]

ihāgataṃ tu kedārādīśāneśvara saṃjñitam |
taddraṣṭavyaṃ pratīcyāṃ ca liṃgaṃ prahlādakeśavāt || 93 ||
[Analyze grammar]

īśāneśaṃ samabhyarcya snātvottaravahāṃbhasi |
vasedīśānanagare īśānasadṛśaprabhaḥ || 94 ||
[Analyze grammar]

bhairavādbhairavī mūrtiratrāyātā manoharā |
saṃhārabhairavo nāma draṣṭavyaḥ sa prayatnataḥ || 95 ||
[Analyze grammar]

pūjanātsarvasiddhyai sa prācyāṃ kharvavināyakāt |
saṃhārabhairavaḥ kāśyāṃ saṃharedaghasaṃtatim || 96 ||
[Analyze grammar]

ugraḥ kanakhalāttīrthādāvirāseha siddhidaḥ |
tadvilokanato nṛṇāmugraṃ pāpaṃ praṇaśyati || 97 ||
[Analyze grammar]

ugraṃ liṃgaṃ sadā sevyaṃ prācyāmarkavināyakāt |
atyugrā api naśyeyurupasargāstadarcanāt || 98 ||
[Analyze grammar]

vastrāpathānmahākṣetrādbhavo nāma svayaṃ vibhuḥ |
bhīmacaṃḍī samīpe tu prādurāsīdiha prabho || 99 ||
[Analyze grammar]

bhaveśvaraṃ samabhyarcya bhavenāvirbhavennaraḥ |
prabhurbhavati sarveṣāṃ rājñāmājñākṛtāmiha || 100 ||
[Analyze grammar]

devadāruvanāddaṃḍī daṃḍayanpātakāvalīḥ |
vārāṇasyāṃ samāgatya sthito liṃgākṛtirvibhuḥ || 1 ||
[Analyze grammar]

prācyāṃ daṃḍīśvaraḥ pūjyaḥ sa dehalivināyakāt |
tasyārcanena marttyānāṃ na punarbhava īkṣyate || 2 ||
[Analyze grammar]

bhadrakarṇahradādatra bhadrakarṇahradānvitaḥ |
śivaḥ sākṣādihāyātaḥ sarveṣāṃ śivadorcitaḥ || 3 ||
[Analyze grammar]

uddaṃḍākhyādgaṇapateḥ prācyāṃ tattīrthamuttamam |
bhadrakarṇahrade snātvābhyarcya liṃgaṃ śivāhvayam || 4 ||
[Analyze grammar]

sarvatra śivamāpnoti bhadrakarṇeśa pūjanāt |
śṛṇuyātsarvabhūtānāṃ bhadraṃ paśyati cākṣibhiḥ || 5 ||
[Analyze grammar]

śaṃkaraśca hariścaṃdrāttvatpuraḥ pratibhāsate |
tatpūjanājjanānāṃ na jananījaṭhare janiḥ || 6 ||
[Analyze grammar]

yamaliṃgānmahātīrthātkālaliṃgamiha sthitam |
kalaśeśa iti khyātaṃ caṃdreśātpaścimena ca || 7 ||
[Analyze grammar]

yamatīrthe naraḥ snātvā mitrāvaruṇadakṣiṇe |
kālaliṃgaṃ samālokya kalikāla bhayaṃ kutaḥ || 8 ||
[Analyze grammar]

tatra bhaumacaturdaśyāṃ yastu yātrāṃ kariṣyati |
api pātaka yuktaḥ sa yamayātrāṃ na yāsyati || 9 ||
[Analyze grammar]

naipālācca mahākṣetrādāyātpaśupatistviha |
yatra pāśupato yoga upadiṣṭaḥ pinākinā || 110 ||
[Analyze grammar]

bhavatā devadevena brahmādibhyo vimuktaye |
tasya saṃdarśanādeva paśupāśairviyujyate || 11 ||
[Analyze grammar]

karavīrakatīrthācca kapālīśa ihāgataḥ |
kapālamocane tīrthe draṣṭavyaḥ sa prayatnataḥ || 12 ||
[Analyze grammar]

tadvilokanamātreṇa brahmahatyā vilīyate |
umāpatirdevikāyā ihāgatya vyavasthitaḥ || 13 ||
[Analyze grammar]

dṛṣṭaḥ paśupatiḥ prācyāṃ haretpāpaṃ cirārjitam |
liṃgaṃ maheśvarakṣetrādiha dīpteśa saṃjñitam || 14 ||
[Analyze grammar]

upomāpati tiṣṭheta dīptyai ceha paratra ca |
bhuktimukti pra daṃ liṃgaṃ dīpteśaṃ kāśimadhgam || 15 ||
[Analyze grammar]

kāyārohaṇataḥ kṣetrādācāryo nakulīśvaraḥ |
śiṣyaiḥ parivṛtastiṣṭhenmahāpāśupatavrataiḥ || 16 ||
[Analyze grammar]

dakṣiṇe hi mahādevādṛṣṭo jñānaṃ prayacchati |
ajñānaṃ nāśayetkṣipraṃ garbhasaṃsṛtihetukam || 17 ||
[Analyze grammar]

gaṃgāsāgarataścāyādamareśa itīritam |
liṃgaṃ yaddarśanādeva nāmaratvaṃ hi durlabham || 18 ||
[Analyze grammar]

saptagodāvarītīrthāddevo bhīmeśvaraḥ prabhuḥ |
prakāśate liṃgarūpī bhuktyai muktyai nṛṇāmiha || 19 ||
[Analyze grammar]

nakulīśātpurobhāge dṛṣṭā bhīmeśvaraṃ prabhum |
mahābhīmāni pāpāni praṇaśyaṃti hi tatkṣaṇāt || 120 ||
[Analyze grammar]

bhūteśvarādbhasmagātraṃ prādurāsīdiha svayam |
bhīmeśāddakṣiṇe bhāge tadabhyarcya prayatnataḥ || 21 ||
[Analyze grammar]

samyakpāśupatādyo gādabhyastācca samāḥ śatam |
yatprāpyate phalaṃ tatsyādbhasmagātravilokanāt || 22 ||
[Analyze grammar]

nakulīśvarato devaḥ svayaṃbhūriti viśrutaḥ |
ātmanāprakaṭībhūtaḥ kāśyāṃ liṃgākṛtirharaḥ || 23 ||
[Analyze grammar]

svayaṃbhu liṃgaṃ saṃpūjya snātvā siddhihrade naraḥ |
mahālakṣmīśvara puro na bhūyo janmabhāgbhavet || 24 ||
[Analyze grammar]

prayāgatīrthanikaṣā prāsādo vidrumaprabhaḥ |
vārāhasya mahāneṣa dharaṇīnāmna eva hi || 25 ||
[Analyze grammar]

viṃdhyaparvatataḥ prāpto devaṃ śrutvā samāgatam |
sagaṇaṃ sarṣidevaṃ ca maṃdarādatra kaṃdarāt || 26 ||
[Analyze grammar]

kāśyāṃ dharaṇivārāho draṣṭavyaḥ sa prayatnataḥ |
āpatsamudrasaṃmagnamuddhareccharaṇāgatam || 27 ||
[Analyze grammar]

karṇikārādgaṇādhyakṣaḥ karṇikāraprasūnaruk |
samarcyoyaṃ gadāhasta upasargasahasrahṛt || 28 ||
[Analyze grammar]

tasmāddharaṇivārāhātpratīcyāṃ diśi saṃsthitam |
pūjayitvā gaṇādhyakṣaṃ gāṇapatyapadaṃ labhet || 29 ||
[Analyze grammar]

hemakūṭādvirūpākṣaṃ liṃgamatrāvirāsa ha |
maheśvarādavācyāṃ ca dṛṣṭaṃ saṃsāratārakam || 130 ||
[Analyze grammar]

gaṃgādvārāddhimastheśaṃ liṃgaṃ himasamaprabham |
brahmanālātpratīcyāṃ ca draṣṭavyamiha siddhidam || 31 ||
[Analyze grammar]

gaṇādhipaśca kailāsādgaṇā anye mahābalāḥ |
kailāsādreḥ samāyātāḥ saptakoṭimitāḥ prabho || 32 ||
[Analyze grammar]

durgāṇi taiḥ kṛtānīha saptasvargasamāni ca |
sadvārāṇi sayaṃtrāṇi kapāṭavikaṭāni ca || 33 ||
[Analyze grammar]

koṭikoṭibhaṭāḍhyāni sarvarddhisahitānyapi |
suvarṇarūpyatāmraiśca kāṃsyarītikasīsakaiḥ || 34 ||
[Analyze grammar]

ayaskāṃtena kāṃtāni dṛḍhānyabhraṃlihānyapi |
tataḥ śailaṃ mahādurgaṃ taiḥ kāśīparitaḥ kṛtam || 35 ||
[Analyze grammar]

parikhāpi kṛtā nimnā matsyodaryājalāvilā |
matsyodarī dvidhā jātā bahiraṃtaścarā punaḥ || 36 ||
[Analyze grammar]

tacca tīrthaṃ mahatkhyātaṃ militaṃ gāṃgavāribhiḥ |
yadā saṃhāramārgeṇa gaṃgābhaḥ prasarediha || 37 ||
[Analyze grammar]

tadā matsyodarī tīrthaṃ labhyate puṇyagauravāt |
sūryācaṃdramasoḥ parvatadākoṭiguṇaṃ śatam || 38 ||
[Analyze grammar]

sarvaparvāṇi tatraiva sarvatīrthāni tatra vai |
tatraiva sarvaliṃgāni gaṃgāmatsyodarīyataḥ || 39 ||
[Analyze grammar]

matsyodaryāṃ hi ye snātā yatrakutrāpi mānavāḥ |
kṛtapiṃḍapradānāste na māturudareśayāḥ || 140 ||
[Analyze grammar]

avimuktamidaṃ kṣetraṃ matsyākāratvamāpnuyāt |
paritaḥ svardhunīvāri saṃsāri parivīkṣyate || 41 ||
[Analyze grammar]

matsyodaryāṃ kṛtasnānā ye narāste narottamāḥ |
kṛtvāpi bahupāpāni nekṣaṃte bhāskareḥ purīm || 42 ||
[Analyze grammar]

kiṃ snātvā bahutīrtheṣu kiṃ taptvā duṣkaraṃ tapaḥ |
yadi matsyodarī snātā kuto garbhabhayaṃ tataḥ || 43 ||
[Analyze grammar]

yatrayatra hi liṃgāni nṛdevarṣikṛtānyapi |
tatra matsyodarīṃ prāpya susnāto mokṣabhājanam || 44 ||
[Analyze grammar]

saṃti tīrthānyanekāni bhūrbhuvaḥsvargatānyapi |
na samāni paraṃ tāni koṭyaṃśenāpi niścitam || 45 ||
[Analyze grammar]

itthaṃ tīrthaṃ kṛtaṃ tena vibho kailāsavāsinā |
gaṇādhipena sumahatsumahodārakarmaṇā || 46 ||
[Analyze grammar]

bhūrbhuvaḥsaṃjñakaṃ liṃgaṃ parvatādgaṃdhamādanāt |
svayamāvirabhūdatra tasmātprācyāṃ gaṇādhipāt || 47 ||
[Analyze grammar]

vilokya bhūrbhuvaṃ liṃgaṃ bhūrbhuvaḥsvarmahaḥ pare |
nivasaṃti janāḥ puṇyāḥ suciraṃ divyabhoginaḥ || 48 ||
[Analyze grammar]

hāṭakeśaṃ mahāliṃgaṃ bhogavatyā samāyutam |
saptapātālatalata ihāyātaṃ svayaṃ vibho || 49 ||
[Analyze grammar]

śeṣavāsukimukhyaiśca tatprāsādo mahāniha |
maṇimāṇikyaratnaughairniramāyi prayatnataḥ || 150 ||
[Analyze grammar]

talliṃgaṃ hāṭakamayaṃ ratnamālābhirarcitam |
īśāneśvarataḥ prācyāṃ pūjanīya prayatnataḥ || 51 ||
[Analyze grammar]

bhaktito'bhyarcya talliṃgaṃ naraḥ sarvasamṛddhimān |
bhuktvā bhogānasaṃkhyātānaṃte nivārṇamṛcchati || 52 ||
[Analyze grammar]

ākāśāttārakālligaṃ jyotīrūpamihāgatam |
jñānavāpyāḥ purobhāge talliṃgaṃ tārakeśvaram || 53 ||
[Analyze grammar]

tārakaṃ jñānamāpyeta talliṃgasya samarcanāt |
jñānavāpyāṃ naraḥ snātvā tārakeśaṃ vilokya ca || 54 ||
[Analyze grammar]

kṛtasaṃdhyādi niyamaḥ paritarpya pitāmahān |
dhṛtamaunavrato dhīmānyāvalliṃga vilokanam || 55 ||
[Analyze grammar]

mucyate sarvapāpebhyaḥ puṇyaṃ prāpnoti śāśvatam |
prāṃte ca tārakaṃ jñānaṃ yasmājjñānādvimucyate || 56 ||
[Analyze grammar]

kirātācca kirāteśa ihacāvirbabhūva ha |
kirātarūpo bhagavānyatra devo'bhavatpurā || 57 ||
[Analyze grammar]

tatkirāteśvaraṃ liṃgaṃ bhārabhūteśvarādanu |
namaskṛtya naro jātu na māturudareśayaḥ || 58 ||
[Analyze grammar]

laṃkāpuryāḥ samāgacchanmarukeśvarasaṃjñakam |
liṃgaṃ yadarcanātpuṃsāṃ na bhayaṃ rakṣasāṃ bhavet || 59 ||
[Analyze grammar]

nairkatyāṃ diśi talliṃgaṃ nirṛteśvarasaṃjñakam |
paulastyarāghavātpaścātpūjitaṃ sarvaduṣṭahṛt || 160 ||
[Analyze grammar]

puṇyajalapriyaṃ liṃgaṃ jalaliṃgasthalādapi |
āyātaṃ tacca gaṅgāyā jalamadhye vyavasthitam || 61 ||
[Analyze grammar]

tatprāsādo'dbhutataro madhye gaṃgaṃ nirīkṣyate |
sarvadhātumayaḥ śreṣṭhaḥ sarvaratnamayaḥ śubhaḥ || 62 ||
[Analyze grammar]

adyāpi dṛśyate kaiścitpuṇyasaṃbhāragauravāt |
śreṣṭhaṃ liṃgamihāyātaṃ tīrthātkoṭīśvarādapi || 63 ||
[Analyze grammar]

koṭiliṃge kṣaṇe puṇyaṃ talliṃgasya nirīkṣaṇāt |
śreṣṭhaṃ jyeṣṭheśvarātpaścācchreṣṭha siddhipradāyakam || 64 ||
[Analyze grammar]

vaḍavāsyātsamudbhūtaṃ liṃgamatrānaleśvaram |
naleśvara purobhāge pūjitaṃ sarvasiddhidam || 65 ||
[Analyze grammar]

āgatya virajastīrthāddevadevastrilocanaḥ |
liṃge tvanādisaṃsiddhe hyavatasthe triviṣṭape || 66 ||
[Analyze grammar]

puṇye pilipilā tīrthe sarveṣāṃ tārakaprade |
āviścakre svayadeva oṃkāromarakaṃṭakāt || 67 ||
[Analyze grammar]

tadādyaṃ tārakakṣetraṃ yadā gaṃgā na cāgatā |
yadaivāvirabhūtkāśī trailokyoddhaṇāya vai || 68 ||
[Analyze grammar]

tadākṛtimahalliṃgaṃ svayamāvirabhūttataḥ |
mahimānaṃ na tasyānyaḥ parivetti vibhorṛte || 69 ||
[Analyze grammar]

etānyāyatanānīśa ānināya mahāṃti ca |
śeṣayitvāṃśamātraṃ ca tasminkṣetre nije nije || 170 ||
[Analyze grammar]

ihāyātāni puṇyāni sarvabhāvena nānyathā |
prāsādāḥ sarvataścaiṣāṃ ramyā abhraṃlihā vibho || 71 ||
[Analyze grammar]

bahudhātumayāścitrāḥ sarvaratnasamu्jjvalāḥ |
yeṣāṃ kalaśamātrasya darśanānmuktirāpyate || 72 ||
[Analyze grammar]

śrutvāpi nāma caiteṣāṃ liṃgānāṃ surasattama |
api janmasahasrotthāḥ kṣīyaṃte pāparāśayaḥ || 73 ||
[Analyze grammar]

idānīṃ ko nideśotra mayānuṣṭheya īśitaḥ |
prasādī kriyatāṃso pi siddho maṃtavya eva hi || 74 ||
[Analyze grammar]

skaṃda uvāca |
śrutveti naṃdino vākyaṃ devadeveśvaro haraḥ |
śraddhā prasādya śailādimidaṃ provāca kuṃbhaja || 75 ||
[Analyze grammar]

śrīdevadeva uvāca |
sādhūkṛtaṃ tvayā naṃdinsadānaṃda vidhāyaka |
vidhehi me nideśaṃ ca caṃḍīrvyāpārayādhunā || 76 ||
[Analyze grammar]

navakoṭyastu cāmuṃḍāyāyatra nivasaṃti hi |
svadevatābhiḥ sahitā bhūtavetāla bhairavaiḥ || 77 ||
[Analyze grammar]

tāḥ purī rakṣaṇārthāya savāhanabalāyudhāḥ |
pratidurgaṃ durgarūpāḥ paritaḥ parivāsaya || 78 ||
[Analyze grammar]

skaṃda uvāca |
naṃdinaṃ saṃnideśyeti mṛḍānyā sahito mṛḍaḥ |
yayau traiviṣṭapaṃ kṣetraṃ muktibījaprarohaṇam || 79 ||
[Analyze grammar]

śilādatanayopyaiśīṃ mūrddhanyājñāṃ vidhāya ca |
āhūya sarvato durgāḥ pratidurgaṃ nyaveśayat || 180 ||
[Analyze grammar]

niśamyādhyāyametaṃ ca puṇyāyatana garbhiṇam |
naraḥ svargāpavargau ca prāpnuyācchraddhayā kramāt || 81 ||
[Analyze grammar]

śrutvāṣṭaṣaṣṭimetāṃ vai mahāyatana saṃśrayām |
na jātu praviśenmartyo jananyā jāṭharīṃ darīm || 182 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍe uttarārdhe'ṣṭaṣaṣṭyāyatanasamāgamo nāmaikonasaptatitamodhyāyaḥ || 69 ||
[Analyze grammar]

Other editions:

Also see the following editions of the Sanskrit text or (alternative) English translations of the Skandapurana Chapter 19

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: