Chapter 49

[English text for this chapter is available]

sūta uvāca |
pārāśaryamune vyāsa kumāraḥ kuṃbhajanmane |
yadāvadatkathāmetāṃ tadā kva drupadātmajā || 1 ||
[Analyze grammar]

vyāsa uvāca |
purāṇasaṃhitāṃ sūta brūte traikālikīṃ kathām |
saṃdeho nātra kartavyo yatastadgocarokhilam || 2 ||
[Analyze grammar]

skaṃda uvāca |
ākarṇaya mune pūrvaṃ paṃcavaktro haraḥ svayam |
pṛthivyāṃ paṃcadhā bhūtvā prādurāsījjagaddhitaḥ || 3 ||
[Analyze grammar]

umāpi ca jagaddhātrī drupadasya mahībhujaḥ |
yajato vahnikuṃḍācca prāduścakreti suṃdarī || 4 ||
[Analyze grammar]

paṃcāpi pāṃḍutanayāḥ sākṣādrudravapurdharāḥ |
avateruriha svargādduṣṭasaṃhārakārakāḥ || 5 ||
[Analyze grammar]

nārāyaṇopi kṛṣṇatvaṃ prāpya tatsāhacaryakṛt |
udvṛttavṛttaśamanaḥ sadvṛttasthitikārakaḥ || 6 ||
[Analyze grammar]

pratapaṃtaḥ pṛthivyāṃ te pārthāśceruḥ pṛthakpṛthak |
udayānudayau tasminsaṃpadāṃ vipadāmapi || 7 ||
[Analyze grammar]

kadācitte mahāvīrā bhrātṛvyapratipāditām |
vipattimāpya mahatīṃ babhūvuḥ kānanaukasaḥ || 8 ||
[Analyze grammar]

pāṃcālyapi ca tatpatnī pativyasanatāpitā |
dharmajñā prāpya tanvaṃgī bradhnamārādhayadbhṛśam || 9 ||
[Analyze grammar]

ārādhitotha savitā tayā drupadakanyayā |
sadarvī sapidhānāṃ ca sthālikāmakṣayāṃ dadau || 10 ||
[Analyze grammar]

uvāca ca prasannātmā bhāskaro drupadātmajām || 23 ||
[Analyze grammar]

ārādhayaṃtīṃ bhāvena sarvatra śucimānasām || 11 ||
[Analyze grammar]

sthālyaitayā mahābhāge yāvaṃto'nnārthino janāḥ |
tāvaṃtastṛptimāpsyaṃti yāvacca tvaṃ na bhokṣyase || 12 ||
[Analyze grammar]

bhuktāyāṃ tvayi riktaiṣā pūrṇabhaktā bhavipyati |
rasavadvyaṃjananidhiricchābhakṣyapradāyinī || 13 ||
[Analyze grammar]

itthaṃ varastayā labdhaḥ kāśyāmādityato mune |
aparaśca varo dattastasyai devena bhāsvatā || 14 ||
[Analyze grammar]

raviruvāca |
viśveśāddakṣiṇebhāge yo māṃ tvatpurataḥ sthitam |
ārādhayiṣyati naraḥ kṣudbādhā tasya naśyati || 15 ||
[Analyze grammar]

anyaśca me varo datto viśveśena pativrate |
tapasā parituṣṭena taṃ niśāmaya vacmi te || 16 ||
[Analyze grammar]

prāgrave tvāṃ samārādhya yo māṃ drakṣyati mānavaḥ |
tasya tvaṃ duḥkhatimiramapānuda nijaiḥ karaiḥ || 17 ||
[Analyze grammar]

ato dharmāpriye nityaṃ prāpya viśveśvarādvaram |
kāśīsthitānāṃ jaṃtūnāṃ nāśayāmyaghasaṃcayam || 18 ||
[Analyze grammar]

ye māmatra bhajiṣyaṃti mānavāḥ śraddhayānvitāḥ |
tvadvarodyatapāṇiṃ ca teṣāṃ dāsyāmi ciṃtitam || 19 ||
[Analyze grammar]

bhavatīṃ matsamīpasthāṃ yudhiṣṭhirapativratām |
viśveśāddakṣiṇebhāge daṃḍapāṇeḥ samīpataḥ || 20 ||
[Analyze grammar]

yercayiṣyaṃti bhāvena puruṣā vāstriyopi vā |
teṣāṃ kadācinno bhāvi bhayaṃ priyaviyogajam || 21 ||
[Analyze grammar]

na vyādhijaṃ bhayaṃ kvāpi na kṣuttṛḍdoṣasaṃbhavam |
draupadīkṣaṇataḥ kāśyāṃ tava dharmapriyenaghe || 22 ||
[Analyze grammar]

iti dattvā varāndeva ādityaḥ sarvadaḥ satām |
śaṃbhumārādhayāmāsa dharmaṃ draupadyupāyayau || 23 ||
[Analyze grammar]

ādityasya kathāmetāṃ draupadyārādhitasya vai |
yaḥ śroṣyati naro bhaktyā tasyainaḥ kṣayameṣyati || 24 ||
[Analyze grammar]

skaṃda uva |ca |
draupadādityamāhātmyaṃ saṃkṣepātkathitaṃ mayā |
mayūkhādityamāhātmyaṃ śṛṇvidānīṃ ghaṭodbhava |||| 25 ||
[Analyze grammar]

purā paṃcanade tīrthe triṣulokeṣu viśrute |
sahasraraśmirbhagavāṃstapastepe sudāruṇam || 26 ||
[Analyze grammar]

pratiṣṭhāpya mahāliṃgaṃ gabhastīśvara saṃjñitam |
gaurīṃ ca maṃgalā nāmnīṃ bhaktamaṃgaladāṃ sadā || 27 ||
[Analyze grammar]

divyavarṣasahasraṃ tu śatena guṇitaṃ mune |
ārādhayañśivaṃ somaṃ somārdhakṛtaśekharam || 28 ||
[Analyze grammar]

svarūpatastu tapanastrilokītāpanakṣamaḥ |
tatotitīvra tapasā jajvāla nitarāṃ mune || 29 ||
[Analyze grammar]

mayūkhaistatra savitustrailokyadahanakṣamaiḥ |
tataṃ samastaṃ tatkāle dyāvābhūmyoryadaṃtaram || 30 ||
[Analyze grammar]

vaimānikairviṣṇupade tatyaje ca gatāgatam |
tīvre pataṃgamahasi pataṃgatvabhayādiva || 31 ||
[Analyze grammar]

mayūkhā eva dṛśyaṃte tiryagūrdhvamadhopi ca |
ādityasya na cādityo nīpapuṣpasthiteriva || 32 ||
[Analyze grammar]

tasyavai mahasāṃ rāśestaporāśestaporciṣām |
cakaṃpe sādhvasāttīvrā trailokyaṃ sacarācaram || 33 ||
[Analyze grammar]

sūrya ātmāsya jagato vedeṣu paripaṭhyate |
sa eva cejvālayitā ko nastrātā bhavediha || 34 ||
[Analyze grammar]

jagaccakṣurasau sūryo jagadātmaiṣa bhāskaraḥ |
jagadyoyanmṛtaprāyaṃ prātaḥprātaḥ prabodhayet || 35 ||
[Analyze grammar]

tamoṃdhakūpapatitamudyanneṣa dinedine |
prasārya paritaḥ pāṇīnprāṇijātaṃ samuddharet || 36 ||
[Analyze grammar]

udite'trodimo nityamastaṃ yātyastamāpnumaḥ |
udaye'nudaye tasmādasmākaṃ kāraṇaṃ raviḥ || 37 ||
[Analyze grammar]

iti vyākulitaṃ viśvaṃ paśyanviśveśvaraḥ svayam |
viśvatrātā varaṃ dātuṃ saṃjagme tigmaraśmaye || 38 ||
[Analyze grammar]

mayūkhamālinaṃ śaṃbhurālokyāti suniścalam |
samādhi vismṛtātmānaṃ visismāya tapaḥ prati || 39 ||
[Analyze grammar]

uvāca ca prasannātmā śrīkaṃṭhaḥ praṇatārtihṛt |
alaṃ taptvā varaṃ brūhi dyumaṇe mahasāṃ nidhe || 40 ||
[Analyze grammar]

niruddheṃdriyavṛttitvādbradhno dhyānasamādhinā |
na jagrāha vacaḥ śaṃbhordvitriruktopyakarṇavat || 41 ||
[Analyze grammar]

kāṣṭhībhūtaṃ tu taṃ jñātvā śivaḥ pasparśa pāṇinā |
mahātapaḥ samudbhūta saṃtāpāmṛtavarṣiṇā || 42 ||
[Analyze grammar]

tata unmīlayāṃcakre locane viśvalocanaḥ |
tasyodayamiva prāpya prage paṃkajinīvanī || 43 ||
[Analyze grammar]

parivyapetasaṃtāpastapanaḥ sparśanādvibhoḥ |
avagrahitasasyaśrīrullalāsa yathāṃbudāt || 44 ||
[Analyze grammar]

mitro netrātithīkṛtya tryakṣaṃ pratyakṣamagrataḥ |
daṃḍavatpraṇanāmoccaistuṣṭāva ca pinākinam || 45 ||
[Analyze grammar]

raviruvāca |
devadeva jagatāṃpate vibho bharga bhīma bhava caṃdrabhūṣaṇa |
bhūtanātha bhavabhītihāraka tvāṃ natosmi natavāṃchitaprada || 46 ||
[Analyze grammar]

caṃdracūḍamṛḍa dhūrjaṭe hara tryakṣa dakṣa śatataṃtuśātana |
śāṃtaśāśvata śivāpate śiva tvāṃ natosmi natavāṃchitaprada || 47 ||
[Analyze grammar]

nīlalohita samīhitārtha dahe dvyekalocana virūpalocana |
vyomakeśapaśupāśanāśana tvāṃ natosmi natavāṃchitaprada || 48 ||
[Analyze grammar]

vāmadevaśitikaṃṭhaśūlabhṛccaṃdraśekhara phaṇīṃdrabhūṣaṇa |
kāmakṛtpaśupate maheśvara tvāṃ natosmi natavāṃchitaprada || 49 ||
[Analyze grammar]

tryaṃbaka tripurasūdaneśvara trāṇakṛttrinayanatrayīmaya |
kālakūṭa dalanāṃtakāṃtaka tvāṃ natosmi natavāṃchitaprada || 50 ||
[Analyze grammar]

śarvarīrahitaśarvasarvagasvargamārgasukhadāpavargada |
aṃdhakāsuraripo kapardabhṛttvāṃ natosmi natavāṃchitaprada || 51 ||
[Analyze grammar]

śaṃkarogragirijāpate pate viśvanāthavidhiviṣṇu saṃstuta |
vedavedyaviditā'khileṃgi tatvāṃ natosmi natavāṃchitaprada || 52 ||
[Analyze grammar]

viśvarūpapararūpa varjitabrahmajihmarahitāmṛtaprada |
vāṅamanoviṣayadūradūragatvāṃ natosmi natavāṃchitaprada || 53 ||
[Analyze grammar]

itthaṃ parītya mārtaṃḍo mṛḍaṃ devaṃ mṛḍānikām |
atha tuṣṭāva prītātmā śivavāmārdhahāriṇīm || 54 ||
[Analyze grammar]

raviruvāca |
devi tvadīyacaraṇāṃbujareṇugaurīṃ bhālasthalīṃ vahati yaḥ praṇatipravīṇaḥ |
janmāṃtarepi rajanīkaracārulekhā tāṃ gaurayatyatitarāṃ kila tasya puṃsaḥ || 55 ||
[Analyze grammar]

śrīmaṃgale sakalamaṃgalajanmabhūme śrīmaṃgale sakalakalmaṣatūlavahne |
śrīmaṃgale sakaladānavadarpahaṃtri śrīmaṃgale'khilamidaṃ paripāhi viśvam || 56 ||
[Analyze grammar]

viśveśvari tvamasi viśvajanasya kartrī tvaṃ pālayitryasi tathā pralayepihaṃtrī |
tvannāmakīrtanasamullasadacchapuṇyā srotasvinī harati pātakakūlavṛkṣān || 57 ||
[Analyze grammar]

mātarbhavāni bhavatī bhavatīvraduḥkhasaṃbhārahāriṇi śaraṇyamihāsti nānyā |
dhanyāsta eva bhuvaneṣu ta eva mānyā yeṣu sphurettavaśubhaḥ karuṇākaṭākṣaḥ || 58 ||
[Analyze grammar]

ye tvā smaraṃti satataṃ sahajaprakāśāṃ kāśīpurīsthitimatīṃ natamokṣalakṣmīm |
tānsaṃsmaretsmaraharo dhṛtaśuddhabuddhīnnirvāṇarakṣaṇavicakṣaṇapātrabhūtān || 59 ||
[Analyze grammar]

