Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

agastya uvāca |
ṣaḍāsya mādhavākhyānaṃ śrutaṃ me pāpanāśanam |
mahimāpi śrutaḥ śreyānsamyakpaṃcanadasya vai || 1 ||
[Analyze grammar]

yadagnibiṃdunā pṛcchi mādhavo daityasūdanaḥ |
tasyottaraṃ samākhyāhi yathākhyātaṃ madhudviṣā || 2 ||
[Analyze grammar]

skaṃda uvāca |
śṛṇvagastya maharṣe tvaṃ kathyamānaṃ mayādhunā |
mādhavena yathācakṣi munaye cāgnibiṃdave || 3 ||
[Analyze grammar]

biṃdumādhava uvāca |
ādau pādodake tīrthe viddhi māmādikeśavam |
agnibiṃdo mahāprājña bhaktānāṃ muktidāyakam || 4 ||
[Analyze grammar]

avimukte'mṛte kṣetre yercayaṃtyādikeśavam |
te'mṛtatvaṃ bhajaṃtyeva sarvaduḥkhavivarjitāḥ || 5 ||
[Analyze grammar]

saṃgameśaṃ mahāliṃgaṃ pratiṣṭhāpyādikeśavaḥ |
darśanādaghahaṃ nṛṇāṃ bhuktiṃ muktiṃ diśetsadā || 6 ||
[Analyze grammar]

yāmyāṃ pādodakācchvetadvīpatīrthaṃ mahattaram |
tatrāhaṃ jñānado nṛṇāṃ jñānakeśavasaṃjñakaḥ || 7 ||
[Analyze grammar]

śvetadvīpe naraḥ snātvā jñānakeśavasannidhau |
na jñānādbhraśyate kvāpi jñānakeśavapūjanāt || 8 ||
[Analyze grammar]

tārkṣyakeśavanāmāhaṃ tārkṣyatīrthe narottamaiḥ |
pūjanīyaḥ sadā bhaktyā tārkṣya vatte priyā mama || 9 ||
[Analyze grammar]

tatraiva nārade tīrthesmyahaṃ nāradakeśavaḥ |
brahmavidyopadeṣṭā ca tattīrthāpluta varṣmaṇām || 10 ||
[Analyze grammar]

prahlādatīrthaṃ tatraiva nāmnā prahlādakeśavaḥ |
bhaktaiḥ samarcanīyohaṃ mahābhakti samṛddhaye || 11 ||
[Analyze grammar]

tīrtheṃ'barīṣe tatrāhaṃ nāmnaivādityakeśavaḥ |
pātakadhvāṃtanicayaṃ dhvaṃsayāmīkṣaṇādapi || 12 ||
[Analyze grammar]

dattātreyeśvarādyāmyāmahamādigadādharaḥ |
harāmi tatra bhaktānāṃ saṃsāragadasaṃcayam || 13 ||
[Analyze grammar]

tatraiva bhārgave tīrthe bhṛgukeśava nāmataḥ |
kāśīnivāsinaḥ puṃso bibharmi ca manorathaiḥ || 14 ||
[Analyze grammar]

vāmanākhyemahātīrthe manaḥprārthitade śubhe |
pūjyohaṃ śubhamicchadbhirnāmnā vāmanakeśavaḥ || 15 ||
[Analyze grammar]

naranārāyaṇe tīrthe naranārāyaṇātmakam |
bhaktāḥ samarcya māṃ syurvai naranārāyaṇātmakāḥ || 16 ||
[Analyze grammar]

tīrthe yajñavarāhākhye yajñavārāhasaṃjñakaḥ |
naraiḥ samarcanīyohaṃ sarvayajñaphalepsubhiḥ || 17 ||
[Analyze grammar]

vidāranarasiṃhohaṃ kāśīvighnavidāraṇaḥ |
tannāmni tīrthe saṃsevyastīrthopadravaśāṃtaye || 18 ||
[Analyze grammar]

gopīgoviṃdatīrthe tu gopīgoviṃdasaṃjñakam |
samarcya māṃ naro bhaktyā mama māyāṃ na saṃspṛśet || 19 ||
[Analyze grammar]

mune lakṣmīnṛsiṃhosmi tīrthe tannāmni pāvane |
diśāmi bhaktiyuktebhyaḥ sadānaiḥ śreyasīṃ śriyam || 20 ||
[Analyze grammar]

śeṣamādhavanāmāhaṃ śeṣatīrthe'ghahāriṇi |
viśrāṇayāmyaśeṣāśca viśeṣānbhaktaciṃtitān || 21 ||
[Analyze grammar]

śaṃkhamādhavatīrthe ca snātvā māṃ śaṃkhamādhavam |
śaṃkhodakena saṃsnāpya bhavecchaṃkhanidheḥ patiḥ || 22 ||
[Analyze grammar]

hayagrīve mahātīrthe māṃ hayagrīvakeśavam |
praṇamya prāpnuyānnūnaṃ tadviṣṇoḥ paramaṃpadam || 23 ||
[Analyze grammar]

bhīṣmakeśavanāmāhaṃ vṛddhakāleśapaścime |
upasargānhare bhīṣmānsevito bhaktiyuktitaḥ || 24 ||
[Analyze grammar]

nirvāṇakeśavaścāhaṃ bhaktanirvāṇasūcakaḥ |
lolārkāduttarebhāge lolatvaṃ cetaso hare || 25 ||
[Analyze grammar]

vaṃdyastrilokasuṃdaryā yāmyāṃ yo māṃ samarcayet |
kāśyāṃ khyātaṃ tribhuvanakeśavaṃ na sa garbhabhāk || 26 ||
[Analyze grammar]

jñānavāpyāḥ purobhāge viddhi māṃ jñānamādhavam |
tatra māṃ bhaktitobhyarcya jñānaṃ prāpnoti śāśvatam || 27 ||
[Analyze grammar]

