Skanda Purana [sanskrit]

876,996 words | ISBN-10: 8170800978 | ISBN-13: 9788170800972

This Sanskrit edition of the Skandapurana. It is one of the largest of the eighteen Mahapuranas, covering over 80,000 shlokas (verses). It is divided into seven large section each covering holy regions detailing their background and legends.

[English text for this chapter is available]

skaṃda uvāca |
viśveśo viśvayā sārdhaṃ mayā ca munisattama |
mahāśākhaviśākhābhyāṃ naṃdibhṛṃgipurogamaḥ || 1 ||
[Analyze grammar]

naigameyena sahito rudraiḥ sarvatra saṃvṛtaḥ |
devarṣibhiḥ samāyuktaḥ sanakādyairabhiṣṭutaḥ || 2 ||
[Analyze grammar]

samastāyatanādhīśairdikpālairabhinaṃditaḥ |
tīrthairdarśita tīrthaśca gaṃdharvairgītamaṃgalaḥ || 3 ||
[Analyze grammar]

kṛtapūjopsarobhiśca nṛtyahastakapallavaiḥ |
viyatyanāhatairvādyaiḥ samaṃtādanumoditaḥ || 4 ||
[Analyze grammar]

ṛṣīṇāṃ brahmanirghoṣairbadhirīkṛtadiṅmukhaḥ |
kṛtastutiścāraṇaughairvimānairabhitovṛtaḥ || 5 ||
[Analyze grammar]

triviṣṭapa vadhūmuṣṭibhraṣṭairlājairitastataḥ |
abhivṛṣṭo mahādevaḥ saṃprahṛṣṭatanūruhaḥ || 6 ||
[Analyze grammar]

dattamālyopahāraśca bahuvidyādharī gaṇaiḥ |
yakṣaguhyakasiddhaiśca khecarairabhinaṃditaḥ || 7 ||
[Analyze grammar]

kṛtapraveśa śakuno mṛgaiḥ śakunibhiḥ puraḥ |
kiṃnarībhiḥ prahaṣṭāsyaiḥ kiṃnarairupavarṇitaḥ || 8 ||
[Analyze grammar]

viṣṇunā ca mahālakṣmyā brahmaṇā viśvakarmaṇā |
naṃdinātha gaṇeśena āviṣkṛtamahotsavaḥ || 9 ||
[Analyze grammar]

nāgāṃganābhiḥ paritaḥ kṛtanīrājanāvidhiḥ |
praviveśa mahādevaḥ purīṃ vārāṇasīṃ śubhām || 10 ||
[Analyze grammar]

paśyatāṃ sarvadevānāmavaruhya vṛṣeṃdrataḥ |
pariṣvajya gaṇādhīśaṃ provāca vṛṣabhadhvajaḥ || 11 ||
[Analyze grammar]

yadahaṃ prāptavānasmi purīṃ vārāṇasīṃ śubhām |
mayāpyatīva duṣprāpyāṃ sa prasādo sya vai śiśoḥ || 12 ||
[Analyze grammar]

yadduṣprasādhyaṃ hi piturapi trijagatītale |
tatsūnunā susādhyaṃ syādatra dṛṣṭāṃtatā mayi || 13 ||
[Analyze grammar]

anena gajavaktreṇa svabuddhivibhaveriha |
kāśīprāptiryathā me syāttathā kiṃcidanuṣṭhitam || 14 ||
[Analyze grammar]

putravānahamevāsmi yacca me ciraciṃtitam |
svapauruṣeṇa kṛtavānabhilāṣaṃ karasthitam || 15 ||
[Analyze grammar]

ityuktvā tripurīhartā puruhūtādibhiḥ stutaḥ |
parituṣṭāvasaṃhṛṣṭaḥ spaṣṭagīrbhirgajānanam || 16 ||
[Analyze grammar]