mātastavāṃghriyugalaṃ vimalaṃ hṛdisthaṃ yasyāsti tasya bhuvanaṃ sakalaṃ karastham |
yo nāmateja eti maṃgalagauri nityaṃ siddhyaṣṭakaṃ na parimuṃcati tasya geham || 60 ||
[Analyze grammar]

tvaṃ devi vedajananī praṇavasvarūpā gāyatryasi tvamasi vai dvijakāmadhenuḥ |
tvaṃ vyāhṛtitrayamihā'khilakarmasiddhyai svāhāsvadhāsi sumanaḥ pitṛtṛptihetuḥ || 61 ||
[Analyze grammar]

gauri tvameva śaśimaulini vedhasi tvaṃ sāvitryasi tvamasi cakriṇi cārulakṣmīḥ |
kāśyāṃ tvamasyamalarūpiṇi mokṣalakṣmīstvaṃ me śaraṇyamiha maṃgalagauri mātaḥ || 62 ||
[Analyze grammar]

stutveti tāṃ smaraharārdhaśarīraśobhāṃ śrīmaṃgalāṣṭaka mahāstavanena bhānuḥ |
devīṃ ca devamasakṛtparitaḥ praṇamya tūṣṇīṃ babhūva savitā śivayoḥ purastāt || 63 ||
[Analyze grammar]

devadeva uvāca |
uttiṣṭhottiṣṭha bhadraṃ te prasannosmi mahāmate |
mitramannetrago nityaṃ prapaśye taccarācaram || 64 ||
[Analyze grammar]

mama mūrtirbhavānsūrya sarvajño bhava sarvagaḥ |
sarveṣāṃ mahasāṃ rāśiḥ sarveṣāṃ sarvakarmavit || 65 ||
[Analyze grammar]

sarveṣāṃ sarvaduḥkhāni bhaktānāṃ tvaṃ nirākuru |
tvayā nāmnāṃ catuḥṣaṣṭyā yadaṣṭakamudīritam || 66 ||
[Analyze grammar]

anena māṃ pariṣṭutya naro madbhaktimāpsyati |
aṣṭakaṃ maṃgalāgauryā maṃgalāṣṭakasaṃjñakam || 67 ||
[Analyze grammar]

anena maṃgalāgaurīṃ stutvā maṃgalamāpsyati |
catuḥṣaṣṭyaṣṭakaṃ stotraṃ maṃgalāṣṭakameva ca || 68 ||
[Analyze grammar]

etatstotravaraṃ puṇyaṃ sarvapātakanāśanam |
dūradeśāṃtarasthopi japannityaṃ narottamaḥ || 69 ||
[Analyze grammar]

trisaṃdhyaṃ pariśuddhātmā kāśīṃ prāpsyati durlabhām |
anena stotrayugmena japtena pratyahaṃ nṛbhiḥ || 70 ||
[Analyze grammar]

dhruvadainaṃdinaṃ pāpaṃ kṣālitaṃ nātra saṃśayaḥ |
na tasya dehino dehe jātu citkilbiṣasthitiḥ || 71 ||
[Analyze grammar]

trikālaṃ yojayennityametatstotradvayaṃśubham |
kiṃjaptairbahubhiḥ stotraiścaṃcalaśrīpradairnṛṇām || 72 ||
[Analyze grammar]

etatstotradvayaṃ dadyātkāśyāṃ naiḥśreyasīṃ śriyam |
tasmātsarvaprayatnena mānavairmokṣakāṃkṣibhiḥ || 73 ||
[Analyze grammar]

etatstotradvayaṃ japyaṃ tyaktvā stotrāṇyanekaśaḥ |
prapaṃca āvayoreva sarva eṣa carācaraḥ || 74 ||
[Analyze grammar]

tadāvayoḥstavādasmānniṣprapaṃco jano bhavet |
samṛddhimāpya mahatīṃ putrapautravatīmiha || 75 ||
[Analyze grammar]

aṃte nirvāṇamāpnoti japanstotramidaṃ naraḥ |
anyacca śṛṇu saptāśva graharāja divākara || 76 ||
[Analyze grammar]

tvayā pratiṣṭhitaṃ liṃgaṃ gabhastīśvarasaṃjñitam |
sevitaṃ bhaktibhāvena sarvasiddhisamarpakam || 77 ||
[Analyze grammar]

tvayā gabhastimālābhiścāṃpeyāṃbujakāṃtibhiḥ |
yadarcitvaiśvaraṃ liṃgaṃ sarvabhāvena bhāskara || 78 ||
[Analyze grammar]

gabhastīśvara ityākhyāṃ tato liṃgamavāpsyati |
arcayitvā gabhastīśaṃ snātvā paṃcanade naraḥ || 79 ||
[Analyze grammar]

na jātu jāyate māturjaṭhare dhūtakalmaṣaḥ |
imāṃ ca maṃgalāgaurīṃ nārī vā puruṣopi vā || 80 ||
[Analyze grammar]

caitraśuklatṛtīyāyāmupoṣaṇaparāyaṇaḥ |
mahopacāraiḥ saṃpūjya dukūlābharaṇādibhiḥ || 81 ||
[Analyze grammar]

rātrau jāgaraṇaṃ kṛtvā gītanṛtyakathādibhiḥ |
prātaḥ kumārīḥ saṃpūjya dvādaśācchādanādibhiḥ || 82 ||
[Analyze grammar]

saṃbhojyaparamānnādyairdattvānyebhyopi dakṣiṇām |
homaṃ kṛtvā vidhānena jātavedasa ityṛcā || 83 ||
[Analyze grammar]

aṣṭottaraśatābhiśca tilājyāhutibhiḥ prage |
ekaṃ gomithunaṃ dattvā brāhmaṇāya kuṭuṃbine || 84 ||
[Analyze grammar]

śraddhayā samalaṃkṛtya bhūṣaṇairdvijadaṃpatī |
bhojayitvā mahārhānnaiḥ prīyetāṃ maṃgaleśvarau || 85 ||
[Analyze grammar]

iti maṃtraṃ samuccārya prātaḥ kṛtvātha pāraṇam |
na durbhagatvamāpnoti na dāridryaṃ kadācana || 86 ||
[Analyze grammar]

na vai saṃtānavicchittiṃ bhogocchittiṃ na jātucit |
strī vaidhavyaṃ na cāpnoti na nāyoṣidviyogabhāk || 87 ||
[Analyze grammar]

pāpāni vilayaṃ yāṃti puṇyarāśiśca labhyate |
api vaṃdhyā prasūyeta kṛtvaitanmaṃgalāvratam || 88 ||
[Analyze grammar]

etadvratasya karaṇātkurūpatvaṃ na jātucit |
kumārī viṃdatetyaṃtaṃ guṇarūpayutaṃ patim || 89 ||
[Analyze grammar]

kumāropi vrataṃ kṛtvā viṃdati striyamuttamām |
saṃti vratāni bahuśo dhanakāmapradāni ca || 90 ||
[Analyze grammar]

nāpnuyurjātucittāni maṃgalāvratatulyatām |
kartavyā cābdikī yātrā madhau tasyāṃ tithau naraiḥ || 91 ||
[Analyze grammar]

sarvavighnapraśāṃtyarthaṃ sadā kāśīnivāsibhiḥ |
aparaṃ dyumaṇe vacmi tava cātra tapasyataḥ || 92 ||
[Analyze grammar]

mayūkhā eva khe dṛṣṭā na ca dṛṣṭaṃ kalevaram |
mayūkhāditya ityākhyā tataste ditinaṃdana || 93 ||
[Analyze grammar]

tvadarcanānnṛṇāṃ kaścinna vyādhiḥ prabhaviṣyati |
bhaviṣyati na dāridryaṃ ravivāre tvadīkṣaṇāt || 94 ||
[Analyze grammar]

itthaṃ mayūkhādityasya śivo dattvā bahūnvarān |
tatraivāṃtarhito bhūto ravistatraiva tasthivān || 95 ||
[Analyze grammar]

śrutvākhyānamidaṃ puṇyaṃ mayūkhādityasaṃśrayam |
draupadādityasahitaṃ naro na nirayaṃ vrajet || 96 ||
[Analyze grammar]

iti śrīskāṃde mahāpurāṇa ekāśītisāhasryāṃ saṃhitāyāṃ caturthe kāśīkhaṇḍe pūrvārddhe draupadādityamayūkhādityayorvarṇanaṃ nāmaikonapaṃcāśattamodhyāyaḥ || 49 ||
[Analyze grammar]