śvetamādhavasaṃjñohaṃ viśālākṣyāḥ samīpataḥ |
śvetadvīpeśvaraṃ rūpaṃ kuryāṃ bhaktyā samarcitaḥ || 28 ||
[Analyze grammar]

udagdaśāśvamedhānmāṃ prayāgākhyaṃ ca mādhavam |
prayāgatīrthe susnāto dṛṣṭvā pāpaiḥ pramucyate || 29 ||
[Analyze grammar]

prayāgagamane puṃsāṃ yatphalaṃ tapasi śrutam |
tatphalaṃ syāddaśaguṇamatra snātvā mamāgrataḥ || 30 ||
[Analyze grammar]

gaṃgāyamunayoḥ saṃge yatpuṇyaṃ snānakāriṇām |
kāśyāṃ matsannidhāvatra tatpuṇyaṃ syāddaśottaram || 31 ||
[Analyze grammar]

dānāni rāhugrasterke dadatāṃ yatphalaṃ bhavet |
kurukṣetre hi tatkāśyāmatraiva syāddaśādhikam || 32 ||
[Analyze grammar]

gaṃgottaravahā yatra yamunā pūrvavāhinī |
tatsaṃbhedaṃ naraḥ prāpya mucyate brahmahatyayā || 33 ||
[Analyze grammar]

vapanaṃ tatra kartavyaṃ piṃḍadānaṃ ca bhāvataḥ |
deyāni tatra dānāni mahāphalamabhīpsunā || 34 ||
[Analyze grammar]

guṇāḥ prajāpatikṣetre ye sarve samudīritāḥ |
avimukte mahākṣetre'saṃkhyātāśca bhavaṃti hi || 35 ||
[Analyze grammar]

prayāgeśaṃ mahāliṃgaṃ tatra tiṣṭhati kāmadam |
tatsānnidhyācca tattīrthaṃ kāmadaṃ parikīrtitam || 36 ||
[Analyze grammar]

kāśyāṃ māghaḥ prayāge yairna snāto makarārkagaḥ |
aruṇodayamāsādya teṣāṃ niḥśreyasaṃ kutaḥ || 37 ||
[Analyze grammar]

kāśyudbhave prayāge ye tapasi snāṃti saṃyatāḥ |
daśāśvamedhajanitaṃ phalaṃ teṣāṃ bhaveddhruvam || 38 ||
[Analyze grammar]

prayāgamādhavaṃ bhaktyā prayāgeśaṃ ca kāmadam |
prayāge tapasi snātvā yercayaṃtyanvahaṃ sadā || 39 ||
[Analyze grammar]

dhanadhānyasutarddhīste labdhvā bhogānmanoramān |
bhuktveha paramānaṃdaṃ paraṃ mokṣamavāpnuyuḥ || 40 ||
[Analyze grammar]

māghe sarvāṇi tīrthāni prayāgamaviyāṃti hi |
prācyudīcī pratīcīto dakṣiṇādhastathordhvataḥ || 41 ||
[Analyze grammar]

kāśīsthitāni tīrthāni mune yāṃti na kutracit |
yadi yāṃti tadā yāṃti tīrthatrayamanuttamam || 42 ||
[Analyze grammar]

āyāṃtyūrje paṃcanade prātaḥprātarmamāṃtikam |
mahāghaughapraśamane mahāśreyovidhāyini || 43 ||
[Analyze grammar]

prāpya māghamaghāriṃ ca prayāgeśa samīpataḥ |
prātaḥprayāge saṃsnāṃti sarvatīrthāni māmanu || 44 ||
[Analyze grammar]

samāsādya ca madhyāhnamabhiyāṃti ca nityaśaḥ |
saṃsnātuṃ sarvatīrthāni muktidāṃ maṇikarṇikām || 45 ||
[Analyze grammar]

kāśyāṃ rahasyaṃ paramametatte kathitaṃ mune |
yathā tīrthatrayīśreṣṭhā svasvakāle viśeṣataḥ || 46 ||
[Analyze grammar]

anyadrahasyaṃ vakṣyāmi na vācyaṃ yatrakutracit |
abhakteṣu sadā gopyaṃ na gopyaṃ bhaktimajjane || 47 ||
[Analyze grammar]

kāśyāṃ sarvāṇi tīrthāni ekaikāduttarottaram |
mahaināṃsi prahaṃtyeva prasahya nija tejasā || 48 ||
[Analyze grammar]

etadeva rahasyaṃ te vārāṇasyā udīryate |
utkṣipyaikāṃguliṃ tathyaṃ śreṣṭhaikā maṇikarṇikā || 49 ||
[Analyze grammar]

garjaṃti sarvatīrthāni svasvadhiṣṇyagatānyaho |
kevalaṃ balamāsādya sumahanmāṇikarṇikam || 50 ||
[Analyze grammar]

pāpāni pāpināṃ hatvā mahāṃtyapi bahūnyapi |
kāśītīrthāni madhyāhne prāyaścittacikīrṣayā || 51 ||
[Analyze grammar]

parvasvaparvasvapi vā nityaṃ niyamavaṃ tyaho |
nirmalāni bhavaṃtyeva vigāhya maṇikarṇikām || 52 ||
[Analyze grammar]

viśveśo viśvayā sārdhaṃ sadopamaṇikarṇikam |
madhyaṃdinaṃ samāsādya saṃsnāti prativāsaram || 53 ||
[Analyze grammar]

vaikuṃṭhādapyahaṃ nityaṃ madhyāhne maṇikarṇikām |
vigāhe padmayā sārdhaṃ mudā paramayā mune || 54 ||
[Analyze grammar]

sakṛnmamākhyāṃ gṛṇatāṃ nirharanyadaghānyaham |
harināmasamāpannastadbalānmāṇikarṇikāt || 55 ||
[Analyze grammar]

satyalokātpratidinaṃ haṃ sayānaḥ pitāmahaḥ |
mādhyāhnika vidhānāya samāyānmaṇikarṇikām || 56 ||
[Analyze grammar]

iṃdrādyā lokapālāśca marīcyādyā maharṣayaḥ |
mādhyāhnikīṃ kriyāṃ kartuṃ samīyurmaṇikarṇikām || 57 ||
[Analyze grammar]

śeṣavāsukimukhyāśca nāgā vai nāgalokataḥ |
samāyāṃtīha madhyāhne saṃsnātuṃ maṇikarṇikām || 58 ||
[Analyze grammar]

carācareṣu sarveṣu yāvaṃtaśca sacetanāḥ |
tāvaṃtaḥ snāṃti madhyāhne maṇikarṇī jalemale || 59 ||
[Analyze grammar]

ke māṇikarṇikeyānāṃ guṇānāṃ sugarīyasām |
śaktā varṇayituṃ viprā'saṃkhyeyānāṃ madādibhiḥ || 60 ||
[Analyze grammar]

cīrṇānyugrāṇyaraṇyeṣu taistapāṃsi tapodhanaiḥ |
yairiyaṃ hi samāsādi muktibhūrmaṇikarṇikā || 61 ||
[Analyze grammar]

viśrāṇitamahādānāsta eva narapuṃgavāḥ |
carame vayasi prāptā yaireṣā maṇikarṇikā || 62 ||
[Analyze grammar]

cīrṇasarvavratāste tu yathoktavidhinā dhruvam |
yaiḥ svatalpīkṛtā māṇikarṇikeyī sthalī mṛduḥ || 63 ||
[Analyze grammar]

ta eva dhanyā martyesminsarvakratuṣu dīkṣitāḥ |
tyaktvā puṇyārjitāṃ lakṣmīmaikṣiyairmaṇikarṇikā || 64 ||
[Analyze grammar]

kṛtā nānāvidhā dharmā iṣṭāpūrtāstu tairnṛbhiḥ |
vārdhakaṃ samanuprāpya prāpi yairmaṇikarṇikā || 65 ||
[Analyze grammar]

ratnāni sadukūlāni kāṃcanaṃ gajavājinaḥ |
deyāḥ prājñena yatnena sadopamaṇikarṇikam || 66 ||
[Analyze grammar]

puṇyenopārjitaṃ dravyamatyalpamapi yairnaraiḥ |
dattaṃ tadakṣayaṃ nityaṃ munedhimaṇikaṇiṃkam || 67 ||
[Analyze grammar]

kuryādyathoktamapyekaṃ prāṇāyāmaṃ narottamaḥ |
yastena vihito nūnaṃ ṣaḍaṃgo yoga uttamaḥ || 68 ||
[Analyze grammar]

japtvaikāmapi gāyatrīṃ saṃprāpya maṇikarṇikām |
labhedayutagāyatrījapanasya phalaṃ sphuṭam || 69 ||
[Analyze grammar]

ekāmapyāhutiṃ prājño dattvopamaṇikarṇikam |
yāvajjīvāgnihotrasya labhedavikalaṃ phalam || 70 ||
[Analyze grammar]

iti śrutvā harervākyamagnibiṃdurmahātapāḥ |
praṇipatya mahābhaktyā punaḥ papraccha mādhavam || 71 ||
[Analyze grammar]

agnibiṃduruvāca |
viṣṇo kiyatparīmāṇā puṇyaiṣā maṇikarṇikā |
brūhi me puṃṅarīkākṣa natvattastattvavitparaḥ || 72 ||
[Analyze grammar]

śrīviṣṇuruvāca |
āgaṃgā keśavādā ca hariścaṃdrasya maṃḍapāt |
āmadhyāddevasaritaḥ svardvārānmaṇikarṇikā || 73 ||
[Analyze grammar]

sthūlametatparīmāṇaṃ sūkṣmaṃ ca pravadāmi te |
hariścaṃdrasya tīrthāgre hariścaṃdravināyakaḥ || 74 ||
[Analyze grammar]

sīmāvināyakaścātra maṇikarṇī hradottare |
sīmāvināyakaṃ bhaktyā pūjayitvā narottamaḥ || 75 ||
[Analyze grammar]

modakaiḥ sopacāraiśca prāpnuyānmaṇikarṇikām |
hariścaṃdre mahātīrthe tarpayeyuḥ pitāmahān || 76 ||
[Analyze grammar]

śataṃ samāḥsu tṛptāḥ syuḥ prayacchaṃti ca vāṃcchitam |
hariścaṃdre mahātīrthe snātvā śraddhānvito naraḥ || 77 ||
[Analyze grammar]

hariścaṃdreśvaraṃ natvā na satyātparihīyate |
tataḥ parvatatīrthaṃ ca parvateśvara saṃnidhau || 78 ||
[Analyze grammar]

adhiṣṭhānaṃ mahāmerormahāpātakanāśanam |
tatra snātvārcayitveśaṃ kiṃciddattvā svaśaktitaḥ || 79 ||
[Analyze grammar]

adhyāsya meruśikharaṃ divyānbhogānsamaśnute |
kaṃbalāśvataraṃ tīrthaṃ parvateśvara dakṣiṇe || 80 ||
[Analyze grammar]

kaṃbalāśvatareśaṃ ca tattīrthātpaścime śubham |
tasmiṃstīrthe kṛtasnānastalliṃgaṃ yaḥ samarcayet || 81 ||
[Analyze grammar]

api tasya kule jātā gītajñāḥ syuḥ śriyānvitāḥ |
cakrapuṣkariṇī tatra yonicakra nivāriṇī || 82 ||
[Analyze grammar]

saṃsāracakre gahane yatra snāto viśennanā |
cakrapuṣkariṇī tīrtha mamādhiṣṭhānamuttamam || 83 ||
[Analyze grammar]

samāḥ parārdhasaṃkhyātāstatra taptaṃ mahātapaḥ |
tatra pratyakṣatāṃ yāto mama viśveśvaraḥ paraḥ || 84 ||
[Analyze grammar]

tatra labdhaṃ mayaiśvaryamavināśi mahattaram |
cakrapuṣkariṇī caiva khyātābhūnmaṇikarṇikā || 85 ||
[Analyze grammar]

dravarūpaṃ parityajya lalanārūpadhāriṇī |
pratyakṣarūpiṇī tatra mayaikṣi maṇikarṇikā || 86 ||
[Analyze grammar]

tasyā rūpaṃ pravakṣyāmi bhaktānāṃ śubhadaṃ param |
yadrūpadhyānataḥ puṃbhirāṣaṇmāsaṃ trisaṃdhyataḥ || 87 ||
[Analyze grammar]

pratyakṣarūpiṇī devī dṛśyate maṇikarṇikā |
caturbhujā viśālākṣī sphuradbhālavilocanā || 88 ||
[Analyze grammar]

paścimābhimukhī nityaṃ prabaddhakarasaṃpuṭā |
iṃdīvaravatīṃ mālāṃ dadhatī dakṣiṇe kare || 89 ||
[Analyze grammar]

varodyate kare savye mātuluṃga phalaṃ śubham |
kumārīrūpiṇī nityaṃ nityaṃ dvādaśavārṣikī || 90 ||
[Analyze grammar]

śuddhasphaṭikakāṃtiśca sunīla snigdhamūrddhajā |
jitapravālamāṇikya ramaṇīya radacchadā || 91 ||
[Analyze grammar]

pratyagraketakīpuṣpalasaddhammilla mastakā |
sarvāṃga muktābharaṇā caṃdrakāṃtyaṃśukāvṛtā || 92 ||
[Analyze grammar]

puṃḍarīkamayīṃ mālāṃ saśrīkāṃ bibhratī hṛdi |
dhyātavyānena rūpeṇa mumukṣubhiraharniśam || 93 ||
[Analyze grammar]

nirvāṇalakṣmībhavanaṃ śrīmatīmaṇikarṇikā |
maṃtraṃ tasyāśca vakṣyāmi bhaktakalpadrumābhidham |
yasyāvartanataḥ siddhyedapi siddhyaṣṭakaṃ nṛṇām || 94 ||
[Analyze grammar]

vāgbhavamāyālakṣmīmadanapraṇavānvadetpūrvam |
bhāṃtyaṃ biṃdūpetaṃ maṇipadamatha karṇike sahṛtpraṇavapuṭaḥ || 95 ||
[Analyze grammar]