śrīkaṃṭha uvāca |
jaya vighnakṛtāmādya bhaktanirvighnakāraka |
avighnavighnaśamana mahāvighnaikavighnakṛt || 17 ||
[Analyze grammar]

jaya sarvagaṇādhīśa jaya sarva gaṇāgraṇīḥ |
gaṇapraṇatapādābja gaṇanātītasadguṇa || 18 ||
[Analyze grammar]

jaya sarvaga sarveśa sarvabuddhyekaśevadhe |
sarvamāyāprapaṃcajña sarvakarmāgrapūjita || 19 ||
[Analyze grammar]

sarvamaṃgalamāṃgalya jaya tvaṃ sarvamaṃgala |
amaṃgalopaśamana mahāmaṃgalahetuka || 20 ||
[Analyze grammar]

jaya sṛṣṭikṛtāṃ vaṃdya jaya sthitikṛtānata |
jaya saṃhṛtikṛtstutya jayasatkarmasiddhida || 21 ||
[Analyze grammar]

siddhavaṃdyapadāṃbhoja jayasiddhividhāyaka |
sarvasiddhyekanilaya mahāsiddhyṛddhisūcaka || 22 ||
[Analyze grammar]

aśeṣaguṇanirmāṇa guṇātīta guṇāgraṇī |
paripūrṇacaritrārtha jaya tvaṃ guṇavarṇita || 23 ||
[Analyze grammar]

jaya sarvabalādhīśa balārāti balaprada |
balākojjvala daṃtāgra bālābālaparākama || 24 ||
[Analyze grammar]

anaṃtamahimādhāra dharādhara vidāraṇa |
daṃtāgraprotāṃ daṅnāga jayanāgavibhūṣaṇa || 25 ||
[Analyze grammar]

ye tvāṃnamaṃti karuṇāmaya divya mūrte sarvainasāmapi bhuvo bhuvimuktibhājaḥ |
teṣāṃ sadaiva harasīhamahopasargānsvargāpavargamapi saṃpradadāsi tebhyaḥ || 26 ||
[Analyze grammar]

ye vighnarāja bhavatā karuṇākaṭākṣaiḥ saṃprekṣitāḥ kṣititale kṣaṇamātramatra |
teṣāṃ kṣayaṃti sakalānyapikilviṣāṇi lakṣmīḥ kaṭākṣayatitānpuruṣottamānhi || 27 ||
[Analyze grammar]

ye tvāṃ stuvaṃti natavighnavighātadakṣa dākṣāyaṇīhṛdayapaṃkajatigmaraśme |
śrūyaṃta eva ta iha prathitā na citraṃ citraṃ tadatra gaṇapā yadaho ta eva || 28 ||
[Analyze grammar]

ye śīlayaṃti satataṃ bhavatoṃghriyugmaṃ te putrapautradhanadhānyasamṛddhibhājaḥ |
saṃśīlitāṃghrikamalā bahubhṛtyavargairbhūpālabhogyakamalāṃ vimalāṃ labhaṃte || 29 ||
[Analyze grammar]

tvaṃ kāraṇaṃ paramakāraṇakāraṇānāṃ vedyosi vedaviduṣāṃ satataṃ tvamekaḥ |
tvaṃ mārgaṇīyamasi kiṃcana mūlavācāṃ vācāmagocaracarācaradivyamūrte || 30 ||
[Analyze grammar]

vedā vidaṃti na yathārthatayā bhavaṃtaṃ brahmādayopi na carācara sūtradhāra |
tvaṃ haṃsi pāsi vidadhāsi samastamekaḥ kastestutivyatikaro manasāpyagamya || 31 ||
[Analyze grammar]

tvadduṣṭadṛṣṭiviśikhairnihatānnihanmi daityānpurāṃdhakajalaṃdharamukhyakāṃśca |
kasyāsti śaktiriha yastvadṛtepi tucchaṃ vāṃchedvidhātu miha siddhidakāryajātam || 32 ||
[Analyze grammar]

anveṣaṇe ḍhuṃḍhirayaṃ prathitostidhātuḥ sarvārthaḍhuṃḍhitatayā tava ḍhuṃḍhi nāma |
kāśīpraveśamapi ko labhatetra dehī toṣaṃ vinā tava vināyakaḍhuṃḍhirāja || 33 ||
[Analyze grammar]

ḍhuṃḍhe praṇamyapuratastavapādapadmaṃ yo māṃ namasyati pumāniha kāśivāsī |
tatkarṇamūlamadhigamya purā diśāmi tatkiṃcidatra na punarbhavatāsti yena || 34 ||
[Analyze grammar]

snātvā naraḥ prathamato maṇikarṇikāyāmuddhūlitāṃghriyugalastu sacailamāśu |
devarṣimānavapitṝnapi tarpayitvā jñānodatīrthamabhilabhya bhajettatastvām || 35 ||
[Analyze grammar]

sāmodamodakabharairvaradhūpadīpairmālyaiḥ sugaṃdhabahulairanulepanaiśca |
saṃprīṇyakāśinagarīphaladānadakṣaṃ proktvātha māṃ ka iha sidhyati naiva ḍhuṃḍhe || 36 ||
[Analyze grammar]

tīrthāṃtarāṇi ca tataḥ kramavarjitopi saṃsādhayanniha bhavatkaruṇākaṭākṣaiḥ |
dūrīkṛtasvahitaghātyupasargavargo ḍhuṃḍhe labhedavikalaṃ phalamatra kāśyām || 37 ||
[Analyze grammar]

yaḥ pratyahaṃ namati ḍhuṃ ḍhivināyakaṃ tvāṃ kāśyāṃ prage pratihatākhilavighnasaṃghaḥ |
no tasya jātu jagatītalavarti vastu duṣprāpamatra ca paratra ca kiṃcanāpi || 38 ||
[Analyze grammar]

yo nāma te japati ḍhuṃḍhivināyakasya taṃ vai japaṃtyanudinaṃ hṛdi siddhayoṣṭau |
bhogānvibhujya vividhānvibudhopabhogyānnirvāṇayā kamalayā vriyate sa cāṃte || 39 ||
[Analyze grammar]

dūre sthitopyaharahastava pādapīṭhaṃ yaḥ saṃsmaretsakalasiddhida ḍhuṃḍhirāja |
kāśīsthite ravikalaṃ saphalaṃ labheta naivānyathā na vitathā mama vākkadācit || 40 ||
[Analyze grammar]

jāne vighnānasaṃkhyātānvinihaṃtumanekadhā |
kṣetrasyāsya mahābhāga nānārūpairihasthitaḥ || 41 ||
[Analyze grammar]

yāni yāni ca rūpāṇi yatrayatra ca tenagha |
tāni tatra pravakṣyāmi śṛṇvaṃtvete divaukasaḥ || 42 ||
[Analyze grammar]

prathamaṃ ḍhuṃḍhirājosi mama dakṣiṇato manāk |
āḍhuṃḍhya sarvabhaktebhyaḥ sarvārthānsaṃprayacchasi || 43 ||
[Analyze grammar]

aṃgāravāsaravatīmiha yaiścaturthīṃ saṃprāpya modakabharaiḥ parimodavadbhiḥ |
pūjā vyadhāyi vividhā tava gaṃdhamālyaistānatra putravidadhāmi gaṇāngaṇeśa || 44 ||
[Analyze grammar]

ye tvāmiha prati caturthi samarcayaṃti ḍhuṃḍhe vigāḍhamatayaḥ kṛtinasta eva |
sarvāpadāṃ śirasi vāmapadaṃ nidhāya samyaggajānana gajānanatāṃ labhaṃte || 45 ||
[Analyze grammar]

māghaśuklacaturthyāṃ tu naktavrataparāyaṇāḥ |
ye tvāṃ ḍhuṃḍhercayiṣyaṃti te'rcyāḥ syurasuradruhām || 46 ||
[Analyze grammar]

vidhāya vārṣikīṃ yātrāṃ caturthīṃ prāpya tāpasīm |
śuklāṃ śuklatilairbaddhvā prāśnīyāllaḍḍukānvratī || 47 ||
[Analyze grammar]

kāryā yātrā prayatnena kṣetrasiddhimabhīpsubhiḥ |
tasyāṃ caturthyāṃ tvatprītyai ḍhuṃḍhe sarvopasargahṛt || 48 ||
[Analyze grammar]

tāṃ yātrāṃ nātrayaḥ kuryānnaivedyatilalaḍukaiḥ |
upasargasahasraistu sa haṃtavyo mamājñayā || 49 ||
[Analyze grammar]

homaṃ tilājyadravyeṇa yaḥ kariṣyati bhaktitaḥ |
tasyāṃ caturthyāṃ maṃtrajñastasya maṃtraḥ prasetsyati || 50 ||
[Analyze grammar]

vaidiko'vaidiko vāpi yo maṃtraste gajānana |
japtastvatsaṃnidhau ḍhuṃḍhe siddhiṃ dāsyati vāṃchitām || 51 ||
[Analyze grammar]

īśvara uvāca |
imāṃ stutiṃ mamakṛtiṃ yaḥ paṭhiṣyati sanmatiḥ |
na jātu taṃ tu vighnaughāḥ pīḍayiṣyaṃti niścitam || 52 ||
[Analyze grammar]

ḍhauṃḍhīṃ stutimimāṃ puṇyāṃ yaḥ paṭheḍḍhuṃḍhi saṃnidhau |
sānnidhyaṃ tasya satataṃ bhajeyuḥ sarvasiddhayaḥ || 53 ||
[Analyze grammar]

imāṃ stutiṃ naro japtvā paraṃ niyatamānasaḥ |
mānasairapi pāpaistairnābhibhūyeta karhicit || 54 ||
[Analyze grammar]

putrānkalatraṃ kṣetrāṇi varāśvānvaramaṃdiram |
prāpnuyācca dhanaṃ dhānyaṃ ḍhuṃḍhistotraṃ japannaraḥ || 55 ||
[Analyze grammar]

sarvasaṃpatkaraṃ nāma stotrametanmayeritam |
prajaptavyaṃ prayatnena muktikāmena sarvadā || 56 ||
[Analyze grammar]

japtvā stotramidaṃ puṇyaṃ kvāpi kārye gamiṣyataḥ |
puṃsaḥ puraḥ sameṣyaṃti niyataṃ sarvasiddhayaḥ || 57 ||
[Analyze grammar]

anyacca kathayāmyatra śṛṇvaṃtvete divaukasaḥ |
ḍhuṃḍhinā kṣetrarakṣārthaṃ yatrayatra sthitiḥ kṛtā || 58 ||
[Analyze grammar]

kāśyāṃ gaṃgāsi saṃbhede nāmatorkavināyakaḥ |
dṛṣṭorkavāsare puṃbhiḥ sarvatāpapraśāṃtaye || 59 ||
[Analyze grammar]

durgo nāma gaṇādhyakṣaḥ sarvadurgatināśanaḥ |
kṣetrasya dakṣiṇe bhāge pūjanīyaḥ prayatnataḥ || 60 ||
[Analyze grammar]

bhīmacaṃḍī samīpe tu bhīmacaṃḍavināyakaḥ |
kṣetranairṛtadeśastho dṛṣṭo haṃti mahābhayam || 61 ||
[Analyze grammar]

kṣetrasya paścime bhāge sa dehalivināyakaḥ |
sarvānnivārayedvighnānbhaktānāṃ nātra saṃśayaḥ || 62 ||
[Analyze grammar]

kṣetravāyavyadigbhāge uddaṃḍākhyo gajānanaḥ |
uddaṃḍānapi vighnaughānbhaktānāṃ daṃḍayetsadā || 63 ||
[Analyze grammar]

kāśyāḥ sadottarāśāyāṃ pāśapāṇirvināyakaḥ |
vināyakānpāśayati bhaktyā kāśīnivāsinām || 64 ||
[Analyze grammar]

gaṃgāvaraṇayoḥ saṃge ramyaḥ kharvavināyakaḥ |
akharvānapi vighnaughānbhaktānāṃ kharvayetsatām || 65 ||
[Analyze grammar]

prācyāṃ tu kṣetrarakṣārthaṃ siddhaḥ siddhivināyakaḥ |
paścime yamatīrthasya sādhakakṣiprasiddhidaḥ || 66 ||
[Analyze grammar]

bāhyāvaraṇagāścaite kāśyāmaṣṭau vināyakāḥ |
uccāṭayatyabhaktāṃśca bhaktānāṃ sarvasiddhidāḥ || 67 ||
[Analyze grammar]

dvitīyāvaraṇe caiva ye rakṣaṃti vināyakāḥ |
avimuktamidaṃ kṣetraṃ tānahaṃ kathayāmyataḥ || 68 ||
[Analyze grammar]

svardhunyāḥ paścime kūle uttarerkavināyakāt |
laṃbodaro gaṇādhyakṣaḥ kṣālayedvighnakardamam || 69 ||
[Analyze grammar]

tatpaścimekūṭadaṃta udagdurgavināyakāt |
durgopasargasaṃhartā rakṣetkṣetramidaṃ sadā || 70 ||
[Analyze grammar]

bhīmacaṃḍa gaṇādhyakṣātkiṃcidīśānadiggataḥ |
kṣetrarakṣogaṇādhyakṣaḥ pūjyaḥ śālakaṭaṃkaṭaḥ || 71 ||
[Analyze grammar]

prācyā dehalivighneśātkūśmāṃḍākhyo vināyakaḥ |
pūjanīyaḥ sadā bhaktermahotpāta praśāṃtaye || 72 ||
[Analyze grammar]

uddaṃḍākhyādgaṇapaterāśuśukṣaṇidiksthitaḥ |
mahāprasiddhaḥ saṃpūjyo bhaktairmuṃḍavināyakaḥ || 73 ||
[Analyze grammar]

pātāle tasya dehosti muṃḍaṃ kāśyāṃ vyavasthitama |
ataḥ sa gīyate kāśyāṃ devo muṃḍavināyakaḥ || 74 ||
[Analyze grammar]

pāśapāṇergaṇeśānāddakṣiṇe vikaṭadvijam |
pūjayitvā gaṇapatiṃ gāṇapatyapadaṃ labhet || 75 ||
[Analyze grammar]

kharvākhyānnairṛtebhāge rājaputro vināyakaḥ |
bhraṣṭarājyaṃ ca rājānaṃ rājānaṃ kurute'rcitaḥ || 76 ||
[Analyze grammar]

gaṃgāyāḥ paścime kūle praṇavākhyo gaṇādhipaḥ |
avācyāṃ rājaputrācca praṇataḥ praṇayeddivam || 77 ||
[Analyze grammar]

dvitīyāvaraṇe kāśyāmaṣṭāvete vināyakāḥ |
utsādayeyurvighnaughānkāśī sthitinivāsinām || 78 ||
[Analyze grammar]

kṣetre tṛtīyāvaraṇe kṣetrarakṣākṛtaḥ sadā |
ye vighnarājāḥ saṃtīha te vaktavyā mayādhunā || 79 ||
[Analyze grammar]

udagvahāyāḥ svardhunyā ramye rodhasi vighnarāṭ |
laṃbodarādudīcyāṃ tu vakratuṃḍoghasaṃghahṛt || 80 ||
[Analyze grammar]

kūṭadaṃtādgaṇapaterudīcyāmekadaṃtakaḥ |
sadopasargasaṃsargātpāyādānaṃdakānanam || 81 ||
[Analyze grammar]

kāśībhayaharo nityamaiśyāṃ śālakaṭaṃkaṭāt |
trimukho nāma vighneśaḥ kapisiṃhadvipānanaḥ || 82 ||
[Analyze grammar]

kūśmāṃḍātpūrvadigbhāge paṃcāsyo nāma vighnarād |
paṃcāsyasyaṃdanavaraḥ pāti vārāṇasīṃ purīm || 83 ||
[Analyze grammar]

heraṃbākhyaḥ sadāgneyyāṃ pūjyo muṃḍavināyakāt |
aṃbāvatpūrayetkāmānsarveṣāṃ kāśivāsinām || 84 ||
[Analyze grammar]

avācyāmarcayeddhīmānsiddhyai vikaṭadaṃtataḥ |
vighnarājaṃ gaṇapatiṃ sarvavighnavināśanam || 85 ||
[Analyze grammar]

vināyakādrājaputrātkiṃcidrakṣodiśisthitaḥ |
varadākhyo gaṇādhyakṣaḥ pūjyo bhaktavarapradaḥ || 86 ||
[Analyze grammar]

yāmyāṃ praṇavavighneśādgaṇeśo modakapriyaḥ |
pūjyaḥ piśaṃgilā tīrthe devanadyāstaṭe śubhe || 87 ||
[Analyze grammar]

caturthāvaraṇe kāśyāṃ bhaktavighnavināśakāḥ |
draṣṭavyā hṛṣṭacetobhiḥ spaṣṭamaṣṭau vināyakāḥ || 88 ||
[Analyze grammar]

vakratuṃḍādudagdiksthaḥ svaḥsiṃdho rodhasisthitaḥ |
vināyakostyabhayadaḥ sarveṣāṃ bhayanāśanaḥ || 89 ||
[Analyze grammar]

kauberyāmekadaśanātsiṃhatuṃḍo vināyakaḥ |
upasargagajānhaṃti vārāṇasi nivāsinām || 90 ||
[Analyze grammar]

kūṇitākṣo gaṇādhyakṣastrituṃḍādīśa diksthitaḥ |
mahāśmaśānaṃ satataṃ pāyādduṣṭakudṛṣṭitaḥ || 91 ||
[Analyze grammar]

prācyāṃ paṃcāsyataḥ pāyātpurīṃ kṣipraprasādanaḥ |
kṣipraprasādanārcātaḥ kṣipraṃ sidhyaṃti siddhayaḥ || 92 ||
[Analyze grammar]

heraṃbādvahnidigbhāge ciṃtāmaṇi vināyakaḥ |
bhaktaciṃtāmaṇiḥ sākṣācciṃtitārtha samarpakaḥ || 93 ||
[Analyze grammar]

vighnarājādavācyāṃ tu daṃtahasto gaṇeśvaraḥ |
likhedvighnasahasrāṇi nṛṇāṃ vārāṇasīdruhām || 94 ||
[Analyze grammar]

varadādyātudhānyāṃ ca yātudhānagaṇāvṛtaḥ |
devaḥ piciṃḍilo nāma purīṃ rakṣedaharniśam || 95 ||
[Analyze grammar]

dṛṣṭaḥ pilipilātīrthe dakṣiṇe modakapriyāt |
uddaṃḍa muṃḍo heraṃbo bhaktebhyaḥ kiṃ na yacchati || 96 ||
[Analyze grammar]

prākāre paṃcame kāśyāṃ dvicatuṣka vināyakāḥ |
kurvaṃti rakṣāṃ kṣetrasya ye tānatra bravīmyaham || 97 ||
[Analyze grammar]

tīre svargataraṃgiṇyā uttare cābhayapradāt |
sthūladaṃto gaṇeśānaḥ sthūlāḥ siddhīrdiśetsatām || 98 ||
[Analyze grammar]

siṃhatuḍādudagbhāge kalipriya vināyakaḥ |
kalahaṃ kārayennityamanyonyaṃ tairthikadruhām || 99 ||
[Analyze grammar]

kūṇitākṣāttathaiśānyāṃ caturdaṃto vināyakaḥ |
tasya darśanamātreṇa vighnasaṃghaḥ kṣayetsvayam || 100 ||
[Analyze grammar]

kṣipraprasādanādaiṃdryāṃ dvituṃḍo gaṇanāyakaḥ |
agrataḥ pṛṣṭhataścāpi bibharti sadṛśīṃ śriyam || 1 ||
[Analyze grammar]

tasya saṃdarśanātpusāṃ bhavecchrīḥ sarvatomukhī |
jyeṣṭho nāma gaṇādhyakṣo jyeṣṭho me putrasaṃpadi || 2 ||
[Analyze grammar]

jyeṣṭhaśuklacaturdaśyāṃ saṃpūjyo jyeṣṭhatāptaye |
sthito vahnidiśo bhāge ciṃtāmaṇi vināyakāt || 3 ||
[Analyze grammar]

daṃtahastādyamāśāyāṃ pūjyo gajavināyakaḥ |
tasya saṃpūjanādbhaktyā gajāṃtā śrīravāpyate || 4 ||
[Analyze grammar]

piciṇḍilādgaṇapateryāmyāṃ kālavināyakaḥ |
bhayaṃ na kālakalitaṃ tasya saṃsevanānnṛṇām || 5 ||
[Analyze grammar]

uddaṃḍamuṃḍādgaṇapātkī nāśadiśi saṃsthitam |
nāgeśaṃ gaṇapaṃ dṛṣṭvā nāgaloke mahīyate || 6 ||
[Analyze grammar]

atha ṣaṣṭhāvaraṇagāḥ procyaṃte vighnanāyakāḥ |
teṣāṃ nāmaśravādeva puṃsāṃ siddhiḥ prajāyate || 7 ||
[Analyze grammar]

maṇikarṇo gaṇapatiḥ prācyāṃ vighnavighātakṛt |
āśāvināyako vahnyāṃ bhaktāśāṃ pūrayansthitaḥ || 8 ||
[Analyze grammar]

yāmyāṃsṛṣṭigaṇeśaśca sṛṣṭisaṃhārasūcakaḥ |
nairṛtyāṃ yakṣavighneśaḥ sarvavighnaharaḥ paraḥ || 9 ||
[Analyze grammar]

pratīcyāṃ gajakarṇaśca sarveṣāṃ kṣemakārakaḥ |
citraghaṃṭo gaṇapatirvāyavyāṃ pālayetpurīm || 110 ||
[Analyze grammar]

sthūlajaṃghaudīcyāṃ ca śamayecchamināmagham |
aiśyāmaiśīpurīṃ pāyātsamaṃgalavināyakaḥ || 11 ||
[Analyze grammar]

yamatīrthādudīcyāṃ ca pūjyo mitravināyakaḥ |
saptamāvaraṇe ye ca tāṃśca vakṣye vināyakān || 12 ||
[Analyze grammar]

modādyāḥ paṃcavighneśāḥ ṣaṣṭho jñānavināyakaḥ |
saptamo dvāravighneśo mahādvārapuraścaraḥ || 13 ||
[Analyze grammar]

aṣṭamaḥ sarvakaṣṭaughānavimuktavināyakaḥ |
avimukte mama kṣetre haretpraṇatacetasām || 14 ||
[Analyze grammar]

ṣaṭpaṃcāśadgajamukhānetānyaḥ saṃsmariṣyati |
dūradeśāṃtarasthopi sa mṛto jñānamāpnuyāt || 15 ||
[Analyze grammar]

ḍhuṃḍhistutiṃ mahāpuṇyāṃ ṣaṭpaṃcāśadgajānanām |
yaḥ paṭhiṣyati puṇyātmā tasya siddhiḥ padepade || 16 ||
[Analyze grammar]

ime gaṇeśvarāḥ sarve smartavyā yatra kutracit |
mahāvipatsamudrāṃtaḥ pataṃtaṃ pāṃti mānavam || 17 ||
[Analyze grammar]

iti stutiṃ mahāpuṇyāṃ śrutvā caitānvināyakān |
jātuvighnairnabādhyeta pāpebhyopi prahīyate || 18 ||
[Analyze grammar]

ityuktvā devadevopi mahotsavitamānasaḥ |
kṛtābhiṣeko brahmādyaistebhyo dattvābhivāṃchitam || 19 ||
[Analyze grammar]

saṃprasādya yathāyogaṃ sarvānucita caṃcuraḥ |
aviśadrājasadanaṃ viśvakarmavinirmitam || 120 ||
[Analyze grammar]

skaṃda uvāca |
evaṃ stuto bhagavatā devadevena vighnajit |
itthaṃ ca bahudhātmānaṃ sa cakāra vināyakaḥ || 21 ||
[Analyze grammar]

etāni tasya nāmāni ḍhuṃḍhirājasya kuṃbhaja |
japitvā yāni manujo lapsyate nijavāṃchitam || 22 ||
[Analyze grammar]

anyepi tatra vai bhedāstasya ḍhuṃḍhergaṇeśituḥ |
bhaktaiḥ samarcitā bhaktyā hyasaṃkhyātāḥ sahasraśaḥ || 23 ||
[Analyze grammar]

bhagīrathagaṇādhyakṣo hariścaṃdravināyakaḥ |
kapardākhyo gaṇapatistathā biṃduvināyakaḥ || 24 ||
[Analyze grammar]

ityādyāstatra vighneśāḥ pratibhaktapratiṣṭhitāḥ |
teṣāmapyarcanātpuṃsāṃ jāyaṃte sarvasaṃpadaḥ || 25 ||
[Analyze grammar]

śrutvādhyāyamimaṃ puṇyaṃ naraḥ śraddhāsamanvitaḥ |
sarvavighnānsamutsṛjya labhate vāṃchitaṃ padam || 126 ||
[Analyze grammar]

iti śrīskāṃde mahāpurāṇa ekāśīti sāhasryāṃ saṃhitāyāṃ caturthe kāśīkhaṃḍe uttarārddhe ḍhuṃḍhivināyakaprādurbhāvo nāma saptapaṃcāśattamo'dhyāyaḥ || 57 ||
[Analyze grammar]

Other print editions:

Also see the following print editions of the Sanskrit text or (alternative) English translations of the Skandapurana Chapter 7

Cover of edition (2007)

The Skanda-Purana
by G. V. Tagare (2007)

(23 Volumes) - Motilal Banarsidass Publishers Pvt. Ltd.

Buy now!
Cover of edition (2016)

Skanda Purana (Hindi Translation)
by S. N. Khandelwal (2016)

(Set of 10 Books) - Chowkhamba Sanskrit Series Office

Buy now!
Cover of Bengali edition

Skanda Purana in Bengali
by Navabharat Publishers, Kolkata (0)

স্কন্ধ পুরাণম: - (Set of 7 Volumes)

Buy now!
Cover of edition (0)

Skanda Purana in Kannada
by Vandana Book House, Bangalore (0)

ಶ್ರೀ ಸ್ಕಾಂದ ಮಹಾಪುರಣಂ: (Set of 25 Volumes)

Buy now!
Cover of Gujarati edition

Skanda Mahapurana (Gujarati)
by Sahitya Sangam, Ahemdabad (2017)

સ્કંદ મહાપુરાણ: (Condensed/Summary)

Buy now!
Cover of edition (2015)

Shri Skanda purana (Malayalam)
by M.P. Pillai kaniyanthara (2015)

(Condensed/Summary) - Devi Book Stall, Kodungallur

Buy now!
Like what you read? Consider supporting this website: