Chapter 18

[English text for this chapter is available]

skaṃda uvāca |
anyacca śṛṇu vipreṃdra vṛttātaṃ tatra saṃbhavam |
mahāścaryaprajananaṃ mahāpātakahāri ca || 1 ||
[Analyze grammar]

itthaṃ kathāṃ prakurvāṇe ratnaśesya maheśvare |
kolāhalo mahānāsīttrātatrāteti sarvataḥ || 2 ||
[Analyze grammar]

mahiṣāsuraputrosau samāyāti gajāsuraḥ |
pramathanpramathānsarvānnijavīrya madoddhataḥ || 3 ||
[Analyze grammar]

yatrayatra dharāyāṃ sa caraṇaṃ pramiṇoti hi |
acalollolayāṃcakre tatratatrāsya bhārataḥ || 4 ||
[Analyze grammar]

ūruvegena taravaḥ pataṃti śikharaiḥ saha |
yasya dordaṃḍaghātena cūrṇāḥ syuśca śiloccayāḥ || 5 ||
[Analyze grammar]

yasya maulijasaṃgharṣādgha nāvyoma tyajaṃtyapi |
nīlimānaṃ na cādyāpi jahyustakleśasaṃgajam || 6 ||
[Analyze grammar]

yasya niḥśvāsasaṃbhārairuttaraṃgā mahābdhayaḥ |
nadyopyamaṃdakallolā bhavaṃti timibhiḥ saha || 7 ||
[Analyze grammar]

yojanānāṃ sahasrāṇi navayasya samucchrayaḥ |
tāvāneva hi vistārastanormāyāvinosya hi || 8 ||
[Analyze grammar]

yannetrayoḥ piṃgalimā tathā taralimā punaḥ |
vidyutā nojjhyate'dyāpi soyamāyāti satvaraḥ || 9 ||
[Analyze grammar]

yāṃyāṃ diśaṃ samabhyeti soyaṃ duḥsaha dānavaḥ |
sāsā samī bhavedasya sādhvasādiva digdhruvam || 10 ||
[Analyze grammar]

brahmalabdhavaraścāyaṃ tṛṇīkṛtajagattrayaḥ |
avadhyohaṃ bhavāmīti strīpuṃsaiḥ kāmanirjitaiḥ || 11 ||
[Analyze grammar]

tatastriśūlahetistamāyāṃtaṃ daityapuṃgavam |
vijñāyāvadhyamanyena śūlenābhijaghāna tam || 12 ||
[Analyze grammar]

protastena triśūlena sa ca daityo gajāsuraḥ |
chatrīkṛtamivātmānaṃ manyamāno jagau haram || 13 ||
[Analyze grammar]

gajāsura uvāca |
triśūlapāṇe deveśa jāne tvāṃ smarahāriṇam |
tava haste mama vadhaḥ śreyāneva purāṃtaka || 14 ||
[Analyze grammar]

kiṃcidvijñaptumicchāmi avadhehi mameritam |
satyaṃ bravīmi nāsatyaṃ mṛtyuṃjaya vicāraya || 15 ||
[Analyze grammar]

tvameko jagatāṃ vaṃdyo viśvasyopari saṃsthitaḥ |
ahaṃ tvadupariṣṭācca sthitosmī ti jitaṃ mayā || 16 ||
[Analyze grammar]

dhanyosmyanugṛhītosmi tvattriśūlāgrasaṃsthitaḥ |
kālena sarvairmartavyaṃ śreyase mṛtyurīdṛśaḥ || 17 ||
[Analyze grammar]

iti tasya vacaḥ śrutvā devadevaḥ kṛpānidhiḥ |
provāca prahasañchaṃbhurghaṭodbhava gajāsuram || 18 ||
[Analyze grammar]

īśvara uvāca |
gajāsura prasannosmi mahāpauruṣaśevadhe |
svānukūla varaṃ brūhi dadāmi sumate'sura || 19 ||
[Analyze grammar]

ityākarṇya sa daityeṃdraḥ pratyuvāca maheśvaram |
gajāsura uvāca |
yadi prasanno digvāsastadā nityaṃ vasāna me || 20 ||
[Analyze grammar]

imāṃ kṛttiṃ virūpākṣa tvattriśūlāgnipāvitām |
svapramāṇāṃ sukhasparśāṃ raṇāṃgaṇapaṇīkṛtām || 21 ||
[Analyze grammar]

iṣṭagaṃdhiḥ sadaivāstu sadaivāstvatikomalā |
sadaiva nirmalā cāstu sadaivāstvatimaṃḍanam || 22 ||
[Analyze grammar]

mahātapo'nalajvālāḥ prāpyāpi suciraṃ vibho |
na dagdhā kṛttireṣā me puṇyagaṃdhanidhistataḥ || 23 ||
[Analyze grammar]

yadi puṇyavatī naiṣā mamakṛttirdigaṃbara |
tadā tvadaṃgasaṃgosyāḥ kathaṃ jāto raṇāṃgaṇe || 24 ||
[Analyze grammar]

anyaṃ ca me varaṃ dehi yadi tuṣṭosi śaṃkara |
nāmāstu kṛttivāsāste prārabhyādyatanaṃ dinam || 25 ||
[Analyze grammar]

iti tasya vacaḥ śrutvā tathetyuktvā ca śaṃkaraḥ |
punaḥprovāca taṃ daityaṃ bhaktinirmalamānasam || 26 ||
[Analyze grammar]

īśvara uvāca || |
śṛṇu puṇyanidhe daitya varamanyaṃ sudurlabham |
avimukte mahākṣetre raṇa tyakta kalevara || 27 ||
[Analyze grammar]

idaṃ puṇyaśarīraṃ te kṣetresminmuktisādhane |
mama liṃgaṃ bhavatvatra sarveṣāṃmuktidāyakam || 28 ||
[Analyze grammar]

kṛttivāseśvaraṃ nāma mahāpātakanāśanam |
sarveṣāmeva liṃgānāṃ śirobhūtamidaṃ varam || 29 ||
[Analyze grammar]

yāvaṃti saṃti liṃgāni vārāṇasyāṃ mahāṃtyapi |
uttamaṃ tāvatāmetaduttamāṃgavaduttamam || 30 ||
[Analyze grammar]

mānavānāṃ hitāyātra sthāsyehaṃ saparigrahaḥ |
dṛṣṭenānena liṃgena pūjitena stutena ca |
kṛtakṛtyo bhavenmartyaḥ saṃsāraṃ na viśetpunaḥ || 31 ||
[Analyze grammar]

rudrāḥ pāśupatāḥ siddhā ṛṣayastattvaciṃtakāḥ |
śāṃtā dāṃtā jitakrodhā nirdvaṃdvā niṣparigrahāḥ || 32 ||
[Analyze grammar]

avimukte sthitā ye tu mama bhaktā mumukṣavaḥ |
mānāpamānayostulyāḥ samaloṣṭāśmakāṃcanāḥ || 33 ||
[Analyze grammar]

kṛttivāseśvare liṃge sthāsyehaṃ tadanugrahe |
daśakoṭisahasrāṇi tīrthāni prativāsaram || 34 ||
[Analyze grammar]

trikālamāgamiṣyaṃti kṛttivāse na saṃśayaḥ |
kalidvāparasaṃbhūtā narāḥ kalmaṣabuddhayaḥ || 35 ||
[Analyze grammar]

sadācāravinirmuktāḥ satyaśaucaparāṅmukhāḥ |
māyayā daṃbhalobhābhyāṃ mohāhaṃkṛtisaṃyutāḥ || 36 ||
[Analyze grammar]

śūdrānnasevino viprā jihvālā atilālasāḥ |
saṃdhyāsnānajapejyāsu dūrīkṛta manodhiyaḥ || 37 ||
[Analyze grammar]

kṛttivāseśvaraṃ prāpya sarvapāpavivarjitāḥ |
sukhena mokṣameṣyaṃti yathā sukṛtinastathā || 38 ||
[Analyze grammar]

kṛttivāseśvaraṃ liṃgaṃ sevyaṃ kāśyāṃ tato naraiḥ |
janmāṃtarasahasreṣu mokṣonyatra sudurlabhaḥ || 39 ||
[Analyze grammar]

kṛttivāseśvare liṃge labhyastvekena janmanā |
pṛrvajanmakṛtaṃ pāpaṃ tapodānādibhiḥ śanaiḥ |
naśyetsadyo vinaśyeta kṛttivāse śvarekṣaṇāt || 40 ||
[Analyze grammar]

kṛttivāseśvaraṃ liṃgaṃ yercayiṣyaṃti mānavāḥ |
praviṣṭāste śarīre me teṣāṃ nāsti punarbhavaḥ || 41 ||
[Analyze grammar]

avimukte'tra vastavyaṃ japtavyaṃ śatarudriyam |
kṛttivāseśvaro devo draṣṭavyaśca punaḥpunaḥ || 42 ||
[Analyze grammar]

saptakoṭimahārudraiḥ sujaptairyatphalaṃ bhavet |
tatphalaṃ labhyate kāśyāṃ pūjanātkṛttivāsasaḥ || 43 ||
[Analyze grammar]

māgha kṛṣṇacaturdaśyāmupoṣya niśi jāgṛyāt |
kṛttivāseśamabhyarcya yaḥ sa yāyātparāṃ gatim || 44 ||
[Analyze grammar]

śuklāyāṃ paṃcadaśyāṃ yaścaitryāṃ kartā mahotsavam |
kṛttivāseśvare liṃge na sa garbhaṃ pravakṣyete || 45 ||
[Analyze grammar]

kathayitveti deveśastatkṛttiṃ parigṛhya ca |
gajāsurasya mahatīṃ prāvṛṇoddharidaṃbaraḥ || 46 ||
[Analyze grammar]

mahāmahotsavo jātastasminnahani kuṃbhaja |
kṛttivāsatvamāpede yasmindevo digaṃbaraḥ || 47 ||
[Analyze grammar]

yatracchatrīkṛto daityaḥ śūlamāropya bhūtale |
tacchūlotpāṭanājjātaṃ tatra kuṃḍaṃ mahattaram || 48 ||
[Analyze grammar]

tasminkuṃḍe naraḥ snātvā kṛtvā ca pitṛtarpaṇam |
kṛttivāseśvaraṃ dṛṣṭvā kṛtakṛtyo naro bhavet || 49 ||
[Analyze grammar]

skaṃda uvāca |
tasmiṃstīrthe tu yadvṛttaṃ tadagaste niśāmaya |
kākā haṃsatvamāpannāstattīrthasya prabhāvataḥ || 50 ||
[Analyze grammar]

ekadā kṛttivāse tu caitryāṃ yātrā'bhavatpurā |
annaṃ rāśīkṛtaṃ tatra hyupahārasamudbhavam || 51 ||
[Analyze grammar]

bahudevalakairvipra taṃ dṛṣṭvā pakṣiṇo milan |
parasparaṃ tadannārthaṃ yudhyaṃto vyomavartmani || 52 ||
[Analyze grammar]

balipuṣṭairapuṣṭāṃgā raṭataḥ karaṭāḥ kaṭu |
valibhiścātipuṣṭāṃgairabalāścaṃcubhirhatāḥ || 53 ||
[Analyze grammar]

te hanyamānā nyapataṃstasminkuṃḍe nabhoṃgaṇāt |
āyuḥśeṣeṇa saṃtrātā haṃsībhūtāstu vāyasāḥ || 54 ||
[Analyze grammar]

āścaryavaṃtastatratyā yātrāyāṃ militā janāḥ |
ūcuraṃgulinirdeśairaho paśyata paśyata || 55 ||
[Analyze grammar]

asmāsu vīkṣamāṇeṣu kākāḥ kuṃḍetra ye patan |
dhārtarāṣṭrāstu te jātāstīrthasyāsya prabhāvataḥ || 56 ||
[Analyze grammar]

haṃsatīrthaṃ tadārabhya kṛttivāsa samīpataḥ |
nāmnā khyātamabhūlloke tatkuṃḍaṃ kalaśodbhava || 57 ||
[Analyze grammar]

atīva malinātmāno mahāmalina karmabhiḥ |
kṣaṇānnirmalatāṃ yāṃti haṃsatīrthakṛtodakāḥ || 58 ||
[Analyze grammar]

kāśyāṃ sadaiva vastavyaṃ snātavyaṃ haṃsatīrthake |
draṣṭavyaḥ kṛttivāseśaḥ prāptavyaṃ paramaṃ padam || 59 ||
[Analyze grammar]

kāśyāṃ liṃgānyanekāni mune saṃti padepade |
kṛttivāseśvaraṃ liṃgaṃ sarvaliṃgaśiraḥ smṛtam || 60 ||
[Analyze grammar]

kṛttivāsaṃ samārādhya bhaktiyuktena cetasā |
sarvaliṃgārādhanajaṃ phalaṃ kāśyāmavāpyate || 61 ||
[Analyze grammar]

japo dānaṃ tapo homastarpaṇaṃ devatārcanam |
samīpe kṛttivāsasya kṛtaṃ sarvamanaṃtakam || 62 ||
[Analyze grammar]

tīrthaṃ tvanādisaṃsiddhametatkalaśasaṃbhava |
punardevasya sānnidhyādāvirāsīnmaheśituḥ || 63 ||
[Analyze grammar]

etāni siddhaliṃgānicchannāni syuryugeyuge |
avāpya śaṃbhusānnidhyaṃ punarāvirbhavaṃti hi || 64 ||
[Analyze grammar]

haṃsatīrthasya parito liṃgānāmayutaṃ mune |
pratiṣṭhitaṃ munivarairatrāsti dviśatottaram || 65 ||
[Analyze grammar]

ekaikaṃ siddhidaṃ nṛṇāmavimuktanivāsinām |
liṃgaṃ kātyāyaneśādi cyavaneśāṃ tameva hi || 66 ||
[Analyze grammar]

lomaśeśaṃ mahāliṃgaṃ lomaśena pratiṣṭhitam |
kṛttivāsaḥ pratīcyāṃ tu taddṛṣṭvā kvāṃtakādbhayam || 67 ||
[Analyze grammar]

mālatīśaṃ śubhaṃ liṃgaṃ kṛttivāsottare mahat |
saparyayitvā talliṃgaṃ rājā gajapatirbhavet || 68 ||
[Analyze grammar]

aṃtakeśvara saṃjñaṃ ca liṃgaṃ tadrudradiksthitam |
atipāpopi niṣpāpo jāyate tadvilokanāt || 69 ||
[Analyze grammar]

janakeśaṃ mahāliṃgaṃ tatpārśve jñānadaṃ param |
talliṃga varivasyāto brahmajñānamavāpyate || 70 ||
[Analyze grammar]

taduttare mahāmūrtirasitāṃgosti bhairavaḥ |
tasya darśanataḥ puṃsāṃ na bhavedyamadarśanam || 71 ||
[Analyze grammar]

śuṣkodarī ca tatrāsti devī vikaṭalocanā |
kṛttivāsādudīcyāṃ tu kāśīpratyūha bhakṣiṇī || 72 ||
[Analyze grammar]

agnijihvosti vetālastasyā devyāstu nairṛte |
dadāti vāṃchitāṃ siddhiṃ sorcito bhaumavāsare || 73 ||
[Analyze grammar]

vetālakuṃḍaṃ tatrāsti sarvavyādhivighātakṛt |
tatkuṃḍodakasaṃsparśādvraṇavisphoṭarugvrajet || 74 ||
[Analyze grammar]

vetālakuṃḍe susnāto vetālaṃ praṇipatya ca |
labheta vāṃchitāṃ siddhiṃ durlabhāṃ sarvadehibhiḥ || 75 ||
[Analyze grammar]

gaṇosti tatra dvibhujaścatuṣpātpaṃcaśīrṣakaḥ |
tasya saṃvīkṣaṇādeva pāpaṃ yāti sahasradhā || 76 ||
[Analyze grammar]

taduttare mune rudraśtuḥśṛṃgosti bhīṣaṇaḥ |
tripādastu dviśīrṣā ca hastāḥ syuḥ sapta eva hi || 77 ||
[Analyze grammar]

rorūyate vṛṣākārastridhā baddhaḥ sa kuṃbhaja |
kāśīvighrakarā ye ca ye kāśyāṃ pāpabuddhayaḥ || 78 ||
[Analyze grammar]

teṣāṃ ca saṃchidāṃ kartumahaṃ dhṛtakuṭhārakaḥ |
ye kāśyāṃ vighnahartāro ye kāśyāṃ dharmabuddhayaḥ || 79 ||
[Analyze grammar]

sudhāghaṭakaraścāhaṃ tadvaṃśapariṣekakṛt |
taṃ dṛṣṭvā vṛṣarudraṃ vai pūjayitvā tu bhaktitaḥ || 80 ||
[Analyze grammar]

mahāmahopacāraiśca na vighnairabhibhūyate |
maṇipradīpo nāgo'sti tasmādrudrādudagdiśi || 81 ||
[Analyze grammar]

maṇikuṃḍaṃ tadagre tu viṣavyādhiharaṃ param |
tasminkuṃḍe kṛtasnānastaṃ nāgaṃ parivīkṣya ca || 82 ||
[Analyze grammar]

maṇimāṇikyasaṃpūrṇa gajāśvarathasaṃkulam |
strīratnaputraratnaiśca samṛddhaṃ rājyamāpnuyāt || 83 ||
[Analyze grammar]

kṛttivāseśvaraṃ liṃgaṃ kāśyāṃ yairna vilokitam |
te martyaloke bhārāya bhuvo bhūtā na saṃśayaḥ || 84 ||
[Analyze grammar]

skaṃda uvāca |
kṛttivāsaḥ samutpattiṃ ye śroṣyaṃtīha mānavāḥ |
talliṃgadarśanācchreyo lapsyaṃte nātra saṃśayaḥ || 85 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṃḍa uttarādheṃ kṛttivāsaḥ samudbhavo nāmāṣṭaṣaṣṭitamo'pyāyaḥ || 68 ||
[Analyze grammar]