maṃtraḥsuradrumasamaḥ samastasukhasaṃtatiprado japyaḥ |
tithibhiḥ parimitavarṇaḥ paramapadaṃ diśati niśitadhiyām || 96 ||
[Analyze grammar]

tārastāratṛtīyo biṃdvaṃtomaṇipadaṃ tataḥ karṇike |
praṇavātmipadaṃ kena ma iti manusaṃkhyavarṇamanuḥ || 97 ||
[Analyze grammar]

ayaṃ maṃtro'niśaṃ japyaḥ puṃbhirmuktimabhīpsubhiḥ |
homo daśāṃśakaḥ kāryaḥ śraddhābaddhādarairnṛbhiḥ || 98 ||
[Analyze grammar]

pariplutaiḥ puṃḍarīkairgavyena haviṣāsphuṭaiḥ |
saśarkareṇa medhāvī sakṣaudreṇa sadāśuciḥ || 99 ||
[Analyze grammar]

trilakṣamaṃtra japyena mṛto deśāṃtareṣvapi |
avaśyaṃ muktimāpnoti maṃtrasyāsya prabhāvataḥ || 100 ||
[Analyze grammar]

sauvarṇīṃ pratimā kāryā navaratnasamanvitā |
pūrvoktarūpasaṃpannā saṃpūjyā sā prayatnataḥ || 1 ||
[Analyze grammar]

saṃpūjyāvā sadā gehe narairmokṣaikakāṃkṣibhiḥ |
maṇikarṇyāmathākṣepyā samabhyarcya prayatnataḥ || 2 ||
[Analyze grammar]

saṃsārabhīrubhiḥ puṃbhiḥ śraddhābaddhādarairiha |
upāyaḥ samanuṣṭheyo hyapi dūranivāsibhiḥ || 3 ||
[Analyze grammar]

maṇikarṇyāṃ kṛtasnāno maṇikarṇīśa vīkṣaṇāt |
jananī jaṭharāvāse vasatiṃ na labhennaraḥ || 4 ||
[Analyze grammar]

maṇikarṇīśvaraṃ liṃgaṃṃ purāsaṃsthāpitaṃ mayā |
prāgdvāreṃtargṛhasyātra samarcyo mokṣakāṃkṣibhiḥ || 5 ||
[Analyze grammar]

tataḥ pāśupataṃ tīrthamavācyāṃ maṇikarṇitaḥ |
kṛtodakakriyastatra paśyetpaśupatīśvaram || 6 ||
[Analyze grammar]

yatra pāśupato yoga upadiṣṭaḥ pinākinā |
mamāpi vidhimukhyānāṃ surāṇāṃ paśupāśahṛt || 7 ||
[Analyze grammar]

ataḥ paśupatiryatra liṃgarūpadharaḥ svayam |
paśupāśavimokṣāya nityaṃ kāśyāṃ prakāśate || 8 ||
[Analyze grammar]

tatra caitra caturdaśyāṃ śuklāyāṃ śucimānasaiḥ |
kāryā yātrā prayatnena rātrau jāgaraṇaṃ tathā || 9 ||
[Analyze grammar]

pūjayitvā paśupatimupoṣaṇaparāyaṇāḥ |
paśupāśairna badhyaṃte darśe vihitapāraṇāḥ || 110 ||
[Analyze grammar]

rudrāvāsastatastīrthaṃ tīrthātpāśupatātpuraḥ |
tatra snātvā narairarcyo rudrāvāseśvaro haraḥ || 11 ||
[Analyze grammar]

maṇikarṇīśvarādyāmyāṃ rudrāvāseśvaraṃ naraḥ |
samārādhya vaselloke rudrāvāse na saṃśayaḥ || 12 ||
[Analyze grammar]

viśvatīrthaṃ tato yāmyāṃ viśvaistīrthairadhiṣṭhitam |
tatra snātvā naro bhaktyā viśvanāthaṃ vilokayet || 13 ||
[Analyze grammar]

viśvāṃ gaurīṃ ca tadanu pūjayitvāti bhaktitaḥ |
viśvasya pūjyo bhavati tato viśvamayo bhavet || 14 ||
[Analyze grammar]

muktitīrthaṃ ca tadanu tatrāpi kṛtamajjanaḥ |
mokṣeśvaraṃ tatobhyarcya mokṣamāpnotyasaṃśayam || 15 ||
[Analyze grammar]

avimukteśvarātpaścānmokṣeśaṃ vīkṣya mānavaḥ |
na punarmānaveloke yātāyātaṃ karotyaho || 16 ||
[Analyze grammar]

avimukteśvaraṃ tīrthaṃ muktitīrthānmanākpare |
tatrāplutyāvimukteśamarcayitvā vimucyate || 17 ||
[Analyze grammar]

tatpare tārakaṃ tīrthaṃ yatra viśveśvaraḥ svayam |
ācaṣṭe tārakaṃ brahmamṛtakarṇemṛtātmakam || 18 ||
[Analyze grammar]

susnātastārake tīrthe tārakeśvara darśanāt |
saṃsārasāgaraṃ tīrtvā tārayetsvapitṝnapi || 19 ||
[Analyze grammar]

tatrābhyāśe skaṃdatīrthaṃ tatrāplutya narottamaḥ |
dṛṣṭvā ṣaḍānanaṃ caiva jahyātṣāṭkauśikīṃ tanum || 120 ||
[Analyze grammar]

tārakeśvara pūrveṇa dṛṣṭvā devaṃ ṣaḍānanam |
vasetṣaḍānane loke kaumāraṃ vapurudvahan || 21 ||
[Analyze grammar]

ḍhuṃḍhitīrthaṃ tataḥ puṇyaṃ narastatra kṛtodakaḥ |
ḍhuṃḍhiṃ gaṇapatiṃ stutvā na vighnairabhibhūyate || 22 ||
[Analyze grammar]

bhavānītīrthamatulaṃ ḍhuṃḍhitīrthasya dakṣiṇe |
tatra snātvā vidhānena bhavānīṃ paripūjya ca || 23 ||
[Analyze grammar]

dukūle ratnanepathyairnaivedyairbahuvistaraiḥ |
puṣpairdhūpaiḥ pradīpaiśca bhavānī śo prapūjya ca || 54 ||
[Analyze grammar]

samastamarcitaṃ tena trailokyaṃ sacarācaram |
bhavānīśaṃkarau kāśyāmarcitau śraddhayā tu yaiḥ || 25 ||
[Analyze grammar]

caitrāṣṭamyāṃ mahāyātrāṃ bhavānyāḥ kārayetsudhīḥ |
aṣṭādhikāḥ prakartavyāḥ śatakṛtvaḥ pradakṣiṇāḥ || 26 ||
[Analyze grammar]

pradakṣriṇīkṛtātena saptadvīpavatī mahī |
saśailā sasamudrā ca sāśramā ca sakānanā || 27 ||
[Analyze grammar]

aṣṭau pradakṣiṇā deyāḥ pratyahaṃ tuṣṭitatparaiḥ |
namanīyau prayatnena bhavānīśaṃkarau sadā || 28 ||
[Analyze grammar]

bhaktānāṃ kāmadā nityaṃ bhavānī vāsasāṃ pradā |
ato bhavānī saṃpūjyā kāśyāṃ tīrthanivāsibhiḥ || 29 ||
[Analyze grammar]

yogakṣemaṃ sadā kuryādbhavānī kāśivāsinām |
tasmādbhavānī saṃsevyā satataṃ kāśivāsibhiḥ || 130 ||
[Analyze grammar]

bhikṣaṇīyā sadā bhikṣā bhikṣuṇā mokṣakāṃkṣiṇā |
yato bhikṣāpradā kāśyāṃ viśveśasya kuṭuṃbinī || 31 ||
[Analyze grammar]

gṛhamadhyetra viśveśo bhavānī tatkuṭuṃbinī |
sarvebhyaḥ kāśisaṃsthebhyo mokṣabhikṣāṃ prayacchati || 32 ||
[Analyze grammar]

duṣprāpamapi yatkiṃcitkāśīkṣetranivāsinām |
tatsuprāpyaṃ karotyeva bhavānī pūjitā nṛbhiḥ || 33 ||
[Analyze grammar]

kuryājjāgaraṇaṃ rātrau mahāṣṭamyāṃ vratī naraḥ |
prātarbhavānīmabhyarcya prāpnuyādvāṃchitaṃ phalam || 34 ||
[Analyze grammar]

śukreśātpaścimāśāyāṃ bhavānīṃ yo'bhivīkṣate |
sarve manorathāstasya siddhyaṃtīha na saṃ śayaḥ || 35 ||
[Analyze grammar]

kāśyāṃ sadaiva vastavyaṃ snātavyottaravāhinī |
bhavānīśaṃkarau sevyau prāptavye bhuktimuktike || 36 ||
[Analyze grammar]

mātarbhavāni tava pādarajobhavāni mātarbhavāni tavadāsataro bhavāni |
mātarbhavāni nabhavāni yathābhavesmiṃstvadbhāgbhavānyanudinaṃ na punarbhavāni || 37 ||
[Analyze grammar]

tiṣṭhatā gacchatā vāpi svapatā jāgratāpi vā |
ayamatra sadā japyaḥ sukhāptyai kāśivāsinā || 38 ||
[Analyze grammar]

īśānatīrthaṃ tatraiva bhavānītīrthasannidhau |
tatra snāto ya īśānamarcayenna sa janmabhāk || 39 ||
[Analyze grammar]

jñānatīrthaṃ ca tatraiva jñānadaṃ savardā nṛṇām |
kṛtābhiṣekastattīrthe dṛṣṭvā jñāneśvaraṃ śivam || 140 ||
[Analyze grammar]

jñānavāpīsamīpastho jñāneśo yaiḥ samarcitaḥ |
jñānabhraṃśo na teṣāṃ syādapi paṃcatvamṛcchatām || 41 ||
[Analyze grammar]

śailāditīrthaṃ tatraiva paramarddhi prakāśakam |
tatra śrāddhādikaṃ kṛtvā dattvā dānaṃ svaśaktitaḥ || 42 ||
[Analyze grammar]

śailādīśvaramālokya jñānavāpyā udagdiśi |
labhedgaṇatvapadavīṃ nātra kāryā vicāraṇā || 43 ||
[Analyze grammar]

naṃditīrthādavācyāṃ tu viṣṇutīrthaṃ paraṃ mama |
tatra piṃḍānvinirvāpya pitṝṇāmanṛṇo bhavet || 44 ||
[Analyze grammar]

viṣṇutīrthe kṛtasnāno yo māṃ viṣṇuṃ vilokayet |
viśveśāddakṣiṇepārśve viṣṇulokaṃ sa gacchati || 45 ||
[Analyze grammar]

yaḥ pratyekādaśīṃ prāpya śayanīṃ bodhinīṃ tathā |
kuryājjāgaraṇaṃ rātrau mama mūrtisamīpataḥ || 46 ||
[Analyze grammar]

prātaḥ samarcya māṃ bhaktyā bhojayitvā dvijānapi |
dattvā gāḥ kāṃcanaṃ bhūmiṃ na bhūyo bhūmibhāgbhavet || 47 ||
[Analyze grammar]

kṛtvā tatra vratotsargaṃ vittaśāṭhyavivarjitaḥ |
samyagvrataphalaṃ dhīmānprāpnotyeva mamājñayā || 48 ||
[Analyze grammar]

mama tīrthādavācyāṃ tu tī rthaṃ paitāmahaṃ śubham |
tatra śrāddhavidhānena tarpayitvā pitāmahān || 49 ||
[Analyze grammar]

pitāmaheśvaraṃ liṃgaṃ brahmanāloparisthitam |
pūjayitvā naro bhaktyā brahmalokamavāpnuyāt || 150 ||
[Analyze grammar]

brahmasrotaḥ samīpe tu kṛtaṃ karma śubhāśubham |
parāmakṣayatāmeti śubhameva tataścaret || 51 ||
[Analyze grammar]

atyalpamapi yatkarma kṛtamatra śubhāśubham |
pralayepi na tasyāsti pralayo munisattama || 52 ||
[Analyze grammar]

nābhitīrthamidaṃ proktaṃ nābhibhūtaṃ yataḥ kṣiteḥ |
api brahmāṃḍagolasya nābhireṣā śubhodayā || 53 ||
[Analyze grammar]

sā māṇikarṇikeyīyaṃ nābhirgāṃbhīryabhūmikā |
brahmāṃḍagolakaṃ sarvaṃ yasyāmeti layodayam || 54 ||
[Analyze grammar]

brahmanālaṃ paraṃ tīrthaṃ triṣu lokeṣu viśrutam |
tatsaṃgame naraḥ snātvā koṭijanma malaṃ haret || 55 ||
[Analyze grammar]

brahmanāle patedyeṣāmapi kīkasamātrakam |
brahmāṃḍamaṃḍapāṃtaste na viśaṃti kadācana || 56 ||
[Analyze grammar]

tato bhāgīrathestīrthaṃ brahmanālācca dakṣiṇe |
tatra snātvā naraḥ samyaṅmucyate brahmahatyayā || 57 ||
[Analyze grammar]

bhāgīrathīśvaraṃ liṃgaṃ svargadvārasya sannidhau |
darśanādbrahmahatyāyāḥ puraścaraṇamucyate || 58 ||
[Analyze grammar]

aśubhāṃ gatimāpannā yasya pūrve pitāmahāḥ |
tena bhāgīrathī tīrthe tarpaṇīyāḥ prayatnataḥ || 59 ||
[Analyze grammar]

tatra bhāgīrathe tīrthe śrāddhaṃ kṛtvā vidhānataḥ |
brāhmaṇānbhojayitvā tu brahmaloke nayetpitṝn || 160 ||
[Analyze grammar]

taddakṣiṇe mahātīrthaṃ khurakartari saṃjñitam |
golokādāgatābhiśca gobhiryatkhurakoṭibhiḥ || 61 ||
[Analyze grammar]

sthapuṭīkṛtabhūbhāgaṃ tatastatkhura kartari |
tasmiṃstīrthe kṛtasnānaḥ kṛtapiṃḍodakakriyaḥ || 62 ||
[Analyze grammar]

khurakartarīśaṃ liṃgaṃ dṛṣṭvā golokamāpnuyāt |
godhanairna vimucyeta talliṃgasya samarcanāt || 63 ||
[Analyze grammar]

dakṣiṇe khurakartaryā mārkaṃḍaṃ tīrthamuttamam |
kṛtaśrāddhavidhānaśca tasmiṃstīrthe'ghahāriṇi || 64 ||
[Analyze grammar]

mārkaṃḍeyeśvaraṃ liṃgaṃ dṛṣṭvāyurdīrghamāpnuyāt |
brahmatejobhivṛddhiṃ ca kīrtiṃ ca paramāṃ bhuvi || 65 ||
[Analyze grammar]

vasiṣṭhatīrthaṃ paramaṃ mahāpātakanāśanam |
tarpayitvā pitṝṃstatra vasiṣṭheśaṃ vilokya ca || 66 ||
[Analyze grammar]

naro na lipyate pāpairjanmatrayasamarjitaiḥ |
vasiṣṭhaloke vasati brahmateja samanvitaḥ || 67 ||
[Analyze grammar]

tatraivārudhaṃtī tīrthaṃ strīṇāṃ saubhāgyavadharnam |
pativratābhistattīrthaṃ gāhanīyaṃ viśeṣataḥ || 68 ||
[Analyze grammar]

pauṃścalyajanito doṣastattīrthaparimajjanāt |
kṣaṇādvināśa māgacchedaruṃdhatyāḥ prabhāvataḥ || 69 ||
[Analyze grammar]

mārkaṃḍeyeśvarātprācyāṃ vasiṣṭheśvara pūjanāt |
niṣpāpo jāyate martyo mahatpuṇyamavāpnuyāt || 170 ||
[Analyze grammar]

mūrtī vasiṣṭhāruṃdhatyostatra pūjye prayatnataḥ |
na strī vaidhavyamāpnoti na pumānstrī viyogitām || 71 ||
[Analyze grammar]

vasiṣṭhatīrthato yāmyāṃ narmadātīrthamuttamam |
vidhāya śrāddhaṃ medhāvī narmadeśaṃvilokya ca || 72 ||
[Analyze grammar]

tatra dattvā mahādānaṃ padmayānavimucyate |
tatastrisaṃdhyaṃ vai tīrthaṃ trisaṃdhyeśvara pūrvataḥ || 73 ||
[Analyze grammar]

tatra tīrthe naraḥ snātvā kṛtvā saṃdhyāṃ vidhānataḥ |
saṃdhyākāla vilopotthapātakairnābhibhūyate || 74 ||
[Analyze grammar]

trisaṃdhyeśvaramālokya kṛtasaṃdhyasttrikālataḥ |
trivedāvartajaṃ puṇyaṃ prāpnuyācchraddhayā dvijaḥ || 75 ||
[Analyze grammar]

tato'nuyoginītīrthaṃ narastatra kṛtāplavaḥ |
dṛṣṭvā tu yoginīpīṭhaṃ yogasiddhimavāpnuyāt || 76 ||
[Analyze grammar]

agasti tīrthe tatrāsti mahāghaugha vighātakṛt |
tatra snātvā prayatnena dṛṣṭvāgastīcaśvaraṃ vibhum || 77 ||
[Analyze grammar]

agastikuṃḍe ca tataḥ saṃtarpya ca pitāmahān |
agastinā sametāṃ ca lopāmudrāṃ praṇamya ca || 78 ||
[Analyze grammar]

sarvapāpavinirmuktaḥ sarvakleśavivarjitaḥ |
gacchetsa pūrvajaiḥ sārdhaṃ śivalokaṃ narottamaḥ || 79 ||
[Analyze grammar]

dakṣiṇe'gastyatīrthācca tīrthamastyatipāvanam |
gaṃgākeśavasaṃjñaṃ ca sarvapātakanāśanam || 180 ||
[Analyze grammar]

tatra me śubhadāṃ mūrtiṃ mune tattīrthasaṃjñikām |
saṃpūjya śraddhayā dhīmānmama loke mahīyate || 81 ||
[Analyze grammar]

tatra piṃḍānvinirvāpya dattvā dānaṃ svaśaktitaḥ |
śatasāṃvatsarīṃ tṛptiṃ pitṝṇāṃ sa samarpayet || 82 ||
[Analyze grammar]

maṇikarṇī parīmāṇametatte kīrtitaṃ mahat |
sīmāvināyakādyāmyāṃ sarvavighnavighātanāt || 83 ||
[Analyze grammar]

vairocaneśvarātprācyāmahaṃ vaikuṃṭhamādhavaḥ |
tatra māṃ bhaktitobhyarcya vaikuṃṭhārcāmavāpnuyāt || 84 ||
[Analyze grammar]

vīramādhavasaṃjñohaṃ vīreśātpaścime mune |
tatra vratī samabhyarcya na yāmīṃ yātanāṃ labhet || 85 ||
[Analyze grammar]

kālamādhavanāmāhaṃ kālabhairava sannidhau |
kaliḥ kālo na kalayenmadbhaktamiti niścitam || 86 ||
[Analyze grammar]

mārgaśīrṣasya śuklāyāmekādaśyāmupoṣitaḥ |
tatra jāgaraṇaṃ kṛtvā yamaṃ nālokayetkvacit || 87 ||
[Analyze grammar]

nirvāṇanarasiṃhohaṃ pulastīśvaradakṣiṇe |
bhakto nirvāṇamāpnoti tanmṛrtinamanādapi || 88 ||
[Analyze grammar]

mahābalanṛsiṃhohamoṃkārātpūrvato mune |
dūtānmahābalānyāmyānna paśyettu tadarcakaḥ || 69 ||
[Analyze grammar]

pracaṃḍanarasiṃhohaṃ caṃḍabhairavapūrvataḥ |
pracaṃḍamapyaghaṃ kṛtvā niṣpāpmā syāttadarcanāt || 190 ||
[Analyze grammar]

ahaṃ girinṛsiṃhosmi taddehalivināyakāt |
prācyāṃ prabalapāpau ghagajānāṃ pravidāraṇaḥ || 91 ||
[Analyze grammar]

mahābhayaharaścāhaṃ narasiṃho mahāmune |
pitāmaheśvarātpaścādbhakta sādhvasasādhvasaḥ || 92 ||
[Analyze grammar]

atyugranarasiṃhohaṃ kalaśeśvarapaścime |
atyugramapi pāpaughaṃ harāmi śraddhayārcitaḥ || 93 ||
[Analyze grammar]

jvālāmālīnṛsiṃho'haṃ jvālāmukhyāḥ samīpataḥ |
saṃjvālayāmi pāpaugha tṛṇāni paripūjitaḥ || 94 ||
[Analyze grammar]

kolāhalanṛsiṃhosmi daityadānavamardanaḥ |
mamanāmasamuccārādaghakolāhalo yataḥ || 95 ||
[Analyze grammar]

kaṃkālabhairavo yatra kāśīrakṣaṇadakṣadhīḥ |
tatra māṃ bhaktitobhyarcya nopasargairnirudhyate || 96 ||
[Analyze grammar]

viṭaṃkanarasiṃhosmi nīlakaṃṭheśvarādanu |
tatra māṃ śraddhayā pūjya naro bhavati nirbhayaḥ || 97 ||
[Analyze grammar]

anaṃtavāmanaścāhamanaṃ teśvarasannidhau |
anaṃtānyapi bhaktasya kaluṣāṇi hare'rcitaḥ || 98 ||
[Analyze grammar]

dadhivāmanasaṃjñohaṃ bhaktānāṃ dadhibhaktadaḥ |
yannāmasmaraṇādeva na daridro naro bhavet || 99 ||
[Analyze grammar]

trivikramosmyahaṃ kāśyāmudīcyāṃ ca trilocanāt |
dadāmi pūjito lakṣmīṃ harāmi vṛjinānyapi || 200 ||
[Analyze grammar]

balivāmananāmāhaṃ balinā paripūjitaḥ |
balibhadreśvarātprācyāṃ bhaktānāṃ balavardhanaḥ || 11 ||
[Analyze grammar]

dakṣiṇe bhavatīrthācca tāmradvīpādihāgataḥ |
nāmnā tāmravarāhosmi bhaktānāṃ ciṃtitārthadaḥ || 2 ||
[Analyze grammar]

mune dharaṇivārāhaḥ prayāgeśvarasannidhau |
snātvā vārāhatīrthetra dṛṣṭvā māṃ kiṭi rūpiṇam || 3 ||
[Analyze grammar]

saṃpūjya bahubhāvena na viśedyonisaṃkaṭam |
tatrālpamapi dattvānnaṃ dharādānaphalaṃ labhet || 4 ||
[Analyze grammar]

mahākaluṣagaṃbhīra sāgare nipatañjanaḥ |
mama bhaktyuḍupaṃ prāpya pralayepi na majjati || 5 ||
[Analyze grammar]

ahaṃ kokāvarāhosmi kiṭīśvarasamīpataḥ |
tatra māṃ pūjayanmartyo labhate ciṃtitaphalam || 6 ||
[Analyze grammar]

nārāyaṇāḥ śataṃ paṃca śataṃ ca jalaśāyinaḥ |
triṃśatkamaṭharūpāṇi matsyarūpāṇi viṃśatiḥ || 7 ||
[Analyze grammar]

gopālāśca śataṃ sāṣṭaṃ buddhāḥ saṃti sahasraśaḥ |
triṃśatarāmāśca rāmā ekottaraṃśatam || 8 ||
[Analyze grammar]

viṣṇurūposmyahaṃ caiko muktimaṃḍapamadhyataḥ |
munekṛtaprasādena viśveśena śritaḥ svayam || 9 ||
[Analyze grammar]

nārāyaṇasvarūpeṇa gaṇāścakragadodyatāḥ |
kurvaṃti rakṣāṃ kṣetrasya parito niyutāni ṣaṭ || 210 ||
[Analyze grammar]

sognibiṃduriti śrutvā saṃprahṛṣṭatanūruhaḥ |
punaḥ papraccha medhāvī mūrtibhedānvada prabho || 11 ||
[Analyze grammar]

hitāya nijabhaktānāṃ mama saṃdehaśāṃtaye |
kati te mūrtayonaṃta kathaṃ jñeyāstathā vada || 12 ||
[Analyze grammar]

ityākarṇya vacastasyāgnibiṃdostapasāṃ nidheḥ |
uvāca bhagavānviṣṇurmūrtibhedānanukramāta || 13 ||
[Analyze grammar]

yāñśrutvāpi hi no martyo yamagocaratāṃ vrajet |
keśavādīṃścaturviṃśadbhedānāha prajāpatiḥ || 14 ||
[Analyze grammar]

śrīviṣṇuruvāca |
agnibiṃdo mahāprājña śṛṇu te kathayāmyaham |
ādyadakṣiṇahastācca viddhi sṛṣṭikramānmune || 15 ||
[Analyze grammar]

śaṃkhacakragadāpadmairmūrtiṃ jānīhi kaiśavīm |
pūjitā yā nṛṇāṃ kuryācciṃtitārthamasaṃśayam || 16 ||
[Analyze grammar]

madhuhā paricetavyaḥ śaṃkhapadmagadāsibhiḥ |
vairiṇo nāśamāyāṃti tanmūrtiparisevanāt || 17 ||
[Analyze grammar]

saṃkarṣaṇaḥ samarcyotra śaṃkhābjārigadāyudhaḥ |
tanmūrtipūjanājjātu jaṃturna syātpunarbhavī || 18 ||
[Analyze grammar]

śaṃkhakaumodakīcakrapadmairdāmodarorcyate |
dadāti vittaṃ putrāṃśca godhanaṃ dhānyameva hi || 19 ||
[Analyze grammar]

vāmanaḥ śaṃkhacakrābjagadābhirupalakṣitaḥ |
lakṣmīvaṃtaṃ janaṃ kuryādgṛhepi paridhāritaḥ || 220 ||
[Analyze grammar]

pāṃcajanyaṃ gadāṃpadmaṃ citramūrti sudarśanam |
pradyumnaḥ pūjyate martyairbahudyumnaṃ prayacchati || 21 ||
[Analyze grammar]

ūrdhvavāmakarātsṛṣṭyā viṣṇvādyaṃ ṣaṭkamucyate |
yasya smaraṇamātreṇa vilīyaṃtegharāśayaḥ || 22 ||
[Analyze grammar]

śaṃkhāribhyāṃ gadābjābhyāṃ pūjyo viṣṇuḥ śriye naraiḥ |
śaṃkhapadmagadācakrairmādhavaḥ paramarddhidaḥ || 23 ||
[Analyze grammar]

dhyeyo'niruddhaḥ saṃsiddhyai śaṃkhābjārigadodyataḥ |
śaṃkhena gadayā cakrāṃbujābhyāṃ puruṣottamaḥ || 24 ||
[Analyze grammar]

adhokṣajo janiharaḥ śaṃkhāryabjagado mune |
śaṃkhakaumodakīpadmacakrairdhyeyo janārdanaḥ || 25 ||
[Analyze grammar]

adhovāmakarātsṛṣṭyā ṣaḍagoṃvidādi mūrtayaḥ |
śaṃkhaṃ cakraṃ gadāṃ padmaṃ goviṃdo bibhṛyātsadā || 26 ||
[Analyze grammar]

śaṃkhapadmagadācakrairarcyo lakṣmyai trivikramaḥ |
śaṃkhābjacakraṃ bibhrāṇo gadāvāñśrīdharaḥ śriye || 27 ||
[Analyze grammar]

hṛṣīkeśaśca śaṃkhena gadācakrāṃbujairmataḥ |
nṛsiṃhaḥ śaṃkhacakrābhyāṃ padmena gadayohyate || 28 ||
[Analyze grammar]

acyuta śaṃkhabhṛnnityaṃ gadāpadmarathāṃgavān |
dakṣiṇādhaḥ karādūhyā vāsudevādayaśca ṣaṭ || 29 ||
[Analyze grammar]

vāsudevaśca śaṃkhāri gadājalajabhṛtsadā |
śaṃkhāṃbuja gadācakrī dhyeyo nārāyaṇo nṛbhiḥ || 230 ||
[Analyze grammar]

śaṃkhī padmī padmanābho jñeyaścakrī gadī mune |
upeṃdraḥ śaṃkhavānnityaṃ gadāri kamalāyudhaḥ || 31 ||
[Analyze grammar]

harirharedaghaṃ śaṃkhī cakrī padmī gadī nṛṇām |
śaṃkhena gadayā padmacakrābhyāṃ kṛṣṇa ucyate || 32 ||
[Analyze grammar]

ete bhedā mayā khyātāḥ svamūrtīnāṃ mahāmune |
yānvijñāya dhruvaṃ martyo bhuktiṃ muktiṃ ca viṃdati || 33 ||
[Analyze grammar]

evaṃ vadati goviṃde munaye cāgnibiṃdave |
pakṣīṃdraḥ pakṣavikṣiptavipakṣo'kṣipathaṃ gataḥ || 34 ||
[Analyze grammar]

prāha ca praṇipatyāśu tryakṣasyāgamanaṃ mudā |
saṃbhrameṇa hṛṣīkeśaḥ kveśa ityavadattataḥ || 35 ||
[Analyze grammar]

garuḍa uvāca |
pratyakṣaḥ kriyatāmeṣa mahāvṛṣabhaketanaḥ |
yasya dhvajasya ratnārciḥ pūrayedrodasīmimām || 36 ||
[Analyze grammar]

lokalocananirmāṇa saphalīkaraṇakṣamam |
koṭimārtaṃḍavidyota pradyotita digānanam || 37 ||
[Analyze grammar]

nirīkṣya puṃḍarīkākṣastryakṣasya vṛṣabhadhvajam |
vimānināṃ vimānaughaiḥ parītagaganāṃgaṇam || 38 ||
[Analyze grammar]

mahāvādyani nādaughaiḥpratisvānita kaṃdaram |
vidyādharī parikṣipta puṣpāṃjali sugaṃdhitam || 39 ||
[Analyze grammar]

praṇamya dūrādapica saṃprahṛṣṭatanūruhaḥ |
abhyutthātuṃ manaścakre śaṃkhacakragadādharaḥ || 240 ||
[Analyze grammar]

agnibiṃdumatha prāha muktidastu mudāṃnidhiḥ |
idaṃ sudarśanaṃ cakraṃ spṛśāsavyenapāṇinā || 41 ||
[Analyze grammar]

agnibiṃduritiproktaḥ spṛśedyāvatsudarśanam |
tāvatsudarśano jātaḥ paramānugrahāddhareḥ || 42 ||
[Analyze grammar]

skaṃda uvāca |
jyotīrūpotha sa muniḥ kaustubhe jyotiṣāṃ tanau |
ekībhūtaḥ kalaśaja biṃdumādhavasevanāt || 43 ||
[Analyze grammar]

biṃdumādhavapādābja bhramarīkṛtamānasāḥ |
agnibiṃdūpamāṃyāṃti kalaśodbhava niścitam || 44 ||
[Analyze grammar]

kāśyāṃ sadaiva vastavyaṃ draṣṭavyo biṃdumādhavaḥ |
śrotavyamidamākhyānaṃ jetavyā jagatāṃgatiḥ || 45 ||
[Analyze grammar]

puṇyā paṃcanadotpattiḥ puṇyā mādhavasaṃkathā |
puṇyo vārāṇasī vāsaḥ saṃbhavetpuṇyajanmanām || 46 ||
[Analyze grammar]

agnibiṃdoḥ stutiṃ yotra mādhavāgre paṭhiṣyati |
samṛddhasarvakāmaḥ sa mokṣalakṣmīpatirbhavet || 47 ||
[Analyze grammar]

śrāddhakāle sadā japya midamākhyānamuttamam |
dvijānāṃ bhuṃjamānānāṃ purastātparatṛptaye || 48 ||
[Analyze grammar]

japtavyamidamākhyānaṃ parvakāle viroṣataḥ |
puṇye paṃcanadābhyāśe puṇyalakṣmīvivṛddhaye || 49 ||
[Analyze grammar]

paṭhitavyaḥ prayatnena biṃdumādhavasaṃbhavaḥ |
śrotavyaḥ parayā bhaktyā bhuktimuktisamṛddhaye || 250 ||
[Analyze grammar]

saṃprāpte vāsare viṣṇo rātrau jāgaraṇānvitaḥ |
śrutvākhyānamidaṃ puṇyaṃ vaikuṃṭhe vasatiṃ labhet || 251 ||
[Analyze grammar]

iti śrīskāṃde mahāpuraṇa ekāśīti sāhasryāṃ saṃhitāyāṃ caturthe kāśīkhaṃḍa uttarārddhe biṃdumādhavāvirbhāvo mādhavāgnibiṃdusaṃvāda vaiṣṇavatīrthamāhātmyavarṇanaṃ nāmaikaṣaṣṭitamodhyāyaḥ || 61 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 11

